كل يوم هنتكلم عن موضوع جديد لصحه طفلك....الجزء التانى

انا اسفه جدا يا بنات ع التاخير

زى ما رورو حبيبتى فتنت و قالتلكو كنت تعبانه اوى الحمد لله

و النهارده من اول اليوم كنت فى كايرو

و لسه راجعه من 4
ساعات و هموت وانام بس الهانم مفنجله ع الاخر و قاعده تلعب كاننا فى عز الظهر
ربنا يهديها

katkooota_7aboooba ام حــور;14658445:
معلش يا ام سيمو
انا عارفه ان سؤالى عبيط اوى
هو حور هتعرف تبوسنى امتى؟؟؟ وتعرف تصقف امتى؟؟؟؟

هههههههههههه لا مش عبيط ولا حاجه بالعكس
بصى يا ام حور انتى حاولى تبداى تعلميها الحجات دى
يعنى تقوليلها هاتى بوسه و تروحى بايساها و شويه و تديها خدك و تقوليلها هاتى بوسه
فى الاول مش هتفهمك بس واحده واحده هتلاقيها بدات تعملها

و برضه امسكى ايديها الاتنين و خليها تسقف و انتى كمان سقفى
او خليها تمسك حاجتين فى ايديها بحيث لما تخبطهم فى بعض يعملو صوت

اطلعى من الاوضه و اعمليلها باى و بعدين ادخلى تانى و عملى نفس الحركه
كمان وانتو خارجين برة قوليلها باى و امسكى ايديها و خليها تعمل باى


هتلاقيها واحده واحده بدات تعمل هيا الحركات دى من نفسها

*Om Mo3az & Eyad*;14658564:
ربنا يكرمك يا ام سيمو يارب


بقول لك اياد انهرده رجع مره وكل شوية يقشط بس حاجه لونها غريب لونها اصفر كده لون البرتقال بالظبط
بس انا ماكلتش برتقال خالص ع فكره ولا يوسفي
بس شربت بيبسي برتقال هههههههههههههههه
افتكرت
ده ليه علاقه بلون قشطه ولا ايه


وكمان عاوزة اعرف البصل بيغير فعلا طعم اللبن ولا لا ؟

قبل ما ارد عليكى قوليلى الاول الحكايه دى اتكررت كذا مرة ولا هيا المرادى بس

بالنسبه للبصل فاللبن بياخد نكهه الاكل اللى انتى بتاكليه
يعنى انتى لما تاكلى بصل هيشرب هو حليب بطعم البصل:lol::lol:

و طبعا البيبسى والمشروبات الغازيه بتعمل انتفاخ و غازات للبيبى

@زهرة دبلانة@;14661928:
بناااااااااااااااااااااااات على فكرة دندونة تعبانه وسخنه وزورها واجعها ياريت كلنا نخصص ليها ساعه حلوة النهارده وندعيلها ربنا يعطيها سؤلها ويعافيها مارضتش تقولكم بس انا فتنت عليها :-# عشان تدعولها

ههههههههههههههههههه تسلميللى يا رورو متحرمش منك يا حبيبتى
انا الحمد لله احسن بفضل ربنا و دعواتك ليا

ساره افندي;14663694:
انا اخت الحبوب ديه ومعملش نتيجه معاياااا تصدقيييي اصل اكلي كان ضايع وانا عارفه فامرعوبه المردي من كده لان اول مره ضغطت علي نفسي كتيررر في موضوع الاكل والشرررب ولا نتيجه
طيب معلش اانا عندي كام سؤال تانين غلسه انا:o
دلوقتي صحبتي هطهر الولد ومفيش حد هيدخل بيه الا انا لدكتور الجراحه هل البنج الرش فيه تاثيررر علياااا وانا حامل ختا لو هقف من بعيد ؟؟؟
لان محدش هيدخل مع البيبي غيرررر لظروف صحبتي
كمان انا كنت عايزه اعمل حمايه زياده لشعر ابني من الحضانه وارش ليه مره علي الاقل في الاسبوع في شعره اللسيون اللي بيقضي علي حشرات الشعر ده للوقايه وان لو عنده حاجه ميتعديش انا عارفه انه ولد وشعره قصيررر بس الوقايه احسسن والحضانه نظيفه بس انتي عارفه محدش ضامن ايه لانهم اطفال وايدهم مش نظيفه وعلي طول علي شعرهم
انا كنت بسال علي حاجه مناسبه لسن تلات سنوات ونص
انا بصراجه مش عايزه اسال الدكتور بتاعه هيقولي مادام مفيش يبقا ليه والنظريه ديه ولو حاولت افهم وقايه مش هيرضاااااااا
اخرررر سؤؤؤؤؤؤؤؤؤؤؤؤؤؤؤال
موضوع النفاس ده انا مش عارفه اصوله ولا تعملي ايه ولا ايه المتبع
بس انا في ولدتي الاولي كان عادي جدااا موضوع اني بعد اسبوع انزل الششارع وفعلا نزلت عادي والحياه عاديه هوا ايه موضع اع
في البيت لحد 40 يوم والجسم مفتح مش مادم صيف ولابسه كويس يبقااا خلاصصص
انا ملاحظتش حاجه الصراحه علياااا في الجمل الاول من اجرارات النفاس ديه اللي انا مش عارفها ههههههههههه

