شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

أمونة...تحليل ايه ده اللي بيظهر تاني يوم.. انا التحليل هنا بيظهر في ربع ساعة لو دم عادي و يظهر في ساعتين لو رقمي..عموما ياااااااااااااااااااارب يجبر بخاطرك و خاطر زوجك ياااارب..انت بنت حلال و تستاهلي كل خير يا قمر...

يارررررررررررررب يا امونه افرح قبل مااسافر بخبر حملك يارررررررررررررررررررررب

السلام عليكم
ازيكم ياحلويين
عاملين ايه

دندونه حبيبتى
روقى كده يا سكر
و دورى و اسئلى و اختارى براحتك
وفى الاخر قولى لزوجك يلا نروح لدكتور الفلانى جه معاك خير و بركه مجاش خدى مامتك و انزلى
انتى عايزة تبقى ام واللى بتعمليه ده طبيعى و عادى جدا
و جوزك برضو عادى وطبيعى لانه طبعا مش بيفكر زيك
تفكير الراجل غير الست طبعا وده طبيعى
فانتى متزعليش و دورى بنفسك متستنيش هو يعملك حاجه
وخلاص متفتحيش معه الموضوع علشان ميقلش انك زنانه
جايززززز لما يلاقيكى ساكته يجى من نفسه يقولك على دكتور

وبالنسبه لعمك خلاص متزعليش وقولى له احنا هنخسر بعض علشان استفتاء ده احنا معملنهاش ايام حسحس ههههه

و انتى عملتى الصح اللى انتى مقتنعه به
و زعلك دلوقتى مش هيحى حاجه جمب زعلك لو كنتى عملتى اللى هو قالك عليه وانتى مش مقتنعه به روقى كده بقى ودورى عللى دكتور احسن ياجميل انتى

دينا حمدى;14744014:
يارب يا محبة:)


ربنا يخليكى ياماجدة يارب
هو انتى بكرة رايحة لدكتور مين؟
وهبعت لك التحليل لو قدرتى ماشى ولو مانفعش يبقى مش مشكلة ياقمر :)


يابكرة يا بعده


ولا ليه اى لازمة
ده عبط


مانا تعبت يا امونة انا كل حاجة بفكر فيها واعملها وابحث واسال ودماغى شغالة على طول وهو فى الطراوة
هو على فكرة كده فى كل حاجة مش فى الموضوع ده بس
بس انا تعبت ولما اقعد اقوله على الحاجة كذا مرة يقعد يقولى انتى زنانة ويتخانق معايا يعنى لا عاجبه كده ولا كده ربنا يهديه
غير كمان ان من كتر ماروحت لدكاترة وانا اللى جيباهم واقعد اغير كل شوية بيقولى مابقيتش اثق فى رايك طيب اقوله دور انت يطنش
المفروض بقى اعمل ايه؟8o|
وبعد ماخد غرضى منه على رايك هبيته على باب الشقة مش فى الصالة :lol:

وبالنسبة بقى لعمى فانا ليا عمين وده عمى الصغير تفكيره محترم جدا وبيعجبنى وانسان فعلا متدين وانا بحبه جدا بس مش عارفة ايه بجد اللى حصله فى الموقف ده
انا متفاجئة من رد فعله جدا
بس انتى بتزعلى من الانسان على اد عشمك فيه فعلشان كده نفسويتى متاثرة منه هههههههه

اوكي يا دينا انا ان شاء الله رايحه للدكتور بتاعي القديم دكتور محمد حسن نصر الدين هو في مكرم عبيد و ان شاء الله هينفع اسأله هو محترم جدااااا بس قوليلي انتي بس الحكايه ببساطه و ان شاء الله خير يا حبيبتي ربنا يطمن قلبك ياررررررب‎
‎

بت ياامونه يابتاعت العزومه المراكبى انتى
ماشى ماشى
يلا بكره اكل مكرونه بشاميل وانتى خلف الاسوار على راى شوشو ههههه

