بأموت من الضيقه والتفكير وبأستاثم بزوجي(الجديد ص5)

الأرواح جنود مجندة ماتعارف منها إئتلف وماتناكر منها اختلف ..
الله ماكتب بينكم ألفه .. أو بالأصح ماحسيتي إنتي بألفه معاه رغم حبه لك ..
عشان كذا أقولك لو منتي مرتاحة له ولا فرحانة بزواجك منه ..
نصيحة لوجه الله لاتكملي ..
حرام تظلميه وتدخلي بيته وانتي منتي حابته ولا مرتاحة معاه ..
أجلسي مع أهلك و قولي لهم كل شي ..
مسألة انقباض القلب عندك وقت ماتجي سيرته هذي ماينسكت عليها ..
الرجال يتزوج بدال المرة عشرة وينقي على كيفه
والدليل اختياره لك وهو مطلق ومخلف
وانتي ماسبق لك الزواج .. يعني بنت بنوت زي مايقولوا
البنت زواجها الأول إذا فشل يأثر في بقية حياتها كلها ..
فرصها في الزواج بعد الزواج الأول كلها محصورة بين مطلق والا متزوج والا أرمل وناااادرا يجيها العازب ..
ليه تحطي نفسك في تجربة إنتي حاسة وعارفة إنها تقريباً بتفشل عشان تجاملي أهلك ؟؟
أخلاقه حلوة وطيب وابن حلال ومحترم .. بس ماحبيتيه ..
مو غلط ولا حرام .. والقلوب بيد الرحمن ..
والحب من الله.. لاهو بيدك ولا بيده ..
طالما مرت شهور على ارتباطكم وماقدرتي تحسي إنه نصفك الثاني ..
اتركيه .. ربي بيسهل لكم انتو الاثنين كل واحد نصيبه اللي يسعده ويريح قلبه ..

راجعي نفسك واستخيري .. وكلمي أهلك وقولي لهم قرارك ..
هذا زواج مو لعبة ..
ماينفع تتزوجي شخص مجاملة لأحد حتى لو كانت مجاملتك لأهلك ..

ماعندي وقت اقرأ الردود بس حبيت اكتبلج رد عل عجل

اختي ماي زمزم .. او ماي عادي مو مشكلة
اقرأي عليه كل ايات الشفاء والرقية
وامسحي جسمج بيه واشربي منه وامسحي على صدرج

وشربي خطيبج منه بعد


كل اللي فيج مجرد نفس وعين لا اكثر

اهم شيء في الزواج هو القبول النفسي وده شيء مش موجود عندك , انتي قرفانة منه وزهقانة منه ومش طايقة سيرته , ازاي هتعاشريه ؟!!!!!!!!!!!!!!!!!

انا رأيي طالما انتو عالبر اطلبي الطلاق , وربنا يعوضك باللي احسن منه

عاشقة شانيل;14671229:
والله مادري
انا ماابي اظلمه واقول فيه وفيه لا والله عيوبه صغيره وعاديه يمكن هو اللي متحمل عصبيتي
بس قلبي منقبض منه والله افكر بيني وبين نفسي شلون بيتسكر علينا باب وباجيب منه عيال وانا اذا لمسني اختنقت
واللي تسألني مضايقه من ولده اي ولده عنده بس عند امه وخواته وصغير وهو البكر و يموت عليه وانا احسه يذكرني انه متزوج اقوله لو جبت لك عيال بيكون عادي عندك ماتفرح فيهم عندك ولد يقولي لا مو عادي لانك امهم بس مااقتنع انا ماني قاسيه ولا ابي احرمه من ولده بس هم شعور مو حلو لما تاخذين واحد ابو عيال احس استاهل اكون اول فرحته مو رقم 2
لا احد يلومني ليش وافقت هو كان عاجب اهلي من اول مره بس انا رفضت واصريت ماابيه ولما خطبني مره 2 امي اشتغلت علي لين قلت اي ومن يوم الملكه وانا متحسفه و مااني بخير حتى لما لبسني الشبكه كنت احس جسمي كله نار ابي اي احد يوخره عني مااتحمل منه شي ولا شي
وترى مو سالفه ماتعودت عليه بالعكس صار لنا شهور مالكين واظن عرفنا بعض لدرجه كبيره

