خااااااااااااااص لبنات مصر فقط

نانو...انا هخلي جوزي النهارده يشوف ايه الحاجات الي ناقصه لانه امبارح كان بيقول لف على المستشفيات الميدانية لقى في وفرة ف الادوية وف الدكاترة كمان..لدرجة انهم ماشاء الله بيبدلوا يوميا...وف اليوم الواحد كذا شيفت كمان

ادعيلهم ياهوبا...وحاولي تمنعي اي حد من تشويه صورتهم حتى لو مختلف معاهم

هوبا المساعدة مش انك بس تنزلي طب مانا مش بنزل كل يوم وبقول خلاص في غيري من اهلى هناك دلوقتي وانا صعب اروح لأني ساكنة بعيد فممكن اعمل حاجة تانية وهي اني اوعي الناس ع النت على اد مقدر لأن للاسف زي مقالت واحدة من الناشطين ان البلطجية بقوا ع النت وعمالين يلوثوا ويشوهوا الثورة واقنعوا ناس كتير فاللي علينا دلوقتي نظهر الحقيقة في كل مكان على اد منقدر في التليفون مع اصحابنا في النت في البيت في الشغل في كل مكان
وكمان اننا نجمع الحاجات اللي ممكن يكونوا محتاجينها هناك
ونبعتهم مع اي حد وطبعا لا ننسى الدعواات

كيتي اوك ياريت تسألي جوزك وانا هشوف بابا وصل هناك ولا لسه وبرضه هخليه يسأل

ونحاول نجمع على اد منقدر من كل الناس اللي مش عارفة تروح

ذكرت مجلة "ديل شبيجل" الألمانية أن الرئيس مبارك قد يغادر إلى ألمانيا قريباً لإجراء فحوص طبية فى رحلة تستمر طويلاً.

وقالت المجلة الألمانية إن رحلة علاج مبارك المتوقعة تتفق مع ما تردد من أنباء أن هناك سيناريو لإنهاء الأزمة فى مصر، وفى نفس الوقت لضمان خروج مشرف لمبارك من السلطة.

وعلم الموقع الإلكترونى للمجلة "شبيجل أون لاين" أنه تم اختيار مستشفى فاخر بالقرب من مدينة بادن- بادن، مؤكدا أن التفكير فى زيارة طبية يقوم بها مبارك لألمانيا بات أمراً ملموساً.

ونقل الموقع عن مصادر ألمانية أنه يتم إجراء محادثات مع عدد من المستشفيات الكبرى، وأبرزها "ماكس جرونديج" بالقرب من بادن- بادن.

وكان سياسيون من الحكومة الألمانية قد أعربوا عن استعدادهم استقبال الرئيس مبارك من خلال الرعاية الطبية فى البلاد، وأشار أندرياس سكوكنهوف العضو البارز بالحزب المسيحى الديمقراطى الذى يقود الحكومة: "نحن فى حاجة لانتقال سلمى للسلطة فى مصر، وإذا ما كان باستطاعة ألمانيا أن تساهم فى هذه العملية فعليها استقبال مبارك".

شفتم الخبر ده؟
انا حاسة انه هيسافر و مش هيرجع تانى اولا علشان يهرب من المحاكمة و الحساب و كمان علشان يبقى شكله انه الناس انقلبت عليه و هو مش فى البلد بدل ما يتقال انهم خلعوه و هو فيها
و بعدين حتى لو حكاية الفحوص دى حقيقية ده وقته؟؟؟؟؟؟؟؟؟؟؟؟؟؟؟؟؟؟؟؟؟ الناس بتموت و بتتصاب و هو رايح يعمل فحوصات؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟8o|8o|8o|

ربي يبارك لكم في ثورتكم وينصركم عن الأعداء ان شاء الله

برايت
ده حل من الحلول ..بيدوروا على مخرج كريم له

بس يا جماعة هوا ممكن يسافر وميرجعش ويتنازل عن الحكم وهوا هناك عشان محدش يفكر يقدم فيه بلاغ بتاع من اين لك هذا؟؟

