كل يوم هنتكلم عن موضوع جديد لصحه طفلك....الجزء التانى

متحرمش منك يادندونه

katkooota_7aboooba ام حــور;14683115:
ام سيمو هى مش قرصه ناموسه لا دى بقع ناشفه كده وحمرا وبتدعك فيها جامد خاصة وهى نايمة

لا يا ام حور تبقى كده حساسيه فعلا
هاتيلها فينيستيل و اديها 10 نقط مره الصبح و مرة بالليل

و حاولى على قد متقدرى تخليها متجيبش ايديها على وشها

sweetyronaaa;14683175:
جزاكى الله كل خير يا دينا
و الحمد لله انه مش هياخد دوا انا اصلا كان صعبان عليا اوى انى اديله دوا و هو صغير كده
بس بقلك هو من امبارح ابتدي يكح شويه ده من الرشح و لا ايه
انا عموما هوديه لدكتورة بكره بس عايزة اطمن

و بجد انا استفدت جدا من موضوعك ده و بدعيلك طول الوقت ربنا يجازيكي كل خير و يباركلك في سما
بس قليلي هو ايه الموقع اللي انتى كنتى بتتكلمى عليه
و كمان متعرفيش كتب حلوة في تربيه الاطفال تقوليلنا عليها نقراها

تسلملى يا رونا
و اضح انه داخل على دور برد
فى دوا اسمه فلوسيز كويس اوى لانه عبارة عن اعشاب و امن للاطفال الصغيرين
و اديله رضعه اعشاب قبل مينام تكون دافيه
لحد متوديه للدكتور
و الموقع هبعتهولك ع الخاص يا قمر

@زهرة دبلانة@;14683327:
متحرمش منك يادندونه

اى خدمه يا روروF:F:

الف سلامة عليكي يا دندن

انا جوجو مش عايزة تتعلم البوسة بقي مع انها بتحبها لما ابوسها وبقولها كتير بس اخاف اصلا اقربلها خدي عشان عضاضة، دي عضت اخت جوزي الصغيرة مرتين قبل كده وياعيني بتعلم معاها وتورم في ساعتها كمان بلطجية صغيرة ومفترية وهي مش حاسة بتعمل ايه وتقعد تضحك بعدها وفرحانة اوي، فمش عايزة اجرب معاها كفاية انا ابوسها وبس هي مش عايزة منها حاجة احسن :lol::lol:

OM SIMO;14684358:
لا يا ام حور تبقى كده حساسيه فعلا
هاتيلها فينيستيل و اديها 10 نقط مره الصبح و مرة بالليل

و حاولى على قد متقدرى تخليها متجيبش ايديها على وشها




تسلملى يا رونا
و اضح انه داخل على دور برد
فى دوا اسمه فلوسيز كويس اوى لانه عبارة عن اعشاب و امن للاطفال الصغيرين
و اديله رضعه اعشاب قبل مينام تكون دافيه
لحد متوديه للدكتور
و الموقع هبعتهولك ع الخاص يا قمر






اى خدمه يا روروF:F:

طيب و الدوا ده جرعته اد ايه
و ادهوله النهارده و لا استنى لبكره
اصل دكتورة مش بيجي النهارده


كتكوته جوجو دي عسل
بنت اخويا كانت هريانا عض برضه خصوصا لما طلعلها سنان
دي مره عضت خالي في وشه و عورته جامد
بس متقلقيش هي شويه و هتعرف تبوسك كويس

CuTie KaTkOoTa;14684636:
الف سلامة عليكي يا دندن

انا جوجو مش عايزة تتعلم البوسة بقي مع انها بتحبها لما ابوسها وبقولها كتير بس اخاف اصلا اقربلها خدي عشان عضاضة، دي عضت اخت جوزي الصغيرة مرتين قبل كده وياعيني بتعلم معاها وتورم في ساعتها كمان بلطجية صغيرة ومفترية وهي مش حاسة بتعمل ايه وتقعد تضحك بعدها وفرحانة اوي، فمش عايزة اجرب معاها كفاية انا ابوسها وبس هي مش عايزة منها حاجة احسن :lol::lol:

الله يسلمك يا ايمى
لسه كنتى على بالى انهارده والله

:lol::lol::lol:

و الله العيال دول بيربونا انا بقى بديها خدى بقلب جامد عشان معندهاش ولا سنه
و بتحاول تعضنى برضه بس مش بتعرف:lol:

و ساعات الاقيها لوحدها كده جات اديتنى بوسه بيبقى شكلها عسل اوى

و ساعات لما متعرفش تبوس تيجى على خدى و تقول با قال يعنى بتعمل صوت البوسه

sweetyronaaa;14684987:
طيب و الدوا ده جرعته اد ايه
و ادهوله النهارده و لا استنى لبكره
اصل دكتورة مش بيجي النهارده


كتكوته جوجو دي عسل
بنت اخويا كانت هريانا عض برضه خصوصا لما طلعلها سنان
دي مره عضت خالي في وشه و عورته جامد
بس متقلقيش هي شويه و هتعرف تبوسك كويس

جرعته معلقه صغيرة 3 مرات فى اليوم

وزى منتى عايزة لو هتجيبيه انهارده او لو هتستنى لما الدكتور يشوفه الاول

بس انا كل خوفى ان الدكتور يديه دوا برد زى الرينوستوب او الرينومول
عشان فى ساعات دكاترة بتستسهل و تديهم للاطفال و مش بيهمه السن
و دا غلط طبعا

لا هو الحمد لله الدكتور بتاعه مش بيحب يدي ادويه كتير
مش بيدي دوا الا لما يلاقي الحاله محتاجه
و عموما لما اروحله هبقي اقلك هو قالي ايه

[BACKGROUND="70 #FFFFCC"]
بسم الله الرحمن الرحيم


الحمى او ارتفاع الحراره فى الاطفال








الحمى مش مرض و لكنها عرض

يعنى لما حراره الطفل بترتفع بيكون اشارة لان الجسم فيه مشكله ما

و درجه الحرارة العاديه للطفل بتتراوح من 36.5 ل 37.5






طيب هو ليه درجه الحرارة بترتفع؟

يعتبر ارتفاع الحرارة و سيله بيستخدمها الجسم للدفاع عن نفسه ضد البكتيريا و الفيروسات

لان ارتفاع حراره الجسم ممكن يساعد بطريقه مباشرة فى انه يقتل بعض البكتيريا

او بطريقه غير مباشرة انه يحفز الجسم ينتج خلايا الدم البيضاء اللى بتقضى على الجراثيم






امتى اشك ان ابنى حرارته مرتفعه؟





لو حسيتى بظهر ايديكى على جبهته و لقيتيه ادفى منك ساعتها قيسيله الحراره بالترمومتر




و فى طرق مختلفه لقياس الحرارة


منها انك تحطى الترمومتر فى فم الطفل تحت لسانه ودا ممنوع قبل 3 سنين




او تحطيه فى فتحه الشرج





او تحت الابط مع ملاحظه انك تزودى نص درجه على قرائه الترمومتر





او فى ترمومتر بيبقى مخصص انه يقيس الحرارة عن طريق الاذن



ممكن تستعملى الشريط الحرارى اللى بيقيس الحرارة عن طريق و ضعه على جبين الطفل
و لكن مش بيبقى دقيق اوى فى قياس الحرارة



اسباب الحمى؟




زى مقولنا درجه الحرارة بترتفع لو الجسم بيصارع جسم غريب زى الفيروس او البكتيريا

ممكن يكون مؤشر لوجود التهابات فى الجسم زى
التهاب مجرى البول
اوالتهاب اللوز او الالتهاب الشعبى و التهابات الجهاز التنفسى
التهاب الاذن

