لمتنا السورية اهلا وسهلا فيكم لشهر ربيع الاول1432

مساء الفل وكل البساتين

كيف الحلوين ........
زهرة اهلا سهلا فيك نورتينا انا معهم من زمان بس هيك إلي غطات
شامه سلامة قلبها لبنتك وإن شالله أجر وعافية

زهرة المناره;14487665:
صباح الفل والورد والياسمين F:لكل الحلوين F:
لؤلؤه
وشامه
ودمشقيه
والباقيات F:F:
شو هاي الاكله السوده اللي بتحكو عنها ما بعرفها :(
دمشقيه وزني 45 بس :'(:'(
حتى لما احمل ما بزيد فيي الا بطني بس :hysterical:
لما اولد بزيد وزني شي سبعه تمنيه كيلو بنبسط على حالي بعد ست شهور برجع زي ما كنت وانيل :hysterical:

يسعد اوقاتك كلهاااا زهرة كيفك اليوم .. يارب بخير وعافية
والسودة يعني هي نفسها الكبدة .. كبدة الخاروف بس بسوريا منقول عنها سودة :D
ماتزعلي زهرة وزنك حلو والله بس اديش طولك اول وانا متلك بس احمل بزيد وبمحمود وشام وبالتاسع اوصل للستين 60 كيلو فقط
وحاليا وزني 52 كيلو وطبعا انا نازلة يعني من سنة كنت 59 وعم انزل للاسف:(

حزرو شووووو



















الحمدلله ياربي جبرت خاطري

يسعد مساكي لولوة يارب تكوني بخير ومنيح اللي وضحتيلي وبينتيلي الشبه بين المسخن والمارينا هههه
انا والله مرة جربتها بلحمة الكباب وطلعت بتجنن فصرنا نعتمدها هههه واكيد بلحوة وبندورة ودبس رمان بتجنن
اما بخصوص شرحات بالفول فانا والله مابحب الفول ابدا فما بعملها بس بخصوص الشرحات ايش المشكلة اللي عم تعانيها ؟ يعني مافهمت عليكي قلتي جبتي نوع
...؟؟؟ انا كتير بعمل ستيك وبجيبه بقر بجنن بيطلع لا دهن ولا شي وبيطلع تحفة وطري
وماشالله لولوة وزنك جدا حلو حافظي عليه وحتى لو وصلتي للستين كمان حلو

شو شو بنوتة يالله والله العظيم احلى خبر الف الف مبروك وربي يتمملك بالخير يااااااااااااااااااااااااارب
وعقبال كل متمنية ومحرومة ياااااااااااااارب .... شو نقول توئم ههههه ... ليش لاء الله كريم
وانتبهي على حالك منيح والله يقويكي يااارب

اهلين ام سالم والله يخليلك سالم يارب وتقدري تغمضي عنيكي هههههه
وضحكتيني على قصة المنسف انا عم اتشهون خخخخخخخخخخ عن جد ضحكت من قلبي ... وجكارة فيكي بدي اعملو يوم الجمعة ان شالله هههههههههه
منشان اتشهون مظبوط ....
والحمد لله صرت احسن يارب لك الحمد والشكر بس ماخلصت لسى بتعرفي اللتة تبعت الدكاترة
والابر ااااه على الله بس منتحملها قال وجع ساعة ولا كل ساعة والحمد لله اللي اتحسنتي بخصوص صدرك وانتي دائما خليه ناشف في بالصيدليات محارم خاصة للصدر منه بتمنع تسرب الحليب ومنه بتحافظ على صدرك ناشف ماركة جونسون او بيجون

بخصوص هدايا اللي جابهم زوجي الله يحفظلي ياه يارب من دبي هي العطر وريحته كتير حلوة عودة على ياسمين وذكرني بياسمين الشام



وهي العباية كلها سادة لاني مابلبس غير سادة بس عليها تطريز على الاكمام وجدا حلوة خامتها وحياطتها ولونها



وهنا اوضح شوي لحركة الكم واللون وعلى التطريز الماسات صغيرة



وهي طرحتها



وهي الفستان مارح تفهموه ابداااا ويمكن تستغربوا منه بينفك وبصير قطعة وحدة


ولانكم مافهمتو شي صورتلكم كم صورة من عرض السي دي وشوفو كيف بصير وله مية طريقة والله وصورتلكم كم طريقة للتوضيح

اول شي بينفك وبصير هيك



وبعدين ببلشو يبدعو فيه

بصير هيك



وبصير هيك



وبصير هيك



وبصير هيك



وبصير هيك



الخ الخ الخ ... بعرف الصور مو واضحة ... البسو نضارة مو مشكلة هههههه

شو رايكم

ماشاء الله بنوتة الف مبروووووووووووووك وربي يتمملك على خير ويطعم كل مشتهي يارب ديري بالك على حالك من كل النواحي وخصوصا بالاشهر الاولى وربي يقيمك مجبورة الخاطر
دمشقية مبروكين الهدايا العباية كتير ناعمة ومبينة تقيلة والعطر طالما قلتي ذكرك بياسمين الشام معناتها كتيييييييييير حلو تتهني فيهم يارب
اما الفستان فشغلته شغله هههههههههه هلق اذا ضوعناكي منلاقيكي قااعدة قدام السيدي عم دوري على طريقة جديدة للبس الفستان
بس حلوة القطعة النهفة الله يخليلك ابن عمك وتضلي عليه مدلعة
الحمد لله يلي ارتحتي من وجع ضرسك بالي عندك والله
بالنسبة لشرحات جبت مرة قامت طولت لستوت وبقيت متل الكوشوكة مع اننا كنا نجيبها من عند لحام بناني كتير طيبة بس من وقت مشي ماعاد ناسبتنا
بعرف لحمة بقر بس شو بتقوليله ستيك ولا بفتيك عم عذبك معي سامحيني

لولوتي الله يبارك فيكي ويخليلي يااكي يارب ويخليلك بعلولك يارب وكل احبابك
ماقلتيلي شلون ستايلك بالعبايات بالسعودية وبالشام كيف بتطلعي ؟
وبخصوص الفستان ههههههههههههههه والله حووووسة بس طرقه سهلة كتيرررررر يعني مابتغلب بتسللي والنتيجة حلوة منشان هيك زوجي جابه يحرء حريشو شكل الملكان اللي كانت عم تعرضوا ماخلت ولا طريقة تعتب عليها ... منيح ماكنت وشفتها قال لا عين تشوف ولا قلب يحزن خخخخخ

وتسلميلي يارب ان شالله بتطمني على احبابك بالخير دووم اي والله ارتحت من الوجع والله لا يوجع حدا يارب

وبخصوص اللحمة جربي لحمة الدانوب والله بتشهي كتير طيبة وغالبا اللحامة اللي بكونوا فيها اما شوام او لبنانية او اتراك
بخصوص الستيك اطلبيه من اللحام وقليله بدي لحمة للستيك من اما الرقبة او الضهر لانهم اتنينهم بتكون اللحمة فيهم اطرى شي واطيب شي
الستيك لحمة البقر اطيب والشرحات لحمة الغنم اطيب وكمان الرقبة والضهر نفس الشي

الله يسعدك يارب دمشقية ويسلمو بخصوص اللحمة بس نحن ماعنا دانوب بمكة بس رح حاول جرب مرة تانية من لحمة القبة او الضهر متل ما قلتي
يا سلام وكان في عرض لايف للفستان كمان شي ظريف
بالنسبة لستايلي حسيته كتير قريب من ستايلك بحب العبايات المطرزة عناعم بس قد ما عم يخبصو بالالوان صرلي فترة عم اخد مطرز باسود عم حسه استر وممكن متل عبايتك الجديدة البسها للزيارات والسهرات
وبالشام بلبس عباية تعودت عليها بالطريق سبحان الله بس بلبس تحتها بلوز طويل وبنطلونات جينز او قماش او بلوز وتنورة مع طرحة ملونة واول ما بوصل عل المكان بشلحها اخدنا عليها وماعاد رتحنا غير فيها
سنة من السنين اشتريت مانطو لالبسه بالاجازة ماقدرت عليه من الشوب وارتمى بالخزانة

يحرق حريشك يا كاتي ضحكتيني عصبح عطولة للسان الله يقويكي ويلا منتظرين اخبار العزومة بوسة كبيرة لتالا

يسعد صباحك كاتي والله استفقدتك مبارح بس قلت اكيد مع زوجها يالله كويس الله يخليلك ياه ويبقى يجيكي بكير بس مو تقطعينا ههههه ايوا ...

كاني شميت ريحة كيك شووووو .. ساعين ياعين يعني ظبط معك ان شالله ؟ والله يقويكي على لبعزيمة ويبيض وجهك اكتر واكتر
وان شالله تقدري تضبطي اعصابك وعاادي يعني اذا نرفزوكي فانا مع طولة اللسان بهيك مواقع خخخخخخ
عم ننتظرك لا تطولي

يسعد صباحك يارب لولوة ... هلأ اجى باص شام من غير شر وراحت
باقي ابو محمود يتيسر على شغلو من غير شر وارجع اناااااااااااااااام ههههه ...
يخليلي ياكي يارب اول مرة بعرف انو مافي دانوب بمكة ...! بس متل ماقلتي اي لحام واطلبي اما من الرقبة او الضهر وبالهنا والعوافي يارب

اي والله عرض حي ومباشر يييي على قطاطهم مابيستحوا هالنسوان ....

ايوا يااختي متفقين مو بس بالاسم هههه كمان باللبس حتى انا والله يعني هي اول عباية الي بتكون مطرزة بهالشكل دائما بختار التطريز اسود ويكون على الاكمام فقط ... وحتى بالشام انا متلك بلبس عباية مابشلحها الا عند الاهلية يعني اكيد ويكون لابسة شو ماكان المهم مستور
وبيني وبينك انا مابحب البانطو ابدااااااااااا بكل حياتي مالبستو الا سنة وحدة وماكملتها اتزوجت وقلبت على العباية طبعا بحكم البلد وبقيت عليها اجتني من الله هههه ...

زهرة وينك اليوم ماطليتي ؟؟ ان شالله تكوني بخير حبيبة قلبي

مساكم ياحلوات خير وسرور ان شالله شو عاملين شو مساويين .. طمنونا عنكم
شامة كيفك وشو اخبار شام ان شالله صارت احسن

وشو سيرة الحب عندكم اليوم عطونا افكار
اليوم عملت مندي على دجاج وسلطة
ومبارح كانت هي سيرة حبي صورتها من الفضاوة ههههه



كباب هندي ورز بشعيرية وبقية لحمة عملتهم اصابع كباب وشويتهم على الشواية وجنبهم سلطة



وعملت تشيز كيك للتحلاية مع القهوة وهي قطعة منه اتفضلوا ههههه

وهي صورة ببغاواتنا ماشالله عليهم قلت ماشالله لانهم اولاد زوجي ههههه يحبهم كتيييييييييير وحتى تفننلهم بالستاند وجاب اغصان شجر وربطها على الستاند حتى يعيشو الجو ههههههه وانا بحبهم كمان
صورتهم بناء على طلب كاتي وباقي اصورلها حوض السمك ان شالله هاليومين

تم حذف الصورة
الغامق اسمه كوكي والفاتح اسمه سكر منشان تتعرفوا عليهم خخخخخ

يسعدلي ايامكم جميع
وألف ألف مبروك بنوتة قديش الك حامل ؟؟؟؟؟؟ والله والله فرحتلك من قلبي
دمشقية صحة وهنا عالمنسف اي اي جاكريني وعمليه خخخخخ يعني ما حدا بيوصفلنا ياه بطريقة مشهية غيرك لا كاتي شوقتنا عليه ولا زهرة يعني بيحكو عنو عادي متل اي طبخة تانية وياسلام عالكباب الهندي مم لذيذ لنضيفو عالقائمة اسمو لسا عندي لحمة من سوريا

ومنشان الفستان يالله منيح هيك مابتمللي منو كل يوم بتجربي موديل
اما عن ابرة البنج انا بالننسبة الي اول ما بوصل بقللو للدكتور لا تتحرك ولا حركة الا ما تعطيني الابرة لأني ما بتحمل الوجع واللمعة تبع الوزززززززززززززززز
صدري على المرهم الجديد الحمد لله عم يلحم ويرمم والله زوجي جابلي كريمات ومراهم غالية وما ستفدت عليها بنوب سبحان الله هاد الكريم دغري صار يلحم عليه والقطن عم استعلمو كنت بسوريا استعمل شيكو وهون بيجون لكان كيف عم أدهن كنت خسرت كل تيابي على هالكريمات كلها زيوت لأنو

ياعيني ياعيني على كوكي وسكر ليكي انا مالي مراء بكل أنواع الحيوانات بس من بعيد لبعيد يعني اذا ماكانو ببيتي بيعجبوني كان عندي عصفورين عاشق ومعشوق بيجننو بس طبعا انا مالي علاقة لا بأكلهن ولا تنضيفهن ولما حملت خفت من الجرثومة و وعطيناهن لواحد

ومنشان سؤالك عن سيرة الحب عندي كبسة وزايد عندي شوية ملوخية من مبارح