لمتنا السورية اهلا وسهلا فيكم لشهر ربيع الثاني1432

لولوة الدوحه;14816715:
مرحباااا
دمشقيه
الف مبرووووك وعقبال الجامعه يارب
وتشوفيه عريس باذن الله
هلأ تسلمولي كلياتكن
انا فكرت انه كتابتي واضحه القصه انه بيت حماي لبسوا بنوتي حفاضه وهي طالعه برا وبنوتي من عمر السنتين و9 شهور ماشالله بطلت تلبس البامبرز ..هلا لشو عملوا هيك وانا انقهرت ماكنت موجوده وحكيت مهن ليش هيك قال شو يمكن البنت بتستحي تقول بدها تروح عالحمام قالوا بنلبسها احتياط
ييييي علينا ..بقى حكيت معهن وقلت الهن ماتعملوا هيك انا علمتها والحمدالله البنت بطلت تلبس هلأكلامي بيزعل شي ..
عن جد انا مابعرف اذا زعلوا والا اضايقوا انا حكيت وخلصت وهاي بصراحه لاني طنشت مواقف صارت وبقول معليش طنشي هالمره بس مو كل مره
شاميه
الخمدالله ع السلامه
وان شالله مابها شي الشام غيمه وتعدي
كاتي
انا اللي بعرفه انه البيبي اسبرين بينعطى مرات ليحمي من تخثر الدم بالذات في المشيمه وبهيك مابيمنع وصول التغذيه للجنين
وفيكي تقريه من النت
بس هو ياللي مكتوب مو ضروري يصير بكل شخص ..هو في نسب متفاوته بس مابتعرفي كمان ..
اذا انتي مو مرتاحه نفسيا لا تاخذيه وانتظري الموعد الجاي واساليهم بقى ضروري اخذه ..اذا قالت ايه للجنين وهيك طيب قوليلها لامتى بتاخذيه ..وعلى اي اساس عطتك على المشاكل اللي صارت لك قبل مثا ماقلتي ..
سلام للحلوات

لولية;14817333:

كيفكن يا عسولات شو أخباركن الحمدلله منيحة وحلوة حبيبتي دمشقية مبروك نجاح ابنك والله هي فرحة كبيرة حتى لو كان صغير بس هلأ الأساس يلا ان شاء الله بتشوفيه بأعلى المراكز يا رب
أخباري كالمعتاد مشغولة مع البنوتات طول الوقت وبيتي ما شاء الله ما بيفضى متل ما بيقولوا بيروح العاشق بيجي المشتاق ويوم الجمعة عندي جمعة نسوان شي 15 حرمة بيت احما الصغيرة فكمان حإنشغل فيهن وبالتحضير للزيارة وأهم شي إنه الأكل رح جيبو جاهز هيك الموضه هون خصوصا عند بيت احما بنتي عيب يعملوا شي بالبيت لا بيجيبوا جاهز وبيجيبوا جرسونة أو اتنين كرمال اتضيف وتشيل وتحط سبحان الله بعكس عنا إذا الوحدة ما طبخت وجهزت هي وهي اللي خدمت عليهن ما بيصير وبيعتبروها قلة واجب بس دخيلك حدا بيصحله يدلل وبيقوا لا إيه والله ربنا بيزعل منه بقى رح جيب كلشي جاهز مع الجراسين والمثل بيقول إذا كنت في روما فافعل ما يفعل الرومان
هي هي أخباري بشكل عام وهلا تصبحوا عى خير يا أمورات يا حلوات وادعولي الله يفرج همي لا تنسوا هاد اعملوا ورد عندكن كل يوم الله يخليكون حبيباتي إنتو اوكيه

الدمشقية;14819412:
الله يسعدها كاتي وامين يارب ربي يسمع منك ويخليلي ياكي يارب ربي يبارك فيكي وعقبال فرحتك بتالا ونجاحها
ههههههههههه حلوة قبل ماتيد الحرارة والله حق معك
حتى نحنا هالجو كان النا احلى مفاجئة لان الحرارة مميتة بالصيف فبتكرهي البحر والطريق حتى...
وبخصوص الدكاترة والله حق معك يالله الله يختارلك الخير ويتمملك على خير وسلامة

وكللللللللللك ذوق حبيبة قلبي ويسلموا على الحلوان اللي بجنن وانا وانتي واحد اكيد :D

CATS_ANGEL;14823880:

حبيبة قلبي الحمد لله يلي اجى حظكن حلو بالجو و انبسطتو انتي و اهلك :thumbs_up:

شو حلوة الصورة هههههههههه عن جد زكرى حلوة يعني انتي كنتي بالمدرسة و صورتيها :!!:
و اكيد انتي و نحنا كلنا واحد و يلي بفرحك بفرحنا F:F:F:
ما شاء الله صور الشاليهات كتير حلوة تتهنو على طول يا رب و احلى شي صورة الوالد ههههههههههه الله لا يحرمكن من بعض يا رب :thumbs_up:

طمنينا عن سورية شو اخر اخبارها و في شي اخبار عن اقامتها و لا لسى :(

لولية;14825515:

حبيبتي كاتس إيه نحنا إذا ما شفنا ست البيت وقت بتكون عازمتنا هلكانة وطالعة روحها ويدوب عم تفتح عيونها من النعس ما بينفش قلبنا وما منصدق إنه فرحانة بجيتنا
بس ليكي والله ما في حدا مدلل حاله أد اللبنانيين والله برافو عليهن وخصوصا أهل بيروت وأنا بشوفها كتير منطقية لإنه ساعتها بفضى لضيوفي أكتر وبقعد معهن أحسن ما ضل قايمة قاعدة وحتى الأراكيل رح اطلبها طلب وجيب وحدة تخدم عليهن لإنه كمان ستات بيروت ما بيحسنوا يعدوا غير أركيلة العجمي قدامهن

الدمشقية;14826787:
اي والله الحمد لله اللي الجو حلو ولليوم الجو كتير حلو وهالشي كتير غريب بس اصلا الدنيا مقلوبة ولازم مانتعجب من شي :confused:
ويخليلي ياكي يارب ويخليلك ابوكي
يقبر قلبي لولاه والله ماتشجعت ونزلت وسبحت خخخخ لبست بنطلون وقميص طويل وحجابي وتركت مسبح النسوان ورحت نزلت معه:D:cool:
سورية بخير بتسلم عليكم والله وبخصوص الاقامة مكانك راااوح مابعرف لايمتى زوجها بدو يبرد قلب ومايسعى بهالموضوع ... على الله احسن شي

بخصوص صورة محمود اي لما دخلت على الصف منشان اخد شهادته من المدرسة على طول اطلعت على السبورة لان عادة اسماء الاوائل بحطوها على السبورة
والحمد لله طلع الاول وعلى طول صورتها منشان ورجيها لابوه :adore:

وينها زهورة اليوم مابينت ؟ عسى المانع خير

زهرة المناره;14828079:
صباح النوار اللي بيطلع بلربيع وبعدها بسير لوز او كرز او عناب:D
شو رايكم بلصباح هاد :worn_out:
كيفكم كل الحلوين F:
دمشقيه يسلمو يسلمو على الصور الحلوه الله يسامحك بس شهيتيني على البحر :'(بدي اروح انا :'(
لوليه الله يفرجها عليكي وعلى بناتك ويفرحكم كلكم وفكرة الاكل الجاهز احلى فكره يا ريت حد يعزمني على اكل جاهز ما بزعل :worn_out:
لولوة الدوحه وشاميه وكاتي وكلكم كلكم ان شاء الله تكونو بخير

لولوة الدوحه;14831249:
مرحبا


دمشقيه وكاتي
خجلتوني والله
حسيت اني كبرت الموضوع وهو مابيستاهل
الحق يعني انا لما حكيت مع عمتها حكيت بهدوء وانه هيك انا بتعب بعدين وهيك
بس مابحس انه شي عادي تلبس بامبرز وهي كبيره هلا ماشالله
بنوتي اسم الله عليها بتكمل 3 سنين الشهر الجاي ان شالله
مابعرف والله
عموما مافتحت تمي مره ثانيه على نفس الموضوع
طنشت

بنت الشام المعذبه;14832458:
مساء النور كيفكم ياحلوين والله الكم وحشه ........
ألف ألف مبروك كاتس وإن شالله الله بتمملك على خير

والله يالولية معك حق هالبنانين حياتهم غريبة انا اخت زوجي يوم العيد الصبح ماعترت حالها فاقت مشان تجامل فلان وعلان فاقت على راحتها وشربت قهوتها والسيجارة ودوش وبعدين بدا نهارها ولابيزعجوا حالهم مشان حدا ..........نحن بدنا نداري الكل ونرقع ......‘ن شالله بيتكم عطول عامر بالافراح

دمشقية مثل ماودعتي تلاقي حبيبي محمود الله يخلك ياه

وباقي البنات اشتقنالكم فردا فردا

بنت الشام المعذبه;14832467:
اما اخباري الحمدلله طالع عندي وزن 5 كيلوا زيادة والدكتورة خايفة يكون سكر حمل والكلسترول عالي الله يتمملي على خير

بنت الشام المعذبه;14832473:
صحيح بنات هند وينها إن شالله يكون المانع خير

CATS_ANGEL;14838621:

يا عيني يا عيني على السباحة و انا بس روح على البحر بعمل متلك ;) ما بحب مسابح النسوان :D

ان شاء الله على طول الانبساط يا رب :thumbs_up:
ولي لهلأ ما عملو شي بالاقامة مو بنوتتها بدها تفوت المدرسة على السنة الجديدة و لازمها اقامة لا لازم يشد حالو شوي انا جوز عمتي عمل المستحيل و طلع الاقامات بأقل من شهر بعد ما تأخرو و خسروها يعني الشغلة بدها تحمل شوي :(
ايه شطورة يلي اتذكرتي تصوري السبورة انا بهيك مواقف بنسى حالي حتى لما رحت اقص لتالا اول قصة الها تزكرت بس خلصنا انو كان لازم صورتها و هي لابسة روب القص 8o| لليوم ندمانة عليها :'(