تفائلى المرادى ان شاء الله اهم حاجه النفسيه تبقى تمام هتلاقى اللبن زاد و بقى كتير ان شاء الله
بصى بقى بالنسبه للوسيون هوا فعلا مينفعش يتاخد كوقايه لانه هو عبارة عن مبيد حشرى
بنستخدمه بس للعلاج
وانتى لو استعملتيه عمال على بطال هيجيب نتيجه عكسيه لان الحشرات ممكن لو اتنقلتله تكون مقاومه ضده و يكون مش مؤثر
انتى اهم حاجه تتابعيه على طول ع الاقل 3 مرات فى الاسبوع
وتنبهى عليه ميستعملش مشط او فرشه من حد
ولا يلبس كاب او طاقيه من حد تانى


البنج الموضعى مفيش منه اى ضرر خالص متخافيش منه نهائى

موضوع النفاس بقى كل مشكلته انك مناعتك بتبقى قليله فبتبقى عرضه لانك تلقطى عدوى لا قدر الله
غير كده مفيش اى مشاكل وعادى جدا لو خرجتى قبل الاربعين لو حسيتى انك قادرة على كده و حالتك الصحيه كويسه

~OM-ADAM~;14665034:
ألف سلامة يا دندونة اسأل الله العظيم رب العرش العظيم ان يشفيكي و ترجعي بألف سلامة..

تسلمى يا بوسى ربنا يخليكى

M!ss Tuky;14666742:
نفس الشئ عند تايا وازعقلها تدحك اقولها يابت انا بزعق تدحك بردو ولما امشي من قدامها عالصريخ والعياط وحتة الرياله دي جامده اوى عندها وبتعض ع شفتها الى تحت وجوزى بيهريني تريقه ع ضرضيرها دي
يقولى انا اروح اقول للصيدلي ايديني حاجه للضراضير ويفضل يدحك عليا هههههههههههه




نفس الشء بردو الجزء بتاع الناب الى تحت فيه حاجه بارزة وسألت ام سيمو عليها بردو

بس عاوزة انبه ام سيمو انها بتزن ع طول ورياله كتييير ده غير الحتة الى عند الناب الى بارزة دى

تفتكرى تسنيين ؟

ايوة يا توكى اكيد تسنين ان شاء الله
هاتيلها اوراكيور جيل
و استحمليها الايام دى

مرسي ياقمرررر انا اصلي بحب اخد احتياط بدل ماادخل في متاهاااات هوا مش بيفتكررر موضوع متعملش وتخلي طول ماانا بعيد عنه في البيت مش بيفتكر حاجاه فاقلت انا في البيت اعمل ليه حماااايه كده كده هتابع بس اعمل حمايه بردوه طيب معلش انا عارفه اني غلسه طيب الشامبوه بتع الحاجات ديه مثلا مينفعش اشتعمله مره في الاسبوع مش كل يوم مره كده علي المااااشي ؟؟؟؟
ووانا متابعه اووووي مع ام ميزووووو الاسائله بتاعتهاااا علشان بركززز هههههههههه لانها اغلبها اعارض بتتكررر مع الامهاااات

الف سلامة عليكى يا ام سيمو القمر
وحمدلله على سلامتك
انا بحاول اعلمها هى دلوقتى لما اقولها هاتى بوسة بتمد وشها كده عشان انا ببوسها كتير " الكلام ليكى يا زهرة "
واهو بنحاول فى التصقيف والباى ربنا ييسر
اصل اخواتى بيقولولى عاوزين اوبشنز جديد فى عيد ميلادها عشان كده بسأل

