وصلت الحد وانفجرت فيه ....!(التطورات ص9)

اعطيه هالفرصه الأخيره .. مب عشانه ... عشان عيالج ..

طيب حبيبتي مدام انه حس بغلطته وحاول يتعدل حاولي تعطيه فرصه بس مو تسامحيه على طول وخليه يركض وراك لين ينهد حيله بس لاتقصري في واجباتك وانتي اللحين نغسيتك تعبانه لنو الشي توه صاير وما انصحك بالطلاق انتي عندك ولد وحامل
والله انو انا زوجي بعد ذاااابحني مافيه شي حلو وضربني وانا حامل بس شسوي ما ابغا اتطلق وانا حامل ربي يعيننا عليهم ويسخرهم لنا

الله يساعدش عليه

الله لا يقوله لو كنت مكانك ما اقدر اصبر ولا دقيقه
بس على الاقل راح اروح بيت اهلي واخذ وقتي لما ارتاح وبعدين اقرر اذا ارجع له او اطلب الطلاق

life is dream;14828075:
اختي وانا قاعدة اقرى ردك دموعي صارت اربع اربع .....لان كلامك انك حاسة فيني واكثر وحدة حسيتي فيني وفاهمة الحياة عدل ....وكل كلمة قلتيها عين العقل .....والله ما اقدر خلاااااااااااااااص حتى عيالي ما احس اني اقدر اتنازل عشانهم ....مو اني قلبي قاسي ولا انانية ....بس مافي امل فيه بالمرة ما اقدر ما اقدر

ياقلبي انتي :(وربي تأثرت :'(مايهون علي اشوف وحده مطلقه وعندها عيال انقهر وربي :'(:'(
الله لا يجيب الطلاق وسيرته :'(
ياحياتي انتي نفسيتك مررراااا تبعانه ويبغالك اجازه استرخااااء تام الصراحه ....
ايش رايك قبل الطلاق تتركين له البيت بشكل ودي ..يعني روحي لهلك واسكني عندهم ليييين الولاده والاربعين ...وبعدها يغير الله من حال الى حـــــال ماتتدرين .....
يعني تقولين له محتاجين فتره نبعد بها عن بعض ... وبنفس الوقت عوديه انه يجيب لعياله ويشتري لهم ...
حتى لو حصل انفصال لا سمح الله يصير انتي وياه متهيئه نفسيا له وايضا الاولاد لانه فجأه يحصل راح يصير مشاكل بالبدايه العيال ووووو
وعندي وعندك ....
بس انتي من الان بشكل ودي قولي له ابي اروح لهلي اكمل حملي عندهم لانو نفسيتي تعبااااانه مرراااا .....
وبرضوو محتاجين انا وانت نبعد فتره عن بعض لعل وعسى ينبري جرحنا من بعض ...
ومنها بعد فتره قولي له بشكل ودي ايضا ايش كان قراراك انو يا تبقو ياتنفصلوو وبدون مشاكل وشوشره .......
انا اشووف انوو افضل حل لانه من الصعب تمشين بالاجراءات وانتي في بيته .........
رااح تزيد المشاكل واخاف ياخذ العيال ......
ويرفض يطلق ...بشكل ودي ...
عامليه زين حتى يعاملك زين عند المحامي
وعشان الاطفال بالنهايه
يااااااااارب يسعدك ويخليك لزوجك وعيالك وتنحل مشاكلك وربي يسخره لك ياااارب :L::L:
رااح ادعيلك اختي كل ماصليت :L::L:

حبيبتي إستغفري كثير
ولا تنسي الإستخارة في الطلاق
وفكري في أولأدك ومستقبلهم

الله يفرج همك ويصلح حالك
قبل ماتتخذي اي قرار صلي استخارة
سواء بالاستمرار معه او الانفصال والي فيه الخير ربنا بيقدمه

الله يعينج ويفرج همج

عزيزتي لايف
قبل لاتقرري اقرأي هذه المعاناة لهذه الام وبنتها
http://forums.3roos.com/showthread.php?t=609662

