بلبل حيران;14894843:
ازيك يامياده ياقمر التونر بتاع نيفيا فيزاج عندي اه وهو حلو جدا انا بستعمل الغسول والتونر بقالي اكتر من 3 سنين ومريحني صيف شتا مبفكرش اغيره بس قلت اني ساعات بيبقي صعب عليا انزل اليكس عشان اجيبهم لانهم مش موجودين عندنا خالص فبالنسبه لي اوريفلام متوافره هنا محلات كتير بتجيب منتجاتهم التونر اللي انتي حطاه اللي مكتوب عليه ماتتيفاينج صح؟؟
وياريت لو عندك صوره لكريم اصاله المرطب ده انتي بشرتك دهنيه زيي في الصيف صح ؟؟ وفي الشتا بتجف بسيط كده زيي تقريبا وحاجه اصاله كلها بحبها برضه بستعمل السكرب من زماااان يمكن من 6 سنين مبغيرهاش ولو غيرت بعمل سكر وزيت زيتون مش بطاله برضه ولو ان اصاله بتنور الوش اكتر وبتنعمه بحبها اوي
كريم العروسه بتاع السعد اول مره اجربه من اسبوعين لما عملت سويت بس ريحته وحشه اوي محبتهاش النتيجه لسه مقدرش احكم يعني انا في العادي الشعر بيطلع بعد اسبوعين بينبت وده اللي حصل المره دي برضه مفيش تغيير ممكن بقي التغيير يكون في كثافه الشعر لسه حشوف بس بنات كتير شكروا فيه وقالوا فعلا بيقلل
ياريت برضه صوره للماسك بتاع حراز ده بليييز وقوليلي ايه المسكات اللي جربتيها وريحتك بقي معلش طولت عليكي
دى الميزه في غسول نيفيا انه متوازن بينفع صيف شتا هو والتونر بتاعه بس انا عشان بشرتى دهنيه في الصيف جدا جدا بحب استعمل كنترول شاين اكتر او صابونه اليوكو بالزبادى
تونر اوبتمالز ممتاز برضه هو والغسول الصراحه بحس ان وشي نضيف اوى من غسول اوبتمالز
وايوا اليه حطه صورتهم مكتوب عليه ماتفينج وهتلاقي من ورا العبوه مكتوب بالعربي انه للبشره الدهنيه
منتجات اصاله بامانه تحفه انا جربتها لما انوش شكرتلى فيها
الكريم المرطب للاسف مش لاقيه صورته لما هلاقيها هحطها
اما بقي الماسكات انا بحب استخدم ماسك زبادى بالخيار
او ماسك البيض ده للبشره الدهنيه خصوصا في الصيف
بتحطى بيضا وعليها معلقتين دقيق او نشا و كام نقطه ليمون وعسل نحل
وبتحطيهم في التلاجه وحطى منه وقت ماتبي بيفتح وبيشيل الحبوب بس لو بشرتك حساسه بلاش الماسك ده خالص بس انا بشرتى بيناسبها جدا
واوقات بحط بدل البيض طمى مغربي وماء ورد ده تحفه برضه بس قوى ع البشره وبعده لازم مرطب ومش بيناسب غير البشره الدهنيه جدا جدا واليه مش حساسه خالص
وده ماسك حراز تقريبا ب 15 او 16 تحفه معايا هو كلاى ماسك وناعم على الوش جدا وكان بينعش الوش بحس بسقعه لما بحطه ههههه وده اللوز
وفيه ماسك السولفر ماسك من افون ده ممتاز في الصيف هو ماسك بيل اوف بس
مبقاش ينزل وعمتا الماسك البيل اوف حلو بينضف بحبه في الصيف اوى
وماسك ايفا اليه بقشور الليمون او الليمون تحفه وبينور الوش بحبه في الصيف وده للبشره الدهنيه
كريم العروسه بتاع تقليل نمو الشعر حلو وانا بضيفله زيت السعد المركز عليه
