كل يوم هنتكلم عن موضوع جديد لصحه طفلك....الجزء التانى

دادنه مش فاهمه قصدك اني احط للبن الاولني في ببرونه تانيه في التلاجه والتاني االلي شفطته في ببرونه تانيه وبعدين اخلتطهم؟
ويعد اد ايه بره التلاجه عموما يعني لو خرجت يعد اد ايه

*DONY*;15180789:
فى حاجات كتير ممكن تاكليهالها يا حبيبتى زى الزبادى و الجبنه و التوست و صفار البيض ممكن تجربى تخلطيه على البطاطس المهروسه دا فى الفطار غير العصاير
فى الغدا بقى عندك رز و مكرونه و شعريه على شوربه و تكونى مقطعه فيها صدر فرخه مستوى كويس و متقطع صغير او لحمه مفرومه
و ممكن ظهر سمكه مشويه دا غير الخضار كله و الفاكهه
ممكن تديها هاى كال لو لنتى حاسه انها مش بتاخد كالسيوم فى الاكل كتير انما لو انتى مهتميه بالاكلات اللى فيها كالسيوم يبقى كفايه البيديكال

شكرا يادوني بصي هي بتاكل علبة زبادي واحده في اليوم وقطعتين نستو لكن مش بتاكل لا بيض ولا سمك مش بتحبهم والعصير برده مش بتشربه خالص والرضاعه كمان قلت اوي بقت مرتين تلاته بالكتير في اليوم كله لان اللبن قل جدا جدا عندي طب لو انا حبيت اديهولها تاخد قد ايه الجرعه كام مل؟؟هي عندها 10شهور واسبوع بس معرفش كام كيلو ماوزنتهاش من زمان وشكرا ليكي تاني

اية المواضيع الجميلة دى

دا انا لازم الجزء الاول بقالى كتير غايبة عن المنتدى ارجع الاقى مواضيع جميلة ومفيدة كدة

مشكورة يا قمر على مجهودك

طيب مينفعش افتح المية السخنة في الحمام لحد ما تعمل بخار و ادخله يشمها ساعتها يمكن تفتحله منخيره يا ام سيمو اصل حاساها تعبان لا عارف ينام و لا يرضع بجد صعبان عليا

ساره افندي;15181389:
دادنه مش فاهمه قصدك اني احط للبن الاولني في ببرونه تانيه في التلاجه والتاني االلي شفطته في ببرونه تانيه وبعدين اخلتطهم؟
ويعد اد ايه بره التلاجه عموما يعني لو خرجت يعد اد ايه

ايوة بالظبط كده يا سارة هتستعملى ببرونه تانيه للشفط و تضيفى اللبن ع الببرونه اللى فى التلاجه و اللبن ميقعدش برة على ما اعتقد زياده عن ساعه او ساعتين بالكتير

بسبوسةميدو;15182050:
شكرا يادوني بصي هي بتاكل علبة زبادي واحده في اليوم وقطعتين نستو لكن مش بتاكل لا بيض ولا سمك مش بتحبهم والعصير برده مش بتشربه خالص والرضاعه كمان قلت اوي بقت مرتين تلاته بالكتير في اليوم كله لان اللبن قل جدا جدا عندي طب لو انا حبيت اديهولها تاخد قد ايه الجرعه كام مل؟؟هي عندها 10شهور واسبوع بس معرفش كام كيلو ماوزنتهاش من زمان وشكرا ليكي تاني

بصى الحاجات اللى مش بتاكلها حاولى تدخليهالها فى حاجه تانيه و لو رفضتها برده وقفيها شويه و بعدين ارجعى اعرضيها عليها مرة تانيه

انا مش فاهمه سؤالك اللى هو كام مللى قصدك يعنى لو عايزة تدخليلها لبن صناعى ؟

عرووس الدلتا;15184836:
اية المواضيع الجميلة دى

دا انا لازم الجزء الاول بقالى كتير غايبة عن المنتدى ارجع الاقى مواضيع جميلة ومفيدة كدة

مشكورة يا قمر على مجهودك

تسلمى يا حبيبتى نورتى الموضوع

dandona om jou;15185074:
طيب مينفعش افتح المية السخنة في الحمام لحد ما تعمل بخار و ادخله يشمها ساعتها يمكن تفتحله منخيره يا ام سيمو اصل حاساها تعبان لا عارف ينام و لا يرضع بجد صعبان عليا

