وصلت الحد وانفجرت فيه ....!(التطورات ص9)

الاورجوان;14935752:
المشكله كللللللللللللللللللللللللها :
انك انتي عنيده وهو اعند .. عشان كذا الامور والحياه مو راضيه تستمر معاكم والسفينه مو راضيه تمشي واحد يقول تمشي
يمين والثاني يقول تمشي يسار وفي الاخير الكل يغرق والكل يخسر ...
انتي تخسرين عيالك وهو يخسر الام الحنون لعياله ورضا والديه عليه ....

انتم بديتوا صح في الشروط اللي حطيتوها لكل واحد ..
بس دام زوجك عنيد ومن الدرجه الاولى وشخصيته حقت تحدي دايم طنشيه طنشيه طنشيه وسايري عناده بكل برود
صدقيني هذا الشيئ راااااااااااااح يقهره مرررررررررره ..صح صعب عليك في البدايه لانه
مو طبعك ..بس حاولي حاولي بدون ما تضغطين على نفسك حاولي تخلين هالشيئ من طبعك ترا (الحلم بالتحلم )
لما سأل احد الصحابه الرسول صلى الله عليه وسلم عن الحلم ؟؟ (بما معناه )
هل هو صفه غريزيه فطريه في الانسان ام من الممكن اكتسابها ؟؟فرد عليه ب (الحلم بالتحلم )
لانه كل المشكله اللي صايره معك انك قاعده تضغطين على نفسك وتضغطين وتضغطين تتحملينه ثم تنفجرين فيه وبقوه وتقعدين
تفكرين بالطلاق لحظتها ...
زي ما قلتلك خلي الامر طبيعي وريلااااااااااااااااااااااكس عشان تتعودين ...
صدقيني صدقيني مع الوقت بتنكسر شوكته ويتكسر شموخه لانه الشخصيات اللي كذا ما ينفع معها الا
التطنيش والحقران ..تخليه ينفجر وينقهر بعدين يرجع لصوابه اذا فكر بردة فعل الطرف الثاني ...
وعلى قولتهم <<الحقران يقطع المصران (مثل شعبي قديم )
الشاعر <<<اذا خاطبك السفيه فلا تجبه فخير لك من اجابته السكوت

انتي اللحين بين نااااااااااااااااارين ليس احدهما باقل من الاخر :
الاولى :نار زوجك (فيه بصيص امل للتغيير )
الثانيه :الطلاق وفقدان عيالك وتقطع قلبك عليهم كل دقيقه (غير قابله للتغيير بحكم القوانين )
فشوفي ايهم تختارين ؟؟؟!!!!!!
كان المفروض يام قالك خلي الولد ينام جنبي قلتيله بكل برود << خلاص خذه والله يعينك عياله ترا كل شوي يقوم
وانا تراني ما اسمعه اذا صاح وانا بالصاله ,,انتبه له زين ..
ما كان سويتي هالسالفه الطويله العريضه صح كلامك انه هو يرضع ويقوم كل شوي بس
ما راح يصير له شيئ بينجرح او يمرض ...خليتيه ياخذه ..
اذا قالك عطيني العيال << ردي عليه اييه والله احسن خلني ارتاح منهم شوي
اذا قالك خليني اشتري لهم ملابسهم <<قولي احسن فكيتني من التدور والتعب ..
صدقيني كلها فتره مؤقته وبعدين بيزهق منهم ومن مشاكلهم وبيعطيك اياهم .. اما تقعدين تعاندين وهو يعاند !!!!!!!!!!!!!!!!!!!!!!!!!
لا تنسين اذا تطلقتي منه راح ترتاحين منه ومن مشاكله هو بس ..ما راح ترتاحين ابد اذا خذ عيالك ..لانه الكتاب واضح من عنوانه ماراح يخلي العيال عندك ولو خذتيهم بالمحكمه بتكون فتره مؤقته طيب وبعدين عقب ما يكملون الست سنوات بحكم القنوان الحضانه تكون لابوهم صح ولا لا ؟؟؟؟
انصحك تاخذين الكلام اللي قلته لك بعين الاعتبار ...
وتقبلي مروري <<< [COLOR=Red]اختك الاورجوان

