لمتنا السورية اهلا وسهلا فيكم لشهر ربيع الثاني1432

CATS_ANGEL;14662253:

متل ما بتعملي :D

عم بشوفك هون اكتر من المسن بشوف 8o|
لااااااااا شو كرشات لولا جابهن منضفين ما بمد ايدي عليهن و هو عمل الفتة كمان ;)

خلص ان شاء الله الي مشوار عندك كمان اسبوعين بجيب ماما و باجي بدي روح على الدكتورة يلي عندكن ما عجبتني و لا دكتورة من يلي رحت عليهن قال اخر شي مبارح بتحكيلي رحمي مقلوب :confused: كنت بدي اقلبلها العيادة و اروح مع اني ما خليت حدا الا سالتو عنها و شكرلي فيها و عيادتها مليااااااااااانة و غير هيك اعطتني دوا حكالي الصيدلي عملتي فحوصات لتاخدي هيدا الدوا قلتلو لأ عمل هيك :woo: و حكالي لا تاخدي الا بعد فحص :| من وين اجيب دكتورة بتفهم :confused:

اهلا وسهلا F:
مهو الي سنه بحكيلك تعالي
على دكتورتي ما رديتي بدك تجربي كل الدكتورات اول :mad:
منيح اللي سالك الصيدلي :woo:
كان سالتيه لشو هاد الدوا
وفحوصات شو هاد ؟:woo:

لولية;14657550:

مسا الخير يا أمورات كيفكن يا صبايا يا حلوات الحمدلله أموركن سو فار منيحة شفتو العنكليزي مقطع بعضه
هنودة ايه والله يا عمري الله يخليكي عالدعوة ويفرج عليي وعليكي بس أنا الحمدلله فوضت أمري لربي قرأت سورة ياسين أربعين مرة ووكلت أمري لربي ياخدلي حقي
شامية ايه حبيبتي أنا شعرت هالشعور كتير ولهلأ بيجي على بالي أحيانا كبهن برة وخصوصا النورية الصغيرة اللي عندي والله كل يوم بدعي لخطيبها إنه الله يشيل معه ويساعده حبيبتي أد مانها غجرية
أخباري إنه هلأ قبل شوي رجعت من المستشفى لإنه خطيب بنتي الصغيرة اللي هي النورية عمل عملية لحمية وكانت شوي معقدة ضل 3 ساعات بالعملية حبيبي والله انشغل بالي عليه كتير بس الحمدلله كتير طلع منيح بقى ضليت بالمستشفى أنا وبنتي مع أهله وقبل شوي رجعت
هيدي أخباري المهمة باقي الأخبار على ماهي عليه بس ادعولي أمانة إنه ربي يفرجها عليي حبيباتي إنته
دمشقية يهنيكي السلامة بجيه أختك وأبوكي بتكوني طاير عقلك أمانة سلميلي على سورية كتير السلام
كاتس حبيبتي مبروك عليكي التليفون والله يخليلك ابن عمك يا رب
بنوتة طمنيني عليكي يا عمري شو صار معك إنت والحمل

الدمشقية;14660512:
زهرة حبيبة قلبي هنا وعوافي على البطاطا وكل سير الحب ويخليلي ياكي ويخليلك ربي اهلك واحبابك ان شالله
ولا نقيتي ولا شي مشان مشواري بالعكس من حظي لاني وقتها كنت عم اركض من الصبح على تجهيز وطبخ ونفخ يعني صدقيني نمت وقتها
طب ومن غير هز ههههه بقى المشوار خفف عني تعب

&&&&&&&&&&&&&&&&&&&

كاتي حياااتي انتي والله اشتقتلك واشتقت للبنات بس على قولتك كترانة سرقاتي ههههه
يبعتلهم لعية نقللوا المكتب الرئيسي اللي بيجيني منه النت والله اعلم متى بركبوه بالمكتب الجديد

المهم الله يخليلك زوجك ياااارب وتبقي عليه مدلله وقليله لا تزعل الايا جاية ومنعوضها ههههه ... وبخصوص الاي فون انا متل مالي مراء كتير فيه
حلو بس صعب علي انا فكل فترة برجع على جوالي القديم النوكيا وبخللي الاي فون للعب هههه

وتسلميلي يارب والله مبسوطة بجية بابا واختي كتييير ومتل ماقلتي خاصة عشان سورية ... وماما للاسف مابتقدر تجي لانو عندي لسى اخت مدرسة بنت
واختي الصغير بالمتوسط وماما مابتامن وتتركهم لحالها بتعرفي قلب الام
الله كريم ان شالله بتنزل سورية وبتشوفها يارب

