كل يوم هنتكلم عن موضوع جديد لصحه طفلك....الجزء التانى

[QUOTE

روحت انهارده للمدير ربنا ........................... يسامحه
مرضيش يرجعنى فى مكانى ومن ساعتها مخنوقه و مش طايقه نفسى
و خايفه ارجع فى مكان تانى

الحمد لله على كل حال
][/QUOTE]
معلش يا سيمو ان شاء الله يصلحلك الحوال
و عسي أن تكرهوا شيئا و هو خير لكم
بس نصيحه مني دبري أمر بنتك الاول و حتعملي فيها ايه و رضاعتها و كده قبل ما ترجعي الشغل

ْْْ
السلام عليكم
ام سيمو ده اسم البرشام اللى الدكتورة كتابه ليا

Augmentin
ومكتوب الكلام ده تحت الاسم
amoxcillin+clavulanate potassium
375mg
التوقيع:

شفاك الله و عافاكي يا سالي

ام سيمووو انا اديقت اووووي لما قريت ان المدير رزل معاكي ومرداش يرجعك انا كنت متفائله خيرررر اوووي وكنت حاسه انك هترجعي

موضوع رائع

ساره افندي;14753442:
انا كنت عايزه اسال ايه ايه التطعيمات الخارجيه اللي اكيد وفعلا فعاله ولازم تتاخد
ابني هيكمل 4 في شهر سبعه
انا عايزه حاجات فعلا ليها لازمه مش عايزه اديه حاجه زياده هوا مش محتاجه
وسالي ابقي خالي بالك من الحساسيه لان الاوجمنتين بيعمل حساسيه لبعض الناس انا منهم وابني كمااااان

ربنا يكرمك بارب ياسارة يارب وحاضر ياقمر

dr dodi83;14754626:
شفاك الله و عافاكي يا سالي

الله يكرمك يارب

ام سيمو هو فيتامين د بيتاخد لمده 6 شهور ولا سنة انا احترت

sally2007;14753379:
انا فعلا بستخدم اللوب
والنظافة انا والله على طول الحمدا لله بس معرفشى بقى فى ايه
ربنا ييسرلك حالك والمدير يرجعك مكانك يارب

متقلقيش يا سالى دى حاجه عاديه ووارده جدا وخصوصا للى بتستعمل اللوب
كملى انتى بس كورس المضاد الحيوى و هيروح باذن الله

ساره افندي;14753442:
انا كنت عايزه اسال ايه ايه التطعيمات الخارجيه اللي اكيد وفعلا فعاله ولازم تتاخد
ابني هيكمل 4 في شهر سبعه
انا عايزه حاجات فعلا ليها لازمه مش عايزه اديه حاجه زياده هوا مش محتاجه
وسالي ابقي خالي بالك من الحساسيه لان الاوجمنتين بيعمل حساسيه لبعض الناس انا منهم وابني كمااااان

سارة انتى بتسالى عن التطعيمات لابنك و لا التطعيمات عامه من بدايه العمر؟

dr dodi83;14754539:
حتبقي ميه ميه العياده دي:D
حنكسب فلوس كده:$:
أنا عندي اخواتي اتنين دكاتره و كنت بقولهم انتو تفتحوا عياده و في نفس العماره أنا أفتح صيدليه:D:D شفتي الجشع:D و نستغل بعض بأه
بس خانونيفي الاخر و اتخصصوا تخصصات غريبه واحد جراحه أورام و التاني تخدير
وفعلا تخصص الاطفال من التخصصات الحلوه أوي كان أخويه حيتخصص فيه بس غير رأيه علي أخر لحظه يعني أخد التكليف باين أ؟و الامتياز كاأطفال و كان نافعني كدا مع ابني والله بس بأه في النيابه غير رأيه و اتخصص تخدير و من ساعتها و أنا متغاظه منه