الحمد لله على سلامتك يادندونة ربنا يزيح عنك واحساس وحش اوى انك عايزة اتنام وتلاقى بنتك مفنجلة هههههههه معلش اكيد عشان نامت كتير ف الطريق فصحصحت بالليل بقى هههههه

ام حور ماتستعجليش بكره تزهقك بوس هههههه ربنا يباركلك فيها

دندن
الف سلامه عليكي ربنا يشفيكي و يعافيكي
بقلك ادهم بقاله يومين عنده افرازات كتيره اوى في منخيره مش عارفه بقي هو كده جاله برد و لا ايه
و كمان هى ايه اعراض حساسيه الانف عشان شاكه انه عنده حساسيه

ازيك يا ام سيمو ربنا يخليلك سيمو وتفرحى بيها يارب وشكرا على تعبك معانا انا بستفيد منك جدا انا لية سوال انا هنا عندها 8شهور ونصف بقالها 3اسابيع باين حتة بيضاء مكان السنة بس لسة كل دة مش طلعت هى امتى بقى هتطلع وازاى اخفف الالم التسنين كل انواع الجيل مش بتنفع

دينا الف سلامه عليكي يا حبي شافاكي الله وعافاكي
الجو اليومين دول ربنا يستر منه متقلب جدا


جزاكي الله خيرا على ردك بس الدكتور كان قال لي ممنوع البيبسي السودا وماجبش سيره حاجه تانيه فانا افتكرت السودا بس هي اللي امنعها
وانا اليوم اللي قشط فيه ده فطرت فول وبصل وبعد كده شربت بيبسي :lol::lol::lol:
شكلي بوظت للواد البن ههههههههههههههههههههههههه
ولاء موضوع القشط ده مش اتكرر تاني ولا قبلها ولا بعدها الحمدلله



طب ياريت تقولي لي ايه الاكلات التانيه اللي بتغير طعم اللبن
الدكتور قايل لي ع الكرنب والقرنبيط
يعني انا هقعد طول فترة الرضاعه مش هاكل محشي كرنب ده انا بحبه اوىىىىىىى :-#





ومعلش عاوزة اعرف حساسية اللبس دي بتفضل لاد ايه ؟
يعني لحد امتى مش هلبسه صوف والحاجات اللي بتعمل له حساسيه دي

ساره افندي;14669108:
مرسي ياقمرررر انا اصلي بحب اخد احتياط بدل ماادخل في متاهاااات هوا مش بيفتكررر موضوع متعملش وتخلي طول ماانا بعيد عنه في البيت مش بيفتكر حاجاه فاقلت انا في البيت اعمل ليه حماااايه كده كده هتابع بس اعمل حمايه بردوه طيب معلش انا عارفه اني غلسه طيب الشامبوه بتع الحاجات ديه مثلا مينفعش اشتعمله مره في الاسبوع مش كل يوم مره كده علي المااااشي ؟؟؟؟
ووانا متابعه اووووي مع ام ميزووووو الاسائله بتاعتهاااا علشان بركززز هههههههههه لانها اغلبها اعارض بتتكررر مع الامهاااات

لا يا سارة برضه الشامبو مينفعش للوقايه لانه بيبقى بنفس التركيبه اللى هيا فيها بنزين و مبيدات حشريه
و زى مقولتلك انتى كده مش بتحميه بالعكس انتى كده ممكن تصعبى العلاج فى حاله انه اتعدى
لانك هتساعدى الحشرات انها تكون مقاومه ضده

و هديكى مثال عشان تقتنعى
زى المضادات الحيويه كده هل ينفع انى اخد مضاد حيوى مثلا كوقايه
يعنى ينفع اقول انا هاخد كل اسبوع حبايه مضاد حيوى عشان متعبش بعد كده؟؟؟؟؟؟
لا طبعا مينفعش

katkooota_7aboooba ام حــور;14669598:
الف سلامة عليكى يا ام سيمو القمر
وحمدلله على سلامتك
انا بحاول اعلمها هى دلوقتى لما اقولها هاتى بوسة بتمد وشها كده عشان انا ببوسها كتير " الكلام ليكى يا زهرة "
واهو بنحاول فى التصقيف والباى ربنا ييسر
اصل اخواتى بيقولولى عاوزين اوبشنز جديد فى عيد ميلادها عشان كده بسأل