اه يا ريت تعملى كده بتحسن الخنفرة اوى

دينا بلييييييييييز
اياد عنده كحه ببلغم أدي له بلسم ولا حاجه تانيه ؟

*DONY*;15186923:
بصى الحاجات اللى مش بتاكلها حاولى تدخليهالها فى حاجه تانيه و لو رفضتها برده وقفيها شويه و بعدين ارجعى اعرضيها عليها مرة تانيه

انا مش فاهمه سؤالك اللى هو كام مللى قصدك يعنى لو عايزة تدخليلها لبن صناعى ؟

مرسي ياجميل على ردك وحاضر ههحاول معاها تاني كده وربنا يسهل وانا ياجميل كنت بسال على جرعة الهاي كال قد ايه؟
وبالنسبة للصناعي انا مش بديها هي المفروض تاخد ولا ايه انا بصراحه قلت بدات تاكل خلاص مش مشكله لو رضعت مرتين تلاته مني وخلاص جنب الاكل ولا انا كده غلط؟؟ يعني هي المفروض تاخد صناعي ولا مش مهم؟؟هي 10شهور ونص يعني اعمل ايه بقى هي كده صغيرة على تفكيري ده طمنيني انا غلط ولا ايه؟؟

*Om Mo3az & Eyad*;15189439:
دينا بلييييييييييز
اياد عنده كحه ببلغم أدي له بلسم ولا حاجه تانيه ؟

ممكن تديله بلسم مرة الصبح و مرة العصر و بالليل تديله لبوس سيلجون نص لبوسه عشان تهديه اثناء النوم

بسبوسةميدو;15190522:
مرسي ياجميل على ردك وحاضر ههحاول معاها تاني كده وربنا يسهل وانا ياجميل كنت بسال على جرعة الهاي كال قد ايه؟
وبالنسبة للصناعي انا مش بديها هي المفروض تاخد ولا ايه انا بصراحه قلت بدات تاكل خلاص مش مشكله لو رضعت مرتين تلاته مني وخلاص جنب الاكل ولا انا كده غلط؟؟ يعني هي المفروض تاخد صناعي ولا مش مهم؟؟هي 10شهور ونص يعني اعمل ايه بقى هي كده صغيرة على تفكيري ده طمنيني انا غلط ولا ايه؟؟

جلرعه الهاى كال 5 سم فى اليوم
بالنسبه للبن الصناعى ملوشض لازمه طامل هيا بتاكل مع الرضاعه

اضافة رفيعة :)
الطفل بيتقبل الاكل الجديد بعد ماتعرضيه عليه ممكن 10 او 12 مرة
يعني لو ابني رفض نوع اكل ماقولش ده مابيحبش كذا وابطل اديهوله
لا ارجع بعد فترة اعرضه عليه تاني وهكذا
خصوصا ان الطفل ذكي... لما بيعرف انه لما رفض الحاجة دي انتي بطلتي تديهاله هيعمل كدا كتير ولو طاوعتيه هتلاقيه مابياكلش حاجه ف الاخر

دوني...اعتقد سليجون للكحة الناشفة صح؟

ولا قصدك عشان هي cough suppressant
فتخليه مش يكح بالليل يعني فينام؟؟؟

كيتى حلوة اضافاتك الرفيعه دى:lol::lol::lol:

بصى يا ستى الكحه اللى ببلغم احنا بنعتمد فى علاجها على ادويه تدوب البلغم و تطرده يعنى بتزود الكحه عشان تخللى البيبى يعرف يطرد البلغم لكن بالليل ممكن ندى حاجه تهدى الكحه زى السيلجون زى مانتى قولتى cough suppressant عشان الطفل يعرف ينام


بنات محدش يزعل لو معرفتس ارد عليكو انهارده و بكرة عشان هروح عند ماما و هيا معندهاش نت هتوحشونى

دوني ربنا يخليكي .. انا والله بتردد جدا قبل ما اكتب حاجة عشان ماضايقكيش او كدا :)

