بأموت من الضيقه والتفكير وبأستاثم بزوجي(الجديد ص5)

الله يوفقك ويسهـّـل أمورك ويعجـّـل لك اللي فيـه الخير

حبيبتي .. استخيري أولاً و أخيراً .. والقرار اللي يريحـك أنتي سوّيـه بدون خوف ولا تردد لأن هالشئ لك أنتي فقط .. !!

هذا اللي عندي .. و الله يعينك ويسخـّـر لك أهلك و زوجك ..

:(

شقولج الصراحة يا اختي العزيزة .. الصراحة و ضعج ما يسر .. بغض النظر عن احاسيسج المعاكسة لمشاعره و تصرفاته المضادة لتصرفاتج فهذا دليل على معدن الرجال النقي ..

بقولج شي عن تجربة

بعد مقابلتنا الشرعية بصراحة حسيت انه معجب و قابل فيني بس اني طلعت من المقابلة بعدم الراحة و لا تقبلته شكليا بصراحة كنت اطمح لشخص افضل منه في المواصفات بس من كثر ما سمعت عن حسن اخلاقه قبلت فيه على مضض و قبولي فيه يرجع لطموحي من رب العالمين يوفقني وياه و الحمدالله رب العالمين رزقني على قد نياتي ..

في اول شهر كنت ندمانه على اختياري بس بعدها بفترى حسيت ان هالشخص يحمل لي الكثير من المشاعر بفترة بسيطة و يهتم لأمري مو بكثرة اتصالاته و انما بغدقه لي من المحبة و الحنان و الاشياء الي كان مستحيل انه يسويها سواها لي مثل ما يقول المثل لأجل عين تكرم الف عين .. و يكون في علمج يا اختي ان العشرة الطيبة تساهم في تكوين العلاقات الحميمة ..

نصيحة قبل لا اختم مداخلتي اياج و التفريط في هذا الرجال وما بعد كراهية الا المحبة و ان شاء الله بيدخل المحبة في قلبج بحبه و حنانه و معاملته الطيبة .. فلو كان شخص ثاني من بعده الله لا يقدر راح تسوين مقارنه بينه و بين هذا الي شاريج وقتها راح تعضين اصابعج ندم يا ليت تمسكت فيه و يا ليت ما فرطت فيه و يا ليت صبرت عليه و عطيت مشاعري فرصة في التعود عليه وقتها ما ينفع الندم .. نصيحه اخذيها من اخت لج في الدين F:

الحب يجي مع العشرة

حبيبتي انا زوجي من مكان وانا من مكان ثاني بالبدايه مثلك كان شعوري بس لما ملكنا وجلست معاه وشفت حياته غير قلت يلا ابتعد عن اهلي عشان يشتاقون لي لو ان البعد عن الاهل هو السبب الوحيد هذا مو سبب عشان ترفضينه وخاصه اذا كان اخلاقه قمه بروعه انا عني حاليا اقول الحمدالله اني اخذت واحد مو من عندنا والله معيشني كأني ملكه والحمدالله الله يدومها علينا وييسر عليك حبيبتي

