بيتنا الحادي عشر/فيه التفاؤل منتشر/بيت السنعات ربي يحميهم من كل شر /لشهر ربيع الاخر

بنات حابة اسئلكم عن موقع جداره لازم اسجل فيه ولا يكفي حافز لاني مسجله فيه واذا ايه عطوني الرابط لاهنتو

يسلموا روحي تحبك عسااااه يفتح مايعلني

بعد ردي الأخير
نزلت وابتديت في تحضير عشاء زوجي
طبعا البيت رااااااااااايق هدووووء ع الأخير زوجي والبنات مثل ما خبرتكم طالعين للحديقة
بدت في تحضير (الكسكسي) وعملت بوريك هو شي مثل شكل السمبوسة تقريبا ومن داخل محشو بلحم مفروم
كملت الاثنين وبسرعة سبحان الله غير لما يكونوا البنات معي في المطبخ <<طلباتهم ماتنتهي ويعطلوني
كملت البوريك حطيته بصحن وسلفرته<<غلفت الصحن بسلفر=ورق قصدير
وانتظرت الكسكسي ينضج اللحم والخضراوات اللي هي البطاطا والبكيوة=القرعة
غطيته وحطيته على جنب
حطيت حليب على النار وغسلت المواعين اللي استخدمتهم ومسحت الكاونتر والارض سويتلي كوب نسكافي بالحليب شربته مع بسكوت وركبت انا وولدي فوق جلست ع النت شوي واتصل زوجي قال حطي العشا جوعااااااان نزلت على الفور سقيت الكسكسي وجهزت السفرة ومستلزماتها جا زوجي والبنات تعشينا وزوجي راح نام تعبااااااااان من كثر المشي رتبت مكتب زوجي وحطيت هايدي للبنات تفرجوا عليها نامت فاطمة وبعدها بنص ساعة نامت سومة وكملت 3 حلقات من هايدي بعد نامو بناتي<<<< انسجمت
ورضعت صديق وقاعة اكتب لكم

مساء الخيييير..

تتمة يومياتي..

بعد ما كتبت يومياتي السابقة.. سويت كيكة تمر<< معلقه عليها لأن عندي تمر كاشر..

غيرت ملابسي وملابس بنتي.. طلعت الكيكه من الفرن وطلعت اجيب بناتي..

وخذت معي نظاراتهم الشمسية.. هذا وقتهم..

رجعنا للبيت و طلعت من الثلاجه دجاج منتفته عقب عشى امس..

وكشنت بصل وفلفل بارد وحطيت عليه الدجاج..ثم بقدونس مفروم وملحته وبهرته بورق الزعتر..

بالعاده احشيها بتورتيلا..بس كنت مستعجله وما لي خلق وقفه على الصاج..

حطيتهن بخبز مفرود.. تغديناها ثم غسلت المواعين..

قطعت الكيكه وحطيت منها بصحن والباقي عالثلاجة..

ركبت عالقهوة.. ودقيت على زوجي اشوف متى بيجي بالظبط.. لأن الغدا دايم يبطي بقدره..

قال انه بالطريق ومش جايع..

فقلت بطبخ بالليل..

جا وتقهوينا و سولفنا..

كملت الغسيل..وابشركم خلصته.<<عاد متى اكوي ؟!!!!

بعدين ركبت عالعشى ونامو بناتي ما تعشن!!!

حطيتهن بسرايرهن.. وتعشيت مع زوجي.. قمة الهدوء والروقان.. من غير شر يالمزعجات..

شلت السفره..وغسلت المواعين..وجيتكم..

وقطو..

هذا هو شكل البوريك ويلتف بأكثر من طريقة

والصورة من النت ترا للأمانة

روز سبحان الله تصير احداث بيومياتك كنك تتكلمين عني سبحان الله
احسك في الغسيل مثلي خخخخخخ
وبالنسبة للهدوؤ من غير البنات يشبه للي صارلي اليوم!!
الله يهديهم ويحفظهم لنا يارب

أخيتي روووز أشهد الله أني أحبك في الله الرسول اوصانا انك اذا احببت شخصا فأخبره انك تحبه
جمعني الله بك في الفردوس الأعلى مع النبيين والصديقين والشهداء وحسن أولئك رفيقا

مسائكم سعيد
روز قصدي ابلا روز الشديده>>خخخخ
عقب كلامك من امس وانا ادهر ادور خلطات ليديني ورجولي
بيتك ماشاء الله حلو عكس اللي في باث احس الحاره كئيبه.
......................................
أم احلى بنيه
بيتك ذكرني ببيت ليدي ذكرياااااااااااااااات
واحسه من جوا رايق.
.......................................

