فاتي سفن;14508832:
مشكورة حبيبتي مخمليات على ردج وماقصرتي محد عطاني ويه غيرج فديتج
انا خاطري اسوي حفله ملجه بسيطه جدا ًوعائليه ف مكان بسيط وابي كل شي يكون بسيط وسمبل شنو اتنصحين ووين واي احلى حق ملجه ساري او فستان او جلابيه .. :study:شي ثاني هي بتكون حفله خطوبة لان بنتم جي جم شهر عقب بنسوي حفله زواج ف احد القاعات الحين هل يوم الملجه يجلون وهل اتحنى .ّ!!,,؟؟ ابي رايج او افكارج لو سمحتي يعني لو كانت بسيطه جم بتكلفني وشنو يعني ماعرف لان :(
احنا ما نقدر نقولج التكاليف بالضبط بس انتي قدري , بالنسبة لحفلة ملجتج فهمت انها بتكون حفلة خطوبة مرة وحدة .. الاشياء اللي المفروض تحسبينها
المكان -- ممكن يكون في البيت أو في ماتم أو قاعة خيرية أو أي قاعة
الكوشة اذا بغيتي
الأكل -- ممكن يكون بارسلات أو بوفيه
التصوير -- ممكن انج تروحين الاستيديو او تاخذين مصورة
سفرة عجم اذا بغيتي و طبعاً بتكون فيها التوزيعات
كيكة اذا بغيتي
بالنسبة لتعديلج ..
الفستان أو الجلابية أو الساري و ملحقاته من اكسسوارات بس بما انج تبين شي بسيط و سمبل ممكن انج تلبسين فستان
الصالون من مكياج و شعر و طبعاً لا تنسين اكسسوار الشعر
صندل مناسب للفستان
الباقة
و اذا تبين تتحنين بعد , و انا اقترح عليج تتحنين حنا ناعم يلائم الستايل
امممم
و ما ادري بعد اذا تبين تحسبين العناية بنفسج من حمام مغربي و فيشل و حفاف الوجه والجسم و بدكير و منكير
اذا عندج اي سؤال عن اي شي سألي ..
روحي وروحكـ;14512183:
بنااات رفيجتي قاعدة تسألني تقولي صج انهـ الشيخ مايعقد إلا لما يسلمـ العروس المهر بنفسهـ ..؟
تقولي يصير أقولهـ اني استلمت مهري وهالكثر وخلاص يعقد ولا لازمـ يسلمها المهر بنفسهـ ..؟
أنا قلت بسألكمـ لني بصراحة ماعندي فكرة عن السالفة نهائياً
لا حبيبتي مو لازم تستلمينه بنفسج انا مهري حتى ما يودته بيدي و لا شفته ابوي على طول اخذه و حطه بالبنك وتوني من كم يوم ماخذته
عرايسنا انا ما ابي اوتركم بس امس كنت رايحة عرس بنت جيران بيت يدي وكان فاضي مافيه احد كلش بصراحة انا جاني احباااط فما بالكم العروس كسرت خاطري ماكو احد بالعرس .. حتى لو في امان و مافي توترات الواحد ما احس له خاطر يروح أعراس بس اذا العرس عائلي احسه بيكون اهون لأن العائلة ما بيخلون و اكيد بيحضرون