وانتى ليه مش عملتى تحليل الدم العادى وخلاص وانجزتى فى الوقت نصف ساعه واقلب وبعد كده اعملى الرقمى
عموما خير ياحبيبتى ياااارب و ربنا يجبر بخاطرك وتفرحينا يااارب

عارفه
كل ما ادخل ابصى على مشاركتك عملتى تيكر تحت ولا لسه
ربنا يفرحنى بكم كلكم ياااااارب و كلكم تعملوا التيكر كده و ينور يارب

و عليكم السلام يا ميرووو ازيك عامله ايه و روحتي الاستفتاء ولا ايه

ازيك يا ميجو عامله ايه ياحبيبتى اخبارك ايه
ربنا معاكى ان شاء الله ياحبيبتى الشهر ده ان شاء الله ياااارب

ميرا ازيك يا حبيبتي

ميرو حبيبتى وحشانى
انا والله عارفة ان كلهم او معظمهم نفس الطبع بس انا من حقى يشاركنى ويهتم
وانا لما كلمته بجد هقعد كام يوم اشوف رد فعله لو اتحرك خير وبركة كان بها ماتحركش هدور انا تانى وارجع زى الجزمة هههههههههههه
وبالنسبة لموضوع عمى عادى انا خلاص عادى مش متضايقة هو اللى متضايق هههههههه هو ومراته
وانا بس كنت مستغربة رد فعله لانهم حسسونى انى هخرج من الاسلام(اعوذ بالله) وانى ماشية مع العلمانيين والفنانين وامثالهم ههههههههه

magda 1;14744358:
اوكي يا دينا انا ان شاء الله رايحه للدكتور بتاعي القديم دكتور محمد حسن نصر الدين هو في مكرم عبيد و ان شاء الله هينفع اسأله هو محترم جدااااا بس قوليلي انتي بس الحكايه ببساطه و ان شاء الله خير يا حبيبتي ربنا يطمن قلبك ياررررررب‎
‎

ماشى يا ماجدة الحكاية باختصار ان حملت 3 مرات واجهضت زى مانتى عارفة وانا بحمل بالمنشطات يعنى مش لوحدى ودكتور عادل كان قايل ان فى تكيسات وده حقيقى لان التحاليل بتقول كده فعلا
والاجهاض بيحصل فى الاول خالص باخد مثبت ولما النبض مش بيظهر لحد الاسبوع التامن الدكتور بيضطر ينزله

وبعد ماروحت لدكتور عثمان وبعد كل التحاليل لقى ان المشكلة الكبيرة فى الاجسام المضادة اللى عندى ضد الزوج
هكتبهولك حالا
انتى ماتحكيش للدكتور كل القصة دى قولى بس ده تحليل واحدة سقطت 3مرات وشوفى هيقولك ايه
بس بالله عليكى انا بحلفك لو مانفعش ماتحاوليش تساليه
انتى عارفة الدكاترة كلامهم بالعافية وعايزين يخلصو بسرعة فمش معقول هيسمع شكاوى النس اللى بره كمان
فلو مانفعش ماتحاوليش معاه
اتفقنا

التحليل اهو

"Test for cytotoxic antibodies"

.Patient serum against husband's lymphocytes;
Negative for cytotoxic Antibodies

Patient might benefit from injection with husband's lymphocytes

miramiro;14744427:
ازيك يا ميجو عامله ايه ياحبيبتى اخبارك ايه
ربنا معاكى ان شاء الله ياحبيبتى الشهر ده ان شاء الله ياااارب

ربنا يخليكي يا ميرااا و ياررررب يا حبيبتي ربنا كريم .. بس انا حاسه اني حروح بكره الاقي البويضه خرجت و نبقي لا طولنا بلح الشام ولا عنب اليمن ‏‎
‎اصلي مفيش اي هوم ورك خالللص خايفين نعمل حاجه نضعف الحيوانات فلو بقي الهانم خرجت ربنا يستر مش هتلاقي اي حاجه

