لمتنا السورية اهلا وسهلا فيكم لشهر ربيع الثاني1432

طمنيني شو صار بوحامك اكلتي الحلا ولا لاء ؟؟
اعتقد هي مشبك مو ؟ احنا بسوريا على شكل دوائر بقلب بعض وطعمها متل العوامات صح ؟

مرحبا ياحلوين

كيفك بنوتة انا باركتلك عالحمل ولا لا ياستيي الف مبروك

وشكرا ياعمري لسؤالك عني والله فرحت كتير

كيفكم كلكم وحدة وحدة كاتي كمان انتي حامل مو الف مبروك يارب

ولولية شو هاد والله نحنا عنا بالشام معقدين ياستي مافي متل اللبنانيات والله انهن بكاوات من يوم يومهن

وفعلا انهن غير

ودمشقية مبروك لابنك وشامية مابعرف وينك هلق وسورية مابعرف اخبارك اممممممممممم مين كمان

زهورة كيفك ولؤلؤة وشامة حبيبتي كيفك انتي وزوجك وولادك يارب تكونو بخير

يارب ماكون نسيت حدا على فكرة اانا بس قريت اخر صفحتين مشان هيك مو عرفانة شو اخباركم

وبالنسبة الي اوضاعي هي نفسها ماصار شي جديد ولهلق خطيبي عم يدور على بيت ومشان البيت يلي صاحبه بالحبس قال يوم السبت الجاية رح يكملو بناء وخطيبي حابب هاد البيت لانو كل البيوت يلي عم يشوفها مو عاجبته وقال اذا ماكملو رح ياخد المصاري بنفس اليوم مو معقول شو شلفونا لانو

بس قال خلص قرر بشهر سبعة نتزوج واذا لسا البيت ماكان خالص كسوة رح يستاجر هيك قال بس بكرا بس نصير بشهر 5 او باخره رح يقلي رح ناجل العرس لشهر تسعة

بقا ان شاء الله بقا يستأجر ونتزوج وتنحل هالعقدة والله العظيم مليت مليت من هالوضع

هلق بنات رفيقو شو بيقلو بيقلو انو انتو اموركن عم تتعسر بشكل مو طبيعي لانو يمكن الله مابدو ياكن تتزوجو انتو شو رايكن معقول

لانو يلي عم يصير معنا مو طبيعي ياربي عسارة فظيعة بس بنحب بعضنا كتير ومستحيل نقدر نعيش بدون بعض

صح كيفك عروسة ابراهيم

انا ماقلتلكن كل وحدة تقلي اسمها لانو هيك بتخربطو وبتفوتو بالحيط

يلا سلام

مسالخير على الحلوات الغايبااااات ... وينكم الغبرة هالقد صارت على الشات خخخخ

هنودة الله يسلمك وعقبال مااباركلك بفرحك يارب والله يسهل اموركم وتنحل هالعقدة بقى ولو اني حاسة انو خطيبك هو اللي مكبرها يعني يستأجر حاليا
او يجلس ببيت اهله على بين مايخلص البيت شو بصير !!!!!!!!
وقليلو خللي صاحبك يسد بوزو دخيله بلاها فلسفته اللي مالها طعمة وربنا يجمع بينك وبين زوجك على خير يارب وقريب باذن الله

اهلين دودي يعني هيك قولتك على رفيقو فلسفة ههههههههه والله ضحكتيني

وبالنسبة لخطيبي فعلا هو مكبرها وصرت حس انو الزواج شي حلم وصعب كتير يعني هلق احياانا بتخيل انو انا بليل نايمة جنبو ومعانقته بدل ماكون لحالي

بعدين بقول بقلبي لا معقول هيك يصير ههههههه مابتخيل اني نام غير لحالي وبتختي لانو شي متل المستحيل صار

ومشان السكن عند اهلو اقترح عليي من بعد ماكنت انا بدي بس انا مارضيت لانو حماتي فظيعة واخواته مابقدر مستحيل اقدر اسكن معون

بس هلق مو قلتلك انو رضي يستاجر لنشوف شو بيصير

الله يسهل امورك يارب هنودة وان شالله بتتيسر الامور باذن الله
قليلي كيف الاوضاع عندكم ان شالله مو صاير عليكم شي ؟؟ الله يحميكم يارب ويحمي هالبلد

ليلي مية اهلا وسهلا فيكي ياقمر اتشرفنا فيكي ويارب يارب تنجحي بكل المواد
شو بتدرسي ؟ ومن اي محافظة انتي ؟

انا بعرفك عن حالي ام محمود مقيمة بالسعودية وعندي محمود وشام وعمري 27 سنة يعني اختك الكبيرة ان شالله

شو ليلي ماعجبك الشات ؟؟؟ ليش حذفتي المشاركة ؟؟
على كل مية اهلا وسهلا فيكي باي وقت

الله يسمع منك يادودي يارب بتعرفي انو في حلم بحلم فيه كتير واليوم شفته يمكن اليوم رابع مرة بشوفوه