هو عاوز مداومه بعد كل سويت وكمان انا قعدت حوالى سنه استخدمه ولاحظت الشعر في مناطق اقل وفي مبقاش يطلع وكمان بعد ازاله الشعر بيوم كده بحط على رجلى مايه و افركها بملح والفها ب كيس نايلو لمده ساعه هههههههه بتبقي وكلانى وعاوزه اهرش بس بستحمل الملح بيموت بصيله الشعرايه مره على مره هيقل وده كانت طريقه وحده كتباها
في المنتدى التانى
kanzy1;14894959:
مرررررررسى يا ميادة اها انا فعلا شوفت التوبيك هبقى اروح اسأل عليه
وبخصوص السكرب انتو حيرتونى يا بنات انا كده كده مش لاقية اصالة
بفكر اجيب كلير سكن بقى بس مش عارفة هيبقى حلو ولا لا؟
اصاله تحفه معايا حتى في المنتدى التانى كزا بنوته بتقول انه حلو وبتشكر فيه والطريقه الصحيحه انوش كتباها لاستخدامه ودى اليه بعملها بس انا بسيبه علىى وشي حوالى 10 دقايق لانه زى الكريم مش بينشف بشرتى
أنوش;14894966:
بنات بصو عشان انا بقيت خبيرة في منتجات اصاله بستخدمها من سنين ههههههه
الاسكرب بيستخدم بعد ما تغسلي وشك وتنشفي
تاخدي كمية بسيطة مش كبيرة وتوزعيها على وشك كله اكنه كريم مرطب
وبعدين تدعكيه في حركات دائريه لحد لما البشرة تتشرب الكريم تماماااااا وميبقاش الا الحبوب الخشنة بتاعة الاسكرب
وبعدها تشطفي وشك بدون صابون بالماية وبس
دي انجح طريقة جربتها واللي بتخلي الوش منور وجميل اهم حاجة بشرتك تتشرب الكريم بتاع الاسكرب عشان هو دا اللي فيه الفايدة
كريم ترطيب البشرة افضل كريم حبيته فالصيف بيتشرب العرق تماما ومش بيسيب اي اثر دهني وبردو بتستخدمي منه كمية بسيطة وانا كنت بحب استخدمه بليل لانه مغذي
كريم حمام العروسة اللي بيقلل من نمو الشعر
بعد ما تشيلي بأي وسيله كانت سويت او براون مش هتفرق لانهم بيشيلو من الجذور
هتحطي الكريم وتدلكيه لحد لما الجلد يتشربه وانا كنت بضيف عليه زيت زتون اصلي
هتستخدمي الكريم مره صبح ومره بليل لمده 3 ايام .. وليه 3 ايام
لان هو بيشتغل عالبصيلات نفسها مش عالشعر الكريم فيه انزيمات بتبطيء من نمو الشعر + زيت الزتون بيخفف من سمك الشعرايه لما تطلع تحسيها وبر خفيف مش شعرايه تخينه وسودا
مممم الزيوت بتاعة اصاله كلها نقية 100% ومضمونة
كريم العين كان مجرد ترطيب بنسبالي معملش حاجة اكتر من كده مع انه عمل وأثر في بنات كتير بس لان انا الهالات عندي سببها مرضي فا مش هتروح بالكريمات لازم اتعالج وهي هتروح لوحدها
ممممم ايه تاني ؟
اه ماسك الطمي المغربي رائع بردو اسمه ماسك الكوالين بينور الوش ويخليه مشدود وجميل بس الاحساس دا وقتي طبعا مش دائم
صابون روفان بجميع انواعه ممتاز عجبني اللي بالطمي المغربي واللي بجنين القمح بردو حلوة
الليفة المغربي عندي داخلة فالسنتين وزي الفل مجرلهاش حاجة
الصابون المغربي ممتاز بس كميته قليلة يعني لو استخدمته بانتظام مره اسبوعيا العلبة هتكفيني استخدام 4 مرات يعني شهر
ممممم دول الحجات المهمة
لو حد عايز يسأل عن اي منتج في اصاله يسأل لان مجربه كل منتجاتهم كله كله
والله منتجات اصاله ميه ميه تحفه وبتعجبنى عن حاجات حراز وماسك الكوالين كتير شكروا فيه ده في وحده من الخاليج لاقيتها بتشكر فيه اوى وبتقول ضيع الحبوب في وش بنتى
