شات منتظرات الحمل وامهات الستقبل القريب بإذن الله (بنات مصر)لشهر ربيع ثانى

دندون
انا عارفه الاحباط اللي الرجاله بتجبهولنا وطبيعي ان احنا اوقات بنتخنق ونقول خلاص اشمعني انا لوحدي اللي هعمل كل حاجه.بس عارفه الراجل بيشتغل وعنده مشاغله لكن احنا بس كل دماغنا شغاله علي الحمل فشي طبيعي احنا اهتمامنا اعلي فمعليش خليكي انتي اللي بتسعي .اضحك والله جوزي من سنتين بيقولي هروح لدكتور علشان اتعالج ولغاية يومنا هذا مش هكدب واقولك مرحش لا راح من ٣ شهور والدكتور قاله يعيد تحاليله ويجيله ولغاية دلوقتي مرحش ولا اصلا عمل التحاليل مع اني لما بتخنق منه بقوله ده انت لو كنت من اول ما عرفت اتعالجت كنا خلصتنا من القرف والدكاتره والعمليات اللي احناوشغالين فيها وشوفي مع كل ده هو اللي كان بيجي يقولي انا عايز اروح للدكتور مش انا اللي كنت بزن عليه لكن اكيد غصب عني بيجي اوقات واتهمه بالاهمال لانه مقصر مش بس في حق تفسه لا في خقي انا كمان بس برده تلاقي في اباخر الست هي اللي بتسعي حتي لو عشان جوزها مش عشانها فمعليش يا كوكو استحنلي احنا حمالين قسايه والهم وربنا هيكرمك قريب باذنه

صباح الفل شيري انتي معادك امتى يا سكرة؟

لحظةحب;14749314:
صباح الخير يا قمرات مصر وحشتوني

ميررا
وحشاني يا جميله بصي بالنسبه ليا لو كنت صوت كنت هقول لا بس لاسف انا مصوتيش متعرفيش كان نفسي قد ايه

مانيا
قوليلي هو انتي ليه متبتدئيش بالحقن بدل بالكلوميد مدام استجابتك ضعيفه معاه وكمان ليه الدكتوره لما روحتيلها مزودتلكيش جرعة الحقن ديه جاجه طبيعيه لما الاستجابه بتبقي ضعيفه بيزودوا الجرعه.وبصي بقا الاطفال دول رزق ياما ناس بيقولهم الدكاتوه مستحيل تحملوا خالص وربنا بيرزقهم بطفل واتنين وتلاته فمتقارنيش حالك بحد بس خلي حملك علي الله وادعيه ييسرلك امورك ويهديكي للخير.وانا ليا راي انا عارفه ان دكاترة الخاص في دول الخليج غالين بس ليه متروحيش لدكتور بره تقوليله الحاله وانك جربتي الكلوميد وعايزه تجربي الابر بس او تزودي الجرعه انا لما كنت بنشط اول جوازي دكتورتي اديتني كلوميد خمس حبايات في اليوم غير الابر وتشوفي رايه ايه.او لما تروحي لدكتورتك تاني اساليها ليه منبداش بابر علطول.معليش رغيت كتير

