وصلت الحد وانفجرت فيه ....!(التطورات ص9)

والله مدري شقولج
بس الله يعينج ويكتبلج الي فيه الخير
المشكلخ مب سهله
فكري وخذي قررارج مع اني شايفه انه انسان الواحد مايقدر يعيش معاه

حبيبتي كلنا اللي بننصحك هون بس بالخر الاستخارة والتفكير الكتير لانه اللي بينصحوك تتطلقي ماحيوقفو معك لما تطلقي وما حيساعدوك واللي بنصحوك تضلي مابصبرو وبتحملو اللي انت بتتحمليه انا قصدي زوجك لما كان بده يطلع من البيت مع ابنكم ورجع وسالك تيجي معنا معناه رجال حااسس بغلطه وموعارف كيف يعتذر وقلبه طيب لانه في رجال لو كل العيلة حكت معهم بضلو بهايم ومابيسمعو لحد بس جوزك عالاقل سمع فكري

محرقيه حتى النخاع;14798936:

انا مابي اخرب عليج ولا اقول لج انفصلي لان ابغض الحلال عند الله الطلاق لكن بهل وضع الواحد مايقدر يصبر ولايتحمل كلام غللط وضرب وتهجم عليج وانتي حامل وبدون اسلوب و و و


اهنيج انج قدرتي تتحملينه سنتن
هاي دليل على قوه صبرج وتحملج يا عسل انتي

بس افكر
يعني حتى لو صبر روحه هالفتره علشان كلام ابوه بيرجع لنفس العادات القديمه لان بو طبيع ما يوز من طبعه
وانا اقول لو لي اللحين ماتحركتي تصبرين شوي كرمه لابوه ولكلامه ودام ريلج يتلصق ويحاول يرد العلاقه
صبري عطيه فرصه ولاتردين مثل قبل لاتدليعه ولاتسوين له شي زياده حقوقه او واجباته

خلج ثقيله شوي
علشان تكونين عطيته فرصه لاخر حد
معلي ضعطي على نفسج
والله معاج
وكل ماتتذكرين شي استغفري وتعوذي من ابليس ان شاءالله يارب
الله بيسر لج وبيصبرج

وبعدين لو صار بعد شي قوي
محد بيقول لج شي ولج حق
تنفصلين

الله ايسر لج يارب ويهديه ويصلح حاله ان شاءالله

وما انسى اطلب منج قبل لا تتخذين القرار بصلاه الاستخاره وماخاب من استخار بالتوفيق الغاليه

معاج أشواك , حبيبتي وايد عليج ملاحظات , انتي ما تدرين عنها هذي

زوجج , تعرفين وين المشكله طريقة تعاملج معاه , مثال صحيح أن موضوع

الشبشب تافه جدا ولكن سبحان الله ادى الى مشكله كبيره , ليش لأنج ما

تعرفين تتعاملين معاه , لاحظي ردج شلون كان شكله

يعني ايش فيها , كان بإمكانج تمتصين عصبيته , كان المفروض تردين عليه

وتقولين له بصوت ناعم ومهذب , عشان رجولك ما تبتل يا حبي , بالنسبة

لما يفوشر ما ادري شنو في لهجتكم بس هذي الي فهمته , يعني مثال يقول أنا

شريت وشريت من فلوسي أنا ما ادري شلون كانت ردة فعلج ولكن

المفروض ( اي والله , الله يخليك لي يالغالي , الله لا

يحرمني منك مين لي غيرك , الله يزيدنا من نعيمه الله يزيد خيرك علي )

فديتج حتى لوجاب لج شئ بسيط فواكه اي شئ , مب عيب , لما اخلي

زوجي يغتر بنفسه , تدرين لما تخلينه يغتر في نفسه بها الطريقه بيلصق فيج

ما يجوف غيرج , بالنسبة لمساعدتج له في

النفقه , ما ايدج فيها بتاتا , المفروض أن النفقة تكون عليه ولكن لا

تواجهينه , بطريقه ثانيه اذا سأل , عن الألف , ردي عليه بكل رقه ونعومه

حبي , ويه حبي انت تدري المصاريف زادت

وأنا صرفتهم انتي علميه على طبعج مع الأيام بيتعود بس اهم شئ الإسلوب ,

الطريقة انتي تقولين أنا اكشخ , الكشخه من الأمور الثانوية , الزوج يحب

الزوجه الحنونه , الي لما يجوفها يرتاح , الي تهتم فيه هو كشخص , لا

توصلينها للطلاق , عطيه فرصه اخيره ,ارجعي له بشروط , تفاهموا , ترى

مب حلوه الحياه الي كلها خناق , بس اذا رجعتي له ابيج

تسألينه اذا كان راضي عنج ولا لا , قولي له اذا كان يبيج تشتغلين ولا لا ,

اذا قال لا , احترمي رايه ولكن في المقابل , اطلبي منه يفتح لج حساب في

البنك , خليه يحول على حسابج 1500في الشهر , مع قدوم كل مولود يزود

لج 500 , خذي الموضوع جد , لا تعاملينه كصديق

او اخ عاملي كملك وانتي الزوجه المطيعه اذا امكن جاريه مغرمه في

مولاها .