[/COLOR]

life is dream;14796245:
اخواتي ...انتوا من صدق تقولوا اصبر
لايصرف علي ...ولا يعاملني زين ...ويضربني ...ويسبني ..ويسب اهلي ...بايده 3 ارواح فرط فيهم ....هو ما عمل حساب ألا لابوه ...ما عمل حساب ربه ...ولا حساب ولده اللي بطني ولا ولده اللي قدامه ...ولا العشرة ولا صبر سنتين .... ارجوكم ارجعو ملفي وشوفو المشاكل اللي كتبتها قبل تعبت وانا احكي ...بعد اصبر ...انا ما اثق فيه ...انام وباب الحجرة مقفول بالمفتاح ....يذلني عشان مشتري الاكل بفلوسه ... يذلني عشان الغسالة وفاتورة الكهربا اللي يدفعها ...مفتري يبا مشكلة معاي لما ما لقى شي قال لي تسوين كل شي من غير نفس
استفغر الله بس من جد اكره من جوا قلبي وقلبي شايل عليه على الاخر

أشواك ورد;14935805:
مرحبا حبي , عجبتيني لما تقبلتي حلول العضوات , ولكن الي حصل في الموقف انك رجعتي

لعادتك القديمة وهو كما ذكرتي التحدي , والمناجره , تكمن مشكلتك في التعامل معه ,

اولا هذه المره انتبهت لعدة نقاط , بالنسبة لنومة الطفل اين سرير الطفل , هذه من الأولويات

يا عزيزتي , يعني مب لازم تاكلين رز , اكلي خبز وجاهي حطي فلس على فلس بس عشان

تشترين سرير حق ولدج , هذي طريقة في طريقة ثانية بإسلوب حلو كلمي زوجج مع ابتسامة

وخليج شاطره مع نزول الراتب اطلبي ( قولي يا فلان طلبتك ممكن نشتري سرير حق فلان

اذا قال لا , ازعلي بس بدلع , لا تحطين الموضوع في بالج خليها على الله , اذا طلبج في اي

شئ مارسي حياتج , ولبي طلباته بحب بس خليه يحس بالحزن من خلال عيونج وبفن

ودلع , صدقيني مع الأيام بيتغير , بالنسبة لللإسفنجة هذي كان مفروض تعتبرينها من

الأولويات , مع بداية الحمل تكلمين زوجج بإسلوب رقيق وناعم زوجي حبيبي تعرف أني

اتعب في الحمل ممكن تسوي حق حبيبتك اسفنجة , حتى لو قالك لو فضيت باسوي وحتى

لو كان مكشر , سمعيه كلام حلو , قولي له الله لا يحرمني منك يالغالي , لازم تحاولين تغيرينه

تشجعي لا تتراجعين بينكم عيال حلي امورج لكن دايما ابدي بالأولويات , فعلا هو صدق لما

قالج لا تدخلين حد في مشاكلكم , بالنسبة لسالفة نومة ولدج , لما يقولج جيبي الولد

حسيتي متنرفز او يقولها بعصبية , قولي له بصوت دافي اي بس حبي اخاف يزعجك ,

اذا قالج لا , اشكريه قولي شكرا حبي ما وصيك عليه خل بالك وياه إن صاح نادني وانتهى

الموضوع كان ما دخلتي معاه , في هالهوشه الي مالها معنى , انسي موضوع الطلاق بينكم

عيال , نصيحتي الى كل ام في هذا الزمن الذي نعيش فيه وخاصه مع الغلاء والتطور والضغوط

النفسية نصيحتي تعملين مقارنة بين عدد الأبناء وبين الميزانية والنفقة الله يحفظهم يا كريم .