ياسمينا.. أنا فعلا جوزي اتحايل علية كتييييير اني أروح خاص و أنا اللي رافضة... رافضة عشان علينا التزامات كتير أولى..و مش عايزة أشيل هم مصاريف العلاج كمان...و زي ما انت عارفة انه هنا غالي موووت.. و كمان اللي مخليني مكملة في الحكومي اني رحت خاص فعلا الأول و كلامهم و العلاج بتاعهم ما اختلفش عن اللي قالوهولي في الحكومي.. فلما الاتنين لقيتهم زي بعض مشيت مع الحكومي بقى ... و بعدين احنا هنا في مدينة معندناش مركز خاص مشهور او معروف يعني بعلاج الحالات دي... و مش عايزة أعك و أروح لأي حد...
أما بخصوص ليه باخد كلوميد.. لان كل الدكاترة أجمعوا اني لازم الأول امشي على الكلوميد على الأقل 6 شهور قبل ما ابتدي في الخطوة اللي بعد كدا.. فأنا الدكتور مشاني على الكلوميد 3 شهور فقط و لما لقى مفيش نتيجة خلاني أمشي على كلوميد مع الإبر .. بقيت اخد 3 حبات كلوميد في اليوم و بعده ابتدي حقن.. بسلازم كل يومين اروح اعمل سونار عشان نطمن على التبويض ...و هو بيزودلي بالتدريج عشان ما يحصلليش فرط تنشيط... فاحنا كدا ماشيين صح...
أنا بس لما رحت مصر الصيف اللي فات لان الوقت كان ضيق فالدكتور ابتدى معايا بالكلوميد مع حقن لمدة 8 ايام بس هو بنفسه قالي المفروض مابتديش كدا و نبتدي بالتدريج بس عشان مفيش وقت....و تعبت جدا من جرعات التنشيط المهولة دي...مع العلم انه مشاني على كلوميد مرتين في اليوم و حقن 8 ايام ووصلت لتبويض كويس الحمد لله و البويضة حجمها كان 23 تقريبا.. هنا في السعودية الشهر ده زودولي جرعة الكلوميد ل 3 مرات في اليوم و باخد حقن و بعمل سونار لحد ما نشوف البويضة حتحن علية و تكبر امتى ..
فأنا لو شايفاهم في المستشفى ماشيين غلط أو بيعكوا.. كنت تنازلت و سمعت كلام جوزي و رحت خاص ...لكن انا شايفة كدا سليم ..بس مستتقلة الموضوع و تعبت من الحقن...و الدوا و العلاج...بس لازم أصبر... انا ببقى عادي في الأيام العادية.. بس لما بعمل سونار و الاقي التبويض ضعيف بكتئب..بس برجع تاني لنشاطي عادي ....ربنا كريم يا رب..

مانيا ربنا يهديكي للطريق السليم .. ياسمينا فاكرة صاحبتي اللي قلتلك حملت و تحليل جوزها مليون و 200 الف ؟ ما شاء الله تبارك الله حامل تاني و جوزها راح حلل كان 900 الف المرة دي و هو اصلا مكنش يعرف ان مراته حامل لانهم مكنوش متوقعين الحمل خااااااالص سبحان الله .. عقبالك زيها يارب و نفرح النهاردة بامونة يارب

ازيكم يا بنات

معلش انا ملخومه بحضر في حاجتي بقا بس كل شويه ادخل اطمن عليكم

منايا انا كنت بروح اتايع يعني اشوف البويضه بعد المنشط اليوم ال 12 او ال 13 التاسع ده بيكون بدري شويه وطبيعي تكون صغيره باذن الله علي اليوم ال 13 تكون بقت كلبوظه كده وحلوة ههههههههههههههههههه


امونه باذن الله اول ما تجيبي التحليل لازم تطمنينا ضرووووي اتصرفي حتي لو مافيش نت


ميرا يا قمر انا لو كنت في مصر كنت هقول لالالالالالالا للاستفتاء ده

وانا جبت لماما ساعه يد روعه وطرح كانت طلباها مني اصلا الطرح الخليجي دي وجوزي جاب لمامته خاتم دهب وبس خلاص وجبت لاخواتي البنات كل واحده مكواه للشعر زي بتاعتي وبس كده

بابا واخواتي البنات واجوازهم راحوا صوتوا امبارح اختي الصغيره بكلمها امبارح بتقولي بابا واختي وجوزها عمالين يقنعوها تقول نعم بكل الطرق وبعصبيه ريحتهم علي اد عقلهم ههههههههههههههههه وقالت لهم طيب خلاص هقول نعم وراحت قالت لا بتقولي لو كنت سمعت كلامهم مكنتش هحترم نفسي تاااني هههههههههههههه بجد والله متتصورورش فرحتي انا وجوزي باللي شوفناه امبارح في التلفزيون بخصوص التصويت حاجه تشرح القلب والناس مش زهقانه من الزحمه وكله مبتسم بجد حاجه تفرح