الله يسلمك يا ام حور
و ربنا يخليلك حور و تعلميها كل اللى نفسك فيه:)

@زهرة دبلانة@;14670010:
الحمد لله على سلامتك يادندونة ربنا يزيح عنك واحساس وحش اوى انك عايزة اتنام وتلاقى بنتك مفنجلة هههههههه معلش اكيد عشان نامت كتير ف الطريق فصحصحت بالليل بقى هههههه

ام حور ماتستعجليش بكره تزهقك بوس هههههه ربنا يباركلك فيها

الله يسلمك يا رورو
ايوة فعلا احساس وحش جدا بس الحمد لله نامت الساعه 3 بعد غلب
قمت انا جريت ع السرير على طول

sweetyronaaa;14670089:
دندن
الف سلامه عليكي ربنا يشفيكي و يعافيكي
بقلك ادهم بقاله يومين عنده افرازات كتيره اوى في منخيره مش عارفه بقي هو كده جاله برد و لا ايه
و كمان هى ايه اعراض حساسيه الانف عشان شاكه انه عنده حساسيه

الله يسلمك يا رونا تسلميلى يا حبيبتى
يعنى الافرازات دى عبارة عن رشح و لا مجرد افرازات فى مناخيرة
و معاها اعراض تانيه ولا لا

بصى غالبا الافرازات بتاعه الحساسيه بتكون ميه يعنى سايله اوى

و اعراض الحساسيه



بتلاقى الطفل دايما بيعطس و عنده رشح و مناخيرة مسدوده



و يحس باكلان فى مناخيرة و زورة و ساعات عينه


ممكن يصاحب الاعراض دى احمرار فى العين و دموع


وساعات بيسبب كحه خصوصا فى الليل


ممكن يكون الطفل بيشخر بالليل و فاتح بقه



ممكن الاعراض دى تكون موجوده طول السنه و ممكن تبقى فى اوقات معينه كل سنه و خاصه فصل الربيع او الشتا


و لو بصيتى ع الغشاء المخاطى داخل الانف هتلاقيه لون مزرق


و على فكرة مش كل اللى عنده حساسيه فى الانف بيكون عنده كل الاعراض دى
لا ممكن يكون عنده حساسيه على خفيف متحسيش بيها


ودا الموضوع كامل

حساسيه الانف

yasmenmm;14670143:
ازيك يا ام سيمو ربنا يخليلك سيمو وتفرحى بيها يارب وشكرا على تعبك معانا انا بستفيد منك جدا انا لية سوال انا هنا عندها 8شهور ونصف بقالها 3اسابيع باين حتة بيضاء مكان السنة بس لسة كل دة مش طلعت هى امتى بقى هتطلع وازاى اخفف الالم التسنين كل انواع الجيل مش بتنفع

تسلمى يا حبيبتى
هيا خلاص مجرد انها شقت اللثه كده يبقى فتره قليله جدا و هتطلع
ساعديها انتى بالاكلات اللى فيها كالسيوم وفيتامين د
زى صفار البيض و الزبادى و الجبنه المثلثات و كبد الفراخ

و اديها الفيتامين
و ان شاء الله مش هتتاخر

*Om Mo3az & Eyad*;14670238:
دينا الف سلامه عليكي يا حبي شافاكي الله وعافاكي
الجو اليومين دول ربنا يستر منه متقلب جدا


جزاكي الله خيرا على ردك بس الدكتور كان قال لي ممنوع البيبسي السودا وماجبش سيره حاجه تانيه فانا افتكرت السودا بس هي اللي امنعها
وانا اليوم اللي قشط فيه ده فطرت فول وبصل وبعد كده شربت بيبسي :lol::lol::lol:
شكلي بوظت للواد البن ههههههههههههههههههههههههه
ولاء موضوع القشط ده مش اتكرر تاني ولا قبلها ولا بعدها الحمدلله



طب ياريت تقولي لي ايه الاكلات التانيه اللي بتغير طعم اللبن
الدكتور قايل لي ع الكرنب والقرنبيط
يعني انا هقعد طول فترة الرضاعه مش هاكل محشي كرنب ده انا بحبه اوىىىىىىى :-#





