تجمع بنات مصر لشهر جمادي الأول 1432ه للاستفسارت عن الميك اب

little duck;14874559:
انا جربت الاتين بس بصراحه اصاله احللللى كتيييييييير ... بحس اصاله انو سكرب طبيعى وفعااااااااال :D.. ستيفز بردو مش وحش بس هو اخف من اصاله.. كده حسيته عامل زى سكرب ايزى بالمشمش وده اخره معايا بستخدمو لايدى
صوره سكرب اصاله اهى يا جميييل

شكرا يا جميييل

أنوش;14875019:
صورة ستيفز اهي



وانا مجرباه ومش عاجبني حساه عااااادي مش بيعمل اكتر من التنضيف وبيفكرني بسكرب ايزي اللي بالمشمش ودا شكله



بتاع اصاله مختلف تماما بينور الوش وبيخلي ملمسه ممتاز وهو نوعين في الاسكرب العادي وفي الاسكترا والاكسترا هو هو تركيبة العادي بس مضاف عليه منتول اللي هو المادة النعناع اللي بتنعش البشرة :thumbs_up:

التونرات انا مجربتش من نيفيا بس اللي متاكده منه انها ماركة لطيفة جدا ومنتجاتها بتشبه اوبتمالز اوريفليم وميادة مجربة الاتنين وهي تأكدلك الكلام دا
انا بعرف التونر اللي فيه كحول لما بحطه فالتلاجه واجي استخدمه ريحة الكحول بتبقى نفاذة اوي وباينة وتخليني اكح على طول لكن بتاع اوريفليم محستش فيه بكمية الكحول دي وحتى مكنش بيخليني اكح لان انا صدري بيتحسس بسرعة

كريم جارنييه انا لما جبته معملش اي حاجة فا ملهوش لازمه انتي بس حطي اللمون واستخدميه كده وان شاءالله هيفيدك

جاري البحث مرة اخري عن سكراب اصالة مش لاقياه خاااالص بس يارب وفقني فيييه
انا ضفت الليمون وجميل اوي بقي يا انوش وقربت احس بتحسن والله يارب خير

ميااااااده;14876807:
بصي يا حبيبتى انا جربت غسول وتونر نيفيا فيزاج للبشره الدهنيه و تونر وغسول اوبتمالز من اوريفليم
انا شايفه ان الاتنين في التونرات نفس المستوى بس غسول نيفيا فيه شوى حبيبات و اوريفليم جل خالص
بالنسبه لتونر نيفيا هو ممتاز بس يبقي افضل لو الغسول بالتونر لان الاتنين بيكملوا بعض
وهو عامل زى تونر اوريفليم مش بيدهنن البشره وبيرطب ويصفي وبيحسن من مظهر المسام
بس التونر سواء نيفيا او اوريفليم الاتنين مش حاميين على البشره فا الاتنين بالنسبالى في مستوى بعض بس زى ما قولتلك تونر نفيا مش بينضف يعنى مش تكونى حطه مكياج وعاوزه تشليه او تعملى تنظيف لبشرتك وتمسحى بيه هو استخدامه بعد الغسول للتنقيه وغلق المسام وتحسين مظهرها
وسكرب اصاله افضل اسكرب جرربته تحفه جربت بتاع حراز اليه باللوز هو كان عجبنى اول لما جبته بس بتاع اصاله بجد برقبته تحفه

طيب انا كنت ناوية اجيب كلين اند كلير شاين كونترول ينفع مع تونر نيفيا فيزاج ولا لا انا بشرتي مركبة ولما كله شكر في كلين قلت اجيبه لكن مجاش في بالي ان اجيب بتاع نيفيا ينفع ده مع ده ولا ايه
انا لقيت التونر ب34.5 طيب الغسول بكام وممكن صورته؟!!!

kanzy1;14876921:
نادوووووووووو هو انتى جبتى الصن بلوك خلاص ولا ايه قوليلى استقرتى على انهو نووووع؟

انا جبت يوفي بلوك الانفيزيبل يا جميييييييييل اخيرا استقريييت وجميل اوي ده حمايته80

ميااااااده;14877516:


نادووووووو
تتهنى بالصان بلوك عجبنى ماشاء الله
وكويس انه ناسبك

الله يهنيكي يا قمر ده جميل اوي ماشاء الله

يارب وفقني مرمر;14878236:
ميرسيييييييييييي يجد ربنا يخليكي تعبتك :adore:
و كدا ايديكي وحشه تعالي شوفي ايدي:lol: ما شاء الله والله حلوة

و على فكره توقيعك جاااااااامد بحبها دي;)

انتي جايبه ال 80 و انفيزبل تمام كدا؟هو في من ال 80 نوع تاني؟

لا ابدا ياحبيبتي ماتعبتش ولا حاجة بس يلا بقي فين العلبة مش قولتلك تجيبيلي واحدة:D
ايديا منورة شوية علشان التصوير والاضاءة يا قمر يعني هي في الحقيقة مش كدة قوي وفعلا عندك حق انا ايديا افتح من صحابي وناس كتيييير بس عارفة المفصل لو شفتي الفرق علي رأي انوووش تحسي دي ايد لجسم تاني خاااااااالص يارب الخلطة تيجي بفايدة يا رب

