كل يوم هنتكلم عن موضوع جديد لصحه طفلك....الجزء التانى

توكي لحد ما دينا تدخل
يستحسن توديها لدكتورها فعلا عشان ممكن يكون ودنها مافيهاش حاجة ويكون لا قدر الله في سبب تاني المضاد الحيوي ده مش فعال فيه اوي او كدا
وكمان عشان تطمني عليها اكتر


ام ميزو ... هو بيكبر كويس يعني نموه كويس ولا لا؟
دكاترة كتير بتفضل ماتدخليش حاجة مع الرضاعة الا بعد على الاقل 4 شهور

اه يا كيتي الحمدلله طبيعي
ما انا عارفه ماهو مش فاضل على الرابع غير اسبوعين بس
انا تعبت مش بينام كويس خااااااااااالص مش عارفه من ايه والله وطول ما هو صاحي يرضع لحد صدري ما بيفضى :(

دندونة ازيك يا جميلين
كنت محتاجة كريم للتسلخات يكون كويس و يجيب نتيجة سريعة
لان محمد عندة اسهال و التسلخات رهيبة

kitty_kity;15199923:
دوني..كلك زوق ياجميل ميرسي :) ... بس بدالك ايه انتي الخير والبركة ههههههه..
بالنسبة لل B agonist
ماهو الدكتور ده قالنا نفس الكلمة بتاعت الدكتور النجار دي
بس هي بتكون موجودة من اول يوم بس نموها بيكتمل عند سنة ونص
فعشان كدا بتجيب تأثير من اول يوم :)

اه صح وانا فعلا بوصفها قبل سنه عادى

نسيت اقولك بالنسبه للرينوستوب انا ليا تجربه معاه بشعه م ساعتها مش بحبه الا للضرورة القصوى
مرة كانت سما عندها برد و اديتها منه و فى نفس الوقت جوزى اداها جرعه مكنش يعرف انى ادتها و البنت فضلت طول اليوم عياط مش طبيعى بجد كان يوم صعب جداااااااااا

فعلا الدوا دا بيخلى الطفل عصبى و مدايق و خصوصا لو اتاخد بجرعه زياده

Bossy22;15200659:
دينا هى البكتريا المميتة دى موجوده فى الخيار و الطماطم و الخس بس وللا امنع لجودى اى حاجة فريش سواء خضار او فاكهة؟

بصى يا بوسى هما اصلا لسه متوصلوش لمصادر البكتيريا فانتى اعملى احتياطك و عقمى الفاكهه و الخضار كويس بانك تنقعيه الاول فى ميه و خل فترة كويسه و سيبيها على ربنا:)

M!ss Tuky;15208078:
دونى فيديني بالله عليكي ضروورى

انا تايا كانت بتعانى من التهاب ف الاذن الوسطي .. تمااام

من يومين بالظبط او اول امبارح عياط عياط ابتاءا من الساعه 7 لحد ما تنام الساعه 5 الفجر

وامبارح عياط من الساعه 7 لحد الساعه 7 الصبح ومش عايزة تناااام

ب تنام علي صدرى كويس اوى واقول دى راحت ف النووم اجى انقلها جنبي تقوم تصرخ وتعيط وهكذا من بليل لحد الصبح

وتبقي عاوزة تنام وتدعك ف عنيها وارضعها تنام علي صدرى وتقوم تصرخ لو نزلتها جنبي

المهم الصبح طبعا قولت اويها اى مكان ف ودتها الصحه الدكتورة كشفت علي صدرها وزورها قالتلى مفهاش حااجه قلتلها طيب ودنها قالتلى معنديش جهاز الاذن اكشفي عليها انف واذن طبعا حوار مالو اى لازمة كل ده

المهم انها قامت كويسه بس برو بييجي عليها الليل تفل تعيط وتشبط فيها مش عاوزانى امشي من قدامها وصريخ وعياط ومبتنامش خاالص كويس زى الاول

ف انا عندي روشته التهاب الاذن الوسطي تفتكرى اجيب المضاد الحيوي الى كان مكتوب ولا اروح للدكتور بتاعها دايركت اعملها تشيك اب

لا روحى لدكتور انف و اذن عشاان يبص على ودانها و يعرف هل فعلا فى التهاب ولا لا عشان ممكن يكون عياطها و قريفتها مش من ودانها ممكن يكون تسنين مثلا و خصوصا انها مش سخنه يبقى كده انتى هتديها المضاد الحيوى ع الفاضى

