لمة الليبيات الجزء 15 لشهر ربيع الاول

لا يا بنات ما تخافوش

راهو الارضى يخدم ما فيشى مشكلة

بس المشكلة انه الاعلام معتم على كل شئ
والاشاعات كثرث

ما حدش فاهم شئ

ربي يحمينا

حلا يهد\يك الهادي ..... تاكدو من الخبر يا بنات ........ اعصابي خلاص ... واللهي من حرق الاعصاب وجهي اتعكرش

بنات بالله نداء من ليبيه لليبيه اللي تقدر اتطمن البنات اللي هانا علي اهلم تكسب اجر وتواب
جاراتي يتصلن بيا يبكن يبن يطمنن عل هلهم ممكن اللي تسكن في منطقه معينه اتقولنا الوضع

تعرفوا الاعلام هول الموضوع حسيت روحى عايشة فى مجزرة

ربي يسامح كل من طلع اشاعة

يلا يا بنا ت كل وحدة تكتب منطقتها وطمن الناس اللى برا


تاجوراء : الطايرات اللى كانت تحوم وقفت ما فى شئ توا بس الناس متاهبين لو فى مرتزقة

ولا فى رصاص ولا قصف

عروس اهلك ... ريفي والا خط تابت ... حاولي طغظ الان الاشاعات هلبة والناس كلها تكلم في بعض .. تعرفي احني ... ممكن الف مرة كلمت اخواتي وحوش حناي وبنت خالي ... حاولي ... وبنسبة لي جنزور اختي قالت والله ما عندنا حاجة هدوء تام ومصار عندهم شي ... وربي يستر واختي كوبر المعاقين ... تمش القدام

بنات الي في الخارج بالله لا مزيدات علي لبنات الي في البلد بنات البلد الله يحفظهم ويحفض اهلهم واهلنا يارب ياسرهم الي هم فيه والله كلنا تعبنا اللهم ما رحمنا يارب

اني نطمنكم .. عل منطقة حي الاندلس .... جنزور ... قرجي الرياضية .. الدريبي .... كشلاف .. طريق السور ... العزيزية ... سوق الجمعة ... بخير ... والمدينة ايضا الساحة الخضرا الاموار تمام ......................................... واني عندي فيهم ناس كل المناطق لي دكرتها ................... وربي يستر علي الساعات الجاية

الخطوط مقطوعة الان الناس يتصلوا بي الاداعات ويكبرو في الكلام ... زي لي كتبو تاجوراء صاير فيها قصف ... وفشلوم ... علاش هدا ...

:'(:'(:'(:'(:'(:'(:'(:'(:'(:'(

الله يحفضكم ان شاء الكل والله ها المحطه بهدلتنا قدام العالم حسبي الله ونعم الوكيل فيها اقسم بالله ماريت زي هكي

الله اكبر فوق كل كادب الله اكبر ... يا رب هدي سر بلادي واحمي شبابها من القتل وسفك الدماء يا رب .... يا رب .... احمينا .. وعمم لنا الامان

البنات الي عايشات بره المغترباااااااااااااااااااات
نداااااااااااااااء
ليكم جميعا ماتخافوش ربي معانا وبعدين صدقوني الي في حوشه مايصرله شئ والليبين كلهم ملتمين اليوم يد وحده ومسكرين حيشانهم ومستعدين والدعاء لي ربي الي هو الحامي الوحيد
وبالنسبه ليا عشان نطمنكم أني نسكن بحدا القياااااااااااده في طرابلس والوضع هدووووووووووووووووووووء ساكن غررررررررريب بس أهم شئ مافيش لاقصف ولا شئ
أطمنووووووووووووووووووووووووو

مدام اسراء;14545725:

يابنات اللى خارج ليبيا وتبى تطمن على اماليها تبعتلى رقم اى حد من عالتها وتوا انى نتصل بيهم ونطمنها


والله لوجه الله وان شألله نقدر انساعد

بارك الله فيك والله عيني دمعت الله يحفضكم وصحيتي

بارك الله فيك اسراء .... مروجة واللهي الاموار تمام والحمد لله ... والشرطة والامن معمم المناطق والطيارات تحوم ...... ربي يكمل الليلة علي خير .......

نجمتين حبيبتي ياريت كل وحده تتكلم علي منطقتها وووووووووووووووووبس لأنه كلنا عندنا أقاربنا وناسنا وأصحابنا في كل المناطق وهكي بيصير تشويش لكثرت الاراء والتناقض كل واحد يحكي عن منطقته وووووبس

وانا نطمنكم على واانا في غدامس وكل شي تمام صح الشباب برا متاهبين لو فيه مرتزقة وبنطمنكم على تاجوراء . حى دمشق .الهضبة الخضراء .............كلهم تمام صح يسمعوا في صوت سيارات وجمهور طالع برا لكن تعتبر دوشة عادية في ظل هاالظروف وقالوا انهم لو فيه ضرب رصاص في الساحة الخضرا يسمعوه فمابالك بقصف معقولة ما يسمعوشي او يحسوا بيه ..........................................
و

انا سوق الجمعه
و الامور هدووووووووووء جدا مافيش اي شي
ان شاء الله خير