بس طبعا مع الستات بتفرق بيبقي البيت هو الاهم ربنا يأجرنا خير يا رب
تصدقي اني بقالي 6 سنين متخرجه و لسه ما اشتغلتش
برده علشان الاولاد
لما خلاص حعيط نفسي أنزل أشتغل:hysterical:
الله المستعان بقه

ههههه فكرتينى بواحده صاحبتى فتحت صيدليه تحت دكتور نسا مشهور
كان العيانين بينزلو من عنده يروحو يشتروا الدوا من اى صيدليه تانيه

كانت بتقول نفسى اروح اسالهم بس ايه اللى مش عاجبهم فى الصيدليه بتاعتى

بس انتى اول ما بنتك تشد حيلها و تكبر ان شاء الله انزلى الشغل

dr dodi83;14754583:
أنا عاوزه أسألك يا سيمو يارا طبعا هيا عندها شهرين و نصف و هي بترضع بتقعد تتعصب و تشد في الحلمه و طول ما هي قاعده يا صدري في بقه يا ايديها مش عارفه اعملها ايه و ممكن يكون ده من ايه؟؟؟؟

بصى يا دودى
انا مغهمتش السؤال بالظبط يعنى هيا بتقعد تعيط و هيا بترضع
دا ليه اسباب كتير منها ان اللبن ممكن يكون قليل او العكس ان يبقى اندفاعه جامد فبيسبب انها مش بتعرف ترضع منه كويس
ممكن يكون برضه وضع الرضاعه غلط او انها مش بتمسسك الحلمه ببقها بالطريقه الصحيحه

اما لو قصدك انها عايزة تقعد تمصمص فيه كده و بس
فدا اكيد بسبب انها عامله صدرك زى التيتينه انها عايزة تقعد تمص فيه و خلاص
لان في اطفال بتبقى حاجتهم للمص كبيرة ودا علاجها بيبقى التيتينه عشان متستعملش صباعها كبديل

dr dodi83;14754615:
[QUOTE


معلش يا سيمو ان شاء الله يصلحلك الحوال
و عسي أن تكرهوا شيئا و هو خير لكم
بس نصيحه مني دبري أمر بنتك الاول و حتعملي فيها ايه و رضاعتها و كده قبل ما ترجعي الشغل

يا رب يا دودى
بالنسبه لسما مفيش مشكله لانى بسيبها مع ماما او مع حماتى

ساره افندي;14754672:
ام سيمووو انا اديقت اووووي لما قريت ان المدير رزل معاكي ومرداش يرجعك انا كنت متفائله خيرررر اوووي وكنت حاسه انك هترجعي

اه شوفتى يا سارة:'(:'(
انا من ساعتها مخنوقه والله و ماليش نفس لاى حاجه

الحمد لله على كل حال انا كنت مستبعده اصلا انه يوافق لانه انسان غلس و مش بيريح حد
وكل الناس مخنوقه منه و ياما عملو اضرابات و احتجاجات عشان يتشال و هو متبت

بس انا هعمل محاوله اخيرة و لو منفعتش خلاص هسلم امرى لربنا
يمكن يكون المكان التانى دا فيه الخير محدش عارف

أم عمار..;14755168:
موضوع رائع

تسلمى يا قمر

sally2007;14759228:
ربنا يكرمك بارب ياسارة يارب وحاضر ياقمر

الله يكرمك يارب

ام سيمو هو فيتامين د بيتاخد لمده 6 شهور ولا سنة انا احترت

هوا بيتاخد لحد سنه يا سالى و لما يكمل البيبى سنه بنشوف لو هو لسه محتاج كمان
بنكمل لحد سنه و نص

لاابني ياام سيموووو اللي هوا هيكمل 4 سنين والخارجيه مش بتعت الصحه والمفيد فعلااااا منهاااااا
وفعلا يمكن المكان التاني فيه خيرررر

ساره افندي;14763067:
لاابني ياام سيموووو اللي هوا هيكمل 4 سنين والخارجيه مش بتعت الصحه والمفيد فعلااااا منهاااااا
وفعلا يمكن المكان التاني فيه خيرررر