خلود تسلمي
اشوف اذا في صور بالجهاز للبيت من داخل احطها لكم

[BACKGROUND="70 #33FFFF"]

مراااحب..

يومياتي امس واليوم
امس صحينا الظهر فطرت عيالي شابورة وحليب
وسويت قهوه تقهويت رتبت دولاب عيالي
سويت غدانا اندومي بالصلصه
بعد الغداء روشت عيالي وتروشت
لبسنا وطلعت حطيت عيالي عند اهلي ورحنا نختار سراميك الحمامات ورجعت اخر المغرب تعشينا عند اهلي ورجعنا
1نومت العيال ونمت
اليوم صحيت الظهر صليت وعطيت عيالي ساندويشات جبن وشاهي حليب وسويت شاهي وقهوه وشبيت على الدجاح
وبعد ماتقهويت نقعت الرز وقطعت السلطه وكلمت ورحت كملت الغداء وتغدينا ضفيت السفره ونومت الصغير وفرغت الزبايل وغسلت المواعين ولمعت الطاوله
ورحت اتسطح بسريري مع لابي
بعد العصر كان فيه طلعتين وحده خالاتي وحمولتي وكنت تعبانه شوي من الجرثومه اكلت دواي وريحت وعقب تنشطت وجزمت اروح لحمولتي لبست عيالي ولبست واستشورت
وتمكيجت واخذت القهوه ومعمول وطلعنا بعد المغرب
للاستراحه ورجعت 1االاربع نومت كتاكيتي والحين اتصفح وبنام .
[/BACKGROUND]

صورت لكم الصالة دووووغري وجيت
طبعا البيت قديم ومافيه تحف والاثاث بس الاشياء الضرورية بيتي بليبيا أحلى بكثييييييييييييييييير

هذا باب الصالة وهو يطل ع الشارع مباشرة اتفضلوا حياكم الله



وهذي باقي الصالة ليش واقفين عند الباب حياكم البيت بيتكم:L:



مشغلة الفواحاتF:F:F:








هذي صورة للحديقة من الشباك من فوق مصورتها من كم يوم



وهنا صورة من الطاولة اللي تطل على الشباك مباشرة الشباك اللي يطل على الحديقة:worn_out: جالسة اتقهوى واكتب خطرلي أصور

وش راااايكم عجبكم؟؟؟!!!
أكمل باقي البيت والا؟؟؟

يسعد صباحكم
أحبك ألهي
معليش مارديت عليك بس أنشغلت المهم ياقلبي العلاج أستخدمه طول العمر على كلام الدكتور
والدوره كانت ملخبطه وبعض الأشهر ماتجي وبعد العلاج الحمدلله تنزل بس تطفش بعض المرات
وجلست بعدها شهريت أوثلاثه تقريباً مع أستخدام حبوب هرمون الحليب لأنه مرتفع شوي والحمدلله حملت
والسبب الرئيسي لكسل الغده نقص اليود بالجسم يعني حاولي تاكلي سمك وقمبري لأن فيهايود وكمان أستخدمي
ملح باليود والله يشفيك

رووز
ماشاء الله حديقتك وبيتك حلووووين

شذاوي
الله يبشرك بالخير وأذا كلمتيها النره الجايه سلمي عليها

أم أحلى بنيه
بيتك حلو ماشاء الله شهيتيني بالبوريك
تسلم أيدك
خلود
عسى هالوناسه دوووم وطمنينا كيف صحتك
هموسه
مبروووك السكن وتروحي وتجي بالسلامه
جوجو
الله يسلمك ياقلبي
مايمدحني
هلاوغلا كيفك والحمدلله رجعة المياة لمجاريها
سلخير
نعيماً الصبغه
روحي

صباح الورد واسأله سبحانه ان يوفق المسلمين في مشارق الأرض ومغآربها
ويهلك كل فاسد وكل من يدّعي الإسلام اسم فقط والله ينصر ليبيا ومجاهدينا الابطال

