رابطة امهات واطفال مصر لشهر جماد ثان

katkooota_7aboooba ام حــور;15063140:
الاتنين يا شهيده
فى بيت عيله وهو ماسك شغل اخواته كلهم مشتركين فيه بس واحد بس هو الى بيشتغل معاه ولسه مش متجوز
هو مش بيدينى مصروف
بس مش بيقصر فى حقى ولا حق حور
بس حماتى المصون اى حاجه نجبها زياده تقول ايه لزمتها الفلوس اولى


اقولكم على سر
انا النهارده بفكر فى الطلاق
استحملت حماتى كتير
ومرضتش ادخل اهلى ولا اعرفهم حاجه
باعو دهبى وانا لسه عروسه
مع ان مراتتهم معاهم دهب باكتر من 20 الف
بس ميقدروش يبيعوه عشان هما قرايب واهلهم هيتكلمو


انا مش عارفه اتكلم
عيونى وجعتنى من العياط
بجد تعبانه

مدخليش الامور ف بعضهاااااااااااا

واهدى بس شوية وصلى ركعتين واكلمى معاة براحة
وفكرى كوييييس ف اى تصرف تاخدية واى كلام تقولية
ربنا ييسرلك الخير يااااارب

هدى نفسك يا نجاه
معلش يا بنتى ده عادى جدا بيحصل لكل اللى ظروفهم زيك
كريش التفكير ده
وطالما بيعك دهبك اطلبيه منه لو كانت ظروفه اتحسنت قوليله ده دهبي وبعته علشانك بس انا عايزاه
وده حقك واى حاجه بتاعتك متتنازليش عنها الا بوعد منه وياريت يكون كتابي منه انه هيرجعهولك علشان تضمنى حقك خصوصا مع تداخل الامور في العيله

بس بجد فكرى في فكرة انك تعمليه عند مامتك
طبعا اعرضي عليها ولو مرحبه قوليلهم ان مامتك عايزاه عندها واهو محدش عارف مين صرف ومين مصرفش

معلش يا بنات تقلت عليكم
انا مش هتكلم معاه غير لما يبدأ هو
لازم يحس بقيمتى
انا اتنازلت كتير عشانه واستحملت عشانه
مش عشان حاجه هايفه يكبرها كده وميكلمنيش
مضايقه اوى انه زعلان
ونفسى اصالحه
بس لو صالحته المرادى هحس ان فى حاجه جوايا من ناحيته

نوجا ربنا معاكي يارب انا شايفه فكرة شهيده حلوه انك تعمليه عند مامتك
وربنا يهدي سرك يارب

يمكن يا مها اكون دخلت الامور فى بعضها
بس لانى مش لاقيه حد اتكلم معاه
لو كلمت ماما
هتقلق عليا وهى عندها السكر والضغط
واخواتى متجوزين ومش ناقصين يشيلوا همى
والى مش متجوزين صغيرين


بجد انا اسفه
يمكن مكنش ينفع اتكلم هنا ولا اقول كده
انا اسفه

متشكرة يا ايمى على الدعوة






يارب فرج همى

ليه يا نوجا بتقولي كده احنا مالناش غير بعض وبنحب نفضفض هنا
اصل الواحده لو مش طلعت اللي جواها هتنفجر
ربنا معاكي يارب


انا زوجي جه هقوم وابقى اكلمكو لما اروح لماما

مش عارفا اقولك اية يانوجة
انا مريت بنفس اللى بتقولى علية واكتررررررر
ربنا يهديهممممممم

ربنا يخليكى يا ايمى
انا والله حاسه انكم اخواتى
وكنت فعلا هطق من قله الكلام
وخصوصا ان هو كمان مش بيكلمنى

متتاسفيش ولا تقولى كدة
احنا هنا بنفضفض لبعض

وانا مقصدش اقفل معاكى والله
بس بقولك الحاجات دى متتحلش بكلام ولا انتى لوحدك اللى هتعرفى تحليها وف نفس الوقت بتقولى ما ينفعش تقولى لمامتك
ربنا يفرج همك يااارب انتى وانا والمسلمين جميعااااااا

ماشى يايمى سلام
وسلميلى ع شارعنا وبيت ماما كتير وحشنى
ههههههههههههه

ميرسى لكل الى رد عليا ربنا يطمنكم ياااااااارب ويار بخير ان شاء الله اصل اكمنى خبيت على مامتها ان الوقعة جامدة فدة محسسنى بالذنب ربنا يستر
ام حور استهدى يا بنتى كدة وروقى الرجالة كلها كدة وبعدين اكيد هو بياخد زى مرتب او نسبة من الفلوس دى مش كلها سايحة كدة وفكرى ممكن تعملية باكتر من طريقة مش مكلفة واخرة العيد ميلاد كام اساسا مش هيعدى ال500 ج اصلاااا لو ظبطية كويس فكرى كدة تانى ولو مش عايزة تصالحية خلاص براحتك عشان بس متبقيش بتضغطى على نفسك مشكلة الرجالة انهم على حسب ما تتعودى يعنى لو اتعودى تتنازلى يبق هتتنازلى على طول وبيعتبروا ان دة حق مكتسب فاهمة ولو جيتى مرة وقولتى لا بيقلبوا زى جوزك كدة هو العيد ميلاد امتى بالظبط لو لسة شوية سيبية يومين كدة ومتجبيش سيرة الموضوع تانى لحد ما يهدى
وممكن بردو تفكرى تعملى كل حاجة فى البيت وفى طرق كتيييييييييييير اوى وهيطلع زى الفل ان شاء الله
وكل سنة ورورو بخير عقبال 10000 سنة