انا بموت في هشام اصلا شعره من الاخر بصراحة

اه صحيح انا جايبة ال80 الانفيزيبل واه فيه نوع تاني بيبقي تنتيد للقمحاوييين بس تقريبا بيغمق اوي بلاش منه لو انتي مش قمحي غامق

bright bride;14879718:
مبرووووووووك يا بنات الجزء الجديد
بمناسبة كلامكم عن السكرب انا بستعمل دلوقتى سكرب يومى من كلين اند كلير للرؤوس السوداء اختى كانت جايباه لنفسها بس هى بشرتها حساسة جدا مستحملتهوش بس انا بستخدمه كسكرب على وشى كله حتى هو مكتوب على الوجه و العنق فى طريقة الاستعمال و عاجبنى اوى بس مش يومى لانه برضه مش لطيف اوى زى ايزى بالمشمش لأ بينضف كويس فأنا شايفة ان غلط استخدامه يوميا
سؤال بقى هو يو فى بلوك بكام؟

اه فعلا بلاش يوميا لانة التقشير اليومي له اضرار كتييييييييييييييير

اليوفي بلوك ب69 بس انا بجيبه بخصم يعني بيبقي ب65.5

kanzy1;14878855:

لا انا عايزاه لخطوبتى ان شاء الله
بس انا اصلى عايزة يبقى شكلى طبيعى بردو مش كأنى مدهووونة بوية هههههههههه

مممم لو لخطوبتك يبقي كريولاين افضل لانه ثابت وفي بنوته في المنتدى التانى جابته من محل سمير ويليام وكنت سئلاها عاليه قالتلتى عندى مناسبه وهجربه واقولك وبعدها شكرتلى فيه قالتلى ثابت جدا ومش بيسيح وشكله حلو على البشره ومش محتاج تحطى عليه اى حاجه خالص ممكن لوس بودر وقالتلى ان الستيك مناسب للبشره الدهنيه اوى لانه ماط خالص مفهوش اى لمعان وممكن تستخدمى على خدودك بلاشر مضي وسعره 115جنيه
روحى اعملى تيست قبل ما تجبيه و انتى الميك اب لو عوزاه بسيط ممكن تحطى لعيونك ميك اب بسيط ورقيق و في شفايفك روج برضه يكون رقيق مش تقيل اوى و حطى بلاشر مضي على خدودك وهتلاقي الميك اب طالع رقيق ووشك حلو

bright bride;14879718:
مبرووووووووك يا بنات الجزء الجديد
بمناسبة كلامكم عن السكرب انا بستعمل دلوقتى سكرب يومى من كلين اند كلير للرؤوس السوداء اختى كانت جايباه لنفسها بس هى بشرتها حساسة جدا مستحملتهوش بس انا بستخدمه كسكرب على وشى كله حتى هو مكتوب على الوجه و العنق فى طريقة الاستعمال و عاجبنى اوى بس مش يومى لانه برضه مش لطيف اوى زى ايزى بالمشمش لأ بينضف كويس فأنا شايفة ان غلط استخدامه يوميا
سؤال بقى هو يو فى بلوك بكام؟

ممممممم منتجات كلينا اند كلير معظمها مش بتناسب غير البشره المختلطه الى الدهنيه والدهنيه اكتر ومش بتناسب البشره الحساسه خالص مالص و
انتى تقصدى انه غسول مقشر ولا سكرب لان لو غسول مقشر بيستخدم كل يوم عادى لاكن لو مقشر اسكرب يبقي مره او مرتين في الاسبوع وميكونوش ورا بعض

nado44;14879758:
شكرا يا جميييل

جاري البحث مرة اخري عن سكراب اصالة مش لاقياه خاااالص بس يارب وفقني فيييه
انا ضفت الليمون وجميل اوي بقي يا انوش وقربت احس بتحسن والله يارب خير

طيب انا كنت ناوية اجيب كلين اند كلير شاين كونترول ينفع مع تونر نيفيا فيزاج ولا لا انا بشرتي مركبة ولما كله شكر في كلين قلت اجيبه لكن مجاش في بالي ان اجيب بتاع نيفيا ينفع ده مع ده ولا ايه
انا لقيت التونر ب34.5 طيب الغسول بكام وممكن صورته؟!!!