يومياتي الخميس ....
صحينا 9 ونص نزلت سويت كوب كوفي للغالي وطلبته يجيب لنا قلابه وعدس وتميس و خبز بر
وانا ضبطت شاي وجهزت سفرتنا وفطرنا فطوووووووور ثقيل وبعدها راح زوجي جاب عامل وشلنا
موكيت العيال (سيراميك افضل وانظف) وتعرفون لازم نشيل كل شئ عشان يرمون الموكيت
راحوا العمال ونظفت السيراميك كنسته بمكنسه يدويه واخذت فوطه مبلوله بديتول (الأكوا) ريحه البحر
ومسحت باب غرفتهم ومسحت كم درج سريع لاني مستعجله بتجهز مواعدة زوجة اخويه ع 2 ونص
اذن الظهر صلينا وتمددت شوي ثم رحت قلت خليني انظف مطبخي عشان ارتاح نفسيا وزوجي قيل
وانا رحت نظفت مواعين الفطور ورتبت الكوانترات ورجعت النوتيلا والسيرب والحوسه اللي على الكوانتر
ومسحته خفيف لانه نظيف كل اسبوع افركه بصابون وسلك وكلور وباقي الايام مسح سطحي المهم خلصت
مطبخي وارتحت وتنفست الصعدااااااااااااء ثم رحت تمكيجت مكياج نهار ولبسي ماغيرته سبور جنز وبلوزة موف
ورحنا وتقهوينا وحلينا وبالليل سوت عشاء وتعشينا ورجعنا ع 12 الا ربع ................................The End

يومياتي اليوم :
صحيت 9 ونص وحصلت ولدي الصغير لاصق بظهر يقول انتي حارة كانك بركان خخخخخ
يقول بتدفى شوي برد من المكيف ولقيت الغالي صحي قبلي بواجد وفطر روحة عساه بالعافيه
وقليت بيضه وحمصت 2 توست ودناو للصغير وراح فطر وانا اخذت لي فطيرة جبن وسمسم وحبة سوداء
وكوب شاي وعصير قريب فروت وفطرت وراح زوجي ينام وانا جيتكم ع طووووووووول اقرا يومياتكم اللي مالي غنى
عنها ومالكم غنى عني << مو كانها اغنيه :)

خطتي :
بقوم انظف مواعين الفطور واقطع الدجاج واعصر عليه ليمون يصير ابيض وطعمه يجنن
وبسوي كبسه وع الوجه ازينها اصابع باذنجان مقلي وجزر مقلي روعه الحركه كشكل وطعم
وع العصر بطلع اكمل تنظيف السيب اللي جنب غرفة عيالي كلة فتات وخيووط بعد شيلة موكيت امس
ثم بشوف يمكن اروح للمول ادور لي فستان واشتري هديه تعليقه لأختي العروس ... قرب عرسها ربي يتمم ع خير
وبالليل لازم اتمرن لاني أكل هالايام اكل ياساتر وربي مو كاني انثى اعراض الدورة لعبت بحسبتي يارب ياجرنا

برايفت:
اختي احلى بنيه اهنيك ماشاء الله زوجك يروح للمسجد
رغم الغربه الغالب والله المستعان ببلاد الاسلام ولايطبونه
والله زوجي يقول بصلاة الفجر مافي الا 5 هنود وبنقاليه يصلون
رغم انه جامع كبير شئ محزن الله يهدي المسلمين يارب ويسخر
لك ابو صديق ويجعلك قرة عينه يارب ويومياتك تجنن وبيتك حلو فيه
دفـــــء ربي يهنيكم ويردكم لبلادكم ع خير وينصر المجاهدين وياخذ
القذافي المجرم الوغد ويخذله لان بجد اتضح انه ضد شعبه ربي معكم

البقيه لكم حبي ودعائي لكم دوما وابدا بظهر الغيب تأكدوا

مساكم ورد وسكر &#58115;&#58439; اخباركم سامحوني لعدم دخولي المستمر ..
امس كان يوم حافل لي كنست ثلاث شبابيك وغسلتهم وكنست البيت كلللللللله ومسحته برضو وكويت ثوبين وملابس زوجي الداخليه وشماغ وسويت جريش مسويين معايد حنا واهل زوجي ولبست عيالي وتروشت ولبست وطلعنا ورجعنا البيت علي وحده نيمت عيالي ونمت علي 3اليوم ماعتدي شي يذكر غير اني اذاكر لولدي وامسح السراميك واصلح الغداء فقطططط عاد كان جد جديد >>لحظه كني تذكرت عندي النستودع يرووووع بكنسه وارتبه وامسح الموكيت حقه واسفط مشيات بنتي وخرابيطها والسلال الي فوق المطبخ واكيسهم عسان الغبره والباقي برفعهم بالمستودع سبحان الله مستحيل الشغل يخلص.
عندي مخططات كثيييير للتنظيف بس كل يوم بوقته يالله بقوم اصلي واقرء سوره الكهف وركب علي غداي واقصر عليه واسوي رياضه اشوفكم علي خير ....&#57358;&#57358;&#57358;