خااااااااااااااص لبنات مصر فقط

الله عليكى ياكيتى

انا كمان برشح عمرو موسى كرئيس خلال الفترة الانتقالية بس يحل مجلس الشعب و الشورى و تتعمل انتخابات تانى ليهم و يعدل الدستور بعد كده و ينفز كل الطلبات اللى طالبنا بيها فى ثورتنا
و بعد كده ازا كان عايز يكمل مهمته كرئيس للدولة يرشح نفسه فى انتخابات الرئاسة القادمة مع المرشحين الاخرين اللى هتتطابق عليهم شروط الترشح و كل واحد يقدم برامج انتخابية يشرح فيها سياسته القادمة داخليا و خارجيا و على اساسها الشعب يختار

:thumbs_up::thumbs_up::thumbs_up:
مية مية يا كيتى بس ساعات للاسف محدش بيقتنع بالكلام ده و بحس اننا بنكلم نفسنا
يعنى مثال محدش غيرنا دلوقت(المؤيدين يعنى) بيتكلم فى الموضوع هنا مش عارفة ليه :D و هتلاقى 5 ولا 6 بس اللى بيتكلموا :D
بس برده احنا مش هنسكت و هنحاول و هنحاول لحد ما الناس تفهم :)

معاكي حق يابرايت..وانا قلت قبل كدا اني مش هكتب حاجه
بس نانو قالتلي اننا نقول الي يرضي ضميرنا ونخلص ذمتنا قدام ربنا

انا برضه قلت مش هكتب حاجة بعد ما كتبنا فى التجهيزات و فهمونا غلط بس بعد ما شفت وائل غنيم امبارح حسيت ان انا كده سلبية و لا زم اتكلم لاننا على حق الحمد لله

زى اللى قبله ازاى يا هوبا معلش مفهمتش :)

بصي ياهوبا المشكلة مش ف انه يبقى رئيس..المشكلة ان الريس ده ماختاروش الشعب فيعمل حساب للشعب ليه؟؟
لا الشعب الي جابه ولا الشعب يقدر يمشيه

بالمثل الوزراء بيختارهم الريس...فيعملوا عشان الشعب ليه؟؟؟ الريس بس هو الي بيشيلهم ويحطهم
لا واخد منهم بيتعاقب لما يغلط ولا بيتكافيء لما يدي الناس

بالمثل نواب مجلس الشعب...الي بيجيبهم الحزب فمش بنشوف وشهم الا ايام الانتخابات بس


لو الناس دي جايبها الشعب ويقدر يشيلها هيعملوله الف اعتبار

جت على وزير البيئة؟؟؟
وزيرة القوى العاملة بقالها 7 سنين ف مصر مفيش فيهم حد اتعين

بعتت بنات مصر خدامات ف الدول العربية

شغلت المؤهلات العالية ف شركات الزبالة وتوزيع الخبز
دي تفضل ليه؟؟

ووزير التعليم العالي...ف عهده السعيد طلعت جامعات مصر كلها من التصنيف العالمي

كيتي اقتراحك رائع لان في ناس مش هتقتنع مهما عملتي من الطرفين فدا حل وسط و مفيد جدا

انا واحده بجد مقتنعتش بكلام حد منكم او من غيركم و كنت بعارض اووي ولو اني فعلا زي ما قولت في التجهيزات بدات شويه اشك وطلبت تكملوا كلامكو عشان افهم المضحوك عليا

اما شوفت وائل بجد كان قلم و قوي فضلت اعيط من اول ما ميشي لحد 7 صبح اما نمت
كل دا ندم وتانيب ضمير على الاستهوان اللي كنت فيه
الحمدلله فقت بدري اه مش اوي بس الحمدلله مكنتش هقدر استحمل تانيب ضمير اكبر من دا


معاكوا يا شهدا بلدي و يا ثوااار


بس عندي طلب عشان محدش يزعل منكوا محدش يشكك في حب الراي الاخر لوطنه لان اللي بيشترك في الحوار بيكون حد حابب وطنه و من وجهة نظره كدا الافضل ليها وبما اني كنت من انصار الطرف الاخر دا ف فعلا مكنتش بقول كدا ولا حاسه كدا كرها ف بلدي لا شايفه اني كدا بحافظ على مصر لما صدقت كلامو و خطابو فانتوا اتكلموا على نقط و بالعقل لكن حب الوطن محدش يتكلم فيه لان طالما حد اشترك في الحوار يبقى حد حابب بلده مش حد سلبي لا مؤيد ولا معارض

تسلمي يا نانو للتقيمF:

ماهو ساعتها يا هوبا الشعب هيختار الشخص المناسب انه يتولى الرئاسة و اللى يقدر يحافظ على مصر داخليا و خارجيا
و هو هيبقى عارف انه ازا اخفق هيتحاسب مش زى الاول مفيش حساب
و هو هيحاول يرضى الشعب على اد ما يقدر خوفا من الحساب و المساءلة

انامتابعاكو وبقرا كلامكم
لحد يوم الاربع الدامى كنت بؤيد مبدا ارحمو عزيز قوم ذل
بس قولت لنفسى
دى ناس بتتعامل مع الشعب عن طريق البلطجية والعنف ولما منفعش بداو يسحبو ناعم واستجابو للمطالب وهما اصلا من زمان عارفين فين مصلحة البلد بس كانو عاملين نفسهم عبط وكانو واخدين البلد لجسابهم
ولما الثورة قامت فى اسبوعين كلو ماشى عدل
اه يا نظام ميختشيش
وانا دلوقتى بقول ان لو شباب التحرير مشو مش حيعملو حاجة وحيهدو
انا رائى ان الشباب ميمشيش غير لما تتحقق مطالبهم فى حياة كريمة والشعب المصرى يستاهلها
وربنا يقويهم ويجعله فى ميزان حسناتهم

سأل رجل أجنبي مواطن عربي
ما هي أحلامك ؟
قال العربي : أن أكون حرا وأن اتزوج وأن امتلك منزلا ودخل ثابت و....
قاطعه الأجنبي ...
مهلا أنا اتحدث عن أحلامك وليس حقوقك

برايت عندك حق احنا عددنا صغير اه بس ده قدام ربنا كبير و واحدة واحدة الناس بتشوف الحقيقة فمش لازم ننسحب اكيد ساعات بتجيلنا اوقات ونزهق بس انا برجع واقول لنفسي حرام عليا اسيب اخواتي او اصحابي كده وبعمل ده لربنا اللي عايز يسمع ويشوف ويفتح عقله ماشي اللي مش عايز خلاص احنا عملنا اللي علينا
وتعرفي كمان انا فكرت في حاجة انهاردة لما واحدة ناشطة الجزيرة كانت بتسألها فقالتلهم انا في ميدان تاني انا ع الفيس بوك لأن الحكومة حطت بلطجية يشوهوا الثورة ع الفيس بوك وانها بتحارب في الميدان ده وفعلا الناس دول من قبل الثورة وهما عمالين يشتموا ويبوزوا ع الجروب حتى وائل غنيم اللي كنا ساعتها منعرفش ان هو وائل غنيم قاللنا ان في لجنة الكترونية تبع الحزب الوطني شغالة ع الفيس بوك والنت
فانا قولت يعني اللي في ميدان التحرير دلوقتي اهالينا واخواتنا وكل الناس اعدة تحارب وتواجه الرصاص والبلطجة وميأسوش مهما حصل واحنا نييأس اننا نواجه شوية كلام ع النت؟ فقولت لا اليوم اللي مقدرش انزل في التحرير زي ايام الشغل دي يبقى احارب ع النت واكيد انا بواجه اقل بكتير من اللي هناك في التحرير مهما كان قاسي ومهما كان بعيد عن الحقيقة لأنهم مش شايفين الحقيقة زي محنا شايفينها

على فكرة يابنات انا رايحة يوم الجمعة ان شاء الله ان مكنش غار وغالبا هنروح بالعربية لأقرب مكان حتى عشان هنبقى شايلين حاجات كتير وهنجمع كل اللي نقدر عليه من عليتنا واصحابنا اللي عايز يودي حاجة يقوللي خصوصا الحاجات الطبية هما محتاجينها اوي والبطاطين

هوبا انتي فكرك انه مش عارف الشوارع دي؟؟
طب تصدقي بالله
انا ساكنة ف اكبر شارع ف طنطا...مش شارع البحر لا ... شارع رئيسي فيه اكبر الحاجات الحكومية
المحافظة ..ز بيت المحافظ..مديرية الامن... مباحث امن الدولة... نادي طنطا الرياضي
واكوام الزبالة قربت تسد الشارع...

تخيلي مين الي شالها؟؟؟ الشباب..وبقوا يحطولنا يافطات كدا ان مانرميش الزبالة هنا ونرميها ف المكان الفلاني ونحافظ على بلدنا
انا اصلا كنت برميها دايما ف حتة مخصصة لكدا بس ناس كتير كان ف اقرب حتة واركن ماهو كله زباله اساسا

يومها لقيت حتى الصندوق الحديد مش موجود..والله خدناها انا وبابا ف العربية ولفينا شوارع طنطا لحد مالقينا صندوق رميناها فيه...