بصى يا سالى الجدول دا فيه كل التطعيمات




و انا رايىى ان من اهم التطعيمات اللى مش موجوده فى الصحه الكبدى أ

OM SIMO;14768280:
بصى يا سالى الجدول دا فيه كل التطعيمات




و انا رايىى ان من اهم التطعيمات اللى مش موجوده فى الصحه الكبدى أ

مرسي ياام سيمووو طيب مفيش تطعميات خارجيه علشان موضوع الانلفونزه ده لان انتي عارفه الحضانات والكلام مفيش اي حاجه وقائيه؟؟؟؟؟؟

ساره افندي;14768329:
مرسي ياام سيمووو طيب مفيش تطعميات خارجيه علشان موضوع الانلفونزه ده لان انتي عارفه الحضانات والكلام مفيش اي حاجه وقائيه؟؟؟؟؟؟

ايوة طبعا فى تطعيم الانفلونزا الموسميه كل سنه
بس تقريبا بيبقى فى شهر 10
اسالى ايمى كتكوته هيا اللى سالت عنه

OM SIMO;14752126:

روحت انهارده للمدير ربنا ........................... يسامحه:mad::mad:
مرضيش يرجعنى فى مكانى ومن ساعتها مخنوقه و مش طايقه نفسى
و خايفه ارجع فى مكان تانى

الحمد لله على كل حال:'(:'(

:(:(ربنا يعملك اللي فيه الخير ليكي يارب ان شاء الله ويفرحك دايما وان شاء الله تروحي مكان احسن من اللي كنتي هتروحيه وتستريحي فيه

ساره افندي;14768329:
مرسي ياام سيمووو طيب مفيش تطعميات خارجيه علشان موضوع الانلفونزه ده لان انتي عارفه الحضانات والكلام مفيش اي حاجه وقائيه؟؟؟؟؟؟

OM SIMO;14768363:
ايوة طبعا فى تطعيم الانفلونزا الموسميه كل سنه
بس تقريبا بيبقى فى شهر 10
اسالى ايمى كتكوته هيا اللى سالت عنه

ايوة فعلا هو قاللي في شهر 10 او 11 يعني لما الشتا يدخل ، والسنة اللي فاتت كانت جودي صغيرة وقريت فعلا سساعتها ورق مكتوبة ان التطعيم ده متوفر دلوقتي وكده فلما دخلت سألته ساعتها عشان اديهولها قالللي لأ مش قبل سنة التطعيم ده، بس عشان كده سألته تاني بقي المرة دي فقاللي لسه مش دلوقتي، انا اختي بتديه لولادها عالطول في المصل واللقاح

CuTie KaTkOoTa;14768573:
:(:(ربنا يعملك اللي فيه الخير ليكي يارب ان شاء الله ويفرحك دايما وان شاء الله تروحي مكان احسن من اللي كنتي هتروحيه وتستريحي فيه




ايوة فعلا هو قاللي في شهر 10 او 11 يعني لما الشتا يدخل ، والسنة اللي فاتت كانت جودي صغيرة وقريت فعلا سساعتها ورق مكتوبة ان التطعيم ده متوفر دلوقتي وكده فلما دخلت سألته ساعتها عشان اديهولها قالللي لأ مش قبل سنة التطعيم ده، بس عشان كده سألته تاني بقي المرة دي فقاللي لسه مش دلوقتي، انا اختي بتديه لولادها عالطول في المصل واللقاح

ومقلل معهم البرد وعامل وقايه ولا لا
انا صجبتي راحت ببنتها عندها تلات سنين قالها لا لسه صغيره :| علشان كده مسالتش تاني عليه
بس انا فعلا عايزه اديه لو هوا اكتف وبيعمل وقايه وشغل هههههههه علشان بس الواحد مايخدش حقن علي الفاضي دلوقتي كبرررر وممكن تاثر علي نفسيته ويفتكر الوجع وكده فاعيزه ادي حاجه يبقا ليها وزنهاااا