وهو انو اليوم عرسي بس موعاملة شي وبقلو لاخي يروح يجبلي باقتي وبتطلع حمرا وانا بدي ياها فوشي وببكي وببكي وبنقهر مالي عاملة البدلة بدي روح اشتريها اليوم

وبروح لاعمل مكياج وشعر بس بحياتي مابعرف شغل الكوافيرة وبخاف يطلع مو حلو والكروت لسا ماتوزعو

على فكرة نفس الحلم بشوفوه للمرة الرابعة انو عرسي اليوم ومالي عاملة شي وبدي اجله بس شي كم اسبوع لحتا جهز حالي وجهز لعرسي وببكي يالطيف على هالمنام هههههههههههههههههههههههههه

الاوضاع عنا عادي ومافي شي هلق أنا بس انزل عالشام الوضع طبيعي كتير ومافي شي بس بسمع من عالم انو شي لقطو سيارة مفخخة وشو بيعرفني

بس لا الحمد لله مافي شي
بس بالاذقية انا رفيقتي بتحكيلي انو صرلون اسبوع ماعم يطلعو من البيوت لانو في ناس مسلحين عم يطلقو نار بشكل عشوائي

الله يحميهون يارب

هنودة حلمك عم يتكرر لانك عم تفكري بالموضوع كتير وشاغل بالك عشان هيك عم تشوفي هالحلم
والبكا عادة بالاحلام فرج بقى الله يفرجها عليكي يارب.... (( مفسرة صايرة خخخخخخخ))

ومنشان الاوضاع الله يحميكم يارب ويحمي هالبلد والله كل مابفكر بهالموضوع بيوجعني راسي .. الله يصلح الحال يارب

وحشوتا الصبايا من غير شر
كاتي وزهرة ببيت اهلهم بس يعني لازم يكونوا رجعوا من زمان وطللوا علينا !!
شامة ولولو وحشتونا والله وينكم طمنونا عنكم
شامية ويييييييييينك هيك البيبيات بيشغلوا هالقد ... وينك طمنينا عنك وعن سالم
بنوتة ولولية سلامنا الكم
مونو وبيرل وحشتووووووووووووووووووووونا

الدمشقية;14842355:
يخليلك ياكي ياااارب وانتي يارب دوم مبسوطة ومتهنية
اه ثم اه ثم اه ... شو بدي قول لقول خليها لله احسن شي والله يفرجها على هالبنت شو عانت وعم تعاني :(.. وجودي السنة الجاية مدرسة يعني مو هي السنة .. بس بردو المفروض يتحرك :!!:...

وبخصوص الصور بعجبك :o الكاميرا والتصوير من اولى اهتماماتي خخخخخ
لما بنزل على سوريا بتلاقي معي جوالين وكميرا فوتوغراف وكميرة فيديو بيضحك علي زوجي بقللي والله لو رايحة مؤتمر صحفي مو هيك :D
ويالله لا تندمي بس ابقي خللي هالقصص ببالك بتبقى ذكرى حلوة كتير بس تكبر ان شالله

الدمشقية;14842361:
طمنيني شو صار بوحامك اكلتي الحلا ولا لاء ؟؟
اعتقد هي مشبك مو ؟ احنا بسوريا على شكل دوائر بقلب بعض وطعمها متل العوامات صح ؟

اجمل صباح لاحلى عضوات F:

دودي انا خايفة يصير معي بالحقيقة متل الحلم بس يارب مايصير شي

كاتي حبيبتي بعرف طولت الغيبة بس مابحب فوت ونق عليكم ههههههههههههه

ومعك حق هيه خطوة ايجابية انو قرر يستأجر بيت مع انو من زمان كان يقلي انو رح يستأجر بيت مشان مايتاجل العرس لبعد شهر 4 ههههههههه

مشان الحجز انا قلت لخطيبي نفس كلامك انو اذا حجزنا هلق خلص مابيعود في مجال للتاجيل بس هو حاسسستو انو هلق حجز صالة كانو شي كبير عليه وبيقلي انتظري لنشوف شو صار بالبيت

وهو مو بس بيقلي على رفيقو على كل شي وانا كمان نحنا منحكي لبعض كل شي ومامنخبي ولا فتفوتة هلق يمكن مو لازم هيك بس هيك تعودنا

ومو بس رفيقو هيك بيقول وامي كمان بتقلي انو بتدعي اذا زواجي فيه خير الله يعجله واذا مافيه خير الله يبعدني انا وياه عن بعض بعد المشرق والمغرب شو بشعة هالدعوة مدري من وين متعلمتها

CATS_ANGEL;14853281:

لك يسعدلي يلي عم ينفض الشات بغيابنا يعطيكي الف عافية نحنا نفضنا كتير و انتي مشغولة فبقى اجاكي الدور هههههههههههههه ما ننحرم هالطلة يا رب F:F:

ان شاء الله بتفرج عليكي و على اختك و علينا اجمعين عن قريب يا رب :thumbs_up:
ههههههههههه قلتيلي مؤتمر صحفي ايه كتير حلو انا ما عندي طولة بال حتى اذا كنت ناسية الكاميرا ما بحب صور بموبايلي الا اذا كان الموضوع غير شكل هههههههه و اذا صورت بنتقعو الصور في الكاميرا شي شهر زمان و بنزلهم مرة وحدة شفتي على هالكسل :rolleyes:
انا الاسبوع الماضي ما بتزكر ايمتى قعدت في البيت ما صدقت و الجو يصير حلو و كل يوم طالعلي مشوار و الحمدلله جوزي لهلأ ما حكى و لا اعترض خصوصي انو عم يروح وما بلاقي اكلو جاهز :-# اليوم عندي يوم التعزيل في الاسبوع لهيك ما في مشاوير و بكرا معزومة انا او اهلي على الفطور عند عمي و بنفس الوقت عزمتهن على الغدا عندي :thumbs_up: و سمعت انو باقي الاسبوع حتكون برد فهيك ما اظن انو اطلع باقي الاسبوع :thumbs_up:
مبارح عملت فحوصات الحمل الروتينية و بستنى موعد زيارتي الاسبوع الجاي لاطمن يا رب يا رب يكون كل شي تمام :(

شايفة كيف انا نشيطة :015::015:على اساس :lol:
يخليلي ياكي كاتي وماانحرم طلتك ياقمر F:,, والله يسمع منك يارب
بخصوص التصوير انا عكسك بستقرب وبصور بجوالي والكاميرا بخليها بالشنطة خخخخ
ماشالله ماشالله ايامك عامرة يارب دوووم والله ونحنا هيك مانصدق الا ونطلع .. لو حماتي مو بالبيت كنتي شفتينا كل يوم برا ههههه
والله يجمعكم على خير يارب وان شالله بتبسطوا بالجمعة ...
شو راح تعملي غدا ؟

والله يطمنك على حالك وعلى البيبي وان شالله الفحوصات سليمة باذن الله
لا تنسي تطمنينا

لا ما اكلتو بنفس الليلة اكلتو تاني يوم :mad: لاني نمت و رفيق من رفقاتو اكتر شي بحبو بقيو سهرانين لوقت متأخر لانو الهن زمان ما شافو بعض لهيك ما حبيت اطلبو بهيك وقت حرام ما بشوفهم الا وين ويييييييييييين :thumbs_up: و هيدي بسموها عنا كرابيج الحلب المشبك متل ما قلتي بيجي دوائر و هو فعلا طعمو متل العوامات بس الشكل بيختلف وانا بحبو اكتر من العوامات :adore:شهيتيني صار بدي كمان مرة :lol:

ههههه اي يالله شو بدك تعملي الله يعينهم هالرجال على نئنا ونهفاتنا :cool:
ويالله خطية كمان زوجك انبسط بصاحبه ....
يحرء حريشك شهيتيني العوامات سال لعابي:038: ههههه ان شالله هنا وعافية

زهورة اهلين فيكي ياقمر انتي لك شو صاير ... عم تتبعي مقولة خير الكلام ماقلّ ودل !!!!
لا حبيبة قلبي نحنا هون منتبع مقولة . مابيحلى الكلام الا بالقيل والقال ودقة التفصال ....= يعني التفصيل بس لزوم القافية ههههه

حبيبة قلبي يسعدلنا اوقاتك يارب

&&&&&&&&&&&&&&

هند الله يقويكي ولا تقولي هيك تفائلي بالخير تجديه ان شالله

يوم الخميس رحنا نحنا وبيت سورية على الطائف كتييييييير انبسطنا والجو كان راااائع
قضينا نهار كامل باسترحة الجبل الاخضر اكيد لولوة بتعرفه ولعبنا بلعبة كتير حلوة اسمها توبوجان خخخخ اعتقد وهي اطول لعبة بالعالم
قريبة لقطار الموت بس الفرق انك بتتحكمي بسرعة السيارة اللي راكبتيها ولما بتسرع بتقدري توقفيها بالفرامل اللي معك :D لعبت 3 مرات انا وزوجي ومحمود وسورية وزوجها :lol:
يعني هدا الموجز حبيت خليكم معي بالصورة :lol:

مرحباااااااا كيفكن أشتقتلكن كتير صارلي فترة شي اسبوع مافتت عالنت كان قاطع النت عنا فعبين ماجددنا الأشتراك وأجا النت ماقدرت فوت ولا عالحظ المعتر بالصدفة بعد ماأجا النت لقيت بغرفة بابا وماما في شبكة قوية لو منبهتلا أول ماقطع النت كنت سرقتها خخخخ المهم الحمد الله أجا النت .. .. ورجعت من جديد

اهلين عروسة ابراهيم نورتي من جديد
عارفة النت السرقة بينفع وقت الازمات ههههه ...
شو هالتوقيع الحلو بجنن عجبني بقوووة