شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

ازيكو يابنات
انا روحت الاستفتاء انا وجوزو وبنت خالتى

وعمى قال ايه زعلان منى لا وزعلان بجد وكلمنى رخم عليا خلانى قعدت اعيط كل ده علشان قولت لا للتعديلات


فى بقى حاجة خنقانى اكتر الا وهى جوزو
بمهنى انه حاطط ايده مش فى الماية الباردة لا دى ماية متلجة
وهتقولولى كل الرجالة كده
بس مش للدرجة دى
احنا بقالنا سنتين ونص فترة مش قليلة برضو واكيد نفسه يخلف ويكون اب مفيش حد مش بيتمنى الخلفة
بس مش لاقية منه اى اهتمام انا اللى ادور على الدكاترة واسال على كل حاجة ولو فى تحاليل برضو اسال عليها ده حتى دكتور الدم لسه لحد دلوقتى ماهتمش انه يسالى حد والله بكلمكو دلوقتى وبعيط وبجد منهارة

طيب لو نفترض انه هو عايز بس مش مبين طيب مايسعى معايا ويهتم مش كده يعنى
ولو الموضوع مش فى دماغه اصلا وانا اشك فى كده لانه لما بيشوف اى طفل صغير بيبقى هيتجنن عليه
طيب يهتم علشان شايف لهفتى انا وتفكيرى ال24 ساعة فى الموضوع ده ونفستى اللى بقت زى الزفت

انا لما لقيته كده قولت له انا لا هكلمك تانى على دكاترة ولا علاج ولا اى حاجة ليها علاقة بالحمل وبالخلفة وانت لما الموضوع يبقى يهمك او يشغلك ابقى قولى


بجد حررررام بقى

يا بنات حرام عليكم نفسكم ايه القلق والتوتر ده ولا كلامي جاب اي نتيجه قال بس مقتنعين بيه قال

امونه وشيرين مش كده يا حلوين حررررررررام عليكم نفسكم وازواجكم بجد ممكن لا قدر الله من توتركم ده هو اللي ماخرها مع العلم شيرين لسه معادها اصلا ياشرين فكيها مش كده وتعيطي ليه بس سبيها علي الله يابنتي

انا روحت الاستفتاء و قلت لا و بيللا عذبتني و اتشوينا في الحر

دينا كويس انك صوتي ب لا وعمك مش هيفرض رأيه عليكي هو لسه في كده بجد حاجه تعصب مووت بس كويس انك مسمعتيش كلامه كل واحد حر اومال ثورة ايه بس اللي اتعملت دي

بالنسبه لجوزك برضه هقولك كل الرجاله كده عشان هما كده ده بججججججججججد معلش سيبك منه واطمني علي نفسك انتي يابنتي التدوير علي دكتور دم مش صعب اوووي كده كلمي عادل يقولك او اسالي في دليل التليفونات بسيطه يعني هو جوزك في باله طبعا بس مكبر مخه مش عايز يتعب والله جوزي كده هيموت ونفسه في عيا بس مش عايز يتعب عايز يشتريهم من السوبر ماركت فده كده هما مركبين علي قلبهم مراوح غيرنا خاااااالص
متزعليش واسعي انتي حتي اطمني علي التحاليل والعلاج ياستي وخلاص

دينا

ما جايز هو مش مبين مش عاوز يزعلك
والله احسن يا دينا
احسن من حرقة الدم اللى انا فيها

شطورة يا هدي وايوة كده علمي بيللا الوطنيه من دلوقتي ههههههههههههههه

shoshet*himo;14742044:
يا بنات حرام عليكم نفسكم ايه القلق والتوتر ده ولا كلامي جاب اي نتيجه قال بس مقتنعين بيه قال

امونه وشيرين مش كده يا حلوين حررررررررام عليكم نفسكم وازواجكم بجد ممكن لا قدر الله من توتركم ده هو اللي ماخرها مع العلم شيرين لسه معادها اصلا ياشرين فكيها مش كده وتعيطي ليه بس سبيها علي الله يابنتي

والله يا شوشو انا تعبت من كتر المنشطات وزهقت بجد
والله لو فى سبب كنت ارتحت
لكن كل دكتور يقولى مفيش حاجة
اعمل اية
الناس مش رحمانى بجد

..................

shoshet*himo;14742101:
دينا كويس انك صوتي ب لا وعمك مش هيفرض رأيه عليكي هو لسه في كده بجد حاجه تعصب مووت بس كويس انك مسمعتيش كلامه كل واحد حر اومال ثورة ايه بس اللي اتعملت دي