ممكن يكون بسبب التطعيم او التسنين

و غيرها من الاسباب الكتيرة جدا اللى بتؤدى لارتفاع الحررة









امتى تروحى للدكتور ؟






- لو زادت درجه الحرارة عن 39 درجه
-لو زادت درجه الحرارة فى طفل اقل من 3 شهور عن 38 درجه
-لو حسيتى ان طفلك مش بطبيعته يعنى مش بيلعب او غير منتبه للى حواليه
او يكون متوتر و حركاته اكتر من الطبيعى
-لو صاحب ارتفاع الحرارة اعراض تانيه زى الاسهال و الترجيع او الكحه او الطفح الجلدى
-لو كان طفلك مش عارف يتنفس او بينج اكتر من الطبيعى





ازاى اخفض درجه حرارة ابنى؟





اهم حاجه فى تنزيل درجه الحرارة هيا الكمادات
بانك تعمليله كمادات ميه فاترة من الحنفيه و خللى بالك فاترة مش ساقعه
لان الميه الساقعه بتجيب نتيجه عكسيه

و تحطى الكمادات على زورة و تحت الابط
و تحطى نصه التحتانى فى اناء مليان ميه




تانى حاجه بقى هيا الادويه الخافضه للحرارة
واامن حاجه لطفلك هو مركبات الباراسيتامول فى اول 6 شهور من عمر الطفل
زى البارامول و السيتال و البيرال.............
و بعد 6 شهور ممكن نبتدى نتستعمل مركبات الايبوبروفين
زى البروفين و البروفينال و الماركوفين ................

و ممنوع منعا باتا استعمال الاسبيرين فى الاطفال





اهم حاجه انك تاخدى بالك ان الجرعه بتختلف على حسب وزن الطفل
و تسالى الطبيب قبل متدى الدوا من نفسك
وكترى من شرب السوايل و الميه

و ادويه خفض الحرارة بتقلل الحرارة لكنها مش بتعالج السبب
عشان كده بتلاقى الحرارة رجعت تانى ترتفع بعد ما تاثير الدوا بيروح




عشان كده لازم يتعالج السبب الاساسى لرفع الحرارة













[/BACKGROUND]

sweetyronaaa;14684987:

كتكوته جوجو دي عسل
بنت اخويا كانت هريانا عض برضه خصوصا لما طلعلها سنان
دي مره عضت خالي في وشه و عورته جامد
بس متقلقيش هي شويه و هتعرف تبوسك كويس

يارب نفسي تبطل العادة المهببة دي :lol::lol: عض او تلطيش وهبش في الوش والعين

OM SIMO;14687329:
الله يسلمك يا ايمى
لسه كنتى على بالى انهارده والله

:lol::lol::lol:

و الله العيال دول بيربونا انا بقى بديها خدى بقلب جامد عشان معندهاش ولا سنه
و بتحاول تعضنى برضه بس مش بتعرف:lol:

و ساعات الاقيها لوحدها كده جات اديتنى بوسه بيبقى شكلها عسل اوى

و ساعات لما متعرفش تبوس تيجى على خدى و تقول با قال يعنى بتعمل صوت البوسه

ههههه يا خلاصي ما شاء الله حلوة الصوت ده، ما هو جوجو بتعض من قبل ما يطلعها سنان بردو بس دلوقتي طبعا عضتها بمليون عضة :sick::sick::sick:

دندونة الدرس رائع ربنا يباركلك ف سيمو السكر القشطه وقليلها خالتو اديتلك با على الهوا هههههههههه

بس انتى تقصدى 39
ف المعلومه دى صلحيها
- لو زادت درجه الحرارة عن 93 درجه

CuTie KaTkOoTa;14688728:
يارب نفسي تبطل العادة المهببة دي :lol::lol: عض او تلطيش وهبش في الوش والعين


ههههه يا خلاصي ما شاء الله حلوة الصوت ده، ما هو جوجو بتعض من قبل ما يطلعها سنان بردو بس دلوقتي طبعا عضتها بمليون عضة :sick::sick::sick:

ههههههههههههه اكيد طبعا دول بيبقو لسه حاميين طازة

على فكرة بالنسبه للتطعيمات
تطعيم الكبدى أ مش موجود فعلا فى الصحه هو خارجى

تطعيم السنه ده لسه جديد يعنى السنه اللى فاتت مكنش موجود

و هو عبارة عن ال ثلاثى الفيروسى MMR حصبه و حصبه المانى و النكاف

و السنه و نص جرعه تانيه من الحصبه مع الثلاثى البكتيرى DPT اللى زى بتاع الشهرين و الاربعه و السته

و دا طبعا بالاضافه لشلل الاطفال

angelamanda;14689039:

تسلمين حبيبتي عالمعلومات

و مبروك عليكم الجزء اليديد

بالتوفيق

شكرا يا حبيبتى نورتينا

@زهرة دبلانة@;14690600:
دندونة الدرس رائع ربنا يباركلك ف سيمو السكر القشطه وقليلها خالتو اديتلك با على الهوا هههههههههه

بس انتى تقصدى 39
ف المعلومه دى صلحيها
- لو زادت درجه الحرارة عن 93 درجه

هههههههههههه و سيمو بعتالك با ليكى و با لجوجو :L::L:

درجه الحرارة فعلا انا كاتباها غلط اصلى مراجعتش الكلام بعد مكتبته
هبعت للمشرفه تصلحها


على فكرة يا رورو انا مش ناسيه الموضوع اللى انتى عايزاه اللى هو الاعتماد على النفس
بس انا مستنيه كان فى كتاب حلو اوى بيتكلم عن نفسيه الطفل مع واحده صاحبتى

قولتلها تجيبهولى عشان انزلكو معلومات منه

ام سيمو هى حساسية اللبن دى هتأثر على حور بعد كده ؟؟؟

انا بتابع عند د. مجدى بدر الدين وبصراحه خايفه اقوله انها شربت لبن عشان بيزعق جامد
هى الاحمرار خف بس لسه موجود وناشف كده اخلينى على الفنيستيل بس انا بدهنلها وشها بجونسون عشان بيبقى ناشف اوى وبحس انه مشدود كده وبيوجعها فى حاجه تانيه اعملهالها؟؟؟؟

دينا
انا رحت للدكتور النهارده و قالي الحمد لله انه مش محتاج ياخد دوا
و كتبلي على دوا كحه قالي لو جاتله كحه جامده اوى ادهوله
بس قلي بقي انه وزنه مش حلو و ضعيف و هندخله سيريلاك من اول الرابع عشان وزنه يتظبط

ام حور ربنا يشفيها ويعافيها ويزيح عنها ياحبيبتى



دندونه
على فكرة يا رورو انا مش ناسيه الموضوع اللى انتى عايزاه اللى هو الاعتماد على النفس
بس انا مستنيه كان فى كتاب حلو اوى بيتكلم عن نفسيه الطفل مع واحده صاحبتى

قولتلها تجيبهولى عشان انزلكو معلومات منه


والله انا نسيت وبجد انتى انسانه سكطر ربنا يبارك فيكى يكفى تعبك ده عشان تفيدينا ربنا يصلح حالك ويريح بالك ويسعدك دنيا واخرة
مواضيعك اصلا كلها رائعه بجد

موضوع رائع

katkooota_7aboooba ام حــور;14695722:
ام سيمو هى حساسية اللبن دى هتأثر على حور بعد كده ؟؟؟

انا بتابع عند د. مجدى بدر الدين وبصراحه خايفه اقوله انها شربت لبن عشان بيزعق جامد
هى الاحمرار خف بس لسه موجود وناشف كده اخلينى على الفنيستيل بس انا بدهنلها وشها بجونسون عشان بيبقى ناشف اوى وبحس انه مشدود كده وبيوجعها فى حاجه تانيه اعملهالها؟؟؟؟

لا يا ام حور مش هياثر عليها ولا حاجه بعد كده بس تاخدى بالك لما تيجى تدخليلها اللبن بعد كده تخففيه فى الاول و بالتدريج تبداى تدخليهولها من غير تخفيف

انتى متاكده انها ماكلتش حاجه تانيه جديده غير اللبن؟
بالنسبه للاحمرار بلاش الجونسون خالص دلوقتى لانه ممكن يزود الالتهاب

