لمتنا السورية اهلا وسهلا فيكم لشهر ربيع الثاني1432

لؤلؤة الشام0;14801246:
اهلين كاتي حبيبة قلبي الله يسعدك وانتو كتير غاليين على قلبي
والله يخليلكم بابا وماما انت وزهرة ومايحرمكم منهم وبرافو عليكم فرحتوا قلبهم
وفكرة النومة عند اهلك حلوة والمهم انبسطت تالا حبيبة قلبي
انا يوم الاربعاء باليل فاجاؤنا ناس انه جايين يتعشوا عنا يوم الخميس وهنن 6 اشخاص معتمرين من الشام
كان جوزي بده يجيب اكل جاهز مشان ما يعذبني مع انه بحس انه الاكل الجاهز مو وجاهة قدام الضيوف مشان هيك مارضيت وقلتله انا بساوي وبالزور رضي
ويوم الخميس من 1 الضهر للوحدة بالليل واناعم اشتغل
ابتديت بالحلا وعملت ترماسو
بعدين بلشت بالطبخ ساويت كباب هندي ورز بشعيرية واوزي ولبن بخيار وفتوش وصينيتين جاج وبطاطا وحدة سادة ووحدة بصلصة الطماطم وفتة مكدوس ومعكرونة صدف كبيرة محشية وبابا غنوج خلصت طبخ الساعة 8 ونص رتبت البيت وادوشت على 9 وصلوا الضيوف وبين عشا وشاي وقهوة وحلا راحو 12 ونص كملت تنضيف وترتيب واستلمت الفرشة فارررررررررررررررررطة
بس الحمد لله جوزي كتير انبسط بالسفرة وكل الوقت وهو عم يقلي الله يبيض وجهك بيضتي وجهي
والضيوف كمان حبوا الاكل وابدو اعجابهم واستغربوا وين تعلمت كل هالاكلات الطيبة طالما تجوزت صغيرة واناكتير فرحت وحسيت بالفخر الحمد لله
اسفة حكيت كتير ضيقت خلقكم هههههههههه
ويوم الجمعة طبعا كان زايد شوية اكل مشان هيك ضليت مريحة وماعملت شي ابدا
اليوم السبت بلش اسبوع مدارس جديد ورجع الروتين الله يبارك لنا بايامنا يارب

الدمشقية;14801691:
اما عن اخباري فهي بخير والحمد لله على اساس نطلع بكرا على المدينة مع اهلي وهنن بعد الزيارة يكملوا على سوريا بس الله ماقسم
شفنا الاخبار مبارح واتكركبنا كتيييير وفجاة قرروا يضبوا غراضهم ويسافروا وبالفعل على ال 2ونص بالليل حركوا من غير شر ووصلوا قبل شوي الحمد لله بخير واتطمنا عليهم ... وفضي البيت علينا ورجعنا للروتين قال دوام الحال من المحال

محمودي بكرا نتائجه ونجاحه بتعرفوا مدرسته منهجها بريطاني فكل شي مقلوب ههههه
المهم ان شالله بتفرحوا بنجاح ولادكم يارب

سورية بخير بتسلم عليكم كتيييير وابدا ماعندها لا وقت ولا نت خخخخخخ ان شالله قريب بتحاكيكم

هي هيا اخباري ورجعتلكم ........

شامة;14803153:
مسا الخير مدري صباح الخير والله ما عم مييز هههههههههههههه
سلام لكل الحلوات حبيبات قلبي والله لا يحرمني منكم
والله يابنات القلب مو رايق لشي في ناس مابيستاهلو يعيشو بهالبلد وياكلو من خيرها بدهن يقلبو البلد فوقاني تحتاني بس بأذن الله مالح يقدرو لانو الشام الله حاميها
بس بدي قلكن انو لا تصدقو الاعلام المشوه من الاقنية التلفزيونية شوفو قناة الدنيا لانها عنجد عم تحط شي صادق وامانة امانة دعوة صادقة من قلوبكن المخلصة لله الله يحميلنا سوريا ويخذل اعدائها يارب ويحميلنا رئيسنا لانو عنجد الكل بهالبلد بحبه كبير وصغير غني وفقير
دامو سورية الحمد لله عسلامة اهلك
لؤلؤة الدوحة خير طمنينا عن بنتك
لؤلؤة الشام عمري انتي والله مشتقة ضمك لصدري وخبيكي جوا عيوني ما شاء الله عنك شطورة وجهك وجه جوزك ابيض عطول
كاتي وزهرة الله يخليلكن ماما وبابا والله ما قصرتو
شامية طمنينا عنك
بنوتة كيف امورك ان شاء الله كلشي تمام

كيفك حبيبتي كاست؟؟؟؟

شو اكلتي اليوم كاست؟؟؟

كاست انتي موجودة ولا لا؟؟؟؟؟؟؟؟؟؟!!!!!!!!!

ليكني هلأ رجعت

بتعرفي هذه الاكلات دسمة اللي بحب الدسم بتعجبو كتير

بس اللي مثلي لا ما بحبها انا بحب فخذة لخروف

...و زوجك شكلة بحب الدسم ...الله يخليكم لبعض


بتعرفي انا ان شاء الله لما اتزوج بدي اعود زوجي على الاكل الصحي

اما الاكل الدسم ما في

وانا عزباء ولساتني صغير ة لكن بدعوا ربي انه يرزقني الزوج الصالح الطيب الحنون والذرية الصالحة

شكلك رحتي تكملي الطبخة لزوجك

هلانجمه
الله يعطيكي الزوج الصالح والذريه الصالحه واتطعميهم اكل صحي على طول F:

اهلا نجمة شو رايك نروح تجمعنا نحكي هناك طيب

عفوا اقصد زهرة.... من شدة التسطيل !!!!!!

نجمة البياض الناصع المورد;14807870:
عفوا اقصد زهرة.... من شدة التسطيل !!!!!!

هههههههه سلامتك من التسطيل انا مره كتبت زهره بس انتبهت دغري وغيرت

دمشقية حبيبة قلبي متل ما ودعت تلاقي انت وسورية وان شاء الله ربي بيجمعكم عخير ودايما
ومبروكين الهدايا على امك وابوكي ويارب يتهنوا فيهم
ومبروك نجاح محمود وعقبال شمشوم
شو هالصور الحلوين عنجد البحر روعة

كاتي وزهرة الله يسلمكم حبيباتي ويخليلكم ازواجكم ويديم الحب والمعروف ببيوتكم
ولا تخافي كاتي صورنا الاكل بس لسا ما نزلناهم على الاب بس يمكن مايكونوا واضحين كتير لانه تصوير اروجة وعلى عجلة
وانا متلك ما بحب الاخبار بس وقت بيكون شي بيتعلق بسورية بتابع وبتابع من قلبي لانه سورية دنيتي وكتير بضايق اذا حسيت في شي عم يعكر صفوها

شامة حبيبتي وانا كتير مشتاقتلك ونفسي ضمك واسهر الليل وانا عم اتساير معك الله يجمعنا على خير يارب
ويارب يحمي بلادنا وينصرنا على كل مين بيعادينا بوسيلي الاولاد كتير مشتاقتلهم وسلمي عصهري