ببنات اللي عندها خبره

انا لما كنت فاخر الخامس
الدكتوره قالتلي البنت وزنها زايد (500جرام)
انا مش عارفه دا كويس ولا لا\

ماما بتقولي من كتر اكل الفطير والباتيه(انا اصلي تقريبا عايشه علي المخبوزات بتاعه الفرن دي)


حد يقولي اعمل ايه اتخض ولا اطنش


ومحدش يقولي بطلي اكل فطير لاني مش هرد عليه

انا بدى ل تايا فيدروب 6 نقط كل يوم مره من الشهر التانى .. تمام

وكان الدكتور كاتبلها ع حديد اسمو هيدروفيرين بس نظرا لان الحديد بيعمل امساك وهى عندها امساك فظيع لوحدها ف انا بطلتو ومبديهاش حديد خالص من ساعتها

هل الحديد لازم ولا اييه

وبخصوص التسنين اختى الدكتور كان كاتب لابنها كالسيوم اسمو هاى كال لحد ما السنه تشق اللثه وبعدين تاخد واحد اقوى اسمو هاىكالفورت اقوى عشان التسنين

ف انا بديها ال هاى كال بس ده كويس ولا ايي

ياه الموضوع دا جامد ربنا يخليكى يام سيمو هدخل بقي اخد خبره

ساره افندي;14768623:
ومقلل معهم البرد وعامل وقايه ولا لا
انا صجبتي راحت ببنتها عندها تلات سنين قالها لا لسه صغيره :| علشان كده مسالتش تاني عليه
بس انا فعلا عايزه اديه لو هوا اكتف وبيعمل وقايه وشغل هههههههه علشان بس الواحد مايخدش حقن علي الفاضي دلوقتي كبرررر وممكن تاثر علي نفسيته ويفتكر الوجع وكده فاعيزه ادي حاجه يبقا ليها وزنهاااا

هو بيفرق طبعا شوية بس مش بيمنع البرد طبعا بس بيكون اخف عليهم شوية بس وبيقلل مرات البرد اللي بيخدوها في السنة ده اللي كانت ماما قالتهولي من فترة

ام لمار و لومير;14769323:
ببنات اللي عندها خبره

انا لما كنت فاخر الخامس
الدكتوره قالتلي البنت وزنها زايد (500جرام)
انا مش عارفه دا كويس ولا لا\

ماما بتقولي من كتر اكل الفطير والباتيه(انا اصلي تقريبا عايشه علي المخبوزات بتاعه الفرن دي)


حد يقولي اعمل ايه اتخض ولا اطنش


ومحدش يقولي بطلي اكل فطير لاني مش هرد عليه

بصي الوزن بيقلقوا منه في الاخر عشان لا قدر ممكن يبقي سكر حمل وحاجات كده، بس ان شاء الله مش يبقي زيادة جامد واظن كده مش كتير يعني زيادة معقولة اظن كده، وبالنسبة لاكلك انتي بتهيألي مالوش علاقة بوزن البيبي، انتي اللي هتزيدي لكن مش البيبي واصبري بردو ام سيمو تقولك

M!ss Tuky;14769346:
انا بدى ل تايا فيدروب 6 نقط كل يوم مره من الشهر التانى .. تمام

وكان الدكتور كاتبلها ع حديد اسمو هيدروفيرين بس نظرا لان الحديد بيعمل امساك وهى عندها امساك فظيع لوحدها ف انا بطلتو ومبديهاش حديد خالص من ساعتها

هل الحديد لازم ولا اييه

وبخصوص التسنين اختى الدكتور كان كاتب لابنها كالسيوم اسمو هاى كال لحد ما السنه تشق اللثه وبعدين تاخد واحد اقوى اسمو هاىكالفورت اقوى عشان التسنين

