كل يوم هنتكلم عن موضوع جديد لصحه طفلك....الجزء التانى

اه كلامك صح يادندن فعلا هفتكر جزاكى الله خيرا

*Om Mo3az & Eyad*;15150898:
دينا بليييييييييييز قولي لي على حبوب تزود اللبن
انا مش قادره استحمل قلة نوم اياد
هو ممكن الاعشاب 100 مل تشبعه ؟ وبيكون راضع برضو من صدري بس مش شبعان

انا الدكتور مرة كتبلى على حبوب اسمها هيربانا

السلام عليكم
انا اول مره اكتب هنا ويارب تفيدينى يا ام سيمو

ابنى عنده دلوقتى شهر ونص تقريبا
بس بقاله اسبوعين مغص على طول ومابيعملش حمام بسهوله وعنده امساك
بيعمل بلبوس الجلسرين بس.ودايما عنده غازات وبطنه منفوخه كده
وديته للدكتور كتبلى دوفالاك وداى ايز
وانا كان عندى سيموثكين وكالما بيبى
ادتله كل انواع الادويه اللى عندى وبرده بطنه واجعاه ومبيعملش حمام النهارده تانى يوم مايعملشز
هل انا لو بشرب شاى كتير ده اللى يعمله امساك؟؟

سؤالى التانى معلش
هل الادويه اللى كتبتها دى غلط انى ادهاله كتير؟

ايوه هيربانا بتزود اللبن

دونى التحليل بتاع فيرو طلع بس انا حاسه انه اضحك عليا فى التحليل ده اصلا الدكتور مبصلوش وكتب الدوا على طول المهم هو ده التحليل



وده الدوا اللى كتبهولى

zithrokan 200

maxilase syrup

dermatin ear grops

ايه رايك ؟؟

انا برده طلعلى حاجه زى طفح كده ف صدرى بعد ماولدت علطول وماراحتش وبخاف ادهن اى مرهم عشان احمد
ياترى دى ايه
ووالله مكسله اروح لدكتور جلديه

اه وكمان اعد يقولى حساسيه البنسلين دى هتروح بعد ما تكمل سنه والمفروض الاطفال قبل السن ده مياخدوش دوا فيه بنسلين عشان بيبقى قابليتهم للحساسيبه عاليه هو كلامه صح ؟؟؟

انا اسفه جدااااااااااااااا يا جماعه ع التاخير
بس لسه داخله من بره دلوقتى والله

*Om Mo3az & Eyad*;15150898:
دينا بليييييييييييز قولي لي على حبوب تزود اللبن
انا مش قادره استحمل قلة نوم اياد
هو ممكن الاعشاب 100 مل تشبعه ؟ وبيكون راضع برضو من صدري بس مش شبعان

فى حبوب هيربانا و حبوب لاكتوماكس بس دول بيبقى تاثيرهم اكتر فى اول ايام الرضاعه
هو كل ما بيكبر بيزيد كميه الرضاعه و هترتاحى لما تبداى تدخليله اكل
بس مش شرط يكون قله النوم من الجوع فى اطفال عادى بتبقى طبيعتهم ان نومهم قليل حتى لو شبعان

M!ss Tuky;15151267:
دونى بالنسبه للخوخ الى تايا بتموت فيه هى بتفضح الدنيا و لقتنى باكل واحده ف عادى تاكلو ولا ايه

عادى يا توكى ممكن تاكليها الخوخ بس اختاريلها الخوخ الطرى اللى مش بيبقى مزز اوى

مامة احمد;15157196:
السلام عليكم
انا اول مره اكتب هنا ويارب تفيدينى يا ام سيمو

ابنى عنده دلوقتى شهر ونص تقريبا
بس بقاله اسبوعين مغص على طول ومابيعملش حمام بسهوله وعنده امساك
بيعمل بلبوس الجلسرين بس.ودايما عنده غازات وبطنه منفوخه كده
وديته للدكتور كتبلى دوفالاك وداى ايز
وانا كان عندى سيموثكين وكالما بيبى
ادتله كل انواع الادويه اللى عندى وبرده بطنه واجعاه ومبيعملش حمام النهارده تانى يوم مايعملشز
هل انا لو بشرب شاى كتير ده اللى يعمله امساك؟؟

سؤالى التانى معلش
هل الادويه اللى كتبتها دى غلط انى ادهاله كتير؟

اهلا بيكى يا مامه احمد
بصى يا ستى المغص و الانتفاخ دى حاجه طبيعيه فى اول 3 شهور و بعد كده هتلاقى الموضوع بدا يقل بالتدريج و هترتاحى بس انتى كل اللى عليكى بعد كل رضعه تكرعيه كويس مرة و اتنين و تلاته
و لما تلاقى عنده مغص نيميه على بطنه و خبطى بالراحه على ظهرة
و اديله اكوافيرا و حطى عليه السايمثكون