شو جديدك هالايام وشو في مافي ؟؟ ولا كللو روتين وعم يعيد حالو

مراحب يا بنات كيفكم الجو عنا بيجنن وخرج السيران بس للأسف ما فينا نطلع وبلش موسم المطر بصنعاء يوم عن يوم سفرتي عم تقرب وأنا بيني وبينكم ناوية جيب اختي لعندي بالصيف يلي صف تامن منو منتسلى ومنو بتساعدني بسالم لأني ناوية كمل دورات الانكليزي منشان تحطللي ياه عندا هالساعتين

هند حلوة الحلوات;14660730:
شامية *************** لولية ************ دمشقية ************ لؤلؤة الشام

يلي شفتو موضوعي تبع الخواريف

شفتو قديش تعبت هي اخت خططططيبي يلي عملت كل هالشي مشان ابنها اكتر وحدة بكرهها ومابطيقها بتعرفو ماقالتلي غير يسلمو ايديكي

وبعدين رايحة عم تتفاخر بحالها انو قرايبينها قالولها انو احلى عيد ميلاد حضروه قال منظم ومتل عيد ميلاد الاجانب لك ولا جابت سيرتي ولا قالت شي مع انو انا يلي عملت البطاقات والخواريف واشتريت الزينة

ووقت كانت عم توزع البطاقات الله وكيلكم انا عملت كذا بطاقة وقلتلها نقي وقامت شو راحت صارت تقول لمن طار عقل العالم بالبطاقات قال هي فكرة مني وفكرة من خطيبة اخي

لازم تورجي انو هي شي شغلة يالطيف شو هزتلي بدني

لك حتا اانا يلي قلتها تحط صورة ابنها مع الخواريف وتطبعا عالكاتو صدقو والله انو هي المخلوقة مابتفهم بشي اسمه زوق

هي عملت الاكل هي وامها ولولاي ماكانت عرفت هيك شي

لا وفوق انو ماكنت نايمة وتعبانة من بعد مارحو العالم ساعدتهم بالبيت والشغل

يييييييييييي شو بدي احكي لاحكي عن هي المخلوقة بالذات قديش مابتفهم تحكي ولا حتا بتعرف بشي اسمه لباقة

لك مرة من بعد عيد ميلاد ابنها هاد وانا تعبانتلها هالتعب صار في عرس بالببناية ولاني اتاخرت اتخانقت مع امي ومارحنا لا انا ولاامي والمكرو تحت كل الجيران بيروحو سوا بقا صارو يرنو عموبايلي وانا كنت مزعوجة مارديت ع حدا وهي كمان رنت وانا مارديت

راحو عالعرس وانا نزلت لعند خطيبي وقعدت معو لانو مكيجة وعاملة شعري اولا امو ماراحت عالعرس لانو راحو بناتها قالبة خلقتها قلبة مو طبيعية مع انو مادخلها

واختو فاتت ولاسلمت علييي مع انو هي يلي جاية من برا يعني هي يلي لازم تسلم وفاتت وهي قالبة خلقتها وانا وخطيبي قاعدين بغرفة الضيوف بس مبين باب البيت ومين مافات بيشوفنا لانو نحنا مامنسكر الباب

المهم بربرت عليها ماحكى ولا كلمة لانو هو اتزاو ل منها

وبعدين قعدت بكل وقاحة تحكي علييي كيف انو اتاخرت عاساس عم تحكي بصوت واطي بس كل شي مسموع كان لعندي على غرفة الضيوف
وماخلت كلمة لعمى شو انهزيت لك هي شو دخلها اذا انا اتاخرت وفوق كل شي عاملتلها ياه بتعمل هيك

وحتا خطيبي وقتا انهز بدنو وقلي انا بورجيلك ياها وصار يبوسني ويقلي شو بدك فيهم المهم اانا هههههههههه

ويي شو عاملة فيي قبل عيد الميلاد وبعده وان شاء الله بحكيلكم شي فصل تاني غير مرة هلق اتعبت من الكتابة وانهز بدني من هالذكرى بس شو بدي اعمل كل ماشفت رد بحقد عليها زيادة

الله يعطيك الف عافية فعلا شغل مرتب بس لا تهتمي كلن النكاشات هيك عادي لسا الخير لقدام بعد الزواج

CATS_ANGEL;14661871:

ايه كلو الاطافيل متل بعض تعب في تعب الله يعين الجميع مع انو سالم مو باين عليه النكد ابدا اسم الله عليه و لا بس بضحك بالصور :D الله يخليه لاحبابو يا ربF:F:

ههههههههههههه كاتي يعني ما كبو من الشباك ؟؟ لا بس سالم جد رايق لما ما بيكون ممغوص ومتل ما قلتي لا نكدي ولا ازعر بس لما بيكون ممغوص بيقرفك الولاد ههههه رح ابعتلك صور جديدة بس لحملن