هيا البقع ناشفه اوى زى كده


ولا اخف من كده


لو هيا اخف من الصورة ا دهنيلها كالاميل هيهدى الحكه شويه

ولو زى الصورة هتحتاج كريم فيه نسبه كورتيزون قليله زى ELOCON CREAM

sweetyronaaa;14696107:
دينا
انا رحت للدكتور النهارده و قالي الحمد لله انه مش محتاج ياخد دوا
و كتبلي على دوا كحه قالي لو جاتله كحه جامده اوى ادهوله
بس قلي بقي انه وزنه مش حلو و ضعيف و هندخله سيريلاك من اول الرابع عشان وزنه يتظبط

الحمد لله يا رونا
ربنا يطمنك عليه

و بالنسبه للوزن متحكميش دلوقتى خليكى معاه بالرضاعه على قد متقدرى و لما يكمل 4 شهور شوفى وزنه تانى

@زهرة دبلانة@;14696119:
ام حور ربنا يشفيها ويعافيها ويزيح عنها ياحبيبتى



دندونه
على فكرة يا رورو انا مش ناسيه الموضوع اللى انتى عايزاه اللى هو الاعتماد على النفس
بس انا مستنيه كان فى كتاب حلو اوى بيتكلم عن نفسيه الطفل مع واحده صاحبتى

قولتلها تجيبهولى عشان انزلكو معلومات منه


والله انا نسيت وبجد انتى انسانه سكطر ربنا يبارك فيكى يكفى تعبك ده عشان تفيدينا ربنا يصلح حالك ويريح بالك ويسعدك دنيا واخرة
مواضيعك اصلا كلها رائعه بجد

ربنا يخليكى يا رورو دا بس من زوقك يا قمر

اسمهاان;14696130:
موضوع رائع

تسلمى يا اسمهان

هى اكلت قرنبيط بس مأعتقدش ان هو السبب
هى البقع لا مش كده الحمد لله هى صغيرة حتتين فى خدودها هنا وهنا بس ناشفه ولونها رزو كده والحكة قلت الحمدلله
هأحطلها كالاميل
جزاكى الله خيرا على تعبك معلش ازعجتك

ام سيمو انا يوسف تعبان يا حبيبيت زوره و عطس على طول و منخيره قافلة كنت عايزة اعرف الادوية دي كويسة و لا ايه انا رحت بيه للدكتور النهاردة و قالي عنده احتقان في الزور عشان كده مش عارف يتنفس من منخيره و بيتنفس من بؤه اداني فلودركيس شراب مرتين في اليوم 2 و نص مل و اداني هايموكس ده عبارة عن بودرة و بيتخلط معاه مية بيبقى زي الدوا و بياتخد كل 8 ساعات 2 و نص مل و اداني محلول ملحي عشان منخيره نقطة في كل فتحة 3 مرات في اليوم انا حاسة ان الكحة خفت عن الاول ماشاء الله هيا كانت بسيطة لسه في الاول و بردو العطس خف يعني ممكن على فترات استمر في الدوا ده و لا ايه

دودو انا وديت جودى من اسبوع كدا للدكتوره علشان كان عندها برد وملقتش الدوا بتاعها هنا روحتلها علشان تكتبلها على دوا فقولتلها انها شهيتها مفقوده خالص اديتنى دوا حديد وقالتلى ده فاتح شهيه اسمه هيرو فيت هو طعمه حلو جداااا ومسكر جداااااااااا على جودى بتعد تكح لما تاخده من كتر السكر اللى فيه والدكتوره قالتلى زوديه على مايه او عصير بس المشكله جودى بتشم ريحته ومش بترضى تاخد الدوا خالص علشان مسكر يعنى اعمل ايه بقى علشان تاخده
وعلى فكره انتى وحشتينى اوى

دينا معلش قرفاكى معايا
ادهم لاقيت عنده حبوب حمرا في منطقه الحفاض
اعمله ايه عشان تروح