انا مقتنعة بلا وهو من اميارح يابنتى عمال كل شوية يتصل بيا ويقنعنى وانا اتخنقت بجد
وبرضو قولت اللى انا شايفاه ومقتنعة بيه
ولدرجة الزن بتاعه فكرت اقوله انى هقول نعم كده وخلاص علشان يسكت بس حسيت مش هحترم نفسى
لازم ابقى اد اختيارى وطالما شايفة نفسى مش غلط يبقى كل واحد حر
وده استفتاء يعنى طبيعى فى اختيارين وناس هتختار ده وناس هتختار حاجة تانية
واحنا عمالين نقول ديمقراطية هى دى الديموقراطية بقى انه يفرض رايى
انتى عارفة لو كنت قولت نعم كنت هبقى متضايقة جداااااااااا وهفضل مخنوقة

ده حتى فى ست كده شكلها ست بسيطة يعنى ومش بتشتغل داخلة اللجنة تقولنا قول نعم عايزين نخلص بقى طيب نخلص من ايه ياحاجة8o|

بالنسبه لجوزك برضه هقولك كل الرجاله كده عشان هما كده ده بججججججججججد معلش سيبك منه واطمني علي نفسك انتي يابنتي التدوير علي دكتور دم مش صعب اوووي كده كلمي عادل يقولك او اسالي في دليل التليفونات بسيطه يعني هو جوزك في باله طبعا بس مكبر مخه مش عايز يتعب والله جوزي كده هيموت ونفسه في عيا بس مش عايز يتعب عايز يشتريهم من السوبر ماركت فده كده هما مركبين علي قلبهم مراوح غيرنا خاااااالص
متزعليش واسعي انتي حتي اطمني علي التحاليل والعلاج ياستي وخلاص

ياشوشو ماشى كلهم كده بس احس باهتمام حتى لما اقوله كذا يوم ورا بعض اسال لى على دكتور ومايعبرنيش ده يبقى ايه
حتى بعاتبه من شوية ماعبرنيش وماردش عليا ونام :mad:
ده انتى يابنتى مابتشوفيش لهفته على اى عيل صغير حتى فى الشارع وانا ببقى بتقطع من جوايا والله وبموت
طيب انتى عارفة فى التحرير لقى بنوتة صغيرة كان عايز يشيلها من ابوها يتصور معاها
شوفتى حرقة الدم :'(:'(

حبيبة امها 4;14742110:
دينا

ما جايز هو مش مبين مش عاوز يزعلك
والله احسن يا دينا
احسن من حرقة الدم اللى انا فيها

لا ياشيرين ده مش حكاية مش عاوز يزعلنى ده اسمه برود
هو يعنى لا يسم بدنى بكلام يحرق الدم يا اما يبقى بارد
الرجالة دى ماعندهاش وسط

ربنا يهديهم

السلاااااااام عليكم

ازيكو يا بنات وحشتووونى

انا متابعاكو من بعيد :(


دينا
معلش بجد ما تزعليش فعلا كل الرجالة كده
هم مش زينا فى الموضوع ده

ربنا يصبرك يااارب :)



اموونة
يااااااارب تكونى حامل ياااااااارب



شوشوو
توصلى بالسلاامة يا قمر وحلوة فكرة حماتك تقعد عندك
كده احسن هيبقى اريح ليكى بردو

ربنا معااكى ياارب :)
اهم حاجة بقى النية

ياااه ثوابها كبيير اووى ان شاء الله يا بختك :D




مانياااااا
حمد الله ع السلااااااااااامة
نورتى بيتك :)




ميرا
ياسمين
شوشو
فلاورز
مى
فجر
ماجدة
سمر
اسماء
تميمة
ريرى

اخباركو اييييه :)

انا كمان قولت لا لا لا انا و جوزي و اخويا و حمايا وحماتي بابا بقي قال نعم ....... دينا حبيبتي روقي كده و ربنا معاكي يا حبيبتي بس برضو هقولك الرجاله كلهم كده بججججد يا اما واحد مش مهتم يا اما واحد يفضل يسأل فيكي البيرود جت ولا لسه وحاجه تخنق علي فكره انا لحد دلوقتي مش عارفه جوزي من انهي نوع شويه يبقي ولا علي باله و شويه يبقي هيموت علي العيال حاجه تحيررر ....... انتي بقي حاولي تهدي نفسك شويه و بلاش العياط بالله عليكي ولو عايزني اسألك الدكتور بتاعي علي الحاله بتاعتك وحلها ايه قولهالي بالتفصيل و انا بجد و الله اسألهولك انا رايحاله بكره ان شاء الله يادودو اوكي يا حبيبتي

