لمة الليبيات الجزء 15 لشهر ربيع الاول

يتصفح الموضوع حالياً: 19 (19 من الأعضاء و 0 من الزوار) ‏قهوه الصباح*, ‏مرموم, ‏هنو الدلوعه, ‏سناء على, ‏miid, ‏ليبية 2010, ‏مدام اسراء, ‏مرج حمام, ‏نجمتن, ‏مصراتية لشرقاوى, ‏اميرة الحلوة, ‏ماما اووزا

تعرفو اللمه موليه اتجيب الضغط

بجديات مافيش احترام للآراء و لا تقافة حوار
اللي هدا يبي رايه و اللي هدا صح
يعني كل واحده هي اللي فاهمه و هي اللي صح و التانيين بيبيات هي بس اللي تعرف مصلحتنا



بالنسبه ليا مش ساكته لأن كلامكم صح
بس متأكده انه حوار عقيـــــــــــــــــــــم
فياريت
تحترمو السكوت و خلاص اللي عندها راي قالاته و مافيش داعي اتكدبو بعض و تفرضو ارائكم العبقريه ع بعض

ياربييييييييييييييي ياربي

.............. بيكا ... تحكي علي الليلة يا بنات ..... انهم الراجلة بيطالعوا ... واللهي تاجوراء ما فيها حاجة والبلاد مقلوبة تضامن ... مع معمر لا اكتر

حلا حبيبتي حالنا زي حالكم

طيارات فوقنا
و رعب وسط تعتيم اعلامي لا تعرفي تصدقي الجزيرة و لا تصدقي اعلامنا اللي كأنه في كوكب تاني


ربي يفوتها على خير يارب

بنات مانبي اللمه تصكر راني لاقيتها نطمن عليكم وعلي اهلي الاداره تو كانت هانا واحتمال تصكر بليز

يارب


يارب احفظ ليبيا بلادي من كل سؤ


يارب احفظ شباب بلادي البواسل الشجعان اللي عندهم غيرية على بلادهم وارضهم وعرضهم



يارب ثبتهم و انصرهم نصرا عزيزا


هادوم احفاد عمر المحتار

احفاد سالم بن عبدالنبي

يارب احفظ طرابلس وتاجورا ومصراتة والزنتان وكل بقعة في بلادي من شرقها الى غربها ومن شمالها لجنوبها

لالا الطيارات يطلعو من مطار معيتيقه
نسمع فيهم لانه قريب مننا

يا بنات

انا فى الحوش شبه شوية الوضع استقر

بس الجوامع يأذنوا والناس كلها مش فاهمة شئ

يا رب استر واحمي اهلنا وبلادنا

طمنونى عليكم

والله ربك يستر يانجمتين حتى الهدوووووووء يخوف
تخيلي الوضع قعدنا نخافو من الهدووووء

هنو .... حاشة بيكا من الكدب انتم لي فهمتواها غلط ...... قالت انه الليلة بيجمعونا في حوش واحد وهم بيطلعو النصر او الاستشهاد ... ويا بنات ... اني ما قولت انها تكدب ... بس تاكدت من الخبر القصف لي قالته حلا ... وطالع اشاعة من الجزيرة .... واللهي عيب عليك الاسلوب هدا احني في ساعات .. نبوا نشدو في بعض ونطمنوا لي برا ... زي قهوة ومروجة ... وغيرهم ... حراااااااااااااااااااااااااااااااام عليكم ... واللهي الساعة هدي ما فيه حاجة ... الا بس منطقة الزاوية يقال وهدا الخبر من بنت خالي الان راجلها في الامن ... انه رحلوا سكانها ... والله يعلم

علاش بتسكر اللمة هي المتنفس الوحيد

حتى الاتصالات مقطوعة ، كل وحدة تقول على الوضع وخلاص ، بلاش ردود جانبية بليز ، اني حتى التلفزيون حارقلي اعصابي ، مخليتكم انتم الخبر اليقين

ياربي ياربي احمي شباب بلادي ياربي

ان شاء الله خير يا هنو و الله الهدوووء رعب في وضعنا احنا

بيكاااااااااااااااا صار عندكم قصف ...........

مروجة ابعيلي اميلك بليزززززززززززززززز

هنو انتي وين تسكنييييييييييييييييييييي

لا يا نجمتن ما فيش قصف لتوا بس الطيارات ما بطلتش من فوقنا

ربي يستر ما فيش شئ واضح وانا قلت انهم يبوا يجمعونا فى حوش باش يقدروا يحمونا لو خشت مرتزقة

وقسموا روحهم مجموعات فى كل الشوارع

سترك يا ااااااااااااااااااااااااارب

يار ب انصر بلادناااااااااااااا يا رب .... انت تعلم بي خفاينا ... يا رب استربلادنا ... من الكلاب الظالة يا رب