بأموت من الضيقه والتفكير وبأستاثم بزوجي(الجديد ص5)

انتي واضح انك خايفه من الغربه هنأك , وماتبين تبعدين عن اهلك , بس بعد مو عذر عشان تكرهين الرجال
وهو واضح انه يحبك وشاريك , انا انصحك م تستعجلين وتستخيرين اكثر من مرة وادعي ربي ييسر امورك
ويشرح صدرك , ويوفقك

الله يفرج همك يارب
بس مادام صفاته حلوة ليش تتركيه !!
ما تدرين يمكن ماتلقي أحسن منو
نصيحة استخيري مرة ثانيه وبعد استشيري المقربين منك واللي تثقي برايهم
بس من جد احمدي ربك انو يحبك ومو مقصر معاكي ، حولي تتقبليه . لانو يبغاكي ويدور رضاكي <<<بالله ايش فيه احلى من كذا

لما قرأت كلامك وربي دمعت عيني ودعييت لك من قلبي يالغاليه ..

الله يسعدك ويوفقك ..

اختي سبحان الله و انا اقرى كلامج عنه رجعت ذاكرتي لقبل &#1641; سنين يوم خطبني زوجي ....وافقت اتعرف عليه عشان افتك من حنة اهلي ...فجاءه قال انا حجزت و بجي عندكم باخر الشهر هو باستراليه و انا و اهلي بكندا ...حسيت نفسي مخنوقه....و ودي يصير فيني شئ بس ما اشوفه...و اهلي كانو فرحانين...ابوي كان يعرف اني ما ابيه و كان يقول محد راح يغصبج عليه و انو مو حاب اتغرب عنهم فوق غربه ثانيه....وصل زوجي و يوم اطلع معاه الناس صارت تحجي و هنا امي راحت كلمته و قالت لازم تكتبون الكتاب و كلمتني قالت عيب يا يمه لا زم تتزوجون و من هل الكلام... ما كنت ابيه و دايمن افكر شلون راح اتقبله كشريك حياتي ...ووافقت على كتب الكتاب بس شرط انو اذا بعدني على هل احساس بتطلق منه...تزوجنه و رجع استراليا كان يتصل كل يوم علي و انا اسوي مثلج اقول له تعبانه من الدوام او نعسانه اي شي بس ما اكلمه....و جا وقت العرس و العريس وصل...قلت لاهلي ما بيه خلاص هاوشوني و امي قالت لا انتي مسحوره.... ما كانت فاهمه اني انا زعلانه عشان فراقهم و لا الرجال مافيه احسن منه...حسيتهم ما يبوني يئست منهم و بديت حياة جديده باستراليا صرت احبه لانه طيب و حنون و يساعدني بكل شي...و يحبني....صار امي و ابوي و اخوي و كل شي بحياتي...اختي احمدي ربج انج بتكونين قريبه بعد حدود مو محيط بينج و بين اهلج و على ابنه راح تكسبين فيه ثواب ربيه يكون ابنج صدقيني كل الكلام اللي قلتيه عنه راح يتغير بعد ما تعيشين معاه و الله يوفقج

الله يريح بالك حبيبتي

الله يهدي سرك ويفرج همك وغمك

راااي انك لاتسوييييييين شئ انتي مومقتنعه فيييي
لالا
خلي بالك وانتي ع البر احسن
والله من الاول كارهه الموضوع شلون بعدين

غالتي الله يعينج و يفرج همج اقري سورة يس كل ليلة

و حبيبتي حكمي عقلج مو قلبج ,, تخيلي اذا ما كان عنده ولد و لا كان متزوج و تصوري لو انه مو ببلد ثاني .. هل يكون شعورج هو نفسه؟؟؟؟

الله يسهل لك امورك و يفرج عليكي و يهدي سرك
بس نصيحه خذي اللي يحبك عشانه مهما صار راح يصونك بلاش ما تاخذي احد تحبيه و تتمرطي عشان ترضيه