*Om Mo3az & Eyad*;15208122:
دينا قولي لي ادي اياد ايه عشان يشبعه وينااااااااااااام
هو كبر اهو يعني ممكن ادخل له اي حاجه غير صدري عشان يريحني شوية بقى وينام
هو حاليا بقى بيصحى كل ساعه بالظبببببببببط وانا طبعا مش بلحق يكون اللبن اتجمع عندي تاني فبسيبه صاحي ساعتين ولا حاجه اقعد الاهيه في اي حاجه اكبر وقت ممكن وارضعه وينام ساعه وهكذا طول النهار والليل
:(
الحمدلله

اصبرى اسبوعين كمان يا ايمى و بعدين ابتدى دخليله وجبه بالليل بلاش من دلوقتى

m@hy;15209520:
دندونة ازيك يا جميلين
كنت محتاجة كريم للتسلخات يكون كويس و يجيب نتيجة سريعة
لان محمد عندة اسهال و التسلخات رهيبة

ازيك يا ماهى يا حبيبتى بصى التسلخات نضفى المنطقه كويس بالميه و سيبيها تنشف فى الهوا 5 دقايق و بعدين ادهنى دكتاكورت طبقه خفيفه جدا مرتين فى اليوم ممكن لمده 7 ايام لو التسلخات راحت قبل كده وقفيه
و ان شاء الله اول ما الاسهال يقف هتروح

دوني ماهو فعلا مشكلته ف كدا
ال safety margin is narrow
فالفرق بين الجرعة الدوائية والزيادة قليل اوي
الدكتور كان بيقولنا لو سمعت كلمه الطفل طول الليل يعيط وصاحي دي لازم تسأل بياخد دوا ايه
وعارفه كمان الامينوفيلين والميوكوفللين والحاجات دي
عارفه اخت محمد كانت بتديه لبنتها يوميا معرفش ليه هههههههههههههه
بتقولي والله البنت طول الليل صاحية ومبرقة كدا وشكلها عجيب هههههههههههههه

دندونه ازيك وحشانى اوى
و اخبار سيمو ايه
بقلك دومى تعبان اوى عنده برد و رشح و صدره بيزيق كده
و سالت على الفلوسيز قالولي انه بقاله كتير مش بينزل
قليلي اديله ايه لانه صعبان عليا اوى

ازيكم يا قمرات وحشتوني جدا جدا.. دلوقتي آدم بقي رخم في الاكل مش عاوز حاجة غير الزبادي وأي حاجة ثانية بالعافيه أعمل ايه؟ كمان له اسبوع كل شوية يلعب في ودنه و يشد شعره و ده في الناحيتين لدرجة شعر بيطلع في ايده ده ممكن يكون من ايه؟ وايه الاكل المناسب له دلوقتي هو فاضل اسبوع ويكمل ٨ شهور و طلع سنتين ما شاء الله وبيأخذ بيديكال

kitty_kity;15211777:
دوني ماهو فعلا مشكلته ف كدا
ال safety margin is narrow
فالفرق بين الجرعة الدوائية والزيادة قليل اوي
الدكتور كان بيقولنا لو سمعت كلمه الطفل طول الليل يعيط وصاحي دي لازم تسأل بياخد دوا ايه
وعارفه كمان الامينوفيلين والميوكوفللين والحاجات دي
عارفه اخت محمد كانت بتديه لبنتها يوميا معرفش ليه هههههههههههههه
بتقولي والله البنت طول الليل صاحية ومبرقة كدا وشكلها عجيب هههههههههههههه

هههههههههههههههههه يا عينى ع البت حرام عليها
و هيا بتديها الميوكوفيللين لوحدها كده دانا نفسى بخاف اوصفه عشان الحكايه دى ببعد عنه

sweetyronaaa;15211871:
دندونه ازيك وحشانى اوى
و اخبار سيمو ايه
بقلك دومى تعبان اوى عنده برد و رشح و صدره بيزيق كده
و سالت على الفلوسيز قالولي انه بقاله كتير مش بينزل
قليلي اديله ايه لانه صعبان عليا اوى