بنات انا كنت كاتبه عن مشكلتي بهالرابط

http://forums.3roos.com/showthread.php?t=605225

والتطورات اللي صارت ماغيرت احساسي ولا رغبتي فيه

رحت عمره وقعدت 3 ايام بالحرم كل صلاه اروح انزل اصلي وادعي ربي يهديني ويزيح هالهم اللي على صدري
رجعت هاديه بس كارهته اعصابي ارتاحت فتره صح بس احساسي فيه ميت ميت ميت
اهلي رافضين موضوع طلاقي وهو مايبي يطلق
زواجي بعد 6شهور تقريبا والوضع قاعد يزيد سوء مايتحسن هالانسان مادري ليش يبي يعذبني ماافهمه مو مقصر معاي و اي شي ابيه يسويه بس اهم شي مو قادر يوفرلي اياه انا مو مرتاحه تعبانه احس موتي معاه ماني شايفه حياه بينا مااطيقه بنات وربي مهما اغصب نفسي غصب عني مااقدر
رجاء ماابي تجريح وردود بايخه افهموني انا باعيش معاه في ديرته بعيد عن اهلي وصديقاتي ومجتمعي اللي تعودت عليه بيتسكر علينا باب واحد وباعاشره وماراح اعرف احد غيره هناك
شلون كل هذا يصير وانا اذا قعد جنبي كشيت
انا مااتحمل ومادري شلون هو متحمل بنات من ملكنا لليوم شوفو كم شهر مو قادره اعطيه شي ولا شي العاده المخطوبين تصير بينهم ملاطفات خفيفه احنا لا حتى لما يحاول بالغصب يوقف ويقوم معصب واضح اني كارهته
لا تقولون عين انا فيني عين بس قبل لا اعرفه وكنت اعالج منها من زمان
لا تقولون شكله مو حلو لان شكله زين مافيه شي
لا تقولون فيه احد غيره يشهد علي ربي ماعندي اي علاقه ثانيه
ابعرف فيه احد كان نفسي فيه وحده كنت كارهه زوجها وحبته عقب العرس
ابسال اللي متزوجين من جناسي ثاانيه شلون وضعهم مرتاحين ولا لا تأقلمو ولا للحين
امه حست ان فيه شي ودقت علي معصبه من فتره
تقولي ولدي من عرفك ماشاف راحه واذا ماتبينه قولي الف وحده تتمناه بس هالوضع عيب يسوونه بنات الناس كل ماجاكم ردلنا منفس وتعبان
نرفزني كلامها دقيت عليه وقلتله ماابيك وطلقني ومافي داعي تتشكى لامك كنك بزر قام وتهاوش مع امه وابوه وصارت سالفه كبيره عندهم بسبتي
ودق علي قالي خلاص ماراح نسكن عندهم باطلعك برا وبعيد عن اهلي ومانبي احد يدخل
انا والله ماني فرحانه باللي صار بس اشدخلني مابيدي شي قلتله طلق مايبي معند
مافي احد يبي ينكد على نفسه غصب عني ماالله كاتب بينا قبول والله مو بكيفي
احس صارت سالفتنا سالفة كل مجلس بعايلتنا
كل يوم يتعلق اكثر واكرهه اكثر استغفرالله كنت اتمنى اخذ واحد يحبني بس هو ينفرني مهما يسوي ماابلعه
االلي تدخل وماعندها رد تدعي لي براحة البال حتى لو بسرها بنات

والله مدري شقول.. ربنا ايسر امرج ويهديج ورح بالج يارب,,,
ويختارلج الاحسن ويرضيج فيه يارب,,,

صلي استخارة واحسمي امرج لاتخلين الريال معلق وانتي بعدي عشان ترتاحين
ويارب يصير اللي فيه خير للطرفين ويرتاح بالج يارب

انا افكر انحلت مشكلتج والله الريال ماادري وش اللي مصبره على وحده ماتبيه خلاص ياختي لا تعذبين الريال وتقهرين بعدين يجيه شي حتى اهله مارظوا عليه مو مرتاحه خلاص انهي كل شي ويادار ما دخلج شر وبلاها هاللماطله اعطيها اياه قولي له انا مو مرتاحه معاك وبلا هالاشياء اللي تسويها وقولي لااهلج الكلام لمتى يعني بتظلين جذيه والزواج والحب مو بالغصب لا فقدتي هالانسان بتحبينه ولا اختفى من حياتج بتتمنين انه يرجع امي دايم تقول لي نصيحه اخذي اللي يحبج ولا تاخذين اللي تحبينه ياختي احمدي ربج والله ناس مو لاقيه احد يموت عليها مولعه اصابع يدينها ورجولها وهو يخونها ومع هذا ساكته وراظيه خلاص سوي اظراب ببيتكم وقولي ماابيه وقولي لااهلج انا بعيش معاه مو انتم اللي بتعيشون ومو قادره اتقبله وخايفه اروح معاه واكون غريببه ببلد غير بلدي