عروسة ابراهيم;14662370:
:(راحت عليي وظيفة حلوة بنك دوام من 8 الصبح لل 4 العصر ب ريال 3500 كتير أتدايقت لأنو دوامها حلو بس قررو ياخدو سعوديات هلأ في وظيفتن وحدة بمشغل فيشون ب 2200 دوامها من 11 الضهر لل7 المغرب ووحدة تانية محل نسائي دوامين من 10 الصبح لل 1 الضهر ومن 4 العصر لل 10 بالليل يمكن ب 2500 شو رأيكن شو الأحسن ؟؟

أهلا وسهلا فيكي معنا بالشات والله يعوضك خير يارب بس ما قلتيلنا انت شو دارسة ؟؟؟

الدمشقية;14660534:
شامية الله يقويكي ياارب ويخليلي ياكي وان شالله بتجتمعي مع اهلك على خير يارب
وبتشوفي سالم كبير وبتقولي رزق الله لما كان صغير هههه هيك امهاتنا مو عاجبهم لا احنا صغار ولا احنار مو مخلصين خخخخخ

تسلمي يارب وكلن بيقولولي هيك بس سبحان الله كل عمر الو حلاوتو

لولية;14657550:

مسا الخير يا أمورات كيفكن يا صبايا يا حلوات الحمدلله أموركن سو فار منيحة شفتو العنكليزي مقطع بعضه

هنودة ايه والله يا عمري الله يخليكي عالدعوة ويفرج عليي وعليكي بس أنا الحمدلله فوضت أمري لربي قرأت سورة ياسين أربعين مرة ووكلت أمري لربي ياخدلي حقي
شامية ايه حبيبتي أنا شعرت هالشعور كتير ولهلأ بيجي على بالي أحيانا كبهن برة وخصوصا النورية الصغيرة اللي عندي والله كل يوم بدعي لخطيبها إنه الله يشيل معه ويساعده حبيبتي أد مانها غجرية
أخباري إنه هلأ قبل شوي رجعت من المستشفى لإنه خطيب بنتي الصغيرة اللي هي النورية عمل عملية لحمية وكانت شوي معقدة ضل 3 ساعات بالعملية حبيبي والله انشغل بالي عليه كتير بس الحمدلله كتير طلع منيح بقى ضليت بالمستشفى أنا وبنتي مع أهله وقبل شوي رجعت
هيدي أخباري المهمة باقي الأخبار على ماهي عليه بس ادعولي أمانة إنه ربي يفرجها عليي حبيباتي إنته
دمشقية يهنيكي السلامة بجيه أختك وأبوكي بتكوني طاير عقلك أمانة سلميلي على سورية كتير السلام
كاتس حبيبتي مبروك عليكي التليفون والله يخليلك ابن عمك يا رب

بنوتة طمنيني عليكي يا عمري شو صار معك إنت والحمل

الله يخليلك البنوتات ويبعتلن ايام حلوة يعني قولتك ما دفرووووووو ؟ خخخ كنت ناوية حطو بكيس ودفرو


وأخيرا لذكركم بس سيرة الحب عندي فاصوليا عريضة وجاية لعندي رفيقتي عملت حراق اصبعو لناكلو انا وياها بتعرفو الرجال ما بتحب هالأكلات قلت باكلها انا ورفيقتي

أهلا وسهلا فيكي معنا بالشات والله يعوضك خير يارب بس ما قلتيلنا انت شو دارسة ؟؟؟

اهلين عروسة ابراهيم وموفقة ان شالله

ياجماعة وينكم بالعادة بفوت بلاقي أقل شي صفحتين شو صبنا حالنا بالعين ؟؟؟؟؟؟؟

لؤلؤو الدوحة وشامة اشتقنالكم من زمان ما طليتو

عروسة ابراهيم;14668765:

صــــــباااااح الخيــــــر

تفضلو من زمان ما ضيفتكم شي كتير مقصرة معكن هالفترة

مرحبا صبايا

قد ماكان عندكم بنات احما نكاشات مو متل هي يلي عندي

كاتس شو قصدك باخر جملة قلتيها

ممممممممم شو طيبين يسلمو كاتس شكلون بشهي .., لأقوم نق على بابا يجبلي متلو ههههه أشتهيتو