وبعدها صلي استخارة
وانتي ادرى بحياتك
شفتي الردود بين مؤيد للطلاق وبين رافض للطلاق
وكلو حدة بينت وجهة نظرها
وشوفي هل زوجك وأبوه ممكن بأخذوا لاطفال منك او لا
كتبت ابوه لآن بعد طلاقك الآب بيوقف مع ابنه مهما كان غلطان (ف مسألة الحضانه)
فكري ف هذه النقطة عدل.....لأن من كلامك عن زوجك فهو مو كفؤ يتحمل مسؤولية أطفال
عشان ماتتحسفي بعدين
وممكن تعطي زوجك فرصة لأثبات حسن النوايا شهر او شهرين
لكن خليكي حكيمة مثل قالوا الاخوات واخذي اثباتات بالحادثة
والله يسهل امورك
واتمنى لك كل السعادة

صبحكم الله بالخير يا عزيزاتي الاخوات
هذا رابط المشكلة اللي صارت من قبل لاني ما اعرف كيف احط التطورات في نفس الموضوع

http://forums.3roos.com/showthread.php?t=608752




بعد اخر مشكلة بيني وبين زوجي ....اللي ما كملت شهر ....تهاوشنا بعدها كم مرة وكنت امشي واطنش واصبر وهو يراجع نفسه ....واخيرا صار يتعامل معاي احسن شوي بس يرجع مرة ثانية لطبعه السيء وبعدها يجي يعتذر




المهم انا في اخر نقاش معاه توصلنا لان مشاكلنا مهما كان في شروط عليه هو يسويها وشروط انا اسويها والا ما بيمشي الحال


انا علي اني لما اشوفه معصب اخليه لما يهدأ وبعدين اتناقش معاه

وبعد علي مهما كانت المشكلة ما اطلعها برى البيت وانا قلت له موافقة بشرط انا بسكت على كل شي ماعد انك ترفع ايدك علي او تشتمني او تشتم اهلي
وما تحاول ابدا ابدا ولدنا يدخل في المشكلة او اذا تهاوشنا تاخذ الولد وتمشي



وكانت طلباتي انه يعاملني بالمعروف ويعطيني حقوقي كاملة وامومتي كاملة وهو وافق وانا وافقت




تعاملنا مو امية المية زين بس الحمدلله صرت احس باني شوي الخوف منه والرهبة راحت خصوصا اني دخلت ابوه في المشكلة وهو يخاف من ابوه






سامحوني هذه كلها مقدمة المشكلة اللي صارت امس هي الاتي


رحنا امس مشوار وفي الرجعة كانت الساعة حوالي 2 بالليل قال لي لا تخلي الولد ينام في الارض انا اخاف عليه من الحشرات ...قلت له اوكي برفعه في السرير ....قال ومن الحين اريده ينام جنبي ...قلت له بس هو يرضع بالليل .....قال لي خلاص لما يصحى تعالي رضعيه وروحي ....( طبعا هو ينام في الغرفة وانا انام في الصالة مع ولدي في الارض ...لان لما ادخل الشهر الخامس اسفنجة السرير (المرتبة) تكون قاسية علي و تضايقني ...وهو عارف هذا الشي من حملي الفات كنت انام في اسفنجة لينة على الارض وهو كان ينام معاي ....)
المهم انا سكتت ولما دخلنا البيت حط الولد على السرير في الصالة ودخل الغرفة وقال لي جيبي الولد ...بنبرة تامر وتعاالي ....قمت قلت اتكلم معاه واحاول اقنعه وكنت اتكلم معاه بكل هدوء وروية عشان الوقت متاخر وعشان ما يقول اني اتحداه او ما احترمه


قلت له انا ما عندي ما نع وصح كلامك تخاف عليه من الحشرات ....انا حليت هذه المشكلة باني نيمته على السرير فوق ...بس ما اقدر اخليه ينام هنا بالغرفة لان هو كل شوي يصحى بالليل ويرضع وانت نومك ثقيل ما تسمعه لما يصحى صعب علي اسمعه بالليل ... وحرام يقعد يصيح لما انت تصحى او انا برى الغرفة اسمعه نومته بتكون متقطعة وبيتعب وانا بعد بتعب كل شوي داخلة طالعة من الغرفة محد فينا بينام وانت تقوم بعد صلاة الفجر تروح دوامك وهو متعود ينام في كتفي انا بحاول خلال اسبوع او 10 ايام افطمه واعوده شوي شوي ينام معاك