Bossy22;14747766:
اموووووووووونة يا بت التحليل الرقمى بيطلع بعدها بنص ساعة سيبك من البرج وروحى مستشفى انا عملته فى كليوباتراا و ادخلى طمنينا ضرورى

مكنتش اعرف يا بوسي الحكاية دي , انا فاكرة ان التحليل بياخد وقت , يلا مش مشكلة كلها كام واعرف , ربنا يهون عليا

أجمل ايام العمر;14748374:
انا في بيللا التحليل الرقمي الراجل قاللي تاني يوم بس لقاني بعيط و منهارة قاللي هكلمك كمان ساعة و اقولك النتيجة بس متقوليش لحد اني قولتلك .. ربنا يطمنا عليكي يا امونة

ياريتك قلتيلي يا هدى كنت عملتلهم مناحة هناك :)

ده انا وبكل براءة بقول للدكتور مش ممكن التحليل يطلع قبل 9 ونص راح قاللي كلمينا على الساعة 7 كده ههههههههههه , قلتله طيب كويس :D

manyaa;14748949:
صباح الخير يا بنات.. انهاردة تاسع يوم من البريود.. و انا كنت واخدة كلوميد من اليوم التاني للسادس و بعدين حقن تنشيط اليوم السابع و التامن .. و رحت عملت سونار انهاردة و مازال التبويض ضعيف و مفيش بويضات تتقاس أساسا.. و الدكتورة قالتلي اخد حقن يومين كمان بكرة و بعده و اروح اعمل سونار تاني.. ادعولي يا بنات بالله عليكم.. انهاردة و انا مستنية دوري في الأشعة قعدت جنبي واحدة و بندردش في حالتي و كدا و لما عرفت عندي ايه قالتلي ..انا اختي كان عندها زيك كدا و يا حرام ما حملتش خالص لحد دلوقتي ما بقى عندها 40 سنة و لسة مفيش أولاد....
انا عارفة انها ما تقصدش. و أنا مش زعلانة منها والله .. بس بصراحة قلبي انقبض...:( ربنا يستر يا رب و يصلحلي الحال .

انا مش عارفة اوي في حكاية المنشطات دي , بس بتهيألي لو ليها جرعات المفروض الدكتورة تزود الجرعة لو جسمك مش بيستجيب يا منمن

اتناقشي معاها ولو اني عارفة ان مفيش احسن من دكاترة مصر , وباذن الله لما تنزلي مصر الدكاترة هنا هيريحوكي اكتر , وبلاش الهبل بتاع ان قلبك ينقبض من كلام الناس , خلي ايمانك وثقتك بالله اكتر من كده , احسني الظن بالله يا منمن , اعملي اللي عليكي للاخر وادعي وربنا مش هيضيعك

حبيبة امها 4;14748983:
والله يا بنات انا معتش بنام
وجوزى بيقولى ليكون فى مشكلة مش عارفين نكتشفها
مخوفنى قوى
انا هموت من الخووووووووووووووف

شيرين , انتي معيشة نفسك في رعب فظيع ليه كده, طبعا انا مش عارفة كلام جوزك ليكي ايه و بس متخليهوش يأثر عليكي كده , انتي كده تبقى شخصيتك ضعيفة جدا ادامه , انا لو منك هقوله انا سليمة زيي زيك ولو في حاجة غلط يبقى احتمال 50 في المية تكون غلط عندك انت , ولو انت ايمانك بالله ضعيف للدرجادي , انا عندي امل في رحمة ربنا وهكمل علاجي عادي , بس ابسط حقوقي انك تراعي مشاعري لان مش انا بس المسؤولة عن تاخير الحمل, ومع كده انا عمري ما جرحتك

يا بنات قررت باذن الله اجيب فلاشه موبينيل لان خطي بتاع مصر موبينيل وشبكته حلوة بس دلوقتي هو ب 100 وكل شهر 50 ولا الفلاشه ببلاش وندفع كل شهر حد ياكدلي امونه انتي عندك فلاشه قوليلي؟؟