ف انا بديها ال هاى كال بس ده كويس ولا ايي

نفس الانواع اللي اخدتها جودي بالظبط في كله بس هي مستمرة عليهم لسه، والهاي كال والفيدروب ، انا جيت كده علي 10 شهور باين مش فاكرة سألت الدكتور عليهم تاني هما هما ولا نغير النوع كتجديد يعني، قاللي ممكن تدي ماكسي كال ده الاتنين مع بعض ومع الهيدروفيرين بردو واخر مرة قاللي كملي لحد سنة ونص، بس الفيد دروب انا فاكرة كانوا خمس نقط تقريبا وممكن تكون الجرعة بتتغير حسب السن مش واثقة

ساره افندي;14768623:
ومقلل معهم البرد وعامل وقايه ولا لا
انا صجبتي راحت ببنتها عندها تلات سنين قالها لا لسه صغيره :| علشان كده مسالتش تاني عليه
بس انا فعلا عايزه اديه لو هوا اكتف وبيعمل وقايه وشغل هههههههه علشان بس الواحد مايخدش حقن علي الفاضي دلوقتي كبرررر وممكن تاثر علي نفسيته ويفتكر الوجع وكده فاعيزه ادي حاجه يبقا ليها وزنهاااا

اقرى يا سارة المقال ده هيفيدك

http://go.3roos.com/jq3r2dxjb26

CuTie KaTkOoTa;14768573:
:(:(ربنا يعملك اللي فيه الخير ليكي يارب ان شاء الله ويفرحك دايما وان شاء الله تروحي مكان احسن من اللي كنتي هتروحيه وتستريحي فيه

يارب يا ايمى متحرمش منك يا قمر

manafola;14768668:

ممكن نتكلم عن سيلان اللعاب عند الاطفال الترييل يعني اسبابه و هيخلص امتي :(:(

الترييل دا شىء طبيعى فى الاطفال لان الطفل قبل 4 شهور بيبقى لسه قدرته على البلع مكتملتش
و دا بسبب ان عضلات الوجه و الفك و الرقبه بتكون لسه مش قويه كفايه عشان تمكنه من انه يبلع كل كميه اللعاب اللى فى بقه
و الحكايه دى بتروح على سن 4 ل 6 شهور
و طبعا فى الوقت ده بيكون بدا يسنن فبيرجع يريل تانى و بيستمر معاه طول فترة التسنين

ام لمار و لومير;14769323:
ببنات اللي عندها خبره

انا لما كنت فاخر الخامس
الدكتوره قالتلي البنت وزنها زايد (500جرام)
انا مش عارفه دا كويس ولا لا\

ماما بتقولي من كتر اكل الفطير والباتيه(انا اصلي تقريبا عايشه علي المخبوزات بتاعه الفرن دي)


حد يقولي اعمل ايه اتخض ولا اطنش


ومحدش يقولي بطلي اكل فطير لاني مش هرد عليه

لا متتخضيش ولا حاجه

زى مقالتلك ايمى بالظبط الزياده مش كتير اوى لكن لو استمرت الزياده دى بصورة كبيرة و خصوصا فى اخر شهور الحمل
ممكن يكون بسبب سكر الحمل و انتى عشان تطمنى اعملى التحليل

و بالنسبه للفطاير مش هتاثر عليها هيا لكن هتزود وزنك انتى
انتى حرة بقى:D

M!ss Tuky;14769346:
انا بدى ل تايا فيدروب 6 نقط كل يوم مره من الشهر التانى .. تمام

وكان الدكتور كاتبلها ع حديد اسمو هيدروفيرين بس نظرا لان الحديد بيعمل امساك وهى عندها امساك فظيع لوحدها ف انا بطلتو ومبديهاش حديد خالص من ساعتها

هل الحديد لازم ولا اييه

وبخصوص التسنين اختى الدكتور كان كاتب لابنها كالسيوم اسمو هاى كال لحد ما السنه تشق اللثه وبعدين تاخد واحد اقوى اسمو هاىكالفورت اقوى عشان التسنين