بصي يا ستى بما ان بشرتك مختلطه يبقي غسول نيفيا هيبقي ممتاز معاكى
ومعاه التونر انا كنت مستخدماهم مع بعض الاتنين كانوا ممتازين وعادى كنت بستتخدم التونر لوحده كان معايا حلو برضه غسول كنترول شاين في منه نوعين نوع جل في بخاخ ونوع تانى مقشر فيه زى اسكرب بس عادى بيستخدم بشكل يومى بس اقوى شوى من الجل
فا انتى لو بشرتك حساسه مش هيناسبها اى نوع من كلينا اند كلير لاكن لو مش حساسه يبقي هتبقي تحفه معاكى عادى انتى ممكن تجيبي اليه ععوزاه بس كنترول شاين لو بشرتك بتعرق او دهنيه وفيها لمعان فا هو مخصص لكده بس لو في اماكن جافه هينشفها اكتر لانه بيشيل دهون البشره فهممتى نيفيا الغسول بيخلى البشره معتدله ومتوازنه انا شرحتلك الاتنينن انتى بقي شوفي بشرتك محتاجه ايه
عادى ممكن تستخدمى كنترول شاين ومعاه تونر نيفيا
ويبقي افضل وجربتيه مع الغسول بتاع نيفيا فيزاج بتاعه لو امكانياتك تسمح تجيبي الغسول
تققريبا الغسول في حدود 35 او 39 تقريبا في الحدود

ده جل كنترول شاين هتلاقيه مش هيزيد عن 25جنيه




ده غسول نيفيا فيزاج والتونر

هو فعلا يا ميادة غسول مقشر يومى بس انا حاساه حامى مينفعش كل يوم رغم ان بشرتى مش حساسة فبستعمله مرتين او 3 فى الاسبوع بالكتير لان انا حتى كان عندى سكرب ايزى بالمشمش و اخف من كلين اند كلير الغسول بكتير

ميااااااده;14885014:

بصي يا ستى بما ان بشرتك مختلطه يبقي غسول نيفيا هيبقي ممتاز معاكى
ومعاه التونر انا كنت مستخدماهم مع بعض الاتنين كانوا ممتازين وعادى كنت بستتخدم التونر لوحده كان معايا حلو برضه غسول كنترول شاين في منه نوعين نوع جل في بخاخ ونوع تانى مقشر فيه زى اسكرب بس عادى بيستخدم بشكل يومى بس اقوى شوى من الجل
فا انتى لو بشرتك حساسه مش هيناسبها اى نوع من كلينا اند كلير لاكن لو مش حساسه يبقي هتبقي تحفه معاكى عادى انتى ممكن تجيبي اليه ععوزاه بس كنترول شاين لو بشرتك بتعرق او دهنيه وفيها لمعان فا هو مخصص لكده بس لو في اماكن جافه هينشفها اكتر لانه بيشيل دهون البشره فهممتى نيفيا الغسول بيخلى البشره معتدله ومتوازنه انا شرحتلك الاتنينن انتى بقي شوفي بشرتك محتاجه ايه
عادى ممكن تستخدمى كنترول شاين ومعاه تونر نيفيا
ويبقي افضل وجربتيه مع الغسول بتاع نيفيا فيزاج بتاعه لو امكانياتك تسمح تجيبي الغسول
تققريبا الغسول في حدود 35 او 39 تقريبا في الحدود

ده جل كنترول شاين هتلاقيه مش هيزيد عن 25جنيه




ده غسول نيفيا فيزاج والتونر

انا مش عارفة اشكرك ازاي تعباكي انا والله المفروض تاخدي اتعابك F::adore:F:
بصي انا بشرتي كانت بتعرق كتيييير والدهووون كتييييير وخصوصا اول ماصحي من النوم بس ده قبل ماهتم بيها وقبل ماستخدملها اي حاجة اما حاليا انا مواظبة عاللوشن بروفيشنال فمظبط الدهون عالاخر بس علشان مفيش ترطيب لبشرتي خااالص لاني لسة مجبتش جل الليل فحاساها بقت حساسة من عند خدودي كدة بس الدهون اخف كل ده علشان بروفيشنال فانا خايفة بعد ماجيب جل الليل وابطل بروفيشنال ترجع دهنية تاني فمينفعش معاها غير كلين اند كلير فا ايه رايك اجيبه من دلوقتي واريح دماغي ولا ايه

انوووووش صحيح انتي مرة قولتي علي صابونة سبا اللي بالزبادي انا جيباهالجسمي طيب لوشي ايه رايك حلوة ولا لا

بنااات اخيرا لقيت سكراب اصالة بس لقيت العلبة ممكن تقولولي هي دي ولا ايه دي 80 جران وب10 جنية سعرها كده ولا ايه

لقيتيه فين في القاهره يا نادو بليز؟ و تقريبا هو

bright bride;14885073:
هو فعلا يا ميادة غسول مقشر يومى بس انا حاساه حامى مينفعش كل يوم رغم ان بشرتى مش حساسة فبستعمله مرتين او 3 فى الاسبوع بالكتير لان انا حتى كان عندى سكرب ايزى بالمشمش و اخف من كلين اند كلير الغسول بكتير