الله يعنيج حبيبتي :(

معظم البنات الي رادين عليج ينصحونج تواصلين معاه و ما تتطلقين و تحسبين حساب ابوه المشكله يابنات الي يده في الماي البارد غير عن الي يده في الماي الحار في وحده منكم تقدر تعيش معى زوجها في بيت واحد و ماتكلمه و تعيش حياتها معقوله بترتاحووون يعني تقدرون تحصلون راحت البال في هاي الحل ؟؟؟؟؟؟؟؟

لاااااااااااااااااااا ياقلبي انفصلي انتي بنت ناس و راويه انج مو رخيصه و انه مايستاهلج انتي تستاهلين حياة احسن من الحياة الي عيشاتها معاه ياحبيبتي مد يده عليج اكثر من مره و يتسبب في المشاكل و الشي الي يحر مد يده عليج و انتي حامل يعني ما خاف عليج يمكن يصير فيج شي بصراحه انسان بس مايستحق اسم الانسانيه و الي يمد يده على زوجته اسمحي لي مو ريال و بعدين لو ما اتصلتي بأبوه جان مايدري عن مشاكلكم شنو بتكون ردة فعل زوجج من غير ما يكلمه ابوه تعتقدين بيتسامح منج و بيطيب خاطرج ؟ و بعدين ينصحونج البنات سوي حساب حق ابوه !!!! لااااااااااااا لا تسوين حساب هاي حياتج يا قلبي انتي الي متعذبه معاه و الصراحه هاي مو عيشه ليش تحملين نفس فوق طاقتج عشان ابوه


الله يوفقج حبيبتي و تكسبين القضيه و تتطلقين و ترتاحين من همج والله اني حاسه فيج كل وحده تحب زوجها يعاملها معامله زينه و يدلعها مو يطقها و يغلط عليها و على اهلها والله يا حبيبتي ان الولد الي ياي بالطريج بيي و معاه رزقه و ربي كريم مابيقصر معاج و العيال مابيضيعون ان شاءالله

دايما كنت اقول الطلاق مو حل بس ساعات الطلاق رحمة سبحان الله

و نهاية كلامي صلاة الاستخاره صلاة الاستخاره اهم شي

قرأت ملفاتك وشفت مواضيعك احس في حلقة مفقوده ماادري فين ....زوجك يعاملك سيء بس انا بسألك اذا عصب انتي تعلي صوتك؟؟؟تتنرفي؟؟؟تطولي لسانك صح؟؟؟الرجال حطي ببالك اذا عصب خليه يتكلم لا تردي عليه لما يهدا كلميه ...الرجال مايحب الزوجه اللي تقله انت غلطان...خليه يتكلم براحته ولعدين بعدها قوليله اللي تبغيه بس بعد مايهدا .....زوجك ما كان يعاملك كويس اتفقنا بس في حلقه وانتي الوحيده اللي تدري عنها ....دحين اتأسفلك خلاص سامحيه الرجال مايحب اللي تعانده ادري ذلك وسوا كل شي غلط بس من بالبدايه ما وقفتيه فيها عند حده ...
الله يصلح ما بينكم

حبيبتي انا اشوف دام هو سمع كلام ابوه فهادا دليل انه يخاف من ابوه .ونفس ماقلتي انو هاي اول مرة ابوه يدري بهوشاتكم خلاص عطيه اخر فرصة مب عشانج عشان عيالج . والله يهون عليج

اذا الحرمه نزلت عمرها اكثر الرياال يدوسهاا .. الواحد الصراحه عنده عزت نفس واهم شي الكرامه ... انا اقول ابتعدي عنه فتره خلي يحس انج غاليه وانج ما بتموتين من دوونه وخليي هو يركض ورااج ويبااج لو يدور الدنيا كلها ما بحصل وحده مثلج تتحمله وتصبر علييه ... الله يعيينج اختي ويصبرج

الله يعينك .. ويسهـّـل أمورك ..

بس فعلاً .. اللي لاحظته عليك مثل ما قالوا البنات .. إنك تعاندي زوجك .. وتردّي عليه بردود فيها عصبيـّـة شوي .. !!!

مهما كآن .. الرجل ما يحب يشوف الحرمـة تحط رأسها برأسه ... !! والا زادت المشاكل بينهم .. !!

الله يهديك .. ويهدي زوجك .. ويسخـّـركم لبعض ..

أنا من رأيي أنه غلطان .. وأنتي بعد غلطتي .. !!