بالنسبة للكحة انا عارفه ان الي ببلغم بندي حاجة طارد للبلغم...المعلومة بقى الي اضافهالنا دكتور حديثا ان في انواع من الادوية دي فيها حاجتين معارضين لبعض...يعني حاجة بتدوب البلغم وحاجه معاه بتنشف فبتبقى مش مفيدة اوي
زي ال toplexil
لأنه عبارة عن mucolytic ... بيدوبها
antihistamine بينشفها

وقال ان الbronex drops
بتنرفز الطفل جدا فممكن لما تلاقي طفل جاي بيعيط من غير سبب يكون بياخد حاجه زي كدا..هي والرينو ستوب

بالنسبة لطارد البلغم احسنهم bronchycum بس غالي ب 28 جنيه
ف fornix زيه نفس التأثير بس ارخص ب6 جنيه العلبة

عشان انتي عارفه ف مستشفيات الحكومة لازم تحطي ف بالك سعر الدوا وانتي بتكتبي عشان تضمني ان المريض هيشتريه اساسا :)

اه حاجه كمان قال ان B agonist
ممكن تستخدم في جميع انواع الكحة سواء ببلغم او ناشفة او ازمة
وممكن تستخدم من اول يوم للطفل ...

دينا وكيتي تسلموووووووو يا قمرات ربنا يخليكو يارب

هو انا اديته بلسم وانهرده الصبح كان بيكح كده وطلع بلغم من بؤه يا حبيبي بس حسيته ارتاح بعدها كتير والكحه قلت شوية الحمدلله


دينا تروحي وترجعي بالسلامه ياقمر

*DONY*;15191772:

جلرعه الهاى كال 5 سم فى اليوم
بالنسبه للبن الصناعى ملوشض لازمه طامل هيا بتاكل مع الرضاعه

مرسي ياحبيبتي على ردك والحمد لله طمنتيني يبقى انا صح الحمد لله ربنا يباركلك يارب:)

kitty_kity;15192833:
دوني ربنا يخليكي .. انا والله بتردد جدا قبل ما اكتب حاجة عشان ماضايقكيش او كدا :)

بالنسبة للكحة انا عارفه ان الي ببلغم بندي حاجة طارد للبلغم...المعلومة بقى الي اضافهالنا دكتور حديثا ان في انواع من الادوية دي فيها حاجتين معارضين لبعض...يعني حاجة بتدوب البلغم وحاجه معاه بتنشف فبتبقى مش مفيدة اوي
زي ال toplexil
لأنه عبارة عن mucolytic ... بيدوبها
antihistamine بينشفها

وقال ان الbronex drops
بتنرفز الطفل جدا فممكن لما تلاقي طفل جاي بيعيط من غير سبب يكون بياخد حاجه زي كدا..هي والرينو ستوب

بالنسبة لطارد البلغم احسنهم bronchycum بس غالي ب 28 جنيه
ف fornix زيه نفس التأثير بس ارخص ب6 جنيه العلبة

عشان انتي عارفه ف مستشفيات الحكومة لازم تحطي ف بالك سعر الدوا وانتي بتكتبي عشان تضمني ان المريض هيشتريه اساسا :)

اه حاجه كمان قال ان B agonist
ممكن تستخدم في جميع انواع الكحة سواء ببلغم او ناشفة او ازمة
وممكن تستخدم من اول يوم للطفل ...

يا خبر يا مروة اتضايق ازاى اوعى تقولى كده بالعكس والله انا بفرح جدا لما بتشاركى معايا هنا فى الموضوع او بتردى على حد و خصوصا ان الايام الجايه دى هكون مشغوله جامد و خايفه انى اتاخر عليهم او اقصر فى الموضوع فانتى بدالى

بالنسبه للمعلومات اللى انتى قولتيها فعلا صح جدا
التوبلكسيل فى كلام عليه كتير بيقولو عليه فعلا انه نظريا مينفعش يكون جامع الاتنين مع بعض بس لو جينا للتطبيق العملى هنلاقيه بيريح ناس كتير و بياثر فعلا

بالنسبه بقى لاسعار الدوا هيا دى المشكله اللى بتضايقنى اوى و خصوصا لما بتبقى الادويه خلصت من الوحده و يجيبلى عيان اقوله هكتبلك دوا من بره يبقى متضايق و ساعات يقولولى لا خلاص مش عايزين دوا
جاتلى واحده ابنها حرارته 40 و عنده نزله معويه حاده و مش راضيه حتى تجيبله دوا سخونيه و الله كنت عايزة اشتريلها الدوا كله على حسابى عشان اضمن انها هتجيبه للولد