السكرب غير الغسول المقشر بصي الغسول المقشر عاوزه بشره دهنيه لانه قوى انا اوقات بستخدمه مرتين في اليوم بس في الصيف بس
وانتى لو مش مستحمله غسول كلينا اند كلير يبقي جربي نيفيا فيزاج للبشره المختلطه الى الدهنيه هو برضه فيه حبيبات بس ناعم ورقيق على البشره

nado44;14885847:
انا مش عارفة اشكرك ازاي تعباكي انا والله المفروض تاخدي اتعابك F::adore:F:
بصي انا بشرتي كانت بتعرق كتيييير والدهووون كتييييير وخصوصا اول ماصحي من النوم بس ده قبل ماهتم بيها وقبل ماستخدملها اي حاجة اما حاليا انا مواظبة عاللوشن بروفيشنال فمظبط الدهون عالاخر بس علشان مفيش ترطيب لبشرتي خااالص لاني لسة مجبتش جل الليل فحاساها بقت حساسة من عند خدودي كدة بس الدهون اخف كل ده علشان بروفيشنال فانا خايفة بعد ماجيب جل الليل وابطل بروفيشنال ترجع دهنية تاني فمينفعش معاها غير كلين اند كلير فا ايه رايك اجيبه من دلوقتي واريح دماغي ولا ايه

انوووووش صحيح انتي مرة قولتي علي صابونة سبا اللي بالزبادي انا جيباهالجسمي طيب لوشي ايه رايك حلوة ولا لا

هههههههههههه ولا تعب ولا حاجه انتى تامرى ياحبيبتى
مممممممم على فكره انا بشرتى دهنيه اوى اوى خصوصا في الصيف بس في الشتا بتجف شويه ودلوقتى الجو معتدل و علطول بحط جل ليلى للترطيب وبحط كمان كريم بانثينول للترطيب بلتبادل مع جل الليل وانتى بتستخدمى لوشن لتقليل الدهون والفتره دى اصلا البشره بتبقي محتاجه للترطيب شويه عشان كده من عند خدودك بقي حساس واكيد جاف فا انتى لازم ترطيب لوشك
بصي يا ستى في من مجموعه افون سولوشن جل مسائي اسمه تقريبا كومبليت بلانس للبشره المركبه بس هو ينفع للدهنيه برضهوينفع صيف وشتا تحطيه بليل مش بلاقي وشي مدهنن لما اصحى اولا بيرطب ومش بيدههن البششره بجد تحفه عجبنى جدا هيحسنلك المنطقه اليه عند خدودك اوى انا بموت في الكريم ده بغسل وشي الصبح بلاقيه في نضاره ومنور كده وفي كريم بانثينول هتلاقيه ب 2.50 ده كريم ملطف ومرطب ده مش بستغنى عنه طول الشتا كنت بحطه
ومنعم بشرتى جدا مكنش فيها قشور اصل انا منطقه اليه عند خدودى دى في الشتا بالذات بتنشف فا لازم ترطيب لانه مهم جدا للبشره وكنت بغسل بصابونه دوف وبمسح بشرتى بتونر نيفيا وشي مكنش فيه اى جفاف ومنطقه خدودى فيها نضاره و بشرتى مكنتش فيها حبه واحده
بصي يا حبيبتى لما الجو يحرراوى فا بشرتك الدهون فيها هتزيد استخدملها حاجات تقلل الدهون سواء غسول او كريم بس لما الجو يبقي خريف او شتا لازم ترطيب
لازم تعملى توازن لبشرتك متغسليش بشرتك كتير اوى بغسول ينشف بشرتك واحنا في شتا او الجو خريف هتلاقي بشرتك واول حاجه الخدود نشفت او مسامها ظهرت من كتر الجفاف
لازم تعملى توازن في بشرتك
وصابونه يوكوسبا بالزبادى انا مجرباها وتحفه بس كنت بستخدمها في الصيف ممتازه الايام دى بقي انا بستخدم صابونه تحفه ايفا بالجلسرين بزيت الزيتون تحفه وبتصفي البشره ب 4جنيه
بس اكيد في الصيف مش هتنفعنى لان بشرتى الدهون بتزيد فيها ومحتاجه منظف قوى زى كلينا اند كلير وصابونه اليوكو حلوه في الصيف برضه
يارب اكون فيدتك

nado44;14888019:
بنااات اخيرا لقيت سكراب اصالة بس لقيت العلبة ممكن تقولولي هي دي ولا ايه دي 80 جران وب10 جنية سعرها كده ولا ايه

هو يا نادو بقولك جيباه منين بقي انا هجيب سكرب اصاله والكريم المرطب على فكره الككريم المرطب تحفه بقي ومش بيخلى البشره تدهنن خالص في الصيف وبينورها بجد ممتاز:thumbs_up:
قوليلى بقي المحل اليه لاقيتيه فيه ملقتيش المنتجات كلها ولا السكرب بس ؟

يارب وفقني مرمر;14888214:
لقيتيه فين في القاهره يا نادو بليز؟ و تقريبا هو

لا انا مش من القاهرة يا قمر بس انا اسمع انها متوفرة عندكوا قولي انتي فين بالظبط والبنات هيفيدوكي انشاء الله
يارب يكون هو ويكون هو الحجم ده

ميااااااده;14888440:



هههههههههههه ولا تعب ولا حاجه انتى تامرى ياحبيبتى
مممممممم على فكره انا بشرتى دهنيه اوى اوى خصوصا في الصيف بس في الشتا بتجف شويه ودلوقتى الجو معتدل و علطول بحط جل ليلى للترطيب وبحط كمان كريم بانثينول للترطيب بلتبادل مع جل الليل وانتى بتستخدمى لوشن لتقليل الدهون والفتره دى اصلا البشره بتبقي محتاجه للترطيب شويه عشان كده من عند خدودك بقي حساس واكيد جاف فا انتى لازم ترطيب لوشك
بصي يا ستى في من مجموعه افون سولوشن جل مسائي اسمه تقريبا كومبليت بلانس للبشره المركبه بس هو ينفع للدهنيه برضهوينفع صيف وشتا تحطيه بليل مش بلاقي وشي مدهنن لما اصحى اولا بيرطب ومش بيدههن البششره بجد تحفه عجبنى جدا هيحسنلك المنطقه اليه عند خدودك اوى انا بموت في الكريم ده بغسل وشي الصبح بلاقيه في نضاره ومنور كده وفي كريم بانثينول هتلاقيه ب 2.50 ده كريم ملطف ومرطب ده مش بستغنى عنه طول الشتا كنت بحطه
ومنعم بشرتى جدا مكنش فيها قشور اصل انا منطقه اليه عند خدودى دى في الشتا بالذات بتنشف فا لازم ترطيب لانه مهم جدا للبشره وكنت بغسل بصابونه دوف وبمسح بشرتى بتونر نيفيا وشي مكنش فيه اى جفاف ومنطقه خدودى فيها نضاره و بشرتى مكنتش فيها حبه واحده
بصي يا حبيبتى لما الجو يحرراوى فا بشرتك الدهون فيها هتزيد استخدملها حاجات تقلل الدهون سواء غسول او كريم بس لما الجو يبقي خريف او شتا لازم ترطيب
لازم تعملى توازن لبشرتك متغسليش بشرتك كتير اوى بغسول ينشف بشرتك واحنا في شتا او الجو خريف هتلاقي بشرتك واول حاجه الخدود نشفت او مسامها ظهرت من كتر الجفاف
لازم تعملى توازن في بشرتك
وصابونه يوكوسبا بالزبادى انا مجرباها وتحفه بس كنت بستخدمها في الصيف ممتازه الايام دى بقي انا بستخدم صابونه تحفه ايفا بالجلسرين بزيت الزيتون تحفه وبتصفي البشره ب 4جنيه
بس اكيد في الصيف مش هتنفعنى لان بشرتى الدهون بتزيد فيها ومحتاجه منظف قوى زى كلينا اند كلير وصابونه اليوكو حلوه في الصيف برضه
يارب اكون فيدتك

ميااااااده;14888450:
هو يا نادو بقولك جيباه منين بقي انا هجيب سكرب اصاله والكريم المرطب على فكره الككريم المرطب تحفه بقي ومش بيخلى البشره تدهنن خالص في الصيف وبينورها بجد ممتاز:thumbs_up:
قوليلى بقي المحل اليه لاقيتيه فيه ملقتيش المنتجات كلها ولا السكرب بس ؟

انتي افدتيني وبس يا حبيبتي دانتي جبتيلي من الاخر بجد بصي انا هستعمل اليوكو سبا لغاية الصيف كده شوية مع تونر نيفيا فيزاج والبروشور الجاي هجيب مجموعة كومبليت بالانس ولما الصيف يدخل هجيب كلين اند كلير شاين كونترول برضو مع التونر نيفيا فيزاج
بصي هي يوكو سبا دي مرطبة طيب ازاي في الصيف مش بتزود الدهووون
اه وصحيح البانثينول عندي بس انا لو حطيته الفترة دي مش يبقي عكس البروفيشنال يعني ممكن ميشلش البقع بالتقشييير ولا ايه ولو لا ينفع احطه قبل مانزل تحت الصن بلوك كترطيب وكمان مش بيعمل حبوب البانثينول
انا مش من القاهرة يا جميل وصحيح 80 جرام سعرها 10 صح كده ده الاسكراب اصل انا لقيت عندي الكريم المرطب ب10 برضو رغم اني سمعت انه ب5 فا شاكة في الاسعار علشان لو كدة ميضحكش عليا في التقيل اغير الراجل اللي بجيب منه

اسفة مش عارفة افيدك بالمكان كان نفسي افيدك والله واردلك اللي عملتيه معايا
F::adore:F:

معلش يا ميادة انا كنت بكتب من غير ما ابص مكتوب ايه على العلبة بس قمت جبتها اهه بصى هو منظف يومى لفرك البشرة و ازالة الرؤوس السوداء هو عاجبنى كسكرب بس مش يومى زى ما مكتوب انا بستعمله كل يومين تلاتة كده و حلو معايا الحمد لله فهل هو هو الغسول المقشر ولا ده حاجة و ده حاجة؟
و كان عندى ايزى بالمشمش معجبنيش مش حاسة بأى تأثير على وشى خالص و خفيف كده
سؤال بقى هو المانيكير لازم يكون من ماركة كويسة ولا مش بتفرق؟ اصلى مليش فيهم بصراحة بس عايزة اجرب كنوع من التغيير

nado44;14888524:
انتي افدتيني وبس يا حبيبتي دانتي جبتيلي من الاخر بجد بصي انا هستعمل اليوكو سبا لغاية الصيف كده شوية مع تونر نيفيا فيزاج والبروشور الجاي هجيب مجموعة كومبليت بالانس ولما الصيف يدخل هجيب كلين اند كلير شاين كونترول برضو مع التونر نيفيا فيزاج
بصي هي يوكو سبا دي مرطبة طيب ازاي في الصيف مش بتزود الدهووون
اه وصحيح البانثينول عندي بس انا لو حطيته الفترة دي مش يبقي عكس البروفيشنال يعني ممكن ميشلش البقع بالتقشييير ولا ايه ولو لا ينفع احطه قبل مانزل تحت الصن بلوك كترطيب وكمان مش بيعمل حبوب البانثينول
انا مش من القاهرة يا جميل وصحيح 80 جرام سعرها 10 صح كده ده الاسكراب اصل انا لقيت عندي الكريم المرطب ب10 برضو رغم اني سمعت انه ب5 فا شاكة في الاسعار علشان لو كدة ميضحكش عليا في التقيل اغير الراجل اللي بجيب منه

اسفة مش عارفة افيدك بالمكان كان نفسي افيدك والله واردلك اللي عملتيه معايا
F::adore:F:

ايوا هو الاسكرب ولا هو ده سعره مش غالى ولا حاجه هو سعره ب 10 او 12 عللى حسب المكان والكريم المرطب تحفه في الصيف بحطه في البيت وبالنسبه لكريم بانثينول مش بيطلع اى حبوب خالص ده مهدى لو فيه اى التهابات وبيرطب انا بحطه لوشي كله لان البانثينول مفيد للبشره وبالنسبه ليوكو سبا بتبقي حلوه في الصيف هى مش بتنشف البشره بس برضع مش بتخليها تدهنن لفتره كويسه بالنسبالى حاليا صابونه ايفا بالجلسرين حلوه
وهى معتدله وعلى فكره انتى لو رحتى حتى عند دكتور وتعملى تقشير لبشرتك لازم يديكى مرهم مرطب معاه لان التقشير من غير ترطيب اى منطقه ممكن تقلب بغمقان فهمتى الترطيب مهم جدا انا عن نفسي في الشتا كنت بحط بانثينول و بودره بسيطه على بشرتى وبمسحها تانى لان مش بحب اى ميك اب يبان في وشي فا كنت بنزل كده بس في الشتا
وكان كويس جدا جدا معايا بس مجربتش تحت الصان بلوك اكيد وشك هيدهنن انا كنت بحط كميه بسيطه منه وبحط بودره عشان اشيل اى لمعان للكريم وبمسح وشي من البودره هههههه اصل انا مبقتش احب يبقي في ميك اب باين في وشي وببقي حطه كحل بسيط وبيبقي وشي صافي وجميل وعلى فكره تونر نيفيا حلو في الشتا وفي اى وقت لانه بيخلى البشره معتدله ده انا بحبه في الشتا او الخرف اكتر من الصيف وعارفه بقي
وصابونه اليوكو سبا لو استخدمتيها كتير ممكن تنشف بشرتك يعنى هى عاوزه صيف اصل انا بقولك كده لان انا بشرتى دهنيه اوى اوى في الصيف بس حتى البشره الدهنيه بتنشف في الشتا فا بقولك كده عن تجربه صابونه ايفا بالجلسرين حلوه مش بتعمل ترسبات خالص
ع الوش هى منسبانى اوى في الفتره دى
وقوليلى بقي انتى معاكى كتالوج افون الشهر الجاى بتاع 5 نازل فيه كومبليت بلانس ده ولا ايه عاوزه اجيبه تانى الكريم ممتاز اصل انا كنت جيبه من او بتمالز الكريم المسائي هو تحفه وحلو بس في الصيف مكنتش بطيق احطه بليل بيدهنن جامد وشي بس بتاع افون كنت بقوم مش بلاقي دهون
ومرسي ياحبيبتى لردك انا كده كده كلبه كريم اصاله والسكرب هيجولى شحن لانى مش لاقياهم حواليا

bright bride;14888560:
معلش يا ميادة انا كنت بكتب من غير ما ابص مكتوب ايه على العلبة بس قمت جبتها اهه بصى هو منظف يومى لفرك البشرة و ازالة الرؤوس السوداء هو عاجبنى كسكرب بس مش يومى زى ما مكتوب انا بستعمله كل يومين تلاتة كده و حلو معايا الحمد لله فهل هو هو الغسول المقشر ولا ده حاجة و ده حاجة؟
و كان عندى ايزى بالمشمش معجبنيش مش حاسة بأى تأثير على وشى خالص و خفيف كده
سؤال بقى هو المانيكير لازم يكون من ماركة كويسة ولا مش بتفرق؟ اصلى مليش فيهم بصراحة بس عايزة اجرب كنوع من التغيير

