بيتنا الحادي عشر/فيه التفاؤل منتشر/بيت السنعات ربي يحميهم من كل شر /لشهر ربيع الاخر

جوجو ليش تاكلون نواشف طول هالفترة؟؟؟
انا لما اكره الطبخ والنفخ كل ما علي هو اني ادخل قسم المطبخ والمائدة واشوف اكلات واحاول اطبق وحدة او حتى اقتبس فكرة في طريقة التقديم مثلا والله اتشجع!!!

يلا حبوبة خلي عنك الكسل واتفنني واطبخي لو ما تعبتي عشان زوجك منو عشانه بتتعبين!!!
خلينا بكرة نشوف إنجازاتك يالغالية أوكي؟؟

خــــــــــلود;14790320:

روز ,,

أمين وياك وكل مسلم ,,

,,,,,,,,,,,,,

سبحان الله ,,ناس غريبه ,,

اليوم في برنامج فتاوى ,,

وحده تسال الشيخ المطلق ,,تقوله ,,

اذا حطيت المناكير بعد وضوء

أمسح عليها اذا جيت أجدد وضوئي ,,؟؟؟

شراب هي يومك تمسحين ,,!!!!!!!!!!!!!

...........................

اليوم صحيت 11 الاربع ,,قومت عيالي ,,

ورتبت المقلط ,,أهلي يتقهوون فيه ,,

فطرت حمود ,,وقام أبوي وأمي ,,

وجبت القهوه ,,وقهويتهم ,,

,,ورحت صلحت شاهي ,,وأختي جهزت ساندويتشات جبن ,,

وطلعنا في الحديقه ,,

وقبل العصر تغدينا رز ابو بنت بالدجاج والخضار ,,

صلى أبوي العصر ,,وأنا جهزت شناطي وأغراضي ,,

ورجعني لبيتي ,,عساه بالجنه ,,

دخلت وعلى طول ,,ضفيت الحوسه ,,

وكنست البيت كله ,,ونشرت دفعة غسيل ابيض ,,

حاطتها في الغساله يوم الأربعاء

ومعها كلوركس ,,تطلع ريحتها حلوه وماتخيس,,

شغلت غسالة المواعين ,,ورتبت المطبخ ,,

وأخذت فوطه ورطبتها بمويه وموبي صنوبر ,,

ومسحت كل اثاث البيت ,,

صلحت لي الحين قهوة شعير مع نينخه وقشر ,,

وجالسه أتقهوى واسولف مع وحده غاليه علي ,,

على الماسن ربي يوفقها وييسر أمرها ,,والجميع يااااااارب

أما صاحبة هالسؤال عجيبة هي وسؤالها ترى هي مو غبية بس تستغبى ممكن تلاقي شيخ يحللها حرام وتقط حرامها على رقبته:D

ماشاء الله ع النشاط أحس ردك نشطني:L:

تذكريني بأختي تسكن بعيدة شوي عن أهلي ماتجي الا كل اسبوعين او 3 اسابيع مرة وتقعدلها عند اهلي يومين 3 ايام ويوصلها ابوي للبيت زوجها اما في العمل او مع اصحابه:!!:

هي بعد لما تجي تذكرني بأيام قبل لا تتزوج تسوي كل شي هي وتسوي جو وفرفشة بالبيت يوم ترجع نفقدها
آآآآآآآه تذكرت أهلي لي 3 ايام ما ادري عنهم الله يحفظهم يارب

غبااااااااااااااااااار فضيع اسال الله السلامه

مساء الخير..

احبك الهي..مع لييش ترا ما انتبهت لردك اللي طلبتي فيه الكيكه..

جوجو.. اممممم..لا ما فهمت :094:..

وظحكت لما دريت ان الرياض بكره عطله!!

كنت مع اختي عالماسنجر..وتقول ليتهم يعطلوناعشان العجه!!

وانا اتطنز عليها..
_________________

يومياتي..

بعد اخر رد.. واللي كنت محتاره ما ادري متى اركب عالعشى..

قررت اني احطه عالنار بقدر عادي..مش قدر الظغط..

وبغى لا يستوي!!!!!!!! كل شوي فاتحه الغطا وغازته.. مليت من الوقفه!!!

و بغيت اسوي معه طبق جانبي غير الرز.. كرشتي برزت:|

حطيت اربع حبات بطاطس كبار بالفرن.. وماش..احس ما يكفي!!!

قررت اسلق رز اذا جا زوجي..بالوقت اللي نتقهوى فيه..

وبعد ساعه..دق السي سيد..على غير عادته :!!:

وقال لي انه بيجي معه رجال للعشى..