انا موافقه يخرج بأي سبب بلاش حتى يخرج انا عايزاه يتنحى و بببببببببببببببببببببببببببببببببببببببببببببببببببببببببببببس و بعدين نبدأ نتفاوض في اي حاجه تانيه

مباارك اللي كل الشعب زعل و في اللي بكى على حفيده اللي مات وهو قلبه متهزش للشهدا
ليييييييييييييييييييييييييييييييييييييييييييييييييه؟؟؟جبرووووووووووووووووووت
حسبي الله و نعم الوكيل


برايت برايد ربنا يخليكي ويبارك لينا في شبابنا اللي خلونا نرفع راسنا لفوق اوي

بنات قريتوا ده؟؟؟

الآن وأنا أكتب هذه السطور جاء خبر يؤكد أن مصرفًا يديره رئيس وزراء سابق قد فتح باب التحويلات للخارج لعملائه، من دون سقف، ومن دون ذكر أسباب، مع الاكتفاء بالحروف الأولى من اسم من يقوم بالتحويل. الآن أنت تفهم سبب إصرار الحكومة على الستة الأشهر تلك.. هم بحاجة إلى ترتيب كل شيء، وإخراج ما تبقّى في مصر من مال، وشراء القصور في سويسرا والضِّياع الريفية في إنجلترا.. السفينة ما زالت طافية وفيها مسامير وألواح خشب ممتازة.. حرام تركها للعيال "السيس" في ميدان التحرير.

البنك ده المصرف الدولي المتحد...ومديره هو عاطف عبيد...وكانوا امبارح بيتكلموا عنه مع عمرو اديب..
في مادتين ف الدستور بتمنع ان الارصده الي ف البنك ده تتجمد او يستعلم عنها او عن مسارها...راحت فين وجت منين

[YOUTUBE]GeMcYhMOJ1A[/YOUTUBE]
بنات انا معاكوا ياريتنى فى القاهرة وانا كنت اروح التحرير
شوفوا الشباب ازاى بيسلى نفسه فى عز البرد
ربنا معاهم.... شعب جميل

موني انا هرد على سؤالك عن نفسي
ايوا فكرنا ونفذنا...الحمد لله

وبالنسبة للسؤال التاني...اه برده حسيت بيهم وبيصعبوا عليا لانهم ضحايا...زينا زيهم..هما حتى مش مستفيدين وهما ف الشرطة..النهب والسلب بيبقى للناس الي فوق...هما موقعهم الى خلى الناس تكرههم
ولعلمك عيلتي فيها كتييير ظباط جيش وشرطة وحرس جمهوري كمان...وبنحترمهم ونقدرهم...بس الي اقصده اكيد دول هيتكرموا وليهم معاش لاسرهم
طب والي ماتوا؟؟ هل محتاجين الريس يقعد اسبوع لحد ماقال النهارده انه حزين عليهم؟؟؟
هل من حقه يحرم اسرهم منهم؟؟ ويحرمهم كمان من كلمة اعتذار
هل قليل ان الي اتسبب ف ان ولاد مصر يقفوا ف وش بعض شرطة وشعب...يتحاكم محاكمة علنية وترتاح قلوبنا كلنا؟؟

معرفش ليه فاكرة اننا بنتكلم وبس...انا عن نفسي مش بتكلم وبس...ومستعدة اعمل اي حاجه اقدر اعملها

كل الي طلبته ان محدش يسفه من الي تعبوا وشقيوا وباتوا ف البرد 15 يوم عشان مصر
دول رجالة وستين رجالة....محدش يشتمهم ولا يقلل من قيمتهم
في ناس ماتت وزعلنا عليهم واهاليهم قالوا ماكانوش ف المظاهرات
ولما ماتوا الناس ف القطر ولا ف العبارة ماحنا زعلنا عليهم
ولعلمك واحد قريبي...ابن عمتي...مات ف القطر ده :)
ربنا يرحمه