هو مش وحش والله
وانا بحبه اوى
بس حماتى
بجد صعبه اوى
وعشان انا تعليمى اعلى منه واعلى منهم كلهم لان مفيش حد من مراتتات اخواته متعلم اصلا
ولانى مش من العيله زى ماهما كلهم عيله جوا بعض
بحس انها بتقفلى على الواحده
اقسم بالله بعاملها بما يرضى الله
زى امى واكتر كمان
بتتريق على كل حاجه واى حاجه
حتى نقابى بتتكلم عليه ومش عاجبها انى لبساه
ويوم ما قلتلها لو طلبتى منى حاجه وانا معملتهاش ابقى ساعتها قولى ان النقاب مش بيخليها تخدمنى
قومت الدنيا ومقعدتهاش
دى بترد عليا دى مش مؤدبه
وسكتت ومردتش عليها عشان هو باس راسى وقالى حقك عليا انا

والله بحبه
بس مخنوقه
اعمل ايه ياربى
مش عارفه ارضع حور بسبب عياطى
مش عارفه ليه بقى قاسى كده

ربنا يخليهولك ويحفظهولك

وبدام عملك كرامة واحترام ف وسط عيلتة واهلة

يبقى ما يهمكيش اى حد تانى بعد كدة
صدقينى دى نعممممة والله

مدام اشرى متشكرة اوى على دعواتك ونصايحك
انا هحاول اعمله بتكاليف اقل
مع انهم عملوا اكتر بكتير
بس مش مشكله
باذن الله مش هاخد منه فلوس تانى
وهعمله
وحلو كمان


دلوقتى مش مشكله عيد ميلاد

لا خالص
المشكله انه عامل زعلان
ومش بيكلمنى
فهمتونى

استهدى باللللللللللللللللله يا ام حووووور
حرام عليكى والله والله وبطلى عياط عشان الزعل وحش على اللبن واكلى البت حرام عليكى
خلاص اديكى بتقولى انة كويس ولو على حماتك ييييييييييوة ياما بيحصل اكتر من كدة فوتى اى كلمة تقولها دخلى من هنا وخرجى من الناحية التانية ومترديش عليها ولا بأدب ولا بالت ادب وبردو اعلمى الى فى دماغك والى فى مصلحة بيتك عارفة لو كانت اختة مثلا هى الى بتعاملك وحش كنت هقولك اديها فوق دماغها لكن مامتة نوووووووووووو ميصحش بصراحة واستحمليها عشان خاطر جوزك لحد ما ربنا يهديهالك وتكسبيهااا

ودلوقتى انتى عشان زعلانة منة فاكرالة الوحش لكن بصراحة ممكن يكون معذور بصيلة من ناحية تانية اكيد هو عارف اخواتة كويس وعارف انهم هيتكلموا وهو حاسس بالمسئولية وان دى امانة تفكيرة كدة وفى نفس الوقت شايف ان عيد الميلاد دة تفاهة وهيافة وشم ضرورى والجو دة فاهمة اهدى كدة وبصى للموضوع من ناحية تانية والله هتلاقية بسييييييييييييط
وبردو مش تكلمية ادلعى علية يومين كدة خلية يرجع النهاردة يلاقيكى موزة والبسى لبس حلو وظبطى الاكل وبينيلة انك صرفتى نظر وانة مش فارق معاكى الموضوع دة وبردو مش تكلمية

وبعدين يا بت انتى يابت انتى يا بت امبارح جاية تسالينا بفكر ابق حامل ادخل النهاردة الاقيكى بتقولى اطلق
ههههههههههههههههههههههههههههههههههههههههههههههه
هبلة صح
اضحكى يا ست اضحكى والله الحر هو لاى عامل فينا كدة اساسا كبرى دماغك وافرحى ببنوتك اكييد عسووووولة زيك

نداااااااااااااااااء عاااااجل ياام حوور بطلى عياط واكلى بنتك

من ساعة ما سمعت اسمك وانا جت ف بالى ع طول اغنية نجاة حمد لله ع السلامة معرفش لية والله
هههههههههههههههههههه

هيييييييييييييية بقيت عضو ة م تمييييييييزة

ربنا يخليكى بجد ضحكتينى

انا قلت اكيد هيجى بكرة من الشغل ويكلمنى عادى
لكن دخل ولا عبرنى
فده حرق دمى
عارفه والله اخواته الصبيان بلاقيهم بيقولولو انت ياعم يابختك بمراتك مدلعاك على الاخر
انا الحمد لله مش مهمله فى نفسى خالص
حتى لما حور جت والله





انا فعلا نفسى احمل
مش بقولك بحبه

بعدين الشيطان ابن ................
هو الى خلانى افكر فى الطلاق النهارده
هقوم اصلى العصر وارجعلكم