اخبارى انا بقى

البيريود جت يوم الجمعة :(

يعنى تاخير 8 ايام

الحمد لله على كل حاال


والنهاردة كان اليوم التانى وروحت عملت التحاليييل اخيييييرا
النتيجة بكرة ان شاء الله

ادعووولى :)



اه وكمان روحت الاستفتاء انا وجوزى
وقولنا نعم :)




يالا اشوفكو على خييييييير :D

ربنا يحفظ مصر
هى نتيجة الاستفتاء هتبان امتا

حد سمع يا بنات تحليل الكلور اللى بيقولوا علية

دينا حمدى;14741968:
ازيكو يابنات
انا روحت الاستفتاء انا وجوزو وبنت خالتى

وعمى قال ايه زعلان منى لا وزعلان بجد وكلمنى رخم عليا خلانى قعدت اعيط كل ده علشان قولت لا للتعديلات


فى بقى حاجة خنقانى اكتر الا وهى جوزو
بمهنى انه حاطط ايده مش فى الماية الباردة لا دى ماية متلجة

بت يا دينا بطلي هبل , من حقك انك تبقي ام , اذا كان جوزك مش مهتم او حاطط ايده في ماية متلجة , دوري انتي واسعي , اعملي سيرش ودوري واسألي البنات على فتكات وغيره من المنتديات على دكاترة دم , انتي مش صغيرة وتفكيرك في الامور دي احسن من جوزك لانك فاهمة اكتر منه في الامور الحريمي ده

اسعي انتي في الموضوع وملكيش دعوة بجوزك , خليكي ناصحة يا بت , اتعبي انتي في الموضوع ده وخدي غرضك منه واحملي وبعدين اديله استمارة 6 , يعني يطلع ينام في الصالة هههههههههههههههه

وبالنسبة لعمك طنشي خالص , كنتي قوليله انا حرة ومش قاصر , فكرت ولقيت اني لما اقول لا احسنلي, لكن يخليكي تعيطي ؟ تسدئي انتي عيله :)

shoshet*himo;14742044:
يا بنات حرام عليكم نفسكم ايه القلق والتوتر ده ولا كلامي جاب اي نتيجه قال بس مقتنعين بيه قال

امونه وشيرين مش كده يا حلوين حررررررررام عليكم نفسكم وازواجكم بجد ممكن لا قدر الله من توتركم ده هو اللي ماخرها مع العلم شيرين لسه معادها اصلا ياشرين فكيها مش كده وتعيطي ليه بس سبيها علي الله يابنتي

حاولت اهدي نفسي مقدرتش يا شوشو وربنا ما يوريكي حالتي وانا بحلل , حسيت ان الدورة هتنزل , وبقيت ماشية في الشارع مش شايفة ادامي , وجوزي قاللي انا غلطان اللي وديتك تحللي , قالولي النتيجة بكرة بالليل, يارب اجبر خاطري ياااااااااااارب

أجمل ايام العمر;14742048:
انا روحت الاستفتاء و قلت لا و بيللا عذبتني و اتشوينا في الحر

النهارده كان الجو فعلا حر بره , بس شاطرة انك قلتي لا , انا كمان جوزي قال لالالالالالالالا:)

محبة_الرسول;14742794:
السلاااااااام عليكم

ازيكو يا بنات وحشتووونى


اموونة
يااااااارب تكونى حامل ياااااااارب

:)

ازيك يا علوش , متابعانا من بعيد ليه يا جميل؟

هيا الدورة جاتلك ؟ولا لسه متاخرة؟

وربنا يتقبل منك يارب واحمل انا وكل البنات هنا يارب

تحليل الكلور ده فشنك يا شوشو

انا عملته وطلع اني حامل من 3 شهور ههههههههه وبعدها جاتلي الدورة


علياء

ربنا يطمنا على تحليلك يارب , بس تاخير 8 ايام كتير اوي , التحليل هيبين ايه المشكلة

د\امونة;14743659:
تحليل الكلور ده فشنك يا شوشو

انا عملته وطلع اني حامل من 3 شهور ههههههههه وبعدها جاتلي الدورة


علياء

ربنا يطمنا على تحليلك يارب , بس تاخير 8 ايام كتير اوي , التحليل هيبين ايه المشكلة