فعشان كدا اهالي الناس دي صعبانه عليا لان محدش بيعبرهم...سيبك من كلام التلفزيون...ودمهم ف رقبتنا وحقهم فوق راسنا والكلام ده
مفيش حاجه بتتنفذ...ومحدش بينسى ولاده
كل واحد له اهل وبيت واسرة بتحلم بيه وبتحلم بمستقبله وبتتمنى تفرح بيه وتشيل ولاده وتشوفه بيكبر قدامهم
مش من حق حد يغتال الحلم ده من غير سبب...لا سرقوا ولا نهبوا

ميس مونى مين اللى قال ان اللى بيخالف ارائنا يبقى خاين ومين اللى قالها؟؟؟؟؟؟؟؟؟
اولا حبيبتى بمنتهى الامانة انا حاسة انك متعصبة ومتوترة مع ان الموضوع كله هادى ومحدش غلط فى حد
وان كان الاحساس ده وصلكوا فاحنا اسفين مانقصدش

ثانيا احنا حاسين جدا بشهداء الشرطة وعايزين نحاسب اللى عمل كدة وخلاهم وسط النار من غير اى ذنب

ثالثا بالنسبة اننا بنزل بطاطين واكل للناس الغلابة
حبيبتى دى اعمال خير المفروض ايدك الشمال ماتعرفش اليمين طلعت ايه فمفيش داعى نجيب ادلة اننا والحمد لله بنعمل كدة

رابعا لو احنا مابنسمعش كلام حد طب ماكنا عملنا جروب عالفيس بوك واتكلمنا هناك ايه اللى يخلينا نفتح موضوع وندعوا كل البنات تيجى ونتناقش؟؟؟؟؟؟؟

خامسا للاسف ياحبيبتى انتى مغلطيش فى المتظاهرين بس غيرك غلط وشتمهم واتهمه بخراب البلد واثارة الفتن المزودة بكل الايات اللى بتتكلم عن الفتنة اللى طبعا ماتعبرش عن الموقف ده لان فى ناس كتير ماتعرفش ان لكل مقام مقال

سادسا كون اننا بنغلط كتير فيه فده من الحرقة والقهر والاحساس بالظلم
حبيبتى احنا مش ضد ومش فريقين كلنا بنحب مصر وكلنا بيحبها بطريقته بس احنا حسينا ان يمكن يكون عندنا شوية اراء ومعلومات غايبة عن ناس كتير

اى حاجة انا معاكى

موني يا قمر

الاجابه على السؤالين بالنسبالي نعم بكل اختصار زي ما طلبتي

في صفحه كدا ارجعي ورا عايزاكي تقريها ضروري كيتي كتباها هتعجبك اووي ان شاء الله

وانا معاكي ان الكلام يكون من غير الفاظ لكلا الطرفين و للرئيس المتنحي باذن الله

انا متباعكو بررضو

ومتغاظه اوى وحاسه انى متكتفه مش عارفه اعمل حاجهوهاين عليا عيط وماسكتش ابدااا من الى بيحصل ده

لانى حاسه انى كنت عاميه مش شايفه حاجه

وبدات اشوف كل حاجه من كام يووم كده من قبل كلامكم

من واحده صاحبتى من الاردن كانت بتطمن عليا وانا طبعا بعد الخطاب بتاع الريس كنت بايده وبشده انا اصلا ماليش فى السياسه اووى ولا كنت ضد ولا مع بس بعد الخطاب كنت معاه طبعا وكنت بقول ايه لازمة بتوع التحرير باه

انما من ساعة ما صاحبتى من الادرن كلمتنى وانا حاسه ان عينيا بدات تفتح واحده واحده

ومش هااين عليا ابداا دم الشهداء الى زى الورد الى مااتو دوله

دى اكتر حاجه واجعاااااااااااانى

حسبى الله ونعم الوكيل

حسبى الله ونعم الوكيل

[YOUTUBE]S7n44IHSB3w[/YOUTUBE]


دمـك مسيحينو..قتلك محليلينو..وطـنـك مبهدلينو..دينك مستهديفينو..صـوتـك هما كاتمينو..حـقـك كمان وكلينو..و أخـوك لـسـه قاتلينو..و باقي الشعب طالع عينو..لو عشت تعيش هفيااا..لو مت ملكش دياااا