ف انا بديها ال هاى كال بس ده كويس ولا ايي

لا عادى متديهاش حديد بس اهتمى بالاكلات الغنيه بالحديد
زى كبد الفراخ بعد 6 شهور و التفاح و الخضار واالحوم و الاسماك
و الحبوب و البقوليات
بالنسبه للكالسيوم كفايه اوى هاى كال انما هاى كال فورت جرعته كبيرة على انه يبقى للوقايه

وطبعا مع فيدروب 4 نقط بس

كريز;14770926:
ياه الموضوع دا جامد ربنا يخليكى يام سيمو هدخل بقي اخد خبره

تنورينا يا كريز يا قمر و اى حاجه عايزانى اتكلم فيها قوليلى عليها

مرسي ياام سيمو علي المقال انا كنت بسال علي حد اخده ونفع فعلا معه لان في ناس اخده وعيالهم زي ماهما كل يومين انفلونزا فاعلشان كده كنت بسال علي التطعيمات اللي حد اخدهااا وفعلا اكتف معه
لان قبل كده دكتور قالي التطعيمات ديه مش الوقايه اللي انتي متصورهاااا

[BACKGROUND="70 #FFFFCC"]
موضوعنا انهارده عن






تعويد الطفل على الحمام














امتى ابدا اعود طفلى على البوتى؟







قبل متبداى لازم تكونى انتى و طفلك مستعدين كويس للخطوة دى

اول حاجه فى شرطين لازم يكونو موجودين فى الطفل قبل متبداى




اولا انه يكون بيقعد لوحده من غير اى مساعده


تانى حاجه انه يكون قادر يفهمك و ينفذ طلباتك



و دا غالبا مش هيكون ناجح قبل سنه و نص او سنتين
و ممكن يستمر ل3 سنين قبل ميبدا يتحكم

قبل كده بتكون محاولاتك كلها ملهاش لازمه و بتكون تضييع للوقت و المجهود



و دا لان طبيا الطفل بيبدا يتحكم فى العضلات المسئوله عن التبرز بعد سنه
و فى العضلات المسئوله عن التبول بعد سنتين

فى اطفال ممكن يتعلمو كده قبل سنه بس بتكون نسبه الانتكاس كبيرة

امتى اعرف ان طفلى مستعد؟





فى علامات معينه بتدل على ان الطفل مستعد و منها

1: بتلاقى الطفل بدا يتضايق ان البامبرز بتاعه مبلول



2:الطفل يبدا يهتم بانه يقعد على البوتى او ممكن يطلب منك ده


3:الطفل يقعد فترة ميبلش نفسه ممكن ساعتين او اكتر





4:ان الطفل يكون قادر على انه يخلع الاندروير بتاعه و يلبسه تانى

ازاى بقى تبداى تعوديه؟






طبعا الموضوع محتاج صبر



و اهم حاجه انك متوقفيش لاى ظرف من الظروف

اول حاجه طبعا هتجيبيله بوتى(قصريه)
و تبداى تعوديه انه يقعد عليه وتحببيه فى المكان ده بانك تبقى جنبه و تحكيله قصص







او تشغليله موسيقى او تحطيله لعبه الى بيحبها
و تبقى مجهزة ليه مكافات و تكون حاجات هو بيحبها









و كل ميعمل فيه تشجعيه و تديله هديه و تحسسيه انه عمل انجاز و تسقفيله او تحضنيه و تبوسيه





حاولى تثبتى وقت التدريب كل يوم عشان تخلقى عنده الارتباط الذهنى
و حاولى تكرهيه فى انه يبقى مبلول و دا بانك بعد كل مرة يعمل فيها تغيريله و تحاولى تفهميه انه بيغير كل ميبقى مبلول

و ممنوع تستعملى البامبرز فى فترة التدريب الا فى وقت النوم


طبعا الحكايه مش سهله بس عايزة صبر منك و عزيمه انك هتنجحى









طبعا الموضوع دا انا مليش خبرة فيه بس حاولت على قد مقدر اقول اللى عارفاه
و اللى ليها خبرة فى الموضوع ده تقولنا هيا عملت ايه و اتصرفت ازاى




[/BACKGROUND]