ربنا يرزقك يارب ويرزقنا

اول ما تعرفى التحليل تدخلى تعرفينااااااا
عشان ان شاء الله خير
وتعطينا امل

اموونة
ان شاء الله كلنا نحمل قريب ياااااارب :)

وفعلا 8 ايام كتيير اووى


لما اجيب النتيجة هبقى ادخل اقولكو ان شاء الله

ويااارب خييييييير :)

محبة_الرسول;14742794:



دينا
معلش بجد ما تزعليش فعلا كل الرجالة كده
هم مش زينا فى الموضوع ده

ربنا يصبرك يااارب :)

)

يارب يا محبة:)

magda 1;14742813:
انا كمان قولت لا لا لا انا و جوزي و اخويا و حمايا وحماتي بابا بقي قال نعم ....... دينا حبيبتي روقي كده و ربنا معاكي يا حبيبتي بس برضو هقولك الرجاله كلهم كده بججججد يا اما واحد مش مهتم يا اما واحد يفضل يسأل فيكي البيرود جت ولا لسه وحاجه تخنق علي فكره انا لحد دلوقتي مش عارفه جوزي من انهي نوع شويه يبقي ولا علي باله و شويه يبقي هيموت علي العيال حاجه تحيررر ....... انتي بقي حاولي تهدي نفسك شويه و بلاش العياط بالله عليكي ولو عايزني اسألك الدكتور بتاعي علي الحاله بتاعتك وحلها ايه قولهالي بالتفصيل و انا بجد و الله اسألهولك انا رايحاله بكره ان شاء الله يادودو اوكي يا حبيبتي

ربنا يخليكى ياماجدة يارب
هو انتى بكرة رايحة لدكتور مين؟
وهبعت لك التحليل لو قدرتى ماشى ولو مانفعش يبقى مش مشكلة ياقمر :)

حبيبة امها 4;14742896:
ربنا يحفظ مصر
هى نتيجة الاستفتاء هتبان امتا

يابكرة يا بعده

حبيبة امها 4;14743325:
حد سمع يا بنات تحليل الكلور اللى بيقولوا علية

ولا ليه اى لازمة
ده عبط

د\امونة;14743644:
بت يا دينا بطلي هبل , من حقك انك تبقي ام , اذا كان جوزك مش مهتم او حاطط ايده في ماية متلجة , دوري انتي واسعي , اعملي سيرش ودوري واسألي البنات على فتكات وغيره من المنتديات على دكاترة دم , انتي مش صغيرة وتفكيرك في الامور دي احسن من جوزك لانك فاهمة اكتر منه في الامور الحريمي ده

اسعي انتي في الموضوع وملكيش دعوة بجوزك , خليكي ناصحة يا بت , اتعبي انتي في الموضوع ده وخدي غرضك منه واحملي وبعدين اديله استمارة 6 , يعني يطلع ينام في الصالة هههههههههههههههه

وبالنسبة لعمك طنشي خالص , كنتي قوليله انا حرة ومش قاصر , فكرت ولقيت اني لما اقول لا احسنلي, لكن يخليكي تعيطي ؟ تسدئي انتي عيله :)

مانا تعبت يا امونة انا كل حاجة بفكر فيها واعملها وابحث واسال ودماغى شغالة على طول وهو فى الطراوة
هو على فكرة كده فى كل حاجة مش فى الموضوع ده بس
بس انا تعبت ولما اقعد اقوله على الحاجة كذا مرة يقعد يقولى انتى زنانة ويتخانق معايا يعنى لا عاجبه كده ولا كده ربنا يهديه
غير كمان ان من كتر ماروحت لدكاترة وانا اللى جيباهم واقعد اغير كل شوية بيقولى مابقيتش اثق فى رايك طيب اقوله دور انت يطنش
المفروض بقى اعمل ايه؟8o|
وبعد ماخد غرضى منه على رايك هبيته على باب الشقة مش فى الصالة :lol:

وبالنسبة بقى لعمى فانا ليا عمين وده عمى الصغير تفكيره محترم جدا وبيعجبنى وانسان فعلا متدين وانا بحبه جدا بس مش عارفة ايه بجد اللى حصله فى الموقف ده
انا متفاجئة من رد فعله جدا
بس انتى بتزعلى من الانسان على اد عشمك فيه فعلشان كده نفسويتى متاثرة منه هههههههه