najmat " sama2;14958485:
أنا استغرب من رأي بعد الأخوات .. شلون تتهمونها بالعند و انها السبب فيما يحصل .. هلا جربت واحدة منكن أن تتخيل نفسها مكانها

في وحدة فيكم تقدر تستحمل الضرب أو الإهانة أو الشتائم في حقها و حق أهلها .. في وحدة منكم تقبل انها تذل أو تداس بكرامتها بالأرض

هالإنسانة مو من حقها تعيش حياة كريمة مثلها مثل كل الناس .. ليش شو جابرها تتحمل كل هدا

بالله عليكم هدا الرجل لم يتصرف كالرجال .. لايعرف ماهي الرجولة ولا الشهامة .. عديم الرحمة لأقصى درجة .. والدليل على كالمي أنه يرفع يده على مرأة ضعيفة لاحول لها ولا قوة وفوق كل هدا هي حمل و جميعكم يعرف تعب الحمل !!

كيف يقوم بمعاملة زوجته أم أولاده بهكدا طريقة .. و كيف يضرب بكلام رسولنا الكريم عرض الحائط .. ألم يقول رسول صلى الله عليه وسلم (.. استوصوا بالنساء خيرا"..) فاأين الخير في تعامل هدا الرجل مع زوجته !! و أين هي وصية الرسول في تعامل هدا الزوج
و هذا أمر موجه للأزواج والآباء والإخوة وغيرهم أن يستوصوا بالنساء خيرا وأن يحسنوا إليهن وألا يظلموهن وأن يعطوهن حقوقهن ويوجهوهن إلى الخير ، وهذا هو الواجب على الجميع لقوله عليه الصلاة والسلام : { استوصوا بالنساء خيرا }

في الأخر أوجه كلامي لها و أقول إنا الله لن يضيع صبرك على ما تحملتيه .. ولا تنسي غالية أنا الله يمهل لكنه لا يهمل .. سينصرك الله قريباً بإدن الله تعالى

دعوتي لكي .. كوني اكيدة لن انساكي بالدعاء

الاورجوان;14959535:

ليش تستغربين حبيبتي نجمة سماء انه احنا قلنا لها و بينا لها خطأها بانها عنيده

(صديقي هو من اهداني عيوبي )..

احيانا الشخص ما يحس بنفسه الا لما احد ينبهه على بعض الصفات السلبيه الموجوده
فيه وهو مو ماخذ باله منها ...

واكيد احنا ما نقدر اصلا نجاوب على اي مشكله الا لما في الاول نحط نفسنا مكانها وشلون
راح نتصرف فيما لو كنا بنفس تجربتها ...

هو صح الواحد صعب بل صعب جدا جدا ان يتحمل ضرب واهانات وقهر في
مكان يفترض ان تكون فيه في احسن اوضاعها النفسيه وهو الزواج !!!!!!

لكن اللي صاير في حالة اختي الحياه حلم (الله يفرج همها عاجلا غير اجل ) انه خلاص
على قولتهم (وقع الفاس بالراس ) وصارت مرتبطه باطفال ولو تطلقت ماراااااااااح
تحس بالراحه حتى لو انها افتكت من الاهانات والضرب ؟؟؟!!!!!!!!
لانه زوجها من النوع العنيد وماراح يخليها في حالها يبي ياخذ العيال منها ولو افترضنا
انها اخذتهم بحكم صغرهم طيب بعد الست سنوات ..بحكم القانون يروحون لابوهم ....
على الاقل اللحين فيه فرصه انها تحاول وتحاول انها تغير من زوجها لمصلحة راحتها النفسيه
اولا وعيالها ثانيا ...
خصوصا انها اتفقت وياه على انه يعاهدها على عدم الضرب والاهانه (وهذا هو اهم شيئ )

للاسف وضعنا نحن النساء يحتم علينا ان نكون نحن من يسعى للاصلاح والتنازلات في
سبيل سير المركب ..
وفق الله الجميع في حياتهم الدنيويه والاخرويه ...
ارجوا ان تتقبلي كلامي بصدر رحب .. اختك <<الاورجوان