وانا ما اقدر انام هنا عشان بطني كبرت وهذه المرتبة ( الاسفنجة ) تضايقني بالاضافة لاني صرت اكره هذه الغرفة كل الوقت تنهاوش فيها ..... ما رضى وقال بس اليوم بينام عندي يعني ينام عندي



وانت اذا تبين جيبي اسفنجتك وتعالي حطيها فوق السرير ونامي ....قلت له كيف نحنا الثلاثة بنكون مو مرتاحين انت بس خليني اعوده خلال كم يوم وخليه ينام معاك انا ما عندي مانع بس فجأة كذا حرام


ما رضي ...قلت له حرام عليك انت كل شي تحرمني اني اسويه لولدي ....ممنوع اشتري له لعبة او ملابس او اي شي ...ممنوع اختار له لبس ....ممنوع اخذه معاي الا بيت اهلي ....ممنوع اسوي شعره الا بالطريقة اللي تعجبك ...حتى الاسم خليت اختك تختار له اسمه وانا ما خليتني ....انا كل اللي اسويه لولدي انيمه معاي وااكله واسبحه و بس ...والحين حتى النومة معاي بتحرمني منها .....قام عصب وقال لي كل شي بحرمك منه وبدا يعلي صوته ويشتمني ويتكلم معاي باسلوب سئ كالعادة ....قمت من مكاني وطلبت منه يهدأ وماترفع صوتك الساعة صارت 3 الفجر قال لي بكيفي روحي جيبي الولد .....انا مشكلتي ما اقدر اسكت لما اوصل الحد قلت له ما اقدر اجيب لك اياه لاني مو موافقة ورحت نمت جنب الولد وطنشته ....جا واخذ الولد من حضني بالقوة والولد طبعا صحى وقعد يصيح وانا اقول له حرام عليك ....وهو ولا كان في اثنين يصيحون جدامه المهم دخل الغرفة ودخلت وراه وتكلمت معاه ولا حياة لمن تنادي


حلفت في ذيك اللحظة اني اليوم بتطلق بتطلق ...انا قاعدة معاه وصابرة عشان عيالي والحين وانا معاه في سقف بيت واحد ياخذهم مني ....طلعت من الغرفة ورحت قعدت في الصالة ...جا بعد شوي وقال خذي نيمي الولد وجيبيه ....قلت له لو نيمته بيتم عندي ....ما رضى راح ....وبعد شوي رجع قال نفس الكلام ...ورديت نفس الرد قال لي انت تعاقبين الولد ....قلت وانت تعاقبني انا والولد ...المهم تناقشنا وفي الاخر عطاني الولد وقعد يهدد فيني انا بس عشان حرام هو يصيح والا ما بينام عندك وقال كلام وايد واللي فهمته انه اخذ الموضوع تحدي بيني وبينه




اخر كلام يا بنات ....كلكم عرفتو اللي صار وعؤفتو اني صابرة عشان عيالي ....اليوم ممنوع ينامو عندي في حضني ...طبعا ولدي عمره سنة و4 اشهر ....وبكرة ممنوع ياكلون الاكل اللي اسويه وبعده بيمنعني حتى اتكلم معاهم


ما اعتقد في شي يصبرني بعد


الحين انا بستخير وبمكل اجرا~ت الطلاق اللي بديتها قبل ثلاث اسابيع ....المشكلة ان ام زوجي حلفتني اني اي شي يصير اشاورها قبل ما حتى اشاور امي ... زوجي اكثر شي يكرهه اني ادخل حد في مشاكلنا ....بس انا ابي اتطلق وابي اروح بيت اهلي الحين ...قبل ما يرجع من دوامه ...واذا رحت امي بتعرف قبل امه وانا الاثنين مو ناوية ادخلهم في الموضوع ...خلاص ركبت راسي وبنفصل