الحمد لله يا رونا و انتى كمان وحشانى اوى والله
الف سلامه على دومى بصى الصوت التزييق اللى انتى سامعاه فى صدرة ممكن يكون من خنفرة مناخيرة خليكى على المحلول الملحى و ممكن تديله معاه فنيستيل لو عندك و كتريله من السوايل الدافيه

~OM-ADAM~;15212215:
ازيكم يا قمرات وحشتوني جدا جدا.. دلوقتي آدم بقي رخم في الاكل مش عاوز حاجة غير الزبادي وأي حاجة ثانية بالعافيه أعمل ايه؟ كمان له اسبوع كل شوية يلعب في ودنه و يشد شعره و ده في الناحيتين لدرجة شعر بيطلع في ايده ده ممكن يكون من ايه؟ وايه الاكل المناسب له دلوقتي هو فاضل اسبوع ويكمل ٨ شهور و طلع سنتين ما شاء الله وبيأخذ بيديكال

وانتى اكتر يا بوسى يا حبيبتى

بصى هيا فى مرحله كده الطفل فجاه بيقلل اكله خالص و ممكن تستمر لحد سنه و نص
انتى خليكى معاه بالراحه و متغصبيش عليه فى الاكل خللى الاكل قدامه و كل شويه اعرضى عليه
بالنسبه لودانه خللى بالك ممكن يكون عنده التهاب اعرضيه على دكتور انف و اذن عشان يبص على ودانه بالمنظار

دينا وحشااااااااااااني جزاكي الله خيرا

طب بعد الاسبوعين دول ايه الوجبات اللي اديهاله ؟
اخبار سما ايه دلوقتي يارب تكون احسن

وانتى كمان يا ايمى
بصى هو كان المفروض انه لما يتم اربع شهور ان شاء الله تبداى تدوقيه الاكل بس عشان هو بيبقى جعان و اللبن مش بيشبعه عادى هتدخليله وجبه
هتدخلى خضار مسلوق و مهروس زى البطاطس او الكوسه او الجزر و فاكهه برضه مسلوقه و مهروسه زى التفاح و ممكن تخلطى كذا حاجه على بعض بس لما تجربى الاول كل نوع لوحده
و ممكن سيريلاك رز بس القمح مش دلوقتى

طيب ليه محدش رد على سؤالي يا ام سيمو

دينا أخبار سما ايه دلوقتي؟ وعامله ايه في الشغل معاها و بتوديها فين؟ هو التهاب الاذن ده بييجي معاه حرارة ولا لا علشان آدم شغال ذن و قريفة طول الوقت وساعات توصل للصريخ مش عارفه سبب ده ايه هو طلع سنتين خلاص من أسبوعين و أكثر ومش سخن ولا عنده اسهال

dandona om jou;15216497:
طيب ليه محدش رد على سؤالي يا ام سيمو

انتى بتسالى عن نماذج الاكل يا دندونه ارجعى كده لورا فى الصفحات هتلاقينى جاوبتك على السؤال ده قبل كده اكتر من5 مرات
غير انى عمله موضوع شارحه فيه نماذج الاكل بالتفصيل
اصلها مش بتختلف من شهر للتانى
فسبت فرصه للبنات لو عندهم اضافات تانيه يضيفوها
ولو عايزانى اكتبهالك مرة تانيه مفيش مانع

~OM-ADAM~;15216705:
دينا أخبار سما ايه دلوقتي؟ وعامله ايه في الشغل معاها و بتوديها فين؟ هو التهاب الاذن ده بييجي معاه حرارة ولا لا علشان آدم شغال ذن و قريفة طول الوقت وساعات توصل للصريخ مش عارفه سبب ده ايه هو طلع سنتين خلاص من أسبوعين و أكثر ومش سخن ولا عنده اسهال

الحمد لله تمام و الله يا بوسى الحمد لله الدور راح على خير
و الشغل تمام الحمد لله لحد دلوقتى ماشى الحال و بسيبها عند حماتى

بالنسبه لالتهاب الاذن ممكن لو بسيط ييجى من غير حرارة بس هتلاقى البيبى بيشد فى ودانه كتير و بيهرش فيها

طيب هو بيعمل كده و الدكتورة بتاعته مسافرة أعمل ايه؟ وهو الزن و القريفه منها ولا مش لها دعوة