بالنسبه للامساك بقى بلاش تعوديه على الدوفالاك و الملينات بشكل عام
انتى اديله رضعه ينسون و ادهنى على بطنه زيت و اعمليله مساج بايديكى بشكل دائرى كده
و حركى رجليه كده بالتبادل كانه راكب عجله و ان شاء الله هتلاقى نتيجه
خللى الادويه اخر حاجه تلجايلها

monyfofo;15157211:
ايوه هيربانا بتزود اللبن

دونى التحليل بتاع فيرو طلع بس انا حاسه انه اضحك عليا فى التحليل ده اصلا الدكتور مبصلوش وكتب الدوا على طول المهم هو ده التحليل



وده الدوا اللى كتبهولى

zithrokan 200

maxilase syrup

dermatin ear grops

ايه رايك ؟؟

الدكتور مبصش فيه عشان التحليل مطلعش فيه حاجه خالص الحمد لله
و اداكى مضاد حيوى خفيف اللى هو الزيثروكان

والماكسيلاز عشان يقلل الارتشاح و السوائل اللى ممكن تسبب نمو البكتيريا
, الدريرماتين نقط عشان لو فى فطريات فى الودن

مقولتيليش بقى الحرارة راحت ولا لا؟

مامة احمد;15157222:
انا برده طلعلى حاجه زى طفح كده ف صدرى بعد ماولدت علطول وماراحتش وبخاف ادهن اى مرهم عشان احمد
ياترى دى ايه
ووالله مكسله اروح لدكتور جلديه

ممكن تدهنى كالاميل او درموكالم الاتنين امنين جدا

monyfofo;15157245:
اه وكمان اعد يقولى حساسيه البنسلين دى هتروح بعد ما تكمل سنه والمفروض الاطفال قبل السن ده مياخدوش دوا فيه بنسلين عشان بيبقى قابليتهم للحساسيبه عاليه هو كلامه صح ؟؟؟

على فكرة مش شرط يكون الطفح اللى جالها حساسيه من البنسلين ممكن يكون مجرد عرض جانبى بس دا ميمنعش انك تخلى بالك و تبعدى عن كل مركبات البنسلين و بعد كده تبقى تعمل اختبار حساسيه قبل متاخدى اى دوا بنسلين

ايوه الحراره راحت خالص الحمد لله بعدت ما وقفت مضادات حيوه راحت الحراره لوحدها

دندن ازيك ياحبيبتي كوكو عنده اسهال زي الميه كده ولونه فاتح خالص وبيغرق هدومه عمل مره واحده امبارح والنهارده خمس مرات مش عارفه ده ايه ؟ وكمان مش راضي ياكل نهائي ولا يحط حاجه في بقه خالص الا الببرونه بديله عصير فيها واديتله لبن مره واحده

وايه رايك ااكله ايه واشربه ايه علشان الاسهال ده ؟؟ ومافيش دوا للاسهال او اي حاجه تخففه شويه

monyfofo;15159180:
ايوه الحراره راحت خالص الحمد لله بعدت ما وقفت مضادات حيوه راحت الحراره لوحدها

الحمد لله يا مونى

مايونيز;15159342:
دندن ازيك ياحبيبتي كوكو عنده اسهال زي الميه كده ولونه فاتح خالص وبيغرق هدومه عمل مره واحده امبارح والنهارده خمس مرات مش عارفه ده ايه ؟ وكمان مش راضي ياكل نهائي ولا يحط حاجه في بقه خالص الا الببرونه بديله عصير فيها واديتله لبن مره واحده

وايه رايك ااكله ايه واشربه ايه علشان الاسهال ده ؟؟ ومافيش دوا للاسهال او اي حاجه تخففه شويه

ازيك يا غاده يا حبيبتى الف سلامه عليه بصى فى ترجيع او سخونيه مع الاسهال ولا بس اسهال

اهم حاجه تعوضى الاسهال بسوايل كتير على قد متقدرى و تديه محلول الجفاف هيدروسيف
و اديله كابكت معلقه صغيرة 3 مرات فى اليوم
بس لو معاه سخونيه هيحتاج ياخد مضاد حيوى اسمه سيفوتاكس و طبعا لازم دكتور يشوفه الاول
و كترى من البطاطس و الجزر و الرز و بلاش الايام دى زبادى
و ابقى طمنينى عليه