كل اللي مضايقني اني خايفة بعد ال6 شنو بيصير ...وولدي اللي بطني شنو مصيره .....كثر ما انا مستعده عشانهم ابيع الدنيا وما فيها كثر ما كرهت زوجي


انصحوني لا تبخلون علي

اختي انا قريت مشكلتك بالكامل
اختي بصراحة وبدون متزعلي مني انتي عنيدة ومتفكري الة بنفسك شنو ذنب ابنك والطفل الي ببطنك
اختي اصبري كلنا نمر بمشاكل زوجية من زوج واهل الزوج ونصبر عليها
لازم تمتصي غضبه ومتجاوبيه بكل صغيرة وكبيرة
حاولي تعتذري منه وحتى لو انت مش غلطانة واساليه ان تبدو صفحة جديدة في حياتكم
وانشاءالله تنحل مشكلتك بدون طلاق

مشكورين على الردود خواتي .... بس تعتب من مسايرته ومحاولة اني امتص غضبه .... بصراحة مليت منه ومن طبعه ... هو اناني ومايفكر في مصلحة عياله ونفسه ....تعبت اتنازل وقررت اني خلاص طفح الكيل ... وصراحة ما زعلت من الردود بالعكس انا احب اسمع وجهات النظر بس هذه مو تصرفات واحد مسئوول من بيت

مرحباا

حبيبتي صلي على محمد وال محمد بالاول

انا معك باللي تسوينه.. وتعاطفت معك مررررة..

واتوقع لو كنت مكانك وبنفس ظروفك بسوي مثلك..

بس لما اطالع للموضوع كاغريبة مطلعة على المشكلة ..

يحز بخاطري الاطفال.. انتي بتدخلي بقضية الطلاق..

بس خليها اخر الحلول..

يعني هو نقض بالاتفاقية وسب وشتم وووو

طيب انتي قبل لا تطلقي..

دخلي أبوه مدام انه له هيبة عند زوجك..
وان وصلتي لاتفاقية .. على الاقل تظمن لك الاولاد..

لحتى ماتندمي بعدين..

وان شاء الله اتمنى لك من كل قلبي كل التوفيق والسعادة حيثما كانت

تحياتي

والله ماعرف شو أقولج غير ربي يفرج همج بس اخر قبل كل شي رمسي امه حرام لانج وعتيها هذا من ناحيه ومن ناحيه ثانيه تكونين سويتي كل اللي تقدرين عليه وعقب محد يمسك عليج شي ولا يلومج في شئ والله يسعدج

اختي انا قريت مشكلتك بالكامل
اختي بصراحة وبدون متزعلي مني انتي عنيدة ومتفكري الة بنفسك شنو ذنب ابنك والطفل الي ببطنك
اختي اصبري كلنا نمر بمشاكل زوجية من زوج واهل الزوج ونصبر عليها
لازم تمتصي غضبه ومتجاوبيه بكل صغيرة وكبيرة
حاولي تعتذري منه وحتى لو انت مش غلطانة واساليه ان تبدو صفحة جديدة في حياتكم
وانشاءالله تنحل مشكلتك بدون طلاق

سلام عزيزتي صاحبةالمشكلة...