~OM-ADAM~;15216799:
طيب هو بيعمل كده و الدكتورة بتاعته مسافرة أعمل ايه؟ وهو الزن و القريفه منها ولا مش لها دعوة

ايوة طبعا لو فى التهاب فى ودانه هيبقى بيزن و مقريف من الالم
الغرض بس من زيارتك للدكتور انه يبص على ودنه بالمنظار و يديكى المضاد الحيوى على حسب درجه الالتهاب اللى عنده لو موجود يعنى عشان كده بقولك روحى لدكتور انف و اذن مش اطفال

دونه أنا كلمت الدكتورة لقيتها رجعت رحت جري والحمدلله مفيش حاجة في ودنه بس عنده برد والتهاب بسيط في الحلق وده رافع ضغط الودن كتبت قطارة سيتال ٣ مرات و ٣ سم كيورام ٣ مرات و نقط اوتال نقطة واحدة في كل اذن مرتين في اليوم و هروح لها ثاني ان شاء الله بعد بكرة.. ربنا يشفي و يحمي اولادنا يارب

أنا انضميت لكم جديد وسعيده بتجمعكم
ياريت لو حد يعرف سبب التهاب الاذن عند الاطفال ايه علشان اتفادى المشكله دي مع بنتي هي عندها سنه ونص وسخنه نااار من شدة الالتهاب والمشكله انو بيتكرر معاها على طول ليه مش عارفه

~OM-ADAM~;15212215:
ازيكم يا قمرات وحشتوني جدا جدا.. دلوقتي آدم بقي رخم في الاكل مش عاوز حاجة غير الزبادي وأي حاجة ثانية بالعافيه أعمل ايه؟ كمان له اسبوع كل شوية يلعب في ودنه و يشد شعره و ده في الناحيتين لدرجة شعر بيطلع في ايده ده ممكن يكون من ايه؟ وايه الاكل المناسب له دلوقتي هو فاضل اسبوع ويكمل ٨ شهور و طلع سنتين ما شاء الله وبيأخذ بيديكال

بوسي ازيك يا قمر وحشانى اوى
الف سلامه على دومى ماشاء الله كبر و شكله عسول خالص

*DONY*;15212969:
هههههههههههههههههه يا عينى ع البت حرام عليها
و هيا بتديها الميوكوفيللين لوحدها كده دانا نفسى بخاف اوصفه عشان الحكايه دى ببعد عنه




الحمد لله يا رونا و انتى كمان وحشانى اوى والله
الف سلامه على دومى بصى الصوت التزييق اللى انتى سامعاه فى صدرة ممكن يكون من خنفرة مناخيرة خليكى على المحلول الملحى و ممكن تديله معاه فنيستيل لو عندك و كتريله من السوايل الدافيه




وانتى اكتر يا بوسى يا حبيبتى

بصى هيا فى مرحله كده الطفل فجاه بيقلل اكله خالص و ممكن تستمر لحد سنه و نص
انتى خليكى معاه بالراحه و متغصبيش عليه فى الاكل خللى الاكل قدامه و كل شويه اعرضى عليه
بالنسبه لودانه خللى بالك ممكن يكون عنده التهاب اعرضيه على دكتور انف و اذن عشان يبص على ودانه بالمنظار

تسلمى يا دندن انا جبتله فنستيل و بديهوله من امبارح
بس بقلك ابداله الكالسيوم امتى هو عنده 5 شهور و نص
الدكتور قالي لما يتم 6 شهور كده صح و لا متاخر
و كمان ايه الاكل اللي ياكله انا بديله بطاطس و جزر مسلوقين و تفاح و موز مسلوقين ايه تانى ممكن اديهوله و ااكله كام مره في اليوم

رونا ازيك يا قمر وحشاني.. الكالسيوم فعلا لما يتم ٦ شهور أحسن و الاكل ممكن تجربي زبادي لايت معلقتين كده لو تقبله و مش عمل مشاكل لا قدر الله يبقي كويس.. يا بنات هو لبوس السخونية اسمه ايه اللي علبته خضراء ده؟ آدم من امبارح سخن شوية حرارته ٣٨ و اخذ سيتال قطارة مرتين لحد دلوقتي مفيش تأثير ينفع يأخذ اللبوس ده ولا أعمل ايه؟ و هو مش نام الا ساعتين من امبارح و طول الوقت عياط و صريخ أكمل الدوا واروح للدكتورة بكرة في ميعادي ولا اروحلها النهارده ثاني بس هي مش بتروح العيادة الا بعد ٨ مساءا أعمل ايه صعبان عليا اوي نفسه ينام مش عارف