بصي هو المنظف اليومى اليه بيبقي فيه كا حبيبات ده غسول بيستخدم كل يوم عادى
بس هو بيبقي مناسب في الصيف اكتر ولزوات البششره الدهنيه لان النوع ده من الغسولات بيبقي قوى بس بينظف كويس فا انتى عادى ممكن تستخدميه كل يومين تلاته زى الاسكرب

انا كنت مجربه كنترول شاين غسول مقشر يومى و من كلينا اند كلير برضه مقشر يومى
عشان انا بشرتى دهنيه جدا جدا في الصيف بستخدمهم لاكن في الشتا صعب استخدمهم ينشفولى بشرتى رغم ان في الصيف ممكن استخدمهم مرتين و تلات مرات في اليوم


اما بقي السكرب بتاع اصاله ده ممتاز افضل سكرب جربته في حياتى بجد :thumbs_up: ممتاز
انا العلبه بتاعتى قربت تخلص فيها شويه وكنت ضيفاله مايه ورد بتاعه لمسه وبجد السكرب بيخلى الوش لمبه هههههههه على راى انوش
المانيكير بقي انا مش ليه فيه وقيل لما بحطه عشان الصلاه بحطه في الايام اليه انتى عرفاها بس في مانكير جيوردانا واماندا وفولمار
دول انوش مجرباهم وبتشكر فيهم ومش غاليه سعرهم معقول
انا اختى لسه جايبه مانكير من ليدى اسود و ابيض مايل للفضي الاتنين حلوين بس بيقشر يعنى كبيره يقعد يوم ببالكتير هههههه بس ممكن تجيبي مقوى اظافر الشفاف يكون نوع كويس مش بيتقشر وتجيبي مانكير رخيص هتلاقيه بيثبت مش بيتقشر
اما الالوان اليه زى الاحمر والبينك والنبيتى نصيحه تجبيها نوع كويس زى جيوردانا لانهم بيطبعوا على الظوافر او ممكن تحطى طبقه شفافه وعليها المانكير عشان مش يطبع انا قولتلك كل اليه اعرفه لانى مليش في المانكير اوى ههههههه كنت جيبه كتير بس مكنتش بستعملهم ومش عارفه انواعهم رميت معظمهم

ميااااااده;14888605:
ايوا هو الاسكرب ولا هو ده سعره مش غالى ولا حاجه هو سعره ب 10 او 12 عللى حسب المكان والكريم المرطب تحفه في الصيف بحطه في البيت وبالنسبه لكريم بانثينول مش بيطلع اى حبوب خالص ده مهدى لو فيه اى التهابات وبيرطب انا بحطه لوشي كله لان البانثينول مفيد للبشره وبالنسبه ليوكو سبا بتبقي حلوه في الصيف هى مش بتنشف البشره بس برضع مش بتخليها تدهنن لفتره كويسه بالنسبالى حاليا صابونه ايفا بالجلسرين حلوه
وهى معتدله وعلى فكره انتى لو رحتى حتى عند دكتور وتعملى تقشير لبشرتك لازم يديكى مرهم مرطب معاه لان التقشير من غير ترطيب اى منطقه ممكن تقلب بغمقان فهمتى الترطيب مهم جدا انا عن نفسي في الشتا كنت بحط بانثينول و بودره بسيطه على بشرتى وبمسحها تانى لان مش بحب اى ميك اب يبان في وشي فا كنت بنزل كده بس في الشتا
وكان كويس جدا جدا معايا بس مجربتش تحت الصان بلوك اكيد وشك هيدهنن انا كنت بحط كميه بسيطه منه وبحط بودره عشان اشيل اى لمعان للكريم وبمسح وشي من البودره هههههه اصل انا مبقتش احب يبقي في ميك اب باين في وشي وببقي حطه كحل بسيط وبيبقي وشي صافي وجميل وعلى فكره تونر نيفيا حلو في الشتا وفي اى وقت لانه بيخلى البشره معتدله ده انا بحبه في الشتا او الخرف اكتر من الصيف وعارفه بقي
وصابونه اليوكو سبا لو استخدمتيها كتير ممكن تنشف بشرتك يعنى هى عاوزه صيف اصل انا بقولك كده لان انا بشرتى دهنيه اوى اوى في الصيف بس حتى البشره الدهنيه بتنشف في الشتا فا بقولك كده عن تجربه صابونه ايفا بالجلسرين حلوه مش بتعمل ترسبات خالص
ع الوش هى منسبانى اوى في الفتره دى
وقوليلى بقي انتى معاكى كتالوج افون الشهر الجاى بتاع 5 نازل فيه كومبليت بلانس ده ولا ايه عاوزه اجيبه تانى الكريم ممتاز اصل انا كنت جيبه من او بتمالز الكريم المسائي هو تحفه وحلو بس في الصيف مكنتش بطيق احطه بليل بيدهنن جامد وشي بس بتاع افون كنت بقوم مش بلاقي دهون
ومرسي ياحبيبتى لردك انا كده كده كلبه كريم اصاله والسكرب هيجولى شحن لانى مش لاقياهم حواليا