إنت الحين تتصورين أن لديك أكبر مشكلة في التاريخ لآنك ما زلت في البداية وهنالك في الحياة مشاكل ضخمة يتعذر معها الحل .. أنا بقول لك الصبر ثم الصبر ثم الصبر .. وما اعتقده عزيزتي أن الرجل غضبان كون أنك تنامين بعيدا عنه وهو مسوي الولد حيلة ولا يريد أن يبين مشاعره الحقيقية كحال معظم الرجال ..وهو يجلب الولد إلى الغرفة حتى تأتين أنت ايضا للغرفة .. لان اللأعرفه أن الرجال لا يتحملون الأطفال في الغرفة خاصة الرضع الذين يصرخون يصحون طيلة الليل .. حاولي أن تتفهمي زوجك وأشرحي له ولا بأس أجلبي أبنك ونامي عنده في الغرفة على الأرض وما لك داعي إن أزعجه أبنك فهو في الآخر سيقرر أن لا بأس أن تأخذي إبنك معك بمحض إرادته .. ما اود شرحه عزيزتي وعن تجربة أن خراب البيت صعب وكئيب ونتائجه سيئة علي الأبناء .. الذين أتوا إلى الدنيا من غير أن يستشيرهم أحد وبالتالي مسؤوليتنا أن نوفر لهم الأمن والحماية .. ولا نصعد أمامهم الخلافات .. وإن تعلم كل متزوجة أن كل بيت لديه وبه مشاكل كثيرة وكاذبة من تقل أن حياتها بلا منغصات .. وربما أنت الآن ترغبين في الطلاق ردا على سلوكه ولكن هل فكرت في أبنائك .. كيف ستكون حياتهم خاصة وأن الوضع غير مستحيل حله في نوع مشاكلك هذه بل العكس حلها واضح .. ويمكن بقليل من التنازلات من الطرفين ووضع كل مشكلة محل البحث بينهما والنقاش .. وعدم الذهاب إلى السرير إلا بعد أن تتصافى النفوس أعرف صديقة طبيبة سعيدة بشكل عجيب قلت لها .. أليست لديك مشاكل زوجية قالت بلى لدي مشاكل مثل كل الناس فقط اتفقنا أنا وزوجي ألا ننام زعلانين أبدا وأن نصفي المشكلة أول باول وهكذا سارت حياتها مستقرة ..
عزيزتي .. إن الحياة الزوجية ليست ساحة حرب فيها مهزوم ومنتصر .. لآن المصلحة واحدة وبذلك تكون الهزيمة للطرفين وكذلك الإنتصار .. يجب عندما يأتون العيال أن يجدون حياة معقولة وأن يناموا على أسرتهم مطمئنين غير خايفين حتى يصبحون على شخصيات قوية يستطيعون بها مواجهة العالم وتحدياته التي تتصعب يوما عن يوم .. وبدل المناكفات والمشاجرات والتصعيد فكروا في كيفية توفير مبالغ لتعليمهم من الآن كفتح حسابات لهم منذ نعومة أظفارهم حتى يتسنى لهم الدراسة وغيرها من المشاكل .. هذا مثل بسيط والواجبات كثيرة والحياة أصبحت صعيبة ليست مثل الآول وتتطلب مثابرة وعمل دؤوب من الأسرة حتى تكفل لآبنائها حياة مستقرة هانئة .. وتعليما جيدا .. وغيره وكل هذا يتطلب جهد مضاعف وملاحظة دقيقة للآولاد ومواهبهم لرعايتها وضعفهم للعمل على تقويته والكثير الكثير الذي يتجاهله الأهل ظنا أن أهم ما في الحياة الحب بين رجل وإمرأة في الزواج .. إن الإحترام وأطلاع كل طرف بدوره هو بيت القصيد ..للنجاح .. فتوكلي على الله وخططي لحياة أبنائك .. فهم مسؤوليتكما أمام الله .. واحترمي زوجك وطيعيه .. فيما يرضي الله .. وهو سيقدر ذلك لا محالة ..وسوف تنعمين بالراحة والهدؤ ولك بالغ تحياتي واحترامي ..

اسمحولي بس انا مومعاكم شلون الولد يرضع ويقوم كل شوي فالليل ويبيه ينام معاه لا وبعد يقولها كل ماتسمعيه يصيح تعالي رضعيه وروحي وهو عارف انو المرة حامل وتعبانة ويبيلها ترتاح اسمحيلي بس لازمج تقعدي مع نفسج وتقرري

المشكله كللللللللللللللللللللللللها :
انك انتي عنيده وهو اعند .. عشان كذا الامور والحياه مو راضيه تستمر معاكم والسفينه مو راضيه تمشي واحد يقول تمشي
يمين والثاني يقول تمشي يسار وفي الاخير الكل يغرق والكل يخسر ...
انتي تخسرين عيالك وهو يخسر الام الحنون لعياله ورضا والديه عليه ....