ومعلش عاوزة اعرف حساسية اللبس دي بتفضل لاد ايه ؟
يعني لحد امتى مش هلبسه صوف والحاجات اللي بتعمل له حساسيه دي

تسلميلى يا ايمى يا قمر

ههههههههه يا مفتريه اكلتى كل الحاجات اللى بتعمل غازات فى يوم واحد:lol::lol:
بصى الكرنب و القرنبيط و الحاجات دى الدكتور مانعهالك عشان بتسبب انتفاخ

فانتى مش هتتحرمى منها ولا حاجه بس متكتريش منها

و خصوصا فى الفترة الاولى دى اللى اياد معتمد فيها على الرضاعه كتير

و المشروبات الغازيه نفس النظام


الاكلات اللى بتغير طعم اللبن هيا اللى بتبقى حراقه جامد زى البهارات و الاكل السبايسى
و البصل
وانتى لو لقيتى البيبى غضبان على اللبن فى مرة و مش راضى يرضع شوفى انتى اكلتى ايه


بالنسبه لحساسيه اللبس هو غالبا الطفل فى اول سنه بيبقى بشرته حساسه جدا
انتى لو عايزة تلبسيه حاجه صوف لبسيه عادى بس اللبس الداخلى يبقى قطن يعنى تخلى اللبس الصوف مش ملامس لجسمه

[OM SIMO=QUOTE]تسلميلى يا ايمى يا قمر

ههههههههه يا مفتريه اكلتى كل الحاجات اللى بتعمل غازات فى يوم واحد:lol::lol:
بصى الكرنب و القرنبيط و الحاجات دى الدكتور مانعهالك عشان بتسبب انتفاخ

فانتى مش هتتحرمى منها ولا حاجه بس متكتريش منها

و خصوصا فى الفترة الاولى دى اللى اياد معتمد فيها على الرضاعه كتير

و المشروبات الغازيه نفس النظام


الاكلات اللى بتغير طعم اللبن هيا اللى بتبقى حراقه جامد زى البهارات و الاكل السبايسى
و البصل
وانتى لو لقيتى البيبى غضبان على اللبن فى مرة و مش راضى يرضع شوفى انتى اكلتى ايه


بالنسبه لحساسيه اللبس هو غالبا الطفل فى اول سنه بيبقى بشرته حساسه جدا
انتى لو عايزة تلبسيه حاجه صوف لبسيه عادى بس اللبس الداخلى يبقى قطن يعنى تخلى اللبس الصوف مش ملامس لجسمه[/QUOTE]

ههههههههههههههههههههه اه والله ماما اغرتني بالبصل وقعدت تقول لي محسساني انك هتاكلي فحل بصل ههههههههههههههههههههههه
وفعلا مش اكلت كتير خالص والله بس سبحان الله بقى
يلا خير اديني بتعلم ف الواد هههههههههههههههههههههههه

ربنا يبارك لك يارب يا ام سيمو



ياريت بقى تطمنيني لان سرة اياد لسه مش وقعت بقى له 13 يوم اهو ومش وقعت
هل فعلا كتر رش الكحول مش هيخليها تقع بسرعه ؟

OM SIMO;14670650:
الله يسلمك يا رونا تسلميلى يا حبيبتى
يعنى الافرازات دى عبارة عن رشح و لا مجرد افرازات فى مناخيرة
و معاها اعراض تانيه ولا لا

بصى غالبا الافرازات بتاعه الحساسيه بتكون ميه يعنى سايله اوى

و اعراض الحساسيه



بتلاقى الطفل دايما بيعطس و عنده رشح و مناخيرة مسدوده



و يحس باكلان فى مناخيرة و زورة و ساعات عينه


ممكن يصاحب الاعراض دى احمرار فى العين و دموع


وساعات بيسبب كحه خصوصا فى الليل


ممكن يكون الطفل بيشخر بالليل و فاتح بقه



ممكن الاعراض دى تكون موجوده طول السنه و ممكن تبقى فى اوقات معينه كل سنه و خاصه فصل الربيع او الشتا


و لو بصيتى ع الغشاء المخاطى داخل الانف هتلاقيه لون مزرق


و على فكرة مش كل اللى عنده حساسيه فى الانف بيكون عنده كل الاعراض دى
لا ممكن يكون عنده حساسيه على خفيف متحسيش بيها