اه يا حبيبتي معايا البروشور اللي هيبدأ 22\4 ونازلين الاتنين مع بعض ب55.5 ولو واحد لوحده 35 ولو عاوزة تسألي عن حاجة تانيه اسألي يا حبيبتي
قوليلي ممكن احط بانثينول فوق وتحت عنيا عادي ولا ايه
وكريم المرطب بتاع اصالة بكام وازاي شحن من مين بالظبط من الشركة ولا ابه

نادو يا قمر تسلمييييييي
لا في القاهره صعب نلاقيه هو مكانه في اليكس
واانا كمان طالباه اوردر بس انتي في انهي محافظه؟

يارب وفقني مرمر;14888918:
نادو يا قمر تسلمييييييي
لا في القاهره صعب نلاقيه هو مكانه في اليكس
واانا كمان طالباه اوردر بس انتي في انهي محافظه؟

انا من اسيوووووووووط بعييييييييييد اوي صح;)
ازاي بقي اوردر ده ايه التفاصيل يعني دي حاجة اصالة بس

احسن ناس يا قمر

انا عامله اوردر مع بنوته عسوله معانا هنا و لسه الحاجه هتجيلي ان شاء الله

هيا تاجره بس في المنتدى التاني و خشي على صفحتي هتلاقيني كتبالها في رسايل الزوار عشان اعتقد ممنوع اعلن عن اسم و كدا هنا

يارب وفقني مرمر;14889478:
احسن ناس يا قمر

انا عامله اوردر مع بنوته عسوله معانا هنا و لسه الحاجه هتجيلي ان شاء الله

هيا تاجره بس في المنتدى التاني و خشي على صفحتي هتلاقيني كتبالها في رسايل الزوار عشان اعتقد ممنوع اعلن عن اسم و كدا هنا

شكرت يا جميل عالتوضيح

بنات انا لسة مجربة الاسكراب بتاع اصالة دلوقتي بس في حاجة غريبة اوي الحبيبات اللي فيه قليلة جدا وحساه كده زي الكريم وكمان فوق دقني كدة في حاجات بيضة بارزة لما عملت قبل كدة باسكراب كلير سكن قلت والحته دي نعمت لكن باصالة محستش بفرق خاااالص ممكن افهم ليه يا جماعة عرفوني لاني مستغربة موووووووت ده غير ان مبقيتش لمبة ولا حاجة ليه بقي

ازيكم يابناويت مبروك التجمع :

نادو وسيلسل ونودي وانوش وساره ومياده ومرمر ومسلمه تقيه وبرايت بيرد عاملين ايه يابنات واللي نستهم معلش غصب عني احنا كتااااار ماشاء الله كلكم وحشتوني

سالتكم الجزء اللي فات عن مانيكير اسود نوع كويس لانه موضه اوي وعايزه اجربه وابيض جيري كويس برضه ياريت تقولولي

ساره: كنتي قولتي الجزء اللي فات عن طريقه لتثبيت الفرينش لانه دايما بيقشر مني في الميه

مياده : قوليلي بقي ياقمر اي تونر في اوبتيمالز اللي كويس شفت البروشر الجديد في كذا واحد منقي وواحد منعش وواحد وموازن انهي واحد اللي قصدك انه حلو زي بتاع نيفيا فيزاج

بلبل حيران;14889950:
ازيكم يابناويت مبروك التجمع :

نادو وسيلسل ونودي وانوش وساره ومياده ومرمر ومسلمه تقيه وبرايت بيرد عاملين ايه يابنات واللي نستهم معلش غصب عني احنا كتااااار ماشاء الله كلكم وحشتوني


مياده : قوليلي بقي ياقمر اي تونر في اوبتيمالز اللي كويس شفت البروشر الجديد في كذا واحد منقي وواحد منعش وواحد وموازن انهي واحد اللي قصدك انه حلو زي بتاع نيفيا فيزاج

وحشتييييييييينييييييييي اوي يا بلبل يا جميييييييل عاملة ايه
ممكن ارد عليكي بدل ميادة حبيبي ميادة تقصد تونر اوبتيمالز للبشرة الدهنية والمختلطة بس مش نازل خصم الشهر ده هو لونه علي اخضر كده

nado44;14889982:
وحشتييييييييينييييييييي اوي يا بلبل يا جميييييييل عاملة ايه
ممكن ارد عليكي بدل ميادة حبيبي ميادة تقصد تونر اوبتيمالز للبشرة الدهنية والمختلطة بس مش نازل خصم الشهر ده هو لونه علي اخضر كده

لا مش ممكن تردي ايه التباته دي؟؟؟:!!: هو انا سالتك ياانسه مين انتي اصلا:thumbs_down: ههههههههههههه :lol::lol::L:وحشتيييييييني خاااالص والله عامله ايه ياشقيه انتي ايوه ماهو التونر كذا واحد نازل الشهرده واحد منعش ب 49 والتاني منقي ب 79 تقريبا ده اللي قصدك عليه وواحد تالت موازن ب 39 ج اي فيهم بقي