نسيت اقولك انك تخللى بالك لازم تكونى عارفه اعراض الجفاف اللى هيا انك تلاقى لسانه ناشف و تلاقى عينيه داخله لجوة و لو اخدتى فولد من جلد بطنه بين صوابعك تلاقى الجلد بيرجع ببطء و تلاقيه مدروخ خالص و مش اكتيف لو لقيتى اى اعراض من دى خديه ع المستشفى على طول
و طول منتى مهتميه بالسوايل و محلول الجفاف مش هيحصل كده

ام سيمو بالله عليكي تقوليلي ازاي اقدر اعوض يوسف عن الوزن بتاعه و صحته وقت النزلة المعوية الشديدة دي لحد دلوقتي الاسهال مستمر بس الحمدلله يارب المرات بدأت تقل مقارنة بالاول و الريحة مش زي الاول بردو الحمدلله هل كده يعني في تحسن و الحرارة راحت الحمدلله انا ماشية معاه على المضاد الحيوي اورولكس بكرة ان شاء الله اخر يوم فيه و كابكت 2 و نص مل ثلاث مرات في اليوم اقدر افيده ازاي يا ام سيمو ربنا يباركلك

تايا فالفتره دي بدئت تطلع لسانها بره وهى بتدحك او حد بيلاغيها وممكن وهي قاعده عادى بس ش كتير

هل ممكن تكون بتعم كده عشان سنتها بتطع ولا ده ايه انا ش عايزاها تتطور ويبقي نظام عبط بقي

*DONY*;15159490:
الحمد لله يا مونى


ازيك يا غاده يا حبيبتى الف سلامه عليه بصى فى ترجيع او سخونيه مع الاسهال ولا بس اسهال

اهم حاجه تعوضى الاسهال بسوايل كتير على قد متقدرى و تديه محلول الجفاف هيدروسيف
و اديله كابكت معلقه صغيرة 3 مرات فى اليوم
بس لو معاه سخونيه هيحتاج ياخد مضاد حيوى اسمه سيفوتاكس و طبعا لازم دكتور يشوفه الاول
و كترى من البطاطس و الجزر و الرز و بلاش الايام دى زبادى
و ابقى طمنينى عليه

نسيت اقولك انك تخللى بالك لازم تكونى عارفه اعراض الجفاف اللى هيا انك تلاقى لسانه ناشف و تلاقى عينيه داخله لجوة و لو اخدتى فولد من جلد بطنه بين صوابعك تلاقى الجلد بيرجع ببطء و تلاقيه مدروخ خالص و مش اكتيف لو لقيتى اى اعراض من دى خديه ع المستشفى على طول
و طول منتى مهتميه بالسوايل و محلول الجفاف مش هيحصل كده

لا يادندن مافيش سخونيه الحمد لله طبيعي والترجيع مارجعش الا مره واحده بس وتقريبا كان حاطط صابعه في بقه علشان كده رجع

وانا بعمله شاء واحطهوله في الببرونه علشان يمسك معدته شويه وهو تقريبا عمل اسهال 5 مرات كده كتير ولا ايه؟

والمحلول اللي هنا oralyt والعبوه تترمي بعد 48 ساعه من فتحها صاحبتي اللي قالتلي عليه وجابتهولي وكمان هو النهارده بيلعب حلو مش مدروخ المشكله في الاسهال ده وانه مش راضي ياكل:(:'(:'( وربنا يستر والتعب مايطورش

dandona om jou;15159817:
ام سيمو بالله عليكي تقوليلي ازاي اقدر اعوض يوسف عن الوزن بتاعه و صحته وقت النزلة المعوية الشديدة دي لحد دلوقتي الاسهال مستمر بس الحمدلله يارب المرات بدأت تقل مقارنة بالاول و الريحة مش زي الاول بردو الحمدلله هل كده يعني في تحسن و الحرارة راحت الحمدلله انا ماشية معاه على المضاد الحيوي اورولكس بكرة ان شاء الله اخر يوم فيه و كابكت 2 و نص مل ثلاث مرات في اليوم اقدر افيده ازاي يا ام سيمو ربنا يباركلك

اهتمى بس باكله الايام دى يا دودو و شربيه سوايل كتير و هو بس يعدى فترة التعب هتلاقيه يرجع زى الاول و احسن ان شاء الله و الاسهال بيقعد شويه بعد دور النزله المعويه و هيقل بالتدريج الف سلامه عليه

M!ss Tuky;15159837:
تايا فالفتره دي بدئت تطلع لسانها بره وهى بتدحك او حد بيلاغيها وممكن وهي قاعده عادى بس ش كتير

هل ممكن تكون بتعم كده عشان سنتها بتطع ولا ده ايه انا ش عايزاها تتطور ويبقي نظام عبط بقي

ممكن لو هيا بتطلع سنان تكون بتعمل كده
و ممكن تكون حركه عاديه هتعملها شويه و بعد كده هتنساها سيبيها براحتها :):)

مايونيز;15159932:
لا يادندن مافيش سخونيه الحمد لله طبيعي والترجيع مارجعش الا مره واحده بس وتقريبا كان حاطط صابعه في بقه علشان كده رجع

وانا بعمله شاء واحطهوله في الببرونه علشان يمسك معدته شويه وهو تقريبا عمل اسهال 5 مرات كده كتير ولا ايه؟

والمحلول اللي هنا oralyt والعبوه تترمي بعد 48 ساعه من فتحها صاحبتي اللي قالتلي عليه وجابتهولي وكمان هو النهارده بيلعب حلو مش مدروخ المشكله في الاسهال ده وانه مش راضي ياكل:(:'(:'( وربنا يستر والتعب مايطورش

الحمد لله يا كايو
خليكى ماشيه معاه بالاوراليت زى منى ماشيه و السوايل الكتير

الاسهال مفيش منه ضرر طول منتى بتعوضيه بالسوايل بالعكس دا بيطهر بطنه

دلوقتي في الجديري المائي في عدوى هنا و قالوا ان الناس اللي مخدتش جديري مائي تروح تتطعم عايزة اعرف يوسف ينفع يطعم ده طبعا تطعيم خارجي مالوش دعوة بتطعيماته هوا دلوقتي 9 شهور و 9 ايام ماشاء الله ينفع و لا ميتعديش

dandona om jou;15162439:
دلوقتي في الجديري المائي في عدوى هنا و قالوا ان الناس اللي مخدتش جديري مائي تروح تتطعم عايزة اعرف يوسف ينفع يطعم ده طبعا تطعيم خارجي مالوش دعوة بتطعيماته هوا دلوقتي 9 شهور و 9 ايام ماشاء الله ينفع و لا ميتعديش

لا تطعيم الجديرى المائى مش قبل ميتم سنه

dandona om jou;15159817:
ام سيمو بالله عليكي تقوليلي ازاي اقدر اعوض يوسف عن الوزن بتاعه و صحته وقت النزلة المعوية الشديدة دي لحد دلوقتي الاسهال مستمر بس الحمدلله يارب المرات بدأت تقل مقارنة بالاول و الريحة مش زي الاول بردو الحمدلله هل كده يعني في تحسن و الحرارة راحت الحمدلله انا ماشية معاه على المضاد الحيوي اورولكس بكرة ان شاء الله اخر يوم فيه و كابكت 2 و نص مل ثلاث مرات في اليوم اقدر افيده ازاي يا ام سيمو ربنا يباركلك

دندن الف سلامه على يوسف ربنا يتم شفاه على خير

دندونه وحشانى اوى ازيك و ازى سيمو

بقلك انا عملت لادهم القشره زى ما انتى قلتيلي بالزيت و راحت هي ممكن ترجع تانى و لا كده خلاص
و كمان هو بيحط ايده في بوقه كتير و بيحط ايده كلها و ساعات ايديه الاتنين :woo:
انا مش عوزاه يتعود على كده اعمل معاه ايه

لقشرة يا سويتي رونا من تجربتي انا جبت شامبو جونسون اللي لونه ابيض هو مرطب بزيادة اكتر ومكتو ب عليها من ورا انه لقشرة الاطفال المولودين و فعلا مرة في مرة ماشاء الله القشرة راحت

يعني يا ام سيمو ميتعديش يوسف من الجديري المائي في سنه ده

sweetyronaaa;15163013:
دندن الف سلامه على يوسف ربنا يتم شفاه على خير

دندونه وحشانى اوى ازيك و ازى سيمو

بقلك انا عملت لادهم القشره زى ما انتى قلتيلي بالزيت و راحت هي ممكن ترجع تانى و لا كده خلاص
و كمان هو بيحط ايده في بوقه كتير و بيحط ايده كلها و ساعات ايديه الاتنين :woo:
انا مش عوزاه يتعود على كده اعمل معاه ايه

ازيك يا رونا فينك يا حبيبتى
بصى القشرة ممكن تيجى تانى و ممكن متجيش بس هيا غالبا مش هتيجى متقلقيش

اما بقى حكايه ايديه فى بقه عادى كل الاطفال كده متشديهاش غصب عنه انتى لما تشوفيه بيعمل كده اشغليه باى حاجه تانيه او لاعبيه بلعبه

dandona om jou;15163307:
يعني يا ام سيمو ميتعديش يوسف من الجديري المائي في سنه ده

لا ممكن ييجى فى سن اقل من سنه حاولى متعرضيهوش لحد عنده المرض ده و ربنا يحميه