ودا الموضوع كامل

حساسيه الانف

بصي يا دندن هو بقاله يومينعنده افرازات كتيره اوى في الانف و ساعات بينزل منها زى ميه كده بس دي قليله حصلتله مرتين امبارح و مره النهارده
بالنسبه للحساسيه بقي هقلك على الاعراض اللي انا ملاحظها عليه
هو بيعطس بس الدكتور كان قالي انه عادي
ساعات بيكح لما يصحي من النوم
ساعات بيدعك مناخيره فيا بس دي بيعملها لما يبقي جعان
بس كده ده اللي انا ملاحظاه عليه

ههههههههههههههههههههه اه والله ماما اغرتني بالبصل وقعدت تقول لي محسساني انك هتاكلي فحل بصل ههههههههههههههههههههههه
وفعلا مش اكلت كتير خالص والله بس سبحان الله بقى
يلا خير اديني بتعلم ف الواد هههههههههههههههههههههههه

ربنا يبارك لك يارب يا ام سيمو



ياريت بقى تطمنيني لان سرة اياد لسه مش وقعت بقى له 13 يوم اهو ومش وقعت
هل فعلا كتر رش الكحول مش هيخليها تقع بسرعه ؟[/QUOTE]

بصي اللي اعرفه ان الكحول بيساعدها اكتر عشان تقع بسرعه بس الكحول العادى احسن من الاسبراي و حطي عليها كحول كتير عشان ينشفها

انا ببرده بنتى من هيا واربع شهور يادندن بتحك ف مناخيرها بايديها مع ان بتبقى خاليه من الافرازات وممكن تعط من الاكلان بس انا بحس انها اعراض تسنين ومصبره نفسى بكده لانها مش بتحصل على طول ممكن قبل النوم او احيانا ف اليوم يعنى المطلوب منى انى احافظ ابعدها عن اعراض الحساسيه وخلاص كده ولا ممكن تزيد الحاله اما تكبر ويحصل حاجات لاقدر الله

وكان عندى سؤال كمان معلش كنت سمعت ان فيه سيدة ف اوربا باين او امريكا اكلت برتقال بعد الجمبرى توفت على طول والمستشفى قالت ان ماده الزرنيخ اللى ف الجمبرى بتعمل حاجه مع البرتقال تقريبا مش فاكره وبتسبب الوفاه
دى اشاعه وكلام فارغ ولا ايه؟؟؟

كمان معلش اخر سؤال هل البسبوسه والجلاش والحاجات اللى فيها سمنه والكيك برده بنتى لو اكلت منها غلط؟؟؟وهل تعتبر وجبه عشا واكتفى بكده وانيمها ولا ده تصرف غلط ؟

دينا اين انتي
يارب تكوني بخير ياااااااااااااااااااااارب


قولي لي بقى انا مناخير اياد بجد هتجنني بصي هو طول النهار نايم عادي خالص وبتحايل عليه عشان اصحيه ارضعه يقوم يرضع وينام تاني
طيب بالليل بقى الطبيعي انه يبقى صاحي طبعا بس هو لما بيصحى بالليل مش بيبقى زي النهار كده وبيبقى مضايق جدا ومناخيره مضايقاه ومش عارف يتنفس وبيقعد يعمل صوت كده بمناخيره

انا بالليل انهرده عشان ينام حطيت له اوتريفين تلات مرات في خلال ساعتين :(
كنت تعبت بجد اوىىىى وهو يا حبيبي كان صعبان عليا بمناخيره دي
كده غلط ولا ايه

وكمان لما بحطهاله مناخيره مش بتنزل افرازات
كده تبقى دي لحميه بقى ولا ايه لانها مش بتتسلك وبرضو يفضل يخنفر

*Om Mo3az & Eyad*;14671977:






ياريت بقى تطمنيني لان سرة اياد لسه مش وقعت بقى له 13 يوم اهو ومش وقعت
هل فعلا كتر رش الكحول مش هيخليها تقع بسرعه ؟

بالعكس يا ايمى الكحول بينشفها و يخليها تدبل مش بياخر وقوعها
خليكى مواظبه ع الكحول و هيا ان شاء الله فى ظرف يوم او يومين هتقع

sweetyronaaa;14672691:
بصي يا دندن هو بقاله يومينعنده افرازات كتيره اوى في الانف و ساعات بينزل منها زى ميه كده بس دي قليله حصلتله مرتين امبارح و مره النهارده
بالنسبه للحساسيه بقي هقلك على الاعراض اللي انا ملاحظها عليه
هو بيعطس بس الدكتور كان قالي انه عادي
ساعات بيكح لما يصحي من النوم
ساعات بيدعك مناخيره فيا بس دي بيعملها لما يبقي جعان
بس كده ده اللي انا ملاحظاه عليه