انتم بديتوا صح في الشروط اللي حطيتوها لكل واحد ..
بس دام زوجك عنيد ومن الدرجه الاولى وشخصيته حقت تحدي دايم طنشيه طنشيه طنشيه وسايري عناده بكل برود
صدقيني هذا الشيئ راااااااااااااح يقهره مرررررررررره ..صح صعب عليك في البدايه لانه
مو طبعك ..بس حاولي حاولي بدون ما تضغطين على نفسك حاولي تخلين هالشيئ من طبعك ترا (الحلم بالتحلم )
لما سأل احد الصحابه الرسول صلى الله عليه وسلم عن الحلم ؟؟ (بما معناه )
هل هو صفه غريزيه فطريه في الانسان ام من الممكن اكتسابها ؟؟فرد عليه ب (الحلم بالتحلم )
لانه كل المشكله اللي صايره معك انك قاعده تضغطين على نفسك وتضغطين وتضغطين تتحملينه ثم تنفجرين فيه وبقوه وتقعدين
تفكرين بالطلاق لحظتها ...
زي ما قلتلك خلي الامر طبيعي وريلااااااااااااااااااااااكس عشان تتعودين ...
صدقيني صدقيني مع الوقت بتنكسر شوكته ويتكسر شموخه لانه الشخصيات اللي كذا ما ينفع معها الا
التطنيش والحقران ..تخليه ينفجر وينقهر بعدين يرجع لصوابه اذا فكر بردة فعل الطرف الثاني ...
وعلى قولتهم <<الحقران يقطع المصران (مثل شعبي قديم )
الشاعر <<<اذا خاطبك السفيه فلا تجبه فخير لك من اجابته السكوت

مرحبا حبي , عجبتيني لما تقبلتي حلول العضوات , ولكن الي حصل في الموقف انك رجعتي

لعادتك القديمة وهو كما ذكرتي التحدي , والمناجره , تكمن مشكلتك في التعامل معه ,

اولا هذه المره انتبهت لعدة نقاط , بالنسبة لنومة الطفل اين سرير الطفل , هذه من الأولويات

يا عزيزتي , يعني مب لازم تاكلين رز , اكلي خبز وجاهي حطي فلس على فلس بس عشان

تشترين سرير حق ولدج , هذي طريقة في طريقة ثانية بإسلوب حلو كلمي زوجج مع ابتسامة

وخليج شاطره مع نزول الراتب اطلبي ( قولي يا فلان طلبتك ممكن نشتري سرير حق فلان

اذا قال لا , ازعلي بس بدلع , لا تحطين الموضوع في بالج خليها على الله , اذا طلبج في اي

شئ مارسي حياتج , ولبي طلباته بحب بس خليه يحس بالحزن من خلال عيونج وبفن

ودلع , صدقيني مع الأيام بيتغير , بالنسبة لللإسفنجة هذي كان مفروض تعتبرينها من

الأولويات , مع بداية الحمل تكلمين زوجج بإسلوب رقيق وناعم زوجي حبيبي تعرف أني

اتعب في الحمل ممكن تسوي حق حبيبتك اسفنجة , حتى لو قالك لو فضيت باسوي وحتى

لو كان مكشر , سمعيه كلام حلو , قولي له الله لا يحرمني منك يالغالي , لازم تحاولين تغيرينه

تشجعي لا تتراجعين بينكم عيال حلي امورج لكن دايما ابدي بالأولويات , فعلا هو صدق لما

قالج لا تدخلين حد في مشاكلكم , بالنسبة لسالفة نومة ولدج , لما يقولج جيبي الولد

حسيتي متنرفز او يقولها بعصبية , قولي له بصوت دافي اي بس حبي اخاف يزعجك ,

اذا قالج لا , اشكريه قولي شكرا حبي ما وصيك عليه خل بالك وياه إن صاح نادني وانتهى

الموضوع كان ما دخلتي معاه , في هالهوشه الي مالها معنى , انسي موضوع الطلاق بينكم

عيال , نصيحتي الى كل ام في هذا الزمن الذي نعيش فيه وخاصه مع الغلاء والتطور والضغوط

النفسية نصيحتي تعملين مقارنة بين عدد الأبناء وبين الميزانية والنفقة الله يحفظهم يا كريم .