~OM-ADAM~;15217561:
دونه أنا كلمت الدكتورة لقيتها رجعت رحت جري والحمدلله مفيش حاجة في ودنه بس عنده برد والتهاب بسيط في الحلق وده رافع ضغط الودن كتبت قطارة سيتال ٣ مرات و ٣ سم كيورام ٣ مرات و نقط اوتال نقطة واحدة في كل اذن مرتين في اليوم و هروح لها ثاني ان شاء الله بعد بكرة.. ربنا يشفي و يحمي اولادنا يارب

الحمد لله يا بوسى ربنا يشفيهولك يا رب

زوزو13;15218154:
أنا انضميت لكم جديد وسعيده بتجمعكم
ياريت لو حد يعرف سبب التهاب الاذن عند الاطفال ايه علشان اتفادى المشكله دي مع بنتي هي عندها سنه ونص وسخنه نااار من شدة الالتهاب والمشكله انو بيتكرر معاها على طول ليه مش عارفه

اهلا بيكى يا حبيبتى
بصى اهم سبب لالتهاب الاذن و ضع الرضاعه الخاطىء لو انتى بتنيميها على ظهرها و هى بترضع كده اللبن ممكن يدخل فى ودنها و يسببلها التهابات لما تيجى ترضعيها خلي راسها مرفوعه شويه عن باقى جسمها
فى سبب تانى انك و انتى بتحميها ممكن تكون الميه بتدخل فى ودنها و عشان تتفادى المشكله دى حطيلها قطنه مدهونه فازلين او زيت جونسون و انتى بتحميها
فى طبعا اسباب تانيه زى دور البرد و التهاب الزور

و دا الموضوع اللى كنت عاملاه عن التهابات الاذن
التهابات الاذن

sweetyronaaa;15219042:
بوسي ازيك يا قمر وحشانى اوى
الف سلامه على دومى ماشاء الله كبر و شكله عسول خالص



تسلمى يا دندن انا جبتله فنستيل و بديهوله من امبارح
بس بقلك ابداله الكالسيوم امتى هو عنده 5 شهور و نص
الدكتور قالي لما يتم 6 شهور كده صح و لا متاخر
و كمان ايه الاكل اللي ياكله انا بديله بطاطس و جزر مسلوقين و تفاح و موز مسلوقين ايه تانى ممكن اديهوله و ااكله كام مره في اليوم

ايوة يا رونا الكالسيوم بعد 6 شهور دلوقتى انتى اديه فيدروب بس
ممكن تديل سيريلاك رز و عصاير بقى زى مانتى عايزة
ممكن جميع انواع الخضار بس تكون مسلوقه كويس و مهروسه
و تاكليه كام مرة ممكن وجبه او وجبتين

~OM-ADAM~;15219110:
رونا ازيك يا قمر وحشاني.. الكالسيوم فعلا لما يتم ٦ شهور أحسن و الاكل ممكن تجربي زبادي لايت معلقتين كده لو تقبله و مش عمل مشاكل لا قدر الله يبقي كويس.. يا بنات هو لبوس السخونية اسمه ايه اللي علبته خضراء ده؟ آدم من امبارح سخن شوية حرارته ٣٨ و اخذ سيتال قطارة مرتين لحد دلوقتي مفيش تأثير ينفع يأخذ اللبوس ده ولا أعمل ايه؟ و هو مش نام الا ساعتين من امبارح و طول الوقت عياط و صريخ أكمل الدوا واروح للدكتورة بكرة في ميعادي ولا اروحلها النهارده ثاني بس هي مش بتروح العيادة الا بعد ٨ مساءا أعمل ايه صعبان عليا اوي نفسه ينام مش عارف

اهم حاجه تعمليله كمادات يا بوسى بميه فاترة من الحنفيه على رقبته و تحت باطه و مكن تحطى نصه التحتانى فى ميه
لو قصدك على لبوس دولفين بلاشه قبل سنه مش مستحب

ممكن تستعملى بدال السيتال megafen بيجيب نتايج كويسه اوى