¦¦§¦¦ تجهيزات عرائس " مملكة البحرين " لشهر ربيع الأول 1432 - 2011 م / الجزء :74 ¦¦§¦¦

بنات والله ما لي قلب اسوي اي شي مع هالاوضاع :(:( بس شاسوي الظروف تحكم ان شاء الله لذيك الوقت الله يهدي الامور بس لان اوردي عرسي أجلناه مرتين وهاي المرة الثالثة و ما ابي ااجله اكثر من جذي :'(:'(:'( والله فيني صيحه بشكل فظيع قاعدة في الشغل و عيوني متورمه الكل يسألني اشفيج و يقول لي ان شاء الله الله يسهل امورج ان شاء الله :(:( بس مالي غير الدعاء

sweet persian;14514394:
بنات والله ما لي قلب اسوي اي شي مع هالاوضاع :(:( بس شاسوي الظروف تحكم ان شاء الله لذيك الوقت الله يهدي الامور بس لان اوردي عرسي أجلناه مرتين وهاي المرة الثالثة و ما ابي ااجله اكثر من جذي :'(:'(:'( والله فيني صيحه بشكل فظيع قاعدة في الشغل و عيوني متورمه الكل يسألني اشفيج و يقول لي ان شاء الله الله يسهل امورج ان شاء الله :(:( بس مالي غير الدعاء

والله نفس حالج اختي
حاجزين لسفر وماسوينا خطوبة عودة
بس اخر شي تفكرين فيه العرس مع هالحالة ابي الامور تتعدل حرام اللي يصير الدنيا عفسه
مهما كان الديرة اخوان
تتخيلين البطاقات الحين مطبوعين يمي وقاطتهم على الارض مااشتهي احطهم في كيس وحجرتي دمار مااشتهي افكر في شي

امس قلت يمكن يصير العرس واني باتزوج مرة وحدة ومع هالاحداث تكرهين العرس والله اني حسيت اني واحد قالوله بتموت وصار كل شي مايهمه لاعرس لازوج ولا شي

الله يستر يارب احفظ البحرين

وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏

روحي وروحكـ;14514612:

اللهـ والردود ماجنهـ خوات وبنات ديرة وحدة !!!

اللهـ أعلمـ بالحال .. ربي يحفظ البحرين وأهلها

جمـ وحدة بتأجل ..؟

انا حجزت مرمريز لـ 200 شخص يعني كم طاولة بتنحط بالقاعة ؟!

مكانك في عيوني;14514667:
انا حجزت مرمريز لـ 200 شخص يعني كم طاولة بتنحط بالقاعة ؟!

مرمريز الطاولة فيها 12 شخص في مرمريز

انا كان خاطري بعرس بس مع هالحالة احس عافت نفسي الفرح
بشوف بعد 5 ايام
ان ماتعدلت الاوضاع خلاص نويت على السفر واجلت الاستقبال لحزة ارجع من السفر
اسوي لي استقبال بحفلة في مرمريز
ونفس استعدادات العرس بالضبط
وبزيادة بروح افصل لي فستان ابيض من الحرة ناويه على بسيط بدال ماكنت باخذ ايجار
وبروح بقعد مع البنات بطلع موضة يديده شنسوي
نتكيف مع الوضع مو بيدنا غصب عنا

روحي وروحكـ;14514709:

اي بالضبط أنا بعد عرسي شهر 5 وأنا من أصل لا ملجنا ولا سوينا شي

الحين بنملج وبنشوف شيصير مني لشهر 4 يا بنسافر وبنرجع نسوي استقبال عشان مايروح علينا الحجز يا انهـ خلاص يمكن اتعدل ونصور وخلاص

وعلى رايج حتى مو زعلانة اني ماسويت شي واحتمال ماسوي شي

كل اللي نبيهـ اللهـ يقضيها على خير ويفرجها عن الوطن

حتى امي تقول لي لا تسوين شي ..

بالفلوس اللي عندكم شوفوا لكم مكان تروحونه وخلاص .. النفس عافت الفرح بعد هالازمة

والله يصلح حال البحرين يارب ..




اللي ناويه تسافر وين بتروح ؟؟

قررت التأجيل خصوصا مع الي جفته الحين .. ووايد ناس مفقودة ..
الله يستر ..
والله يحفظ الجميع يارب

انا بعد ماليزيا ان شاء الله تاريخ 6-3 سفرنا
من بيسافر في نفس وقتنا ؟؟