لمتنا السورية اهلا وسهلا فيكم لشهر ربيع الاول1432

زهرة يسعدلي اوقاتك يارب تسلميلي والله كلك ذوووق انا الحمد لله صرت احسن بكتير يارب لك الحمد والشكر
انتي طمنينا عنك وشو سيرة الحب عندك هالايام منشان نتذكر

لؤلؤة الشام0;14474002:
حمدلله عى السلامة ياجي من السفر غنيتيلو هي الغنية ولا نسيتي هههههههههه
الف الحمد لله على سلامته والله لا يحرمكم من بعض ومبروكين الهدايا ويلا منتظرين نشوفهم :p واثقة من حالي لا عنجد مو بدك تورجينا ياهم بعرف انا زوقنا بيهمك خخخخخ كلي ثقة
عجبتني هي سيدي وكتلوج للفستان عنجد فشنا وشعنا عفوا عشنا وشفنا

هههههه تؤبشي قلبي يسعدلي صباحك اول
لاء ماغنيتلو اخدتوا بالاحضان على طووول وقلتلو لك اهلييين اهلين بالحامل والمحمول تقبرني ;):p مزح مزح اي والله جيتو بالدنيا كلها ولووووو :lol:
يخليلي ياكي ياغالية انتي والله على قلبي وربي يخليلك زوجك وما يحرمك منو والله يبارك فيكي ياااارب
واي والله بوثق فيكم وبزوقكم وبحب اخد رايكم بكل شي واحكيلكم كل شي والله انكم اخواتي باذن الله وغاليين على قلبي بقى خللي الثقة بقلبك موجودة F:
ان شالله اليوم بصورهم وبورجيكي ياهم انتي والبنات
واي والله فشنا وعشنا ههههه ..... الله وكيلك اله مية طريقة وسي دي ووحدة الها مقدمات ومؤخرات بهالسي دي يبعتلها حمة عم تعلم كيف نلبس هالقطعة وانا والله ماعرفت غير طريقتين :|:confused: دوختني يخرب بيتها شو مأشلطة قلتلتو لزوجي انتي تقبرني ماعليك انا بتعلم لحالي روح تفرج على حسني مبارك :D ... ييييي عليهم شي بيخزي

هلا لؤلؤه ودمشقيه :L::L:بدي شوف الفستان انا كمان ما تنسوني ها :rolleyes:
عساكم بخير وصحه :D
انا اليوم سيرة حبي منسف :013::013::013:
خصوصي مع البرد :090::090:رح يكون روعه :012:
تفضلو حبيباتي :04:

صباح الورد والنشاط دمشقية وزهرة عندي شوية شغل بالبيت فقررت فيق بكير مشان لحق بس هلق قلت اقعد شو شو اخباركم واخد جرعة نشاط قبل ما ابدى شغلي

يا الله انشغل بالي على كاتي مافي بالعادة تتاخر علينا هلق اول مابدها تطل بدي اخد رقم موبايلها مشان اذاتاخرت مرة تانية دغري نطمن عليها يارب يكون المانع خير

وسورية مدري شو قصتها ماعم تبين بس اكيد انها بخير ان شاء الله مطمنين عليها معها دمشقية
ولولية فاتت سلمت وطلعت ما طمنتنا روقت ولا لسا وكل البنات الباقين ياريت يجو ويعمر الشات متل زمان

لؤلؤة الشام0;14478162:
صباح الورد والنشاط دمشقية وزهرة عندي شوية شغل بالبيت فقررت فيق بكير مشان لحق بس هلق قلت اقعد شو شو اخباركم واخد جرعة نشاط قبل ما ابدى شغلي

هيك انتي قايئه بدري ؟:hysterical:
انا من السته بقعد :badly:
وهيني نقعت اللحمه عشان الغدا ;)

لا حبيبتي انا فقت 6 فيقت ااولاد وبعتتهم على المدارس و7 رجعت نمت لتسعة ونص وبلشت شغلي بس هلق قلت لاخد راحة وافتح شوي وليكني كتبت الرد وقمت لكمل بعدين انا بالايام العادية بفيق 11 ونص ما وراي شي بلحق لل3 اعمل احلى غدا وروق البيت ورتبه

لؤلؤة الشام0;14452210:
شو هالاكلات الحلوة زهرة تسلم يديكي سفرة بتشهي نحن بخير وحشتينا
كاتي كيفك ياقمر اليوم كمان رجعت اريج عملت الحلا تبعك واخدنا ورحنا مع جاراتنا على المنتزه كتير عجبتهم وكلهم بدهم الطريقة عنجد يسلمو واليوم كترت الطبقات قامت طلعت اطيب من الاولى
دمشقية الحمد لله يلي اليوم احسن والله فرحتيني عقبال ماترتاحي من وجعه على الاخير
لاحظتو اني قلتلكم رايحة صلي الضهر وراجعة هههههههههههه بس بعد ما خلصت اتصلت علي جارتي والتهينا بالترتيب لمشوار على المنتزه وما حسيت الاصار وقت رجعت جوزي من الشغل
رحنا على المنتزه بعد المغرب انبسطنا والله والجو حلو اشتهيتكم كلكم معي يارب نقدر نجتمع على خير

لؤلؤة الشام0;14452231:
يسلمو على التسالي يا كاتي بس اليوم قد مااكلنا تسالي وبوشار بالمشوار انتخمنا وكملت معي بس رجعت جوزي بده عشا مختلف قليت بطاطا وعملت قراص محمرة بالجبنة وسلطة جبنة ومسبحة الساعة 12 وكمان قبلنا كتير عالعشا وهلق بدي نام ومو قدران من التخبيص هههههههههههههه

لؤلؤة الشام0;14460193:
هلق ان شاء الله يكون تاخير كاتي لخير لانه مسكينة شامة تاخيرها يعلى قلبي مو تمام لان بنتها شام تعبت اول مبارح اخدوها على المستشفى طلع عندها التهاب زايدة ومبارح الصبح عملولها عملية اليوم طلعوها وعم تقلي الحمد لله احسن يلعن ابو الغربة والله وقت حاكيتها اني نقهرت من قلبي وبكيت يعني بينشغل قلبنا على احبابنا ومابنقدر نشوفهم الحمد لله على كل حال

لؤلؤة الشام0;14478172:
يا الله انشغل بالي على كاتي مافي بالعادة تتاخر علينا هلق اول مابدها تطل بدي اخد رقم موبايلها مشان اذاتاخرت مرة تانية دغري نطمن عليها يارب يكون المانع خير

الدمشقية;14452530:
اي والله انك شطووورة عارفة لازم نعملنا مذكرة بالاكلات وكل جزء نكتبها ونزيد عليها حتى تكون النا مرجع مو هيك بالله شو رابكم ؟؟؟:)

عارفة انا من قبل كم يوم بقللي زوجي قرب عيد الحب بقللو انتو الحب كللو:o خخخخ وهالعيد حرام ومابيخصنا بشي فخلص بنسى فكرة الهدية وكل شي بس بقللو مو مشكلة بتعوضها بايام جاية خخخخخ
وان شالله بيتحسن الجو وبتروحوا عالشام واماكن تانية وكويس جلستي مع فروحة دخيل المرضي انا هههههه;)

يخليلنا ياكي ياقمرنا انتي F:
والله اليوم عملت فريكة على دجاج وعزمت سورية عليها وهي ساوت بيتي فور مدري كعك يعني قريب لبعض هههه بشهي
وخلص المرة الجاية بدي سمك الصلصة لانو نفسي كمان تطلع معي ماسكة
ويالله انزلي واشتري وورجيني هههه وانا بكرا ان شالله بورجيكم قميصي البسيط والتنورة هههه

والله يسلمك يااارب وانتي سلامتك وروحي الدكتور قبل مايتفاقم الوضع والله لا يوجعك لانو والله وجع مابينوصف :( لا بتمناع لا لمحب ولا حتى لعدو

ويسلموا على الشيبسات الحلوة والحلا اللي تحت هدا الي والباقي الكم ههههه

الدمشقية;14452716:
وهي كانت سيرة الحب عندي اليوم

فريكة على دجاج


وعملت جنبها صحن تبولة كانت بتشهيييي:thumbs_up:

وهدا البيتي فور عمل سورية يعطيها العافية يارب حشتو مربى فراولة وشوكولا نوتيلا
والطعم جناااان:p

يا عيني يا عيني انا بحب الفريكة كتيييييييير و شوربة كمان روعة طعمها و شوووووو هالتبولة ما شاء الله عليكي الف صحة و هنا على قلوبكن يا رب :adore:
شو هالبيتيفور هيدا عن جد سورية بالها طويل ما شاء الله عليها شكلهم روعة و اكيد طعمهم روعة كمان :thumbs_up:

[QUOTE=الدمشقية;14464287]كاتس وينك غاطة لا يكون نزلتي عالشام ولا غاطة بين العزايم ؟؟؟
استفقدنالك والله ويارب تكوني بخير ... حيوووتي اتي

الدمشقية;14471197:
كاتي اليوم دورها عند اهلها او عندها عزومة لبنات حماها بس والله انشغل بالي عليكي وينك مالك بالعادة تتركينا هيك
ان شالله تكوني بخير انتي وتالا والجميع عندك وطللي علينا ياقمر

الدمشقية;14473011:
وانا زوجي رجع الحمد لله من دبي بالسلامة وجابلي معاه عباية هههههه
كتير حلوة عجبتني الحمد لله بس زعلت والله لان الاسعار عندهم دبل ... وجابلي عطر عودة على ياسمين .. وفستان صيفي خفيف بيلتبس بمية طريقة تصدقوا خخخخ والله عن جد ومعه كتالوج وسي دي تعليمي ... واللي بعيش ياما بشوف ... والله يخليلي ياه ويعوض عليه ربي ويخليلكم حبابكم يارب

شامية للعظم;14459581:
مساكم خير يابنات كيفكم أنا بخير والحمد لله
ياجماعة شو قصتكم جوعتونا والله شو هالأكلات الطيبة على كل حال شي ظريف ذكرتونا بطبخات أسبوع لقدام
لؤلؤة بدي منك طلب زكاتك بس خلطة الصوص تبع الجاج بالخضار يلي بتحطيها بأكياس الشواء لأني ما ساويتها ولا مرة ونسيانة ماما كيف بتساويها بتذكر الخضار يلي بتستعملها بس

دمشقية ياعيني ياعيني عالأوزي حاولت ساويها هون بس ما لاقيت رقايق هون فيه بس رقايق كلاج وبتكون مقصوصة بشكل طوالي منشان البقلاوة تسلم ايديك عالفريكة والتبولة بكرا ان شالله رح ساوي بيتزا وتبولة

سوريا تسلم ايديك شو هالبيتيفورات الطيبين هدول والله شطورة ماشالله عندك وقت

شامية للعظم;14472420:
لولية وينك طليتي طمنيا عنك آخر مرة كنت متضايقة وعندك مشكلة شو صار معك

كاتي سجلناكي غياب وأنت ماشالله عنك أكتر وحدة مداومة معنا

ياجماعة شو أخبار مونو يعني والله طولت غيبتها

لولية;14464262:

شامة يا عمري الحمدلله عسلامة بنتك يا رب
كيفكن يا حلوات اشتأتلكن كتير

شامة;14466813:
مسا الخير حبايب قلبي
والله الي شغلني عنكم الشديد القوي
يوم الثلاثاء المسا وبعد ماخلصت شام دروسها بلشت تقلي بطني واجعني وطبعا انا قلها برد وعملتلها نعنع بس صارت تستفرغ عفوا منكم قمت قلت اخدها المشفى احسن وهنيك عملولها تحاليل وايكو وقالو زايدة بس قالو نبات بالمشفى وتاني يوم العملية لانها كانت اكلة مشان التخدير وعلقولها سيروم وطبعا ليلة الله لا يدوقها لحدا لاهي نامت من وجعها ولا انا عدا عن شنططة باقي ولادي عند عمتن المهم تاني يوم عملت العملية والحمد لله عدت عخير بس كمان بيتوها بالمشفى ونامت عندها ماما الله يخليلي ياها لاني انا كنت فارطة واختي اخدت ولادي لعندها والخميس الصبح خرجناها هلق هي احسن بس طبعا لا غنى عن الوجع شوي وخصوصي اذا اجت السعلة مسكينة الحمد لله استفقاداته رحمة

شامة;14466894:
لؤلؤتي ايه والله الله يغنيكم عن هالغربة كتير كنت محتاجتلك جنبي بس شو طالع بالايد ربك بعين
وبرافو انبسطتلك بالمشوار الحلو الله يسعدكن يارب

دامو الف لا باس عليك سلامتك من الوجع والله وجع الضرس مو سهل ويسلم ايدك عالفريكة انا مبارح كنت عاملتها بس جبتي عبالي التبولة بس مالح ساويها هلق لتتحسن شام
سورية الله يسلم هالايدين شكله البيتيفو ر تبعك طيب

لولية مشكورة حبيبتي الله يحميلك بناتك طمنيني عنك

كاتي كيفك حبيبي يلا تشجعي ومرة ورا مرة بتصير تظبط معك الاكلات الطيبة كلنا كنا هيك نخبص حتى ظبطت الامور

زهرة الله يحميلك ولادك هي طلعنا في شي مشترك بيناتنا عدد الاولاد ههههههههه

شامية الله يخليلك سالم ومتل ما قالت لؤلؤة اول تلات اشهر اصعب شي بعدين بيتنظم باذن الله
فتت وشفت السويسرول ماشاء الله شكله شهي ولح جربه اكيد

باقي البنات وينكم هند ياسمين مونو بيرل ليان وين غطيتو يارب تكونو بخير
ليان طمنينا عنك في شي مفاجأة حلوة عندك ولا لسا

CATS_ANGEL;14480192:

زهرة المنارة كيفك اليوم و كيف اطافيلك ما شاء الله عنك غلبتيني عم تداومي اكتر مني ههههههههههه ان شاء الله على طول يا رب و بدنا نشوف اكلاتك دايما على فكرة صحيح عم نحكي عن الاكل كتير بس ولا وحدة فينا نصحانة كلنا سمبتيك الحمدلله و انتي طمنينا ليكون بدك ريجيم ههههههههه


بدي ابعتلك رقمي على الخاص و حاكيكي اوك

:worn_out::worn_out:
شو بدي اعمل الملل بعلم الكسل :hysterical:
جوزي من الفجر لنص اليل لما اشوفو ساعة زمن :hysterical:
برتب بيتي بطبخ طبختي والمجلى عندي دايما اول باول يعني ما براكم اشي علي
ريجيم :'(بجوز انا انحف وحده فيكم :'(
اوكي هيني بستنا الرقم :thumbs_up:

لؤلؤة الشام
دمشقيه
شامه
شاميه للعظم
لوليه
كاتي
مين كماااااااااااااان :hysterical:
لسا ما حفظتكم منيح :rolleyes:
بس سلامي الكن كلكن F:

بعد اخر رد قمت خلصت مساوات بيتي وعنجد بكون كتير مبسوطة بس اخلص بحس واو اني عملت انجاز
رجعوا الاولاد من المدرسة دوشو بين ماجهزت الغدا ودخلت اخدت دوش بين ما اجى جوزي تغدينا ماريا [سنويشات خبز شامي محشية لحمة نفس تبع الصفيحة وبتنخبز بالسخان لتستوي اللحمة وتتحمص الخبزة ]طلعت اكلة روعة مع شوربة فطر وسلطة
بعدين طبعا كنت منهكة فنمت لاذان المغرب وهلق غلتلنا اروجة قهوة وقعدت لمسي عليكم

لؤلؤة الشام0;14481581:
بعد اخر رد قمت خلصت مساوات بيتي وعنجد بكون كتير مبسوطة بس اخلص بحس واو اني عملت انجاز
رجعوا الاولاد من المدرسة دوشو بين ماجهزت الغدا ودخلت اخدت دوش بين ما اجى جوزي تغدينا ماريا [سنويشات خبز شامي محشية لحمة نفس تبع الصفيحة وبتنخبز بالسخان لتستوي اللحمة وتتحمص الخبزة ]طلعت اكلة روعة مع شوربة فطر وسلطة
بعدين طبعا كنت منهكة فنمت لاذان المغرب وهلق غلتلنا اروجة قهوة وقعدت لمسي عليكم

يعطيكي الف عافيه F:
صحتين على السندويشات شكلها من الوصف بتشهي
تقريبا بتشبه المسخن عنا ولا غير لانو انا مرات بحشي الخبز الشراك جاج مسلوق ومبهر وبعملو على الجريل لما يتحمص
شو صفوف ولادك وكيف شهاداتهم ؟

لك اهلا وسهلا كاتي شتقنالك والله ربي ما يحرمنا هالطلة سلامته جوزك معافا ان شاء الله وصحة وهنا على الحلو وعلى الشاكرية وضحكتيني على تالا وهي محتارة مع مين تركب لذيذة الله يحميها
اية والله حلوة الجمعة ببيت العيلة ومع الاخوات الله لا يحرمها لحدا

ايه زهرة نفس طريقة المسخن بس ما منلف الخبز لف لا بنفرد عليه الحشوة وبنطوي الخبزة عليها واللحمة منحطها نية المسخن كتير طيب ماما بتعمله كتير انه يادوب عملته مرتين بس بنحبه
ولادي ياستي اروجة صف 3 متوسط
سلومة سادس
زيدو رابع
يوسي يقبرقلبي مختص بتطقيق امه هههه لسا عمره سنة و3 شهور الحمد لله شاطرين ومتفوقين