عادى يا رونا كل دى اعراض عاديه جدا متخوفكيش خالص
دى مجرد بس رشح بسيط
خليكى ع المحلول الملحى و بس و اوعى تديه حاجه للبرد ابنك لسه صغير اوى على ادويه البرد

@زهرة دبلانة@;14675562:
انا ببرده بنتى من هيا واربع شهور يادندن بتحك ف مناخيرها بايديها مع ان بتبقى خاليه من الافرازات وممكن تعط من الاكلان بس انا بحس انها اعراض تسنين ومصبره نفسى بكده لانها مش بتحصل على طول ممكن قبل النوم او احيانا ف اليوم يعنى المطلوب منى انى احافظ ابعدها عن اعراض الحساسيه وخلاص كده ولا ممكن تزيد الحاله اما تكبر ويحصل حاجات لاقدر الله

وكان عندى سؤال كمان معلش كنت سمعت ان فيه سيدة ف اوربا باين او امريكا اكلت برتقال بعد الجمبرى توفت على طول والمستشفى قالت ان ماده الزرنيخ اللى ف الجمبرى بتعمل حاجه مع البرتقال تقريبا مش فاكره وبتسبب الوفاه
دى اشاعه وكلام فارغ ولا ايه؟؟؟

كمان معلش اخر سؤال هل البسبوسه والجلاش والحاجات اللى فيها سمنه والكيك برده بنتى لو اكلت منها غلط؟؟؟وهل تعتبر وجبه عشا واكتفى بكده وانيمها ولا ده تصرف غلط ؟

لا يا رورو متخافيش خالص من الحساسيه دى
مادام مش ماثرة عليها عادى
اهم حاجه انك تبعديها قد متقدرى عن اسبابها
لان اصلا مفيش ادويه بتعالج الحساسيه
كل الادويه بتعالج اعراضها بس و متخافيش خالص حساسيه الانف دى اصلا منتشرة جدا
بين الاطفال و مش هتسببلها اذى مستقبلا و لا حاجه بالعكس ممكن تقل مع الوقت


بالنسبه للجمبرى:):)

لا طبعا دا كلام مش مظبوط انا عن نفسى باكل البرتقال بعد الغدا على طول
وا كلته كتير بعد الجمبرى ومحصليش حاجه اهو:lol::lol:

بصى هيا لو فعلا ماتت دا ممكن يكون بسبب ان عندها حساسيه من الجمبرى
بطريقه مبالغ فيها

بالنسبه للحلويات بقى عادى بنتك تاكل دلوقتى كل حاجه زيك بالظبط
بس بلاش بس الحاجات اللى بيبقى فيها سمنه كتير اللى بتبقى غرقانه بالسمنه
انما لو فى المعقول عادى جدا مفيش مشاكل

*Om Mo3az & Eyad*;14675588:
دينا اين انتي
يارب تكوني بخير ياااااااااااااااااااااارب


قولي لي بقى انا مناخير اياد بجد هتجنني بصي هو طول النهار نايم عادي خالص وبتحايل عليه عشان اصحيه ارضعه يقوم يرضع وينام تاني
طيب بالليل بقى الطبيعي انه يبقى صاحي طبعا بس هو لما بيصحى بالليل مش بيبقى زي النهار كده وبيبقى مضايق جدا ومناخيره مضايقاه ومش عارف يتنفس وبيقعد يعمل صوت كده بمناخيره

انا بالليل انهرده عشان ينام حطيت له اوتريفين تلات مرات في خلال ساعتين :(
كنت تعبت بجد اوىىىى وهو يا حبيبي كان صعبان عليا بمناخيره دي
كده غلط ولا ايه

وكمان لما بحطهاله مناخيره مش بتنزل افرازات
كده تبقى دي لحميه بقى ولا ايه لانها مش بتتسلك وبرضو يفضل يخنفر