و يلي بدو يقل احترامو بدو يتحمل ما هيك ؟؟؟؟؟





شو قصدك بهي الجملة

هند حلوة الحلوات;14670932:
و يلي بدو يقل احترامو بدو يتحمل ما هيك ؟؟؟؟؟





شو قصدك بهي الجملة

قصدي اذا حدا من يلي حواليكي بدو يجي فيكي و يزعلك بدو يتحمل ....مني و علي اولها كنت اسكت بعدين قلت هي مطولة معهن و يلي بجرحني بكلمة بجرحو بعشرة لانو في ناس حرام تحترميها و في ناس اذا احترمتيها بتفكرك ضعيفة مو كرم اخلاق منك و يا ما حكيت قصص عن سلفتي و بنات حماي هون :D تعالي هلأ شوفيهن كيف بدهن اسلم عليهن بس :cool: ما تفكري اني شايفة حالي بالعكس يلي منيح معي بكون احسن منو و كل انسان و هو يلي بحدد كيف اتعامل معو

فهمتي علي :!!:

عروسة ابراهيم;14670927:
ممممممممم شو طيبين يسلمو كاتس شكلون بشهي .., لأقوم نق على بابا يجبلي متلو ههههه أشتهيتو

CATS_ANGEL;14671062:

وانا شهيت حالي بالصورة ههههههههههه انا بدي قوم اعمل قالب كيك من يلي بيجو في باكيتات جاهزين عنا الجو بررررررررد و شتا كتير حرام طلع جوزي بهيك جو ما صدقت و هو يفوت البيت :o

سلام على الحلوين انا جاية مسي عليكم وقالكم اشتقتالكم كثير بس جد اعذروني لاني تعبانه مابعرف شبني الله يستر



لوليتي إن شالله بدي راسلك قريب بس لخلص كركبه .........اشتقتيلي مو

كاتي فهمت عليكي بس هنن شلون بدي قلك بيدجو الحكي دج ومابستحو انا بخجل كتي ومابعرف جاوب وبحس اذا جاوبت كتير بطلع سخيفة

اه مابطيق انزل لعندون ولااقعد معون ابدا

لك والمشكلة ياكاتي اني انا صوتي نااااااااااااااااااااااااااااعم وواطي
وهنن اصواتهم يالطيف شو عالية لك حتا اصغر وحدة فيهم صوتها اعلى من صوتي باربع اضعاف

ولمن بيحكو بيحكو بثقة عالية جدا ومابيخجلو من اي شي اما انا بحكي وبكون غبية خجلانة

علميني اذا فيكي تعلميني

مثلا قبل شوي كنت عندهم وقالتلي حماتي ليش هيك مسلقدة سلقدة يعني نحفانة كتير نحنا ماصدقنا ايمتا سمنتي واجت نطت هي الكبيرة قال ايه والله المرة الماضية كنت لابسة جينز عم يخض خض عليكي وصارت تاشر بايدها

وقال اليوم طالعة كتير كتير نحيفة من الاسود قال حماتي اجت فترة سمنتي مااحلاكي ليش هيك رجعتي شوف وشك كيف صاير

وااااااااااااااااااااااااااااااااااااااااااااااااااااااااااااااااااااااااااااااااااانااااااااااااااااااااااااااااااااااااااااااااااااااااااااااااااااااااااااااااااااااااااااااا
الغبية من قهري شو جاوبت جواب سخيف اه بس عالقهر لاني اقسم بالله انو كل مابروح لمكان بنخطب والله اذا هلق بحطلكم صورتي والله مارح تصدقو اني انا رح تفكروني جايبة صورة شي ممثلة اجنبية من النت

وعيوني رمادي ع ازرق عاخضر ههههههههه مالهون لون محدد والحمد لله كل شي فيني حلو وشي ناعم وكل تقاطيع وشي ناعمة وبشرة وجهي شوي اغمق من الابيض يعني من الشمس بس لا اعتبر بيضا ههههههههههه



انا ماعم احكي هيك شوفة حال لا والله بس اقسم بالله من القهر يلي جواتي لانو بضل هي وبنتها الكبيرة بيحسسوني اني بقرف حسبي الله ونعم الوكيل

كل مرة بيعلقو على شي فيي مرة وشك سالت ومرة تحت عيونك سواد ومرة موديل شعرك مو حلو ومرة يي الله يعينك شو خفيف شعرك ادهنيه زيت ومرة جسمك عضام

ومرة تخيلو حماتي شافت صوري انا وصغيرة قال يي ليش هيك كنتي بيضا وصرتي هلق سودا

ايه صحيح لقيت حدا بيشبهني خخخخخخخخخخخ شفتو البنية يلي مع كاظم هي البنوتة نسخة طبق الاصل عني انا وصغيرة نفس العيون والوش والشعر المكزبر

هيك امي قالتلي وكمان حاتطلي ياها رنة لانو قال كانها انا

والله شي بيقهر انو كل الناس طاير عقلها فيي وصرلي سنتين ونص مخطوبة ولا مرة سمعت كلمة حلوة منها لا بحفلة ولابغيرو

لا بالعكس مابسمع الا التعليقات اللي بتهز البدن