ازيك ياميجو عامله ايه ياحبيبتى هاو ار يو
ايوه روحت الحمد لله ادليت بصوتى
الواحد حاسس ان له قيمه والله
والنهارده اللى منزلش خسران بجد انه مشفش الناس النهارده
والطوابيررر اللى على اللجان و الزحمه ومحدش عايز بيتخانق ومحدش زعلان بالعكس كله فرحان ومبسوط و واقف فى الطابور مش مستعجل

انا روحت مع زوجى
و كنا عند دكتور الاسنان فى مدينه نصر روحنا لجنتين كانوا زحمه اووووى
فى الاخر رجعنا المعادى و روحنا لجنه كانت فاضيه قبل ما تتقفل اللجنه ب خمس دقائق فقط

واحنا قلنا لا
واخت جوزى و حماتى قالوا لا
وبابا قال لا
اخو جوزى قال نعم و مراته مش عارفه بصراحه

بس اهم حاجه الناس اللى بتقول نعم تكون عارفه نعم ليه
مش نعم علشان بيحسبوا ان لما نقول نعم الدنيا هتستقر و الامور هتمشى
و لا علشان اللى هيقول لا يبقى حرام
نفسى اعرف طب حرام ليه ايه الذنب اللى ارتكبته بلا دى

ده كان فى رسايل بتتعت انك لو قلت لا هتعمل فتنه فى البلد
وده مش كلام مش كل حاجه نخوف الناس بالدين

لكن اللى يقول نعم علشان عاجبه التعديل ده اهلا وسهلا به فاهم و مقتنع

اخباركم اية

تصبحو على خير يابنات

وانتى من اهلة يا دينا

شوشو حبيبتى ازيك انتى وحشانى
اوعى تنسينا لما تيجى مصر بالسلامه اوكيزززززز


ميجو
حبيبتى لا لا تطلع ايه احبسيها احنا عايزين نلمها ههههه قال طلعت قال
لا ان شاء الله خير
وتكون لسه جوه مستنيه ابن الحلال يارب هههههه

دندونه
بصى مش تستنى برضو ان جوزك هيعمل حاجه خليكى عاديه حتى علشان لما يجبلك اسم دكتور تتفجائى و تتبسطى هههههه
وان شاء الله خير ياحبيبتى
و بالنسبه لعمك فمتاخديش على كلامه هو متاثر بتيارمعين بيقول كده معلش

اوكي يا دودو انا هقوله صحبتي محتاره اووي هي سقطتت ٣ مرات عشان مش بيجي نبض في الجنين المهم انها راحت لدكتور و عملت تحليل الاجسام المضاده طلع عندها اجسام مضاده ضد الزوج فالدكتور قالها ان حل ده انهم هيدوها حقن عباره عن انهم هياخدوا دم من الزوج و يعملوله شويه حاجات و بعدين يحقنوا للزوجه صح كده يا دودو و بعدين كده اقوله هو فعلا الحقن ديه موجوده ولا ده وهم و لو قالي مش موجوده هقوله امال حالها ايه الكورتيزون ولا ده مش كويس و هشوف هيقولي ايه وربنا ييسر و كلامه يطمنك يارررب ان شاء الله

ازيك يا شيرين
انا زعلانه منك بجد بقى علشان اللى انتى عملاه فى نفسك ده
عياط ايه بس بعد الشر عليكى هو انتى بقالك كام سنه يعنى

وما جوزك يقولك حاجه قولى له انا الحمد لله سليمه زى زيك الحمد لله فمتقولش مبخلفش دى وقول يارب احسن علشان ربنا يكرمنا
وانتى بقالك اد ايه بتنشطى و ليه مش جربتم تلقيح صناعى
اهوه تاخدوا بالاسباب برضو وان شاء الله خير

ميرا
ازيك انتى اخبارك اية
هكمل سنتين الشهر الجاى

جدعه يا ميرا انك روحتي بس كنتوا فين في مدينه نصر احنا اللجنه الي روحنها جمب البيت اصلا في رابعه كانت زحمه مووووت بس الطابور ماشي بسرعه الحمد لله يعني الموضوع خد نص ساعه بالكتير بس بجد اجمل حاجه ان الواحد رايه يتسمع

دينا رودي عليا كلامي كده صح ولا ايه