لمة الليبيات الجزء 15 لشهر ربيع الاول

في عشي;14545401:

يابنات بالله عليكن توبن الي الله جميعا وكل كلمة تقال عليها رقيب عتيد ومحاسبون عليها امام الله سبحانه وتعالى

أضعف الإيمان:كلمة حق عند سلطان جائر

الموقف مايتحملش الابادة الجماعية هذي لابناء ليبيا العزل من السلاح

معقولة اي عقل واي منطق يتقبل ا المعارضة هما اللي خاشين لبلاد وجيبين وشارين مرتزقة علشان ايقتلو الشعب والجيش والقيادة
او الشعب من الدخل هو الذي مجندهم
انتن قلتن بلاد امن وامان باهي وين الامن اللي يخلي قوات زي هذي تدخل لبلاد وتتمركز وادير قواعد واتجيب مرتزقات وقوات ومعدات خارجية بيش يقتلو الشعب

اذا وين جيشنا وين رداراتنا وين استخباراتنا لعند هما اقدرو ايديرو هكي عيب والله عيب

اتضحكن في العالم علينا وتغيبن في الحقيقة مثل ماهي مغيبة من النظام,,,

باهي اقرب مثال في الصباح فرحتن وقلتن بعثو لكل الموبيلات رصيد بقيمة عشرة دينار وتوا اتعيطن واتقولن طلع فيروسوحرق الشفرة باهي شنو الغرض من هكي
علشان يقطعو الشعب عن العالم الخارجي ومعش حد يعلم شنو صاير والمعروف لكل اللبيبين وللعالم ان شركة الاتصالات مملوكة لي محمد القذافي ,,,
خلاص نفاق خلاص كذب على انفسنا الحقيقة واضحة عندكل الليبيين من هو الذي يفعل في ذلك وكذلك العالم ,,,,,,,

بالله عليكم توبو الي الله جميعا وقولو الحق لعلى الله يستجيب للدعاء ويرفع عن شعبنا واهلنا هذة المجازر ويحقن دماء رجلنا

اليوم واسعة بس بعدين فيه حساب وعقاب وجنة ونار والسكت على الحق شيطان اخرس وكلنا انتقابلو امام واحدا احد وكل انسان ماينفعه غير عمله
لابوه ولاامه ولاغيرهم ......

حرام عليكن انت تدعن بالنصر لناس ايقتلو في هلكن خوتكن وابهاتكن ورجالتكن الموت قريبه منكن وياريتني معكم قولن كلمة حق اتقابلن بيها وجه الله ...........
وبسم دمي الليبي وغيريتي على بلادي وشرفها وشرف كل بنت ليبية معرض للهتك من قبل افارقة مرتزقة
انقولكن اني ما يشرفني نقعد في لمه فيها ناس تدعي بالنصر لناس اتقتل وتهتك في اعرا ض
الشعب الليبي الذي باذن الله مؤيد بجنود من الله لنصرته في دحر هذا الظلم لانهم قالو كلمة صدق في وجه سلطان ظالم وهذة اهم اسباب النصر لهم...........

قال رسول الله صلى الله عليه وسلم:" المكر والخديعة والخيانة في النار"
وقال تعالى:{وَيَمْكُرُونَ وَيَمْكُرُ اللّهُ وَاللّهُ خَيْرُ الْمَاكِرِينَ

وقال عز وعلا: {أَفَأَمِنُواْ مَكْرَ اللّهِ فَلاَ يَأْمَنُ مَكْرَ
اللّهِ إِلاَّ الْقَوْمُ الْخَاسِرُونَ} الأعراف {99}.

اللهم اشهد فاني قد بلغت وحسبنا الله هو نعم الوكيل