أجمل ايام العمر;14750007:
مانيا ربنا يهديكي للطريق السليم .. ياسمينا فاكرة صاحبتي اللي قلتلك حملت و تحليل جوزها مليون و 200 الف ؟ ما شاء الله تبارك الله حامل تاني و جوزها راح حلل كان 900 الف المرة دي و هو اصلا مكنش يعرف ان مراته حامل لانهم مكنوش متوقعين الحمل خااااااالص سبحان الله .. عقبالك زيها يارب و نفرح النهاردة بامونة يارب

ماشاء الله ربنا يتم عليها بخير , ربنا كريم اوي يا بنات


ماما كلمتني الصبح تتطمن الدورة جت ولا لأ, مقلتلهاش اني حللت عشان متتصدمش لو مفيش حمل, قالتلي روحي حللي يا بنتي , قلتلها هشوف يا ماما , حتى مقلتش كل سنة وانتي طيبة

هستنى نتيجة التحليل وباذن الله ربنا هيكرمني وهفرح قلبها واقولها اني خبيت عليها عشان افرحها, املي في كرم ربنا ملوش حدود

شوشو انا عندي فلاشة اتصالات

جبتها ب 100 جنيه وعاملة فاتورة محددة ب 50 جنيه كل شهر

اه يا امونه ممكن بتاعت موبينيل تكون ب 100 برضه لما اشوف ربنا يسهل
وباذن الله تفرحي ماما وتفرحينا كلناااااااااااااا

بيقولو نتيجة الاستفتاء هتطلع النهاردة بالليل

يارب لأ يكسب ونعم يخسر ههههههههههههههه

د اسماعيل ابو الفتوح على قناه الحياة الموف

هههههههههه كدا يا أمونة عايزة لأ تكسب.. و نعم تخسر... هي ماتش كورة ؟؟؟!!!!!!!!!! عموما النتيجتين حلوين..كل الطرق تؤدي إلى روما..
و يا رب يا رب يا رب تكوني حامل يا أمونة ياااااااااااااااااااااارب...طيب ما تتصلي دلوقتي بالمعمل و اسألي على النتيجة..أكيد طلعت معقول يتأخروا كل ده :)

مش عارفة اتصل بالمعمل يا منمن لان مفيش رقم خاص بالفرع بتاعهم مفيش غير الرقم العام بتاع كل الفروع اللي 19191 حاجة كده يعني

وكمان مش معايا رصيد اكلم الرقم العام ده ههههههههههههه, اصله اغلى من العادي

انا ممكن اروح المعمل بس جوزي منبه عليا مطلعش من البيت عشان محدش يخطفني :)

بصراحة انا دلوقتي هادية ومش عايزة اعرف لاني مبسوطة بالامل اللي جوايا ,لو كلمت المعمل او اتوترت هيغمى عليا, هستنى جوزي , انا قلتله يجيب التحليل وميشوفوش خالص , لان لو بان على وشه زعل مش هعمله الاكل وهسيبه من غير اكل :)

هستنى جوزي يجيب التحليل واعمله الاكل وبعد ما يخلص اكل هنشوف التحليل سوا

امانى متخديش بكلام الست دى كل حالة و ليها ظروفها و ان شاء الله ربنا يكرمك قريب هى بس اموونة باذن الله تطلع حامل و الشات كلله هيكررر وراها باذن الله بت يا امووونة يعنى النتيجة هتطلع بعد اد ايه من دلوقتى انا متفالة اوى الحمد لله ربنا يفرحنا النهارده يارب

حسب كلام المعمل يا بوسي النتيجة هتطلع بس 6 ساعات بس جوزي هيعدي عليهم بعد الشغل يعني كمان 4 ساعات يشوف التحليل خلص ولا لأ

امونة هي الدورة اول مرة تتأخر كدة؟؟

انا زدت 2 كيلو فجأة و محبطة جدا مع اني ملخبطش خالص

امونة
ان شاء الله خير

ازيك يا هدى وازى بيللا