استخيري أكثر وعيدي التفكير فالموضوع مره ثانيه وصارحي أهلج

لنه ابجذيه إنتي قاعده تظلمينه وتظلمين نفسج .... حاااولي تتخذين القرار المناسب قبل فوات الأوان

ربي يسهل أمركم

انا اتفق مع بنوته فن بالتوفيق يارب:)

ياقلبي انا صارلي مثلك وماكت ادري ا السبب طلع فيني عاشق و عين قوية تخيلي بس داومت ع البقرة 10 ايام مع زيت وزمزم ومسك مقري والحمدلله راح كل هذا ياربي لك الحمد

اختي الفاضله
انت عقلك الباطن غير مستوعب للاحداث اللي صارات كلها
انا بسالك؟ ماهي مواصفات زوج المستقبل؟
ان كان حسب توقعاتي ان حسب حلمك انه يكون ولد اعزب ... صحيح؟
لكن الواقع غير ذالك وارتبطت به من غير اقتناع وعقلك الباطن لايريد الاستجابه والتقبل
لذلك اختي ارجوا ان تقنعي عقلك الباطن بان تقولي دائما انا احبه
انا اريده
ابنه هو ابني هو لطيف من احباب الله
تبحثي عن كل المواصفات التي كنت تريدينها بزوج المستقبل في زوجك هذا
تعلقي بما بحثتي عنه من الاشياء المحببه فيه

ثقي ان الزواج والمحبه والوئام يكون بعد الزواج وهذا ليس كلام عابر قال تعالى(وجعل بينكم مودة ورحمه)
وباذن الله سوف يكون بينكم وئام

خلص عيل خليج جديه وقوليله مااباك وانسحبي من الموضوع جديآ
لان الي يالسه تسوينه عيييييييب
خليه يروح في حاله وانتي روحي في حالج احس دام هذا الي يريحج
موفقه

بنوتة فن;14672600:

طيب هو لما تزوج بالمرة الاولى ما ارتكب جريمة عشان قاعده تحاسبينه,,

الشي مو كبير لدرجة انج ما تتقبلين وجوده,, كان من البداية اصريتي برفضك,,

ما يعورج قلبج عليه؟؟

فكري فيها,, كفاية عانى لما صار طلاقه او اللي هو ,, يعني تجين انتي الثانية وتكمليها عليه؟؟؟

صعبه والله حيل صعبة بحقه ما يستاهل يصير فيه شي بس كونه اب,,

وحبيبتي لو جبتوا اولاد بالعكس راح يحبهم وكلمه انتي امهم المفروض توديج فوق السما

وكفاية الولد اللي راح تجيبيه يكون البكر عندج ماله اهميه هالشي؟؟

ولو انفصلتوا انتوا,, تضمنين يجي لج واحد شراته او احسن منه؟؟
والله مو بعيدة دام انتي تحاسبيه على كونه اب حتى الرجال اللي بيتقدموا لج بيقولوا هاي مطلقة واحنا ما نبيها :rolleyes:
<< سوري على القسوة بس احط لج منظر اخليج في مكان انتي قاعده تحكمين على شخص بس بطريقة مختلفة لكن نفس الشكل:rolleyes::rolleyes:

ونصيحة اتركي الطفل لحاله لا تقسين عليه ,, يمكن بعد لو واصلتوا من قهرج او شي تعاملينه معاملة جافة :badly:

Elizabeth2;14671309:
السـلام عليكم ورحمة الله ....
شفت مشكلتج ماقدرت ماعطي راييي
انـه بوجهة نظري يعني البنت اهيا داخليا ونفسيا ماعندها اي قناعة شخصية الى هذه الشخص

شفيكم على البنت احمدي ربك او شيلي الوساوس او راح تتعودين عليه لازم تعرفون الاختيار اهوا قناعة شخصية قبل كل شيء اهوا صح الواحد ما المفترض انه يرفس النعمة بس في المقابل واهوا الاهم اختيار الزوج مبني على اساس القناعة الداخلية
البنت ماتجي موافقتها على الزوج الا اذا حست التقبل اول اليه النقطة الثانية ارتياحها اليه بعدين تجي مواصفاته الشخصية علشان تقدر تعيش معاه كزوج المسئلة مو مسئلة خلاص تعودي عليه ومابتحصلين قبل كل شيء البنت علشان تتزوج لازم تكون هناك موافقة داخلية عندها وانه حاسه شلون يعني بالله بتقدر تعيش معه واحد واهيا نفسها مومقتنعة فيه كزوج علشان جدي اهيا كارهتنه نفسها لهذا السبب تقرف نفسها منه اني هني مو ااكد على مساوىء بس اوضح السبب الي يخليج تنفرين منه
وفي النهاية الخيار الاول والاخير يعود الج انتي الي تحسين فيه راحة وصلاح الج في المستقبل البعيد سويه بدون ماتتقررين بسرعة وتندمين بعدين