:-o قلت: توك تقول لي!!! العشى جاهز وما يكفي..

قال: خلاص بنتأخر ساعه جهزي القهوة..

سكرت منه.. ومسحت ارضيه المطبخ<< كنت باديه قبل يدق الاخ..

طلعت دجاج مقطع ارباع من الفريزي..

وطردت بناتي من المجلس.. ورتبته.. وشلت اللي معلق ورا الباب.. وشبيت الفواحه..

وشيكت عالحمام -تكرمون- وسكرت القسم.. ويا ويل اللي تطلع :034:

ركبت على قهوة ثانية.. لأن الاولى مبهرتها بعويدي..و مشتهيتها..

وكل شوي مغيره المويه اللي منقعه فيها الدجاج ليين ذاب..

وبسرعه سويت عليه كبسة..بالكاتم..

وعطيت بناتي البطاطس المشوي.. خيره اني سويته يتعشونه قبل ينامون..

و جهزت صينية القهوة بتمر سكري..وكيك التمر..وزليت القهوة بالترمس..

وبعد ما قصرت على الرز قطعت السلطة..

ودق زوجي يقول: ولعي اللمبات حنا مقبلين وحطي القهوة بالمجلس..

حطيت القهوة بالمجلس..وجيت بزين الستاره..واكتشب ان البنات طارحين اليد اللي تمسكها 8o|..

سويت نفسي ما شفت شي.. لقطت الفتات عالسريع وولعت الابجوره وطلعت..

اول مره يجي ضيف بدون ما اكنس!! ما بغيت اتعب نفسي.. خله يدري اني مش سوبر ومن..

المهم.. حطيت السلطه بالثلاجه..وفرشت بساط بالمطبخ وقعدت اتقهوى..

وجود عندي تحل واجب الرياضيات..

دخل زوجي وسلم عالبنات ويسولف علي<< بيجس نبظي بيشوف زعلانه او لا..;)

بس ما اعرف ازعل منه!!!!!!:009: في البدايه كنت مسويه ثقيله..شوي الا وانا اظحك واسولف!!!!!

تقهوو الرجال ثم حطيت العشى..

خذه..وانا غرفت لي ولبنتاي <<لولو نامت..

وبالاخير تعشيت رز!!!! وانا اللي كنت ابي شي غيره!!!!!

غسلت المواعين..وبعضهم رصيتهم بالغسالة..

سويت شاي للرجال..

جاب زوجي مواعينهم وهو مبسوط من شغلي :) وخذ الشاي..

قلت بالمواعين وحطيت باقي الاكل بالثلاجة..

وانا كلي امل اني اذا طلبته السوق بكره ما يردني :014:

رتبت المقلط عالخفيف.. رهف نايمه جنب اختها عالكنب.. و جود رقت فوق تنام..

وانا خذت جهازي وجيتكم..

وقطو..

[COLOR=red]كيكة التمر[/COLOR]
كااس دقيق -ثلاث بيض وشوى فانيلا -نص كاس زيت وكاس سكر
و بياالة مااء - ملعقتين ك بيكم بااودر -ونص كااس تمر بدون نوى
اخلطيهم مع بعض الين يتجاانسون وحطيهم بيصينية المجوفة من الوسط على ناار متوسطة لمدة 20 دقيقة
و الصوص
ثلاث حباات تمر و نص علبة حليب ساائل و ملعقتين زبدة اخلطيهم مع بعض بالخلاط و عقب حطيهم بقدر صغير على ناار هاادئة لماا تكثف شوى
و صبية على الكيك وهو باارد


هذي وصفة [COLOR=darkorange]ام حمودي الله يذكرها بالخير..[/COLOR]

يسعد صباحكم
خلوووووود
مبرووووووك ياأبله خوخه فرصــــه ماتتعوض أستخيري ووكلي أمرك وبالتوفيق
روووز
يعطيك العافيه ومشكوره عالطريقة الكيكه ست الحبايب دائماً تصلحها بس التمر يكون أكثر والسكر أقل

