ميااااااده;14913961:
عارفه انا جربت غسول غارنيه الاخضر طلع زى الزفت ومش بينضف المكياج كويس
بس نفسي اجرب مزيل المكياج الكريم واماندا كان في بنوته هنا اسمها هنوده جبته ب
ب 45جنيه برضه تقريبا عند انوش ارخص
الف سلامه عليكى يا انوش يارب تقومى بالسلامه
الله يسلمك ياميادة ويبعد عنك كل شر
ولو جبتي مزيل المكياج هاتي السائل مش اللوشن
لان السائل بيناسب تستخدميه لعيونك وبشرتك ومش هتحسي باي غيامه او حرقان نهائي حتى لو مسحتي الكحل والماسكرا من جوا العين
انما اللوشن مش هينفع تستخدميه لعيونك صعب انا جبته وجربته مقدرتش احطه جوا عيني
وبالنسبة للغسول انا كنت هجربه بس على فكرة مفيش غسول استخدمته لوحده وشال المكياج لااااازم الاول امسح بمزيل مكياج وبعدين استخدم الغسول
طيب ياميادة بما انك مجرباه هو في عيوب تانية غير انه مش بيشيل المكياج ؟
وبالنسبة الموس فاونديشن بتاع اماندا بتاعي شيلته لان بشرتي مش متقبلاه حاليا
بسبب البرد وقبلها كنت بستخدم لوشن من ايفون لتقشير البشرة فا لما كنت احطه احس في خرايط في وشي مكان القشور فا شيلته وقلت اخليه لحر الصيف ودلوقت بستخدم السائل بتاع جوردانا بحطه فوق اي مرطب ومش بيبان القشور :thumbs_up:F:
kanzy1;14914180:
انووووووووووووش سلامتك حبيبتى
وربنا يشفيكى يا قمر من البرد
الله يسلمك ياحبيبتي ويبعد عنك كل شر
المزيل بتاع جارنييه لو جبتيه هاتي السائل اللي ببذور العنب هيعجبك جدااااا
وهو ميختلفش عن برجوا او لوريال في حاجة لطيف اوي ومش بيحرق لا العيون ولا البشرة
وبالنسبة لمنتجات الكولاجين بلاش تستخدميها قبل سن ال 30
لان بشرتك اصلا بتنتج كولاجين طبيعي لما انتي تديها هتبطل تفرز الكولاجين الطبيعي وهتعتمد على انك بتمديها بيه في هيئه كريمات لكن بعد سن ال 30 بتبدأ البشرة تفرز كولاجين ولكن بنسب اقل من المعتاد وكل ما بيمر العمر بيقل نسبة افراز الكولاجين وبتالي لما انتي تستخدمي منتجات كولاجين يبقى اكنك بتساعدي بشرتك انها تستمد الكمية اللي مفتقداها واللي مبقتش تفرزها بشكل طبيعي F::)
nado44;14915426:
ربنا يشفيكي حبيبتي كل الناس الفترة دي عندها برد ابقي طمنيني عليكي يا جمييييييييييل
بناااااااااااات انا جربت سكراب اصالة تاني النهردة ونفع معايا اوي بجد تحفة تقريبا انا استخدمته غلط اول مرة بس عارفين وشي نور فعلا يارب يدوووم علي كدة ويتظبط
هو مكتوب عليه يستخدم من مرتين ل3 ايه رأيكوا ولا كدة كتير يعني استخدمه كام مرة في الاسبوووووووووووووع
وبالنسبة لغسول غارنيه للعين انا جبته وجميل جدا برضو
ولا التونر بتاع نيفيا فيزااااااااااااج تحفة من الاخر بجد بحسه بيرطب كده اوووووووووي جميل فعلا ومبيحرقش زي تونر الفقرية الست ايفون دي قولولي انا هستخدمه مرتين يوميا مرة بعد ماصحي بعد ماغسل وشي ومرة تانية قبل مانام ايه رأيكوا
وصحيح هو الغسول بتاع نيفيا فيزاج جل كدة ومش مكتوب عليه للبشرة الدهنية ولا ايه اصل ده اللي لقيته ولقيته ب32 ايه رأيكوا
بنااااااااات انا لقيت المشاركة دي في منتدي تاني ممكن تدوني ارائكم اعمل كدة ولا بلاش غلط
الله يخليكي ياحبيبتي ويبعد عنك كل شر
الاسكرب انا بستخدمه مرتين اسبوعيا كفاية عليه
ومبروك عليكي نتايج الاسكرب ومزيل جارنييه وتونر نيفيا
الحمدلله ان الحجات عجبتك وتتهني بيهم ان شاءالله
وحلو تستخدمي التونر مرتين صبح وبليل
ولما تكوني راجعه من برا بردو استخدميه عشان لو في اي اتربه او بكتيريا فالوش يشيلاها
وبالنسبة للغسول هي اسعار النيفيا عندنا نفس الريجنات بردو بس احيانا كارفور بيعمل عليها عروض ان شاءالله لما يعملها عندنا هجيب بتاع مجموعة البشرة الدهنية
بالنسبة للمشاركة الاخرانية بتاعة التقشير
انا كان ليا واحده صاحبتي فالمدرسة اختها بتشتغل في صيدلية وكانت بتجيبلها كريم تقشير وبتعمله لنفسها فالبيت على فترات مره كل 6 شهور مثلا وكانت بتقولي النتايج حلوة بس بيني وبينك انا اخاف اعمله لان اللي اعرفه ان المفروض بيتخلط بنسب معينة مع الكريم المرطب ولو اتعرضتي للشمس هيعمل حروق ولازم متابعة لدكتور عشان يقولك عالخطوات الصح .. البت صاحبتي دي اكمنها عملته مره واتنين قلبها بئه جامد وبتعمله لنفسها بس انا مقدرش اخاف لو بشرتي اتحرقت محدش هيرجعهالي ههههههههه
بس للايد مممم ممكن اجربه او اسأل الدكتور الصيدلي لان الايد مقدور عليها مش زي الوش :D
وانا بئالي بتاع 4 ايام بحط من خلطة الجليسوليد اه صحيح مش انا جبت جليسوليد وشوية مشتريات كده هبئه اوريهالكم ان شاءالله لما افوق من اللي فيا
المهم بليل بحط منها وادلك ايدي كويس وبعدين البس جوانتي نايلون اللي بيجي مع الصبغات دا اول لما بلبسه بعدها بدقايق الاقي ايدي عرقت خالص وبنام بيه لحد الصبح
اي نعم مشوفتش لسه نتايج فالتفتيح بس مستبشرة الخير ان شاءالله انا وراها والزمن طويل عشان اللي يشوف كف ايدي والمعصم يجيله ذهول بجد المنظر غير طبيعي المعصم وباقي جسمي ابيض خمري في لون منى زكي كده وكف الايد مسود شوية شوية هيقلب على ايد راجل ههههههههه ونفس الكلام بردو على وش رجلي بس انا عاملة حملة على ايدي الاول وبعدين اشوف حكاية رجلي دي :lol:F:
