لولية;14674386:
صباح الخيرات والليرات يا حلوات
أول شي بدي أعمله من صباحية الله بدي بهدل هند حبيبتي ليه هيك إنتي أنا كإني بعرف إنك دارسة محاماة والمحاميين أقوى شي لازم يكون عندهن الحجة والمنطق واللسان بس إنتي بهالطريقة عم تعطي ايحاء لكل اللي حواليكي إنه شخصيتك ضعيفة وخصوصا قدام بيت حماكي ليكي حبيبتي من هلأ بدك توصليلهن فكرة إنك عايزة ومستغنية وإنه ابنهن حظه من السما لإنه رضيت وحدة متلك تاخده الجواب اللي إنتي جاوبتيه بالعكس مافيه شي أبدا بس الطريقة هي اللي بتفرق يعني كنتي لازم تقوليها بثقة وبدلع إنه يييييه دخيلك هيك وماني ملحقة عالخطاب ولما أمه جاوبتك ليه السمينة ما بتتزوج كان لازم تقوليلها بس يا طنط أو يا خالة أو يا مرت عمو شوفي إنتي شو بتقوليلها بس الحظ بيفرق ليكي حبيبتي حتى لو كان جوابك غبي بس وقت بتقوليه بطريقة الواثقة من نفسها ما حدا بيقدر يرد عليها ولما بنت عمه سألتك ليه تقوليلها الهم لا يا عمري قوليلها كمان بثقة وبدلع والله ما بعرف بس أنا هيك طبيعة جسمي الحمدلله ما بسمن والله نعمة من ربنا كل الناس بتقلي نيال خطيبك فيكي
حبيبتي هنود عم تفهمي عليي ليكي اذا ما شفتي إنتي حالك بحالك صدقيني ما حدا حيشوفك
حبيبتي ما تزعلي مني والله البنات اللي بالتشات هون بحسهن كلهن بناتي وبخاف عليهن وبتضايق إذا حسيت حدا متضايق فيهن يعني بصراحة كان جاي عبالي بهدل أكتر بس خفت تزعلي بس إذا ما بتزعلي قوليلي لآخد راحتي لإنه أكتر شي بيوترني لما حس بيت إحما كاسرين شوكتها للكنة
اهلين لولية نورتي طنينا شو اخبارك ان شاء الله نفسيتك احسن هالايام و شو اخر ترتيباتك لعرس بنتك ما تتاخري علينا F:F:
و كل كلامك لهند مية بالمية الله لا يحرمنا اهتمامك يا رب :thumbs_up:
لؤلؤة الشام0;14676010:
السلام عليكم ورحمة الله وبركاته مبارك عليكم الشهر الجديد واللمة الجديدة وجمعة مباركة على الجميع
شكر الله سيعكم جميع ويسلمولي الغاليين يلي بيسالو على اذا غبت
انا هلق بخير الحمد لله بس الاسبوع الماضي كانت نفسيتي تعبانة فما حبيت ازعجكم معي
الله يرحمها تيتة اليوم صرلها اسبوع متوفية الله يعوض روحها بالجنة ونعيمها
مارح رد عليكم وحدة وحدة بس بالاجمال اشتقتلكم كلكم وان شاء الله تكونوا كلكم بخير
حبيبتي لؤلؤة الله يهونها عليكم و يصبركم و يرحم ستك ان شاء الله :(
و لا تحكي انك عم تزعجينا بالعكس نحنا بنحب تخففي عن حالك و تحكيلنا كل شي نحنا لبعض دايما و الايام بدها تمشي وا النا غير ندعو لامواتنا بالرحمة F:F:
الدمشقية;14684742:
هلا وغلا بكل البنات والاحباب والله اشتقتلكم كووومااااايات
بس والله ماعم افضى امشط شعري اسم الله البيت مليان وحتى سورية طبعا عم تجيني كل يوم وقال جحا واهل بيته دعوة اسم الله
والمشكلة الاكبر انو محمود عنده اختبارات يعني والله عم لاطش ملااااطشة
بس اكيد كل شي بهون قدام جمعة الاهل الله لا يحرمني منهم يارب ولا يحرمكم اهاليكم
اطمن عليكم من اخباركم والله يسعدكم ويفرج كل مين عنده هم... ويخليلنا هاللمة الحلوة
كاتي وزهورة وحشتووني والله
شامية وبنوتة ولولية متل هلالات العيد ماانحرك طلتكم
لولوة الله يشرح صدرك ويعينك والحمد لله على كل حال سلامنا الك ولشامة
عروسة ابراهيم منووورتينا دااائما انتي وهند وان شالله هالسنة بتكونوا مستتين ببيت زواجكم وقريب يارب
اهلين دمشقية اشتقنالك كتييييييييييير يعطيكي الف عافية و اكيد فرحتك باحبابك بتنسيكي كل التعب و كلو الا تمشيط الشعر هههههههههههه
هالايام هيدي نازل علي النووووووووم ما بفيق غير بعد الضهر و تالا الله يرضى عليها عم تسايرني بالنومة هههههههههه وما بفيق يا دوب خلص يلي علي على ترويحة جوزي :D
عم نستنى طلتك و بدنا نعرف شو الفعاليات مع اهلك خصوصي سيرة الحب :adore:
سورية وبفتخر;14685234:
الله يسعد مسائكم وكل اوفاتكم يارب والله اشتقتلكم كتيييييييييييييييييييييير بس خلوها لله
ان شاء الله كلكم تكونوا بخير وصحة وعاقية يارب انا الحمدلله بخير ومبسوطة بجية ابي واختي وزوجها الله يخليلكم اهلكم وكل محبيكم يارب
سلامي وقبلاتي الكم وحدة وحدة وان شاء الله مابقطعكم سلام ياحلويين
يا هلا بصمصومتي هيك يا منظومة بتغيبي و بتقولي عدولي ولا نسيتي انو في شات عم يستناكي 8o| يا عمي من لقي احبابو نسي اصحابو :D طمنينا عنك و عن اطافيلك و لا تقطعينا :thumbs_up:
شامة;14687525:
مسا الخير يا صبايا
الله يجعل ايامكن كلها خير وشكرا لسؤالكم عني
والله يابنات صحيح هاد قدر مكتوب علينا بس سبحان الله فقدان الغوالي صعب والله قضينا اسبوع ما بيعلم فيه الا الله
وخصوصا انو ستي ست غير عادية عنجد ما بقدر احكي عن صفاتها الله يرحمها لانو الاسطر ما بتكفي بس لح قلكن انها جمعة الطيبة والقلب الكبير والحنون مع اشدة والحزم بوجه المصاعب مع الكفاح مع التربية والايمان ومخافة الله والعطاء دون انتظار الرد وكتييييييييييير ما في وفيها حقها كانت ست الكل الله يرحمها ويجعل مثواها الجنة
اسفة نكدت عليكن
حبيباتي مالح رد على كل وحدة لحالها لانو لسا مالي خلق لقعدة النت والكتابة بس لح قلكن الله يخليلي ياكن ويارب ماتشوفو شي يزعجكن ويخليلكن اهلكن وازواجكن وولادكن يارب
شامية يا عمري كلنا حاسين بيلي بتحكي الله يرحم ستك و يجعل مثواها الجنة يا رب و خليكي جنب الماما و كوني قوية لانها بحاجتكن بهالوقت توقفو جنبها زكرتيني بستي الله يرحمها و يرحم كل اموات المسلمين يا رب :(
ديري بالك على حالك و على زوجك و اطفالك و طمنينا عنك F:F:
شامية للعظم;14699510:
مرحبا ياجماعة أنا كتير آسفة والله هيك مابعرف شو يلي شاغلني بس الحمد لله سالم وضعو صار أحسن بشوي وارتاح نوعا من فضل الله
بس مو بس أنا متكسلة الكل شايفة
لؤلؤة وشامة عظم الله أجركم وان شالله خاتمة الأحزان
دمشقية وسوريا الله يهنيكم بجية اهلكم ويبسطكم ويخليكم لبعض يارب
كاتي وزهرة ليش متكسلين انتو كمان خير طمونا عنكم
عروسة ابراهيم موفقة بدراستك وان شالله منفرح فيك عن قريب أنت وهنودة
أوضاعي منيحة بس كتيييييير خايفة مابدي يصير مشاكل هون وأطلع على سوريا ترحيل بأواعيي وغصب عني واحتمال بالبر وأحتمال بالبحر كمان وزوجي مو راضي يبعتني هلق بس طالما الأمور عم تطور معناها في أزمة عنا أكيد ؟أنا بالأول ما كنت شايلة الموضوع من أرضو بس شايفة الأمور كيف عم تتأزم
ادعولنا ياجماعة
يا هلا شامية كيفو سالم حبيب الجماهير ما شاء الله عنو شو بفوت للقلب بسرعة و اخر صورة بتجنن ما شاء الله متل صور الدعايات الله يخليلك اياه يا رب
و الله الاوضاع من سيء لاسوأ و اذا في مجال انك تنزلي على سورية قبل ما تسوء الاوضاع بكون اضمن و احسن و الله يهونها عليكم يا رب :L::L::L:
طمنينا عنك شو رح تعملي و قلبنا عندك :(