:-#

لا تصبـري و حاولي تعدلين حياتج .. :(

عندج ولد و الثاني ياي بالطريج و زوجج يبي يفتح صفحـة جديدة ..

اعطيه فرصـة ثانيـة ..
:(

ياعمري كسرتي خاطري
حامل ويظربج !!

يالله مدام تسامح وطبيعه انسان ينسى ..

ومدام في الطريق بيبي ..

عطيه فرصه ثانيه ..

والله يوفقكم يارب

الله يعينك يارب

حبيبتي باختصار وكليها الله لاترجعين له الا بشرووووووووووووووط واكبر شرط ان ابوه يكون شاهد على شروطج مب من السعوديه لا يجي للامارات ويشوف بعينه ويحضر شروطج يعني الان خلي ابوه هو ورقه الصلح بينكم دامه انسان عاقل وكبير قلي له انا قلت لك خير بس لازم تجي وتشهد على كل شي وتشوف بعينك وشروطي مب تعجيزيه شروطي كرامتي وبس

الله يسعدج ويسخره لج يارب

ياقلبي عليج الله يكون بعونج

اول شي لازم تسوينه تروحين المستشفى وتاخذين تقرير بحالتج لاتفوتج هالنقطه عشان يكون بيدج اثبات عليه

ثاني شي بما انه شاف منج ردة فعل غير قبل يمكن حس انه راح يخسرج
فيمكن راح يعمل لج حساب وقدر وقيمه وبما انه ارسل لج رساله يبغى يرجع مثل ايام زمان فعطيه فرصه اخيره عشان عيالج وعشان ماتندمين يوم من الايام وادي واجبك على اكمل وجه بس لاتسكتين على اي اهانه مره ثانيه واكثري من الدعاء اما اذا رجع مثل اول فالقرار لج
الله يهديه ويسخره لج ويحنن قلبه عليج وعلى عيالج

حبيبتي البنات تكلموا وايد وحجوا وايد وكل كلامهم مع احترامي لهم موب مهم
حبيبتي انتي عايشه معاه انتي تعرفينه اكثر من اي انسان انتي اللي تعرضتي حق كل هالاهانات والضرب والمعاير انتي مو اي وحده من البنات
انا ما باقول رايي انا باسألج انتي شنو رايج بالموضوع السالفة سالفتج والقصة قصتج انتي لو سمعتي وحده صار لها نفس اللي صار لج شنو راييج اتسوي تكمل ولا تنفصل انسي الياهال وانسي انج عطيتي كلمة لابوه وغيره انا اكلمج انتي تقدرين تكملين وتعطينه فرصة ثانيه ولا عاشره فكري في هالسؤال وسواء كان اجابتج نعم ولا لا هاذي انتي اللي بتعيشينه موب وحده من اللي عطتج رايها بالمنتدى

القرار لج
والله يوفقج

عزيزتي

اسمعي كلام اهلك

واستخيري كثير

وربي يفرج همك

ويهون عليك وتولدي بالسلامه

الله يفرج همك يارب

اناا بصراحه يالغلا قريت مشكلتك قبل ماتحملين بطفلك االثاني
وقريت هذي المشكله

واقولك شوفي الحل اللي يريحك
كل هالشهور عايشه معه بعذاب ... صحيح اصلاح ذات البين خير
بس اللي سواه فيك موشويه

اول مره رجعتي علشان ولدك ::: وبعدها حملتي بالثاني
واللحين مسؤله عن اثنين

مايصرف عليك ... مشيناها وياخذ من راتبك وبلعناها

يوصل فيه الحد انه يضربك لاو الله .. والمشكله انه تمادى في هالشيء وصار عنده عادي

ولين متى راح تصبرين لين تجيبين منه 3 ,4 اطفال واخرتها تقولي ماعاد اقدر تحملت علشانهم ولافاد


لا ياقلبي الايام والسنين لين راحت ماينفع الندم وانتي ماسويتي حل يرضيك

وبالنسبه لما قلتي انه ابوه كلمك .. قولي له انت ياعم على عيني وعلى راسي وماشفت منك الاكل خير وانت بمقام ابوي وولدك من يوم تزوجته وانا اصبر عليه
ومعيشني حياة لاتطاق وكل انسان له حد يتحمله وانا تحملته لين طابت نفسي منه
واعذرني لاني ما اقدر اكمل معاه .... لوبنتك مكاني مارضيت لها بالعيشه


وخلصي امورك .... وعيشي حياتك معززه مكرمه ببيت اهلك صحيح االطلاق مو حل بس في بعض الاحيان افضل الحلول <<لكذا سمي ابغض الحلال
واشرطي حضانة عيالك واذا يبيهم يجي يشوفهم

والله يسهل امرك
وبعدين يابنات الله يصلحكم اغلب ردودكم اصبري ... مع انها صبرت عليه ..


ومايونس النار الا اللي واطيها ....
واسفه اذا ردي بيوجع قلبك