غبار يارب ترحمنا بواسع رحمتك
والله كل شي مسكر وداخل جوى البيت.
......................
روز
ياحبي لك ياابلا أنتظر احد يوديني اجيب الطلبات خلطه سهله وباسويها
ترى انا موب راعية خلطات وخرابيط
امس جالسه عند جدتي اسولف مع بنت خالتو صديقة الطفوله
وتقول لي أن زوجها يقول لها يدينك موب عاجبتني ماتهتمين فيها >>>يالهووووووووي
وتشكي لي الحال واناظر بيدينها ويديني ماحسيت بفرق>>خخخخ
بس يدي افتح منها بشوي
وقالت وش رايك نشجع بعض عاد انا وهي نفس الطبايع والحركات
من صغرنا قلت خلاص بارسل لك الخلطه ونبدء نهتم بانفسنا.
.....................................
خلود
اعتقد فرصه ماتتعوض الله يوفقك ويكتب لك الخير
وبالنسبه للي تقولين تسأل الشيخ عن المناكير
ترى يمكن جهل وقل علم بالدين
تخيلي السالفه هذي من اسبوع زوجة اخوي حاطه بيدها مناكير
واشوفها تصلي؟؟؟؟؟؟؟؟؟!!!!!!!!!!!!!!!!!!!!!
وأقول لأختي الكبيره فلانه اشوفها تصلي وبيدها مناكير
أنهبلت اختي وقالت صدق باروح أقول لها ويوم قالت لها
قالت انا يوم احطه كنت متوضيه؟؟؟وماعندي مزيل مناكير؟؟؟؟
تحسبه لاصارت متوضيه عادي تغسل عليه ؟؟؟
بس علمناها الحكم وانها تقضي الصلوات اللي عليها
وعلى طول طلبت مزيل وراحت تصلي
شفتي كيف ان فيه ناس جاهله للمعلوميه ماتعلمت مامعها
الا شهادة إبتدائي اظن وكانت ساكنه بقريه
يعني قمة الجهل الله يهديها.
.....................................

جداويآ يا ابويآ;14792481:

ام احلى بنيه
ههههههههه ضحكتيني و اللي طبخته امس و قبله و قبل قبله ما شفتيه!!
انا الجمعه ما اطبخ اخذ اجازه من الطبخ و زوجي عامل ريجيم

سووووووووري
ما انتبهت:o

الله يقويك

مررره قافله معي اففف :031:

بعد ردي عطول على المطبخ سويت عشاء وتعشيناا شوي زوجي راح يغسل ودخل علي باالصاله ويقول وش ذا البيت كله دخان اانا انهبلت:023: قلت اكيد نسيت الفرن مفتوح وطلع الغبار داخل علينا :034:وعطول شغلنا المكيفات وسددت من تحت الابواب بفوط مبلله ونومت بنتي وعلى 12 كلناا للنوم ونمت مرهققققه مره ماشبعت نوم الصبح واالساعه 2 يصحيني المحروس يبي شاحنه وهو جنبه بس مافيه حيل يقوم يشحن جواله !!!:039:
انقهرت منه مرره سوى ازعااج بالغرفه وفتح النور وصحيت بنتي وجلست تبكي واعطيتها رضاعتها بس خلاااااااااااص طار النوم من عيونها وهو ولا على باله اعطانا ظهره وناام وطلعت للصاله وربي عيوني حمر وتعبانه الاام الدوره ذبحتني مره بس وش ااقول الشكوى لله :01:
ميرسي ياروز على طريقة الكيكه بسويهاا اليوم ان شاء الله
وزوجك نفس حركات زوجي تخيلي اليوم طلعت العصر االى العشاء برا تمشينا شوي وجلست العب بنتي كان الجو حلو ومادريت الا وهو يكلم زميله يقوله خلاص ربع ساعه وانا بالبيت لاتروح !!
انا تبقبقت عيوني:047: قلت وش زميله بيجينا !! قال ايه بيجي يتعشى عندنا قلت وراك ماقلتلي لا ومطلعني اتمشى واثاري في ضيوف واعدهم وبيجوني مره انقهرت منه وعطول خليته جالس على الكرسي وشلت فرشي وهو بس يناظرني بحده ورجعت بيتي شيكت على مجلسي وبخرته ومسحت الشاشه بعد اصبع بنتي ولما جيت اسوي القهوه اتصل واعتذر جاه شغل ضروري خيره من الله لاني مااعرف اطبخ وانا زعلانه خخخخ بجد يقهرون مدري وش بيخسر لو خبرني من بدري اقل شي اسوي حاجه على القهوه
الله يهديهم ويصلحهم بس

صباح الورد على احلى ورود

اخباركم حبوبات مع اجازة العج ياكثر اجازاتنا
خخخ اجازة رجعة الملك واجازة عج واجازة مكرمه واجازة قرارت الملك خخخخ

المهم فرحت فيها وولدي الكبير زعل لاني نويت اغيبه مريض
والاسط فررررررح لان بكرة رحله عنده للمول وقرر مايروح يعني سبت واحد
واما الصغير انواع الدجه مادرى قام اليوم وجاني بسريري سولف وخلص
وطلب بنانا شيك وتوست وبيض قلت له جبن احلى متعيجزة اسوي بيض
ويوم خلص قال غريبه اليوم مارحنا وقلت له عن الغبار قال ايه فهمت .....

المهم يومياتي + خطتي
صحيت 3ونص وشيكت ع البلاك ولقيت الكل يعلق ع اجازة السبت حسبت اني احلم واسال صدق
اجازة قالوا ايه وماصدقت نزلت طليت بحوشي اشوف العماير الكبار اللي حواليني وحسيت
اني بصحرااااااااااء ماحولي مباني مختفيه ورجعت فتحت الإخبارية اتاكد مااثق في الاشاعات
وحصلت الخبر ورحت الا ساعة الغالي تدق للفجر وقلت له لاتروح لانه يتحسس من الغبار قال
ليه مستغرب اقول لاتروح للمسجد وقلت غبار وقام صلى بالبيت الله لايعاقبني ونزل ينتظرني عشان
الكوفي وفجاة نمت غفوة والآم بجسمي مررررررة ودق ع جوالي وهو صامت ثم طلع معصب شووووي
من نغمته حسيت ونزلت بسرعه عطيته كوفي وبسكوت ماعجبه الوضع متعود ع الدلع وقال مافي مفن
روحي سوي يالهووووووووووووووووي الم ونوم واعتذرت وانا مستحيه مررررررة ومارد ماعليه منه ماودي
اجي ع نفسي وابالغ في المثاليه لدرجة انه يستغرب اذا رفضت مو لانه مو طيب لا بس متعود اني ملاك
الله يسخرهم لنا يارب ويقدرنا ع رضاهم ورجعت نمت لحد 9 وجاء الصغير قومني ونزلنا فطرنا وجيتكم اكتب
لكم ................

خطتي لبقية اليوم:
بقوم اتمرن شوي مواعدة حبيبتي رايقه نمشي بقي 7 دقائق ونبدء
بعدها بطلع انظف السيب مانظفته امس طلعت وانشغلت واليوم بنظفه
ثم بنزل اسوي صينيه بروكلي وزهرة وجزر مع دجاج وع الوجه جبنة وبيض
ثم ارتب المطبخ واسوي قهوة واليوم مالي خلق اذاكر مررررررررة يارب يتغير المود

تحياتي للكل وبوسه كبيرة

صباح المطر اللي يغسل العج..

بنات عليكم بشرب اللبن..واللي ما عندها تاكل زبادي.. وخاصه اطفالكم..

لأنه يغلف الحنجره بما انه ثقيل و يمنع ذرات الغبار تدخل للرئة..

________________

يومياتي..

البارح بعد ردي قعدت اسولف ماسن مع اختي.. ودرت امي اني قايمه ودقت علي..

وسوالف وتبادل اخبار الى عشر ونص عندي..وحده ونص عندكم..

قفلت من امي ورقيت بناتي لفرشهم..وناداني بعلي..يبيني اعاونه بابحاثه..

جيته وسويت كم شغله..وكبس علي النوم.. ونمت وانا جالسه..لا بعد واحلم!!!!:worn_out:

ورحت لغرفتي ما اشوف دربي..ونمت..:075:

واليوم من سبع لولو تدخل تبي تكلم ابوها...بغيت ازنطها.. الله يصلحها..رااااس مالها الا علمها..

وهاوشها ابوها وطلعت..

وسحبتها نومه مقطعه من صياح رهف.. وسافهتها.. لين عشر الا ربع..

ولقيت جود مرقعه لبسها..ومتباطية..لأنها تاخرت على المدرسة السعودية..

طلعت لها لبس ولبسته ومشطت شعرها وجهزت اللنش بكس..

وسويت بلاك كوفي وساندويتش بيض.. لزوجي..

قام افطر وطلعو الله يحفظهم.. و رهف مشغله وناناتها تبي تطلع معهم.:059:. وماسكه شوزها..

سويت لي سانويتش وكوفي.. وافطرت على نغمات رهف :sleep:

غيرت لها وعطيتها رضعه..ورقيت رتبت غرفنا وفتحت الشبابيك..

وجيتكم..

عندي من الشغل اشغل غسال المواعين نسيتها البارح!!

و اكوي.. ودي احط ماسك والا شي من هذا القبيل..

وقطو..

قاعده احوس بقوقل للصور.. وفز قلبي لصوره كيس اسود..

ودخلته..لقيته موضوع لي كنت منزلته بعالم حواء.. لقيته منقووووول..

http://www.sstoon.com/vb/showthread.php?t=2757

كشخه..مواضيعي تنقل ههههه