انا جيت اهو:lol:
معلش كنت مشغوله اوى اليومين دول


الخنفرة شىء عادى جدا فى السن ده يا ايمى كل الاطفال كده و خصوصا فى اول 6 شهور

و عادى انه مينزلش افرازات لانها بتزقها على ورا و بتسلك مناخيرة

و لو حبيتى تتطمنى اكتر ممكن تعرضيه على دكتور انف و اذن بس لما يكبر شويه يعنى لما يكمل 3 شهور

حمدالله ع السلامه يا دينا
ربنا يعينك يارب


طب هي النقط مش بتسلك مناخيره
وبيفضل على طول مضايق وبياخد نفسه بالعافيه

*Om Mo3az & Eyad*;14677211:
حمدالله ع السلامه يا دينا
ربنا يعينك يارب


طب هي النقط مش بتسلك مناخيره
وبيفضل على طول مضايق وبياخد نفسه بالعافيه

طيب يا ايمى لو لاقيتى ان فعلا النقط مش بتسلك مناخيرة خالص او انه طول اليوم بيبقى مش عارف يتنفس كويس و لو الحكايه دى ماثرة على الرضاعه خديه لدكتور انف و اذن يبص عليه بصه و يطمنك

لكن لو الموضوع فى الطبيعى يعنى مش ماثر على رضاعته يبقى استنى شويه

ام سيمو امبارح عم حور شربها لبن من الى عند اللبان ده انا مكنتش موجودة ولما جيت قالى حور شربت كوبايه لبن الصبح بقى لقيت وشها فيه بقع حمرا كده وبتدعكها جامد ده من اللبن ؟؟؟ للعلم هى بتاكل زبادى دانون ساده وبالفواكهه وجبنه كيرى ومش حصلها حاجه

وهو فيها حاجه لو اكلتها بيض مقلى ؟؟؟

جزاكى الله خيرا يادندونه
طب معلش لو هيا اكلت مولتو مثلا او كيك وعلبه زبادى ف العشا كده حلو وتنام وهيا شبعانه ولا ايه ؟؟؟؟ ولا لازم بيضه او تست بالجبنه او فول مثلا اعمل عشا يعنى هههههههه اصلى بكسل

katkooota_7aboooba ام حــور;14679625:
ام سيمو امبارح عم حور شربها لبن من الى عند اللبان ده انا مكنتش موجودة ولما جيت قالى حور شربت كوبايه لبن الصبح بقى لقيت وشها فيه بقع حمرا كده وبتدعكها جامد ده من اللبن ؟؟؟ للعلم هى بتاكل زبادى دانون ساده وبالفواكهه وجبنه كيرى ومش حصلها حاجه

وهو فيها حاجه لو اكلتها بيض مقلى ؟؟؟

بصى يا ام حور هو فى احتمال انه يبقى من اللبن بس دا احتمال ضعيف اوى
و خصوصا ان منتجات الالبان معملتلهاش حساسيه

لان كل مشكله اللبن دلوقتى انه ممكن يعملها نزله معويه او يتعبلها بطنها




ممكن تكون البقع دى قرصه ناموسه ولا حاجه

و البيض المقلى بلاش دلوقتى عشان البياض ممنوع قبل سنه

@زهرة دبلانة@;14682109:
جزاكى الله خيرا يادندونه
طب معلش لو هيا اكلت مولتو مثلا او كيك وعلبه زبادى ف العشا كده حلو وتنام وهيا شبعانه ولا ايه ؟؟؟؟ ولا لازم بيضه او تست بالجبنه او فول مثلا اعمل عشا يعنى هههههههه اصلى بكسل

ايوة يا رورو وجبه حلوة لو حسيتى انها شبعت بعدها ونامت كويس

انا نفسى بتعشى كده:):)

ام سيمو هى مش قرصه ناموسه لا دى بقع ناشفه كده وحمرا وبتدعك فيها جامد خاصة وهى نايمة

جزاكى الله كل خير يا دينا
و الحمد لله انه مش هياخد دوا انا اصلا كان صعبان عليا اوى انى اديله دوا و هو صغير كده
بس بقلك هو من امبارح ابتدي يكح شويه ده من الرشح و لا ايه
انا عموما هوديه لدكتورة بكره بس عايزة اطمن

و بجد انا استفدت جدا من موضوعك ده و بدعيلك طول الوقت ربنا يجازيكي كل خير و يباركلك في سما
بس قليلي هو ايه الموقع اللي انتى كنتى بتتكلمى عليه
و كمان متعرفيش كتب حلوة في تربيه الاطفال تقوليلنا عليها نقراها