اتمنى الج كل الخير اختي عاشقة شانيل

:thumbs_up:

مشكورين على ردودكم
اليوم جا وتكلمنا
مو معطيني فرصه اقول شي هو مسقط الطلاق من حساباته مو عاده حل
اقوله انا تعبانه من الوضع اللي احنا فيه ومااقدر اكمل شرحتله قد مااقدر الولد مايبي ننفصل
يقولي انا احبك و باريحك وماراح تحسين بغربه وبتشوفين زهقني شلون اشرحله انا مو الغربه مشكلتي كل شي عنده سهل كلما تكلمت سكتني كني بزر
انا منهاره بنات مسكت نفسي قدر مااقدر قدامه لكن ماقدرت هو كان هجومي وانا اعصابي مو متحمله ضغط يقولي انتي جننتيني امشي وافكر اشفيني عايفتني اقوله مافيك شي انا مو مرتاحه ولا اقدر اسعدك شوف نصيبك مع غيري خلاص
يقول ليش انا مرتاح وياك مااشتكيت طيب انا مو مبسوطه زهقت من هالسالفه المعلقه وربي تلفت اعصابي كرهت كل شي
امي تقوله يمكن البنت معيونه قال اذا فيك نفس الحين نحجز نروح عمره ولا تعالي معاي بملابسك اللي عليك انتي مرتي ومااحد له شي عندي لكن طلاق انسي الموضوع
كنت متوقعه يكون اهدا من كذا ومجهزه كلام كثير باقوله بس عصبيته وترتني ماقدرت اتكلم وانا ماالومه بس بعد انا مالي ذنب حاولت اغصب نفسي ماقدرت والله شاهد علي
اخر شي طلع وقالي لك لين بكره تفكرين وتحددين موعد للعرس انا دلعتك واجد وصبرت بمافيه الكفايه ولا ترى بتشوفين اسلوب ثاني وياك

هو عارف راي اهلي بالطلاق واحسه مستقوي وامي احس اني كاسره خاطرها ومتعاطفه وياي بس ماتبين لانها تحبه وللحين تلومني

اللي يقولون واجهي اهلك ابوي واخواني ماعندهم شي اسمه طلاق الا اذا الرجال مو كفو وهم يعاملونه كنه ولدهم ويقدرونه
فتحت الموضوع معاهم من فتره والكل وقف بوجهي
اذا هو ماارحمني واقتنع وطلقني من نفسه ماراح احلم بالطلاق ولا بالراحه


انا مااحس اني معيونه واستغفرالله اقول لو هي عين ماابي اطيب اول شي ابي اتطلق

ادعـــي ربــــكـ يسهل الامـور بالخير والصلاح
اهــوا الرجـال حابج وشــاريـج بــس المـشكـلة من صوبج انتـي موحاسة براحة اتـجاهة او اي نـوع التقبل الـيه وهذه اصعب شيء ممكن الانسان يعيشه
او انـه يمر عليه خصوصا مرتبط فيه طــوال عـمـره واسـأس اي علاقـة زوجـية الموافقة ,,, والانـسجام الي يولد الراحة للطرفين ,, فهــمية قولــيه انه سمعتك
ممكن بس تعطيني فرصـة اتكــلم وماتقاطعني لين مانتهي وفهميه والله انت رجال مايعيبك شيء وكل بنت تتـمناك ولو كنت ترتاح لي او تحبني مثل ماتقول لازم تشوف راي الي بتعيش معاها انت تقدر تعيش معه وحدة ماعندها اي شيء اتجاهك مانبي حب بس على الاقل تقبل خـذي بالسياسة جربي يمكن افيد وادعي ربج ليل نهار الله بيسر لج يارب آمين ينولج الي في بالج

ياقلبي استخيري واللي فيه الخير بيصير ان شاء الله ولاتستعجلي