شات منتظرات الحمل وأمهات المستقبل بأذن الله (احلى بنات فى مصر )لشهر ربيع الاول

جوزي بعتلي الايميل يا ريري

ابعتيلي ايميلك على الخاص عشان ابعتهولك

أنا بقى.. طبعا احنا في السعودية من زمان و كل سنة بسافر مع ماما و بابا و اخواتي مصر في الصيف و نرجع تاني السعودية قبل الدراسة بشهر وللا حاجة...
المهم في الصيف اللي بعد اولى ثانوي.. لما نزلنا اسكندرية حبيت أحسن الانجليزي بتاعي فقدمت في كورسات في الأكاديمية و لما جه معاد سفر اهلي اضطروا يسافروا هم قبلي و انا احصلهم بعد ما اخلص الكورس بتاعي .. و دي كانت اول مرة في حياتي أسافر فيها لوحدي... المهم... كان المفروض ان اختي حتسافر معايا بس ملقيناش حجز على نفس الطيارة فأنا طيارتي طلعت و هي طيارتها كانت بعدي ب 3 ساعات كدا... المهم طلعت الطيارة و كله عادي و مفيش مشكلة و كانت قاعدة جنبي واحدة كدا من سني و اتعرفنا على بعض و كدا و كنا باليل مش فاكرة الساعة كام.. المفروض ان الرحلة ساعتين الا ربع.. و احنا في نص السكة.. كان فيه مطبات جامدة اوي و الطيارة عمالة تترج ... و انا اصلا كنت بخاف من الطيران بس كنت مأهلة نفسي قبل ما اطلع الطيارة اني ما اخافش من حاجة و اني شجاعة و كدا .. و طول المطبات و الرجرجة دي و انا عاملة فيها شجاعة و مش خايفة .. و كان فيه رياح جامدة و حركة الطيارة مش طبيعية .. ابص من الشباك الدنيا ليل كحل و مش شايفة حاجة... و كل شوية الاقي نفسي بترج لدرجة اني كنت بترفع من على الكرسي و اتهبد عليه تاني هههههههههههه
البنت اللي جنبي بقى من ساعة المطبات و الهزة دي بدأت و هي ماسكة فية و في الكرسي و مرعوبة جدا و عمالة تستشهد و تقولي طلعي قرآن و اقريه ... يا ساتر يا رب.. يا ساتر يا رب.. طلعي قرآن و اقريه .. ايه ده .. و تعيط وو عملتلي رعب بصراحة و انا بقى عمالة أهدي فيها و اقولها ماتخافيش يا بنتي دي مطبات و حنوصل بالسلامة ان شاءالله .. و انا من جوايا مرعوبة بس قلت لازم اهدي البنت شوية.. و الأطفال ابتدوا يعيطوا و الستات تصرخ و في ناس جالها غثيان و قيء و طلعوا اللي في بطنهم ... و انا بقيت قاعدة عمالة استغفر في سري و اقرا اللي حافظاه من القرآن لان مش معايا مصحف و استشهد بس مش عايزاها تاخد بالها اني خايفة هههههههههه و طلعت هي المصحف بتاعها و قعدت تقرا فيه.. و كل ده و المطبات مستمرة لحد ما قالوا في الميكروفون اننا وصلنا مطار المدينة حمدنا ربنا و قلنا بس خلاص الكابوس حينتهي.. و الطيارة ابتدت تميل و تنزل و نزلنا لحد ما قربنا من الران واي خالص.. و فجأة هوب لقيناها بتطلع تاني و بتغير اتجاهها:badly: و طلعت فوق خالص و قعدت تلف في الجو حوالي نص ساعة قبل ما ترجع تنزل تاني.. طبعا هي بعد ماكانت حتنزل و طلعت فجأة لقيت الناس بقى بتقول ايه ده ليه كدا .. و في ايه .. و البنت اللي جنبي ماسكة فية و تقولي لأ ايه ده و تستشهد تاني و تقولي هو طلع تاني ليه ؟؟هو طلع تاني ليه ؟؟؟
و بعدين أخيرا ابتدت رحلة الهبوط تاني و اول ما نزل برده هبد في الأرض هبدة جامدة الناس اتنطرت من على الكراسي... و بعدين بقى بيقول في الميكروفون حمدالله على سلامتكم و نرجو ان تكونوا قد استمتعتم بالرحلة :lol: الناس بقى يا عيني في صوت واحد ردوا ... استمتعتنا اييييييييييه حرام عليييييييييييييكم ... دي كانت رحلة .... (وقعدوا يشتموا بقى) هههههههههههههههههه

القصة الجاية حكيهالكم عن رحلة سفر في البحر بقى .. عشان ابقى جبتلكم قصة بر و جو و بحر :lol:

د\امونة;14591476:
والله ياريري انا كمان زيك قبل الدورة علطول بحس اني مستنية نتيجة الامتحان وافضل ادعي ويبقى عندي امل كبير اوي وبعد ما تيجي بتصدم صدمة فظيعة, بس تاني يوم بكون اهدى وارجع استعد تاني لامتحان تاني :)

سيبيها على الله , تيجي ولا متجيش , متفكريش فيها دلوقتي , عيشي يوم بيوم وخلاص

والله ياامونة بفضل ادعي متجيش ولما تيجي افضل اعيط لغاية ماانام وتاني يوم بكون خلاص قبلت الوضع
عادي بقي نعمل ايه الحمدلله علي كل حاجة وربنا يرزقنا جميعا بذرية الصالحة

د\امونة;14591349:
يلا يا مانيا شدي حيلك انتي كمان وخسي , بس انا شايفة انك مش تخينة من صور فرحك, مش عارفة تخنتي بعد الجواز كتير ولا ايه ههههههههههه

ريري

بخصوص رحلات شرم , في اوتيلات باعتين لجوزي ايميل وعاملين تخفيضات جامده لتشجيع السياحة للمصريين, والعروض دي في بعضها لحد اخر 3 وبعضها لحد 20 ابريل

انا في الفرح كنت 85 كيلو.. هو جسمي مابناش عليه اوي غير منطقة الهانش و البطن ... و بيخسوا بصعوبة و طلوع الروح..لكن انا دلوقتي 95 كيلو حضرتك...

د\امونة;14591433:
حاضر يا ريري هخلي جوزي يبعتلي الميل وابعتهولك

انا كمان ابعتهوملي بلييييييييييييييييز....
انا بفكر في مارينا المرة دي.. بس مش عارفة الجو على شهر 4 و 5 حيكون ايه؟؟

لما سمعناهم في اللاسلكي بصيت لجوزي و ضحكت قووي قاللي لا اكيييد مش طيارتنا ده كدة نبقى نحس رسمي فهمي نظمي و بعدين طلعنا الطيارة لقينا الطيار حالف ماهو طالع طول ما الراجل ده في الطيارة عشان اتنك عليه و جابوله ناس كتير و هو ابدا و الراجل حلف لا يوديه ورا الشمس و الناس كانت اصلا متمرطة و بيقولوله يا عم اطلع هو انت سواق ميكروباص؟

ريـري;14591516:
والله ياامونة بفضل ادعي متجيش ولما تيجي افضل اعيط لغاية ماانام وتاني يوم بكون خلاص قبلت الوضع
عادي بقي نعمل ايه الحمدلله علي كل حاجة وربنا يرزقنا جميعا بذرية الصالحة

معلش يا ريري هم اليومين اللي قبل الدورة و أول ما تيجي بنبقى كدا.. انا بيحصلي كدا و من تاني يوم ابتدي اهدى زي أمونة و ابتدي استعد للهوم وورك الجديد :) انت استعيني بالله كدا و يارب ماتجيلكيش و تكوني حامل يا رب.. و حتى لو جت تأكدي انه كله خير من ربنا سبحانه و تعالى ... و كل شيء في أوانه حلو..

طيب ابعتيلي ايميلك على الخاص يا مانيا عشان ابعتهولك

أجمل ايام العمر;14591555:
لما سمعناهم في اللاسلكي بصيت لجوزي و ضحكت قووي قاللي لا اكيييد مش طيارتنا ده كدة نبقى نحس رسمي فهمي نظمي و بعدين طلعنا الطيارة لقينا الطيار حالف ماهو طالع طول ما الراجل ده في الطيارة عشان اتنك عليه و جابوله ناس كتير و هو ابدا و الراجل حلف لا يوديه ورا الشمس و الناس كانت اصلا متمرطة و بيقولوله يا عم اطلع هو انت سواق ميكروباص؟

هههههههههههههههههههههههههههههه:lol::lol::lol:أيوة والله ايه ده.. هو سواق ميكروباص؟؟؟ قال حالف مما يطلع طول ما الراجل ده موجود ...
بس أحلى حاجة في الموضوع انكم واخدين المواقف بالضحك... انا بحب كدا اوي.. مع اني ساعات بكون نكدية بس اخويا لما بيكون معايا بيروقني ... جوزي بقى لازم اكون العكس حتى لو انا متضايقة لازم اضحك و اخليه يفرفرش كدا و نهيس بقى طول الرحلات الكئيبة دي..
المهم بعد كل ده الراجل الطيار عمل ايه :-o

---

Glad to offer you our promotions for Hilton (below) and Jazz hotels (attached) in Egypt:

· Hurghada:
1- Hilton Hurghada Plaza (175.00 LE) bed and breakfast
2- Hilton Hurghada Resort (175.00 LE) bed and breakfast