ال b agonists فعلا بتبقى مفيده فى كل انواع الكحه عشان بتعمل bronchodilataion
بس فى كتاب الدكتور النجار قايل انهم مبيشتغلوش قبل سنه و نص عشان ال b receptors بتكون لسه مكتملتش بس فى دكتور تانى فى جامعه عين شمس مش فاكرة اسمه بيقول انهم بيجيبو نتايج كويسه من اول يوم

*Om Mo3az & Eyad*;15193689:
دينا وكيتي تسلموووووووو يا قمرات ربنا يخليكو يارب

هو انا اديته بلسم وانهرده الصبح كان بيكح كده وطلع بلغم من بؤه يا حبيبي بس حسيته ارتاح بعدها كتير والكحه قلت شوية الحمدلله


دينا تروحي وترجعي بالسلامه ياقمر

الحمد لله يا ايمى يارب يكون صحى خالص

بسبوسةميدو;15194925:
مرسي ياحبيبتي على ردك والحمد لله طمنتيني يبقى انا صح الحمد لله ربنا يباركلك يارب:)

العفو يا حبيبتى انتى تؤمرى يا قمر

يا بنات انا عايزة نماذج للوجبات تكون دسمة و مغذية ليوسف هوا دلوقتي عنده 9 شهور و 17 يوم يعني ماشي ماشاء الله في العاشر

دوني..كلك زوق ياجميل ميرسي :) ... بس بدالك ايه انتي الخير والبركة ههههههه..
بالنسبة لل B agonist
ماهو الدكتور ده قالنا نفس الكلمة بتاعت الدكتور النجار دي
بس هي بتكون موجودة من اول يوم بس نموها بيكتمل عند سنة ونص
فعشان كدا بتجيب تأثير من اول يوم :)

دينا هى البكتريا المميتة دى موجوده فى الخيار و الطماطم و الخس بس وللا امنع لجودى اى حاجة فريش سواء خضار او فاكهة؟

دونى فيديني بالله عليكي ضروورى

انا تايا كانت بتعانى من التهاب ف الاذن الوسطي .. تمااام

من يومين بالظبط او اول امبارح عياط عياط ابتاءا من الساعه 7 لحد ما تنام الساعه 5 الفجر

وامبارح عياط من الساعه 7 لحد الساعه 7 الصبح ومش عايزة تناااام

ب تنام علي صدرى كويس اوى واقول دى راحت ف النووم اجى انقلها جنبي تقوم تصرخ وتعيط وهكذا من بليل لحد الصبح

وتبقي عاوزة تنام وتدعك ف عنيها وارضعها تنام علي صدرى وتقوم تصرخ لو نزلتها جنبي

المهم الصبح طبعا قولت اويها اى مكان ف ودتها الصحه الدكتورة كشفت علي صدرها وزورها قالتلى مفهاش حااجه قلتلها طيب ودنها قالتلى معنديش جهاز الاذن اكشفي عليها انف واذن طبعا حوار مالو اى لازمة كل ده

المهم انها قامت كويسه بس برو بييجي عليها الليل تفل تعيط وتشبط فيها مش عاوزانى امشي من قدامها وصريخ وعياط ومبتنامش خاالص كويس زى الاول

ف انا عندي روشته التهاب الاذن الوسطي تفتكرى اجيب المضاد الحيوي الى كان مكتوب ولا اروح للدكتور بتاعها دايركت اعملها تشيك اب

دينا قولي لي ادي اياد ايه عشان يشبعه وينااااااااااااام
هو كبر اهو يعني ممكن ادخل له اي حاجه غير صدري عشان يريحني شوية بقى وينام
هو حاليا بقى بيصحى كل ساعه بالظبببببببببط وانا طبعا مش بلحق يكون اللبن اتجمع عندي تاني فبسيبه صاحي ساعتين ولا حاجه اقعد الاهيه في اي حاجه اكبر وقت ممكن وارضعه وينام ساعه وهكذا طول النهار والليل
:(
الحمدلله