والله اصعب احساس ترا اذا هلا هيك كيف اذا زوجتي واضح انك رافضيتو عاطفيا وجسديا وفكريا وهالشئ صعب يخلي العلاقة تستمر او حتى تتغير لازم وفورا اهلك يغيروا رائهم سيدنا محمدصلى الله علية وسلم لما جتو امراة تشكي بانها لاترغب زوجها وبتكرهو ومش قادرة تستمر معاة مع انو مش مقصر معاها ففصل بينهم لانو اهم شئ بالعشرة مودة ومحبة ورحمة والاحترام وهالشئ مفقود عندهم عشان هيك كل شئ بجي بالغصب الازواج لازم اهلك يفهموا هالشئ

كلمي اهلج و فهميهم انج مو متقبلته ابببببببدا...الحين حتى اهله ما اظن بيتقبلوج عقب اللي صار...اكيد بيظل فبالهم اللي صار و ممكن يشيلون بقلبهم عليج...و اذا انت مو متقبلته هو اكيييد ما راح تتقبلين اهله بعد..و ممكن تعامليهم معاملة مو زينة...حبيبتي...الحل لمشكلتج انج تصرين على الطلاق...لا تهددين و تسكتين او تمشين و كأنج قاعدة تدلعين عليه او على اهلج...لأ بيني انج صااااااااادجة...و قولي كل الكلام اللي كتبتيه هنا له و لاهلج...انت اذا تزوجتي حياتج بتصير جحييييم...و انا عادة ما احب اعطي اقتراح الطلاق لمشاكل البنات المرتبطات هنا...لكن وضعج انت فعلا ما له الا هذا الحل...و الله يزيل همج و يمسح على قلبج و يوفقج للي يحبه و يرضاه...و يعوض الرجال باللي تحبه و تهنيه...آمين يا رب

والله يا حبيبتي مادري وش اقولك

بس هو شكله شاريك ومعجب فيك

استخيري كثير ...

عسى ان تكرهو شيئا وهو خير لكم ...

والله يريح بالك ياارب ويألف بينكم ويقربك منه ويحنن قلبك عليه
وادعي ياحبيبتي

القلوب بين اصبعي الرحمن
قولي يارب ان كان هالانسان هو خير لي في ديني ودنياي .. فحببه الي والن قلبي عليه ...

والله يوفقك ياارب

واضح من كلامج ان الأشياء اللي مخليتج ما اتقبلينه كونه مطلق و عنده ولد و انه بيغربج ... أنا اقول استخيري وواضح انج مب بالعته .. الله يعينه مسكين لابه امطلق المرة الأولى و لابج الحين تبين اتطلقينه ثاني مرة الله يكون بعونه كسر خاطري...

بس تره اعرف نسوان مثل حالتج و الحين عايشين احلى عيشه كل الموده اتيي مع العشرة

ولآ تزعليييين مني ... بسس قآعده أدوور سبب وآحد مقنع لرفضك له مآلقيييت !!!!

يختي وعسىآ أن تكرهوآ شيئآ وهو خييرآ لكم

لآ تستعجلييييين عطيه فررصه .. وعطي نفسك فرررصه .. ترى الحب مآيجي من اول نظرره ولآ من اوول سآلفه

ولآ من اول ضحكه .. الحب يجي مع العششرة مع الموآقف الزززينه اللي تبقى بالبآل وتخلينآ نسآمح ع التقصصير

يمكن لآنك خآآيفه وشي جديد علييك .. يمكن خآيفه من المسؤليييه عشآن ولده

يمكن ويمكن ويمكن .... اجلسي مع نفسسك جلسة مصآرحه وشوفي وش عيوبه وايش مميزآته

شووفي أنتي وش تبييين ...

لو إنه أبخل رجآل بالدنيآ وأنتي تبين تغيييرين منه بتقدرين .. لو أنتي تبينه يحسسك بحبه بتقدرين

بس بآلأول لآزم تعطيين عششآن تآخذييين .. أعطيه إهتمآم حب . إسألي عن دوآمه عن صحته عن كل شي يخصصصه

وبتلقينه يبآدلك نفسس الشي

لآتظلمينه .. ترى فيه بنآآآت وآآجد وربي يتمنوون الزوآآآج والله يبون بس اللي يطق البآب عليهم ويذكر أسآميهم

وأنتي ترفضييينه كذآ من غير سبب ... نعمه جتك وقآعده ترفسسينهآ

مثل مآ قلت لك اجلسي بآلأوول مع نفسسسك وشوفي أنتي وش تبييين ؟

والله في حآلة إنك مررره مررره مآتقدرييين ... فا الحمدالله على كل حآل . لآيكلف الله نفسسآ إلآ وسعهآ

والزوآج موب غصب وفهمي أهلك هالششي بعد مآ أنتي تشووفين هل اللي بتقدمين عليه صح أو لآ !!!

يقلبي توكلي على الله ولعني الشيطان
صاحبتي كانت نفس مشكلتك ماتبيه كارهته بالمره حتى ماسمحت له انو يشوفها
تكرهه كره العما وقالت للكل انو تبيه يطلقها بس هو عند وتمسك فيها وهي ابببببببد موطايقته بعدين الكل اقنعها
وتزوجته

وربي وربي وربي اني ماكذب عليك انها ماشاء الله والله يهنيهم اسعد انسانه تموووووووووووت فيه وماتستغني عنه واهي ساكنه بعيد عن اهلها
وماتحب تجلس عند اهلها وتخليه
توكلي على الله والله يوفقك
عذرا على الاطاله بس حبيت افيدك

ايه حبيبتي ذكرتيني ببنت خالتي
فتره الملكه كانت تقول ما ابيه وتبكي ...
وتقول حتى اهله ماني طايقه اشوفهم ..
وجلست تقريبا 3 او 4 شهور ما تحس انها تحبه ... بعدها البنت تغير حالها صارت تموت فيه وتجبله هداياا .. وتزعل لو ما شافته

والحين ما شاء الله متزوجين لهم 6 شهور ومبسوطين الله يهنيهم

الله يوفقك ويسهل عليك

الحل أنك تاخذي ورقة وقلم وتكتبين مميزاته وايجابيته .. وتقارنين بينهم

ولا تنسين عواقب الطلاق عندنا , وهل إذا تطلقتي بتاخذين واحد أحسن من مواصفاته ؟

خلك واقعية ولا تعشين بالخيال ..

و كافي حبه لج هذا يغطي كل العيوب , وين الوحدة تلاقي واحد يحبها بهالزمن ؟

وبعدين واضح أنه سبب رفضك له أنه متزوج قبلك و عنده عيال !

يا أختي سبب رفضك غير مقنع .. يعني تبين واحد مو متزوج لكن ما يحبك ولا يحترمك !

علماء النفس يقولون نحن نحب من نريد أن نحبهم هذه هي الحقيقة !

وأنتِ ما عطيتي قلبج فرصة أنج تحبينه ؟

افتحي قلبج وشوفي ..

اقبلي باللي يحبك وشاريك ولا اللي انتي تحبيه وهو مو حابك

محرقيه حتى النخاع;14672656:

مرحبا
انا مابي اخرعج
بس يمكن ام الولد اللي هي طليقه خطيبج
مسويه له شي علشان مايرتبط بحد غيرها
لان مواصفات الخاطب كلش تمام وانتي تمدحينه بس بمجرد ما يقرب لج تحسين بهل احساس كانه في شي
مادري استخيري والله ايسر لج يارب

ورده n;14673047:

شوفي يااختي مافي شي بالغصب اذا مو مرتاحه بعد الاستخاره والنضره الشرعيه فلاتتعبين الرجال معك انصحك مدام انتي على البر واهو اذا مو داخل قلبك حرام تظلمينه معك وتظلمين نفسك معه بكره تتزوجينه وبعدين تجيبين طفل ويصير الضحيه وتقولين من الاول اصلا ماحبيته انصحك من اخت تعزك اولا (((كثره الاستخاره قبل كل شي )) فانكي تستخيرين خالقه وخالقكي وعالم بما يكون ولوكان ولو لم يكن وعلام الغيوب ومسخر القلوب ثانيا تعطين نفسك وقت بعد الاستخاره تفكرين وتخلين عقلك يرتاح وتتركين موضوع البعد عن راسك وتفكرين زين مررره وتتركن عنك سالفت الولد يمكن يصير احسن من عيالك ويصخره الله لك اذا في نصيب ثالثا ((كثره الدعاء واللجو الا الله تعالى فان لا يرد القضاء الا الدعاء))وقال تعال ((وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُواْ لِي وَلْيُؤْمِنُواْ بِي لَعَلَّهُمْ يَرْشُدُونَ)) وتحاولين قبل لاتنامين تصلين ركعتين وتدعين الله فيها والله ثم والله بعد الصلات والدعاء بترتاحين كثير لانك فوضتي امرك لله رابعا((الاستغفار )) تحاولين تستغفرين بنيه ان الله يختارلك الزين ويفرج عنك هالمشكله وتنحل بكل هدوء فإن مع العسر يسرا ومابعد الضيق الا الفرج خامسا الثقه بالله وان الله قريب وان الله سيستجيب دعاكي وسيفرج عنكي سادسا بعد هذا كله اتخذي القرار وانتي مرتاحه مره طبعا مستخيره ومسويه الي نصحتك فيه وان شاء الله بعدها بترتاحين لانك سويتي الي عليك وماتسرعتي واتمنى ان الله يقدم الي فيه الخير لك واتمنى اني افدتك..دعواتي لكي ...

د.فاطمة;14676357:
اختي الفاضله
انت عقلك الباطن غير مستوعب للاحداث اللي صارات كلها
انا بسالك؟ ماهي مواصفات زوج المستقبل؟
ان كان حسب توقعاتي ان حسب حلمك انه يكون ولد اعزب ... صحيح؟
لكن الواقع غير ذالك وارتبطت به من غير اقتناع وعقلك الباطن لايريد الاستجابه والتقبل
لذلك اختي ارجوا ان تقنعي عقلك الباطن بان تقولي دائما انا احبه
انا اريده
ابنه هو ابني هو لطيف من احباب الله
تبحثي عن كل المواصفات التي كنت تريدينها بزوج المستقبل في زوجك هذا
تعلقي بما بحثتي عنه من الاشياء المحببه فيه

ثقي ان الزواج والمحبه والوئام يكون بعد الزواج وهذا ليس كلام عابر قال تعالى(وجعل بينكم مودة ورحمه)
وباذن الله سوف يكون بينكم وئام

اتمنى ياختي تكون بعض القصص اللي ذكروها بعض الخوات تنفعج ..
وادري عزيزتي مو بيدج تعاملينه بهالطريقة وغصبا عليج بس ترفقي عليه،، بسم الله عليج وبعيد الشر عنج حطي نفسج بمكانه وانه هو اللي كارهج .. والله ما اقصد اجرحج لا والله بس ابي لج الخير وما يكون ضرر لا عليج ولا على الطرف الآخر عشان اختي لو ما صار نصيب ما تحسين بتأنيب الضمير إنه انجرح أو تضايق منج
واتمنى ان الله يسر لج ويؤلف بين قلوبكم ويكون لج الزوج الصالح وسند في هالدنيا
بشرينا عن حالج ويارب يكون حال يسرج ويسرنا كلنا :)