persian_moi;14516122:بنات
انا كنت افكر اسوي مثل اللي اقترحتوه علي
انه اسافر وبعدين اسوي حفلة عرس لانه تجهيزاتي اساسا تجهيزات عرس مو استقبال
بس ماتحسون الحركة بايخة وبصير مطنزة؟
لحد الحين ماقررت شي اتوقع على يوم الاحد بقرر
وبتأكد من خطوط الطيران مايندرى بعد
اختي اعرف احساسج
بتجربين شي يديد ماقط احد سواه من جذي تخافين تكونين مطنزة
مااظن وقتها احد يقدر يتكلم ويلومج
الله يلوم اللي يلومج الكل بيكون عارف الوضع وعارف شلون اضطريتي تأجلين في نفس الوقت تبين فرحة الأبيض
اختي انا للحين ابي احس بفرحة لما ادخل والناس تشوفني وانا يدي بيد زوجي
بس مااظن راح احس بهالاحساس وبحد ذاته احساس انج ماراح تحسين بهالاحساس مؤلم
بس قلت اسوي استقبال لي رجعت في صالة والبس الأبيض ومحد يقدر يلومني او يتطنز علي
اختي يمي البطايق محذوفين على الارض وفيني صيحة وانا اطالعهم :'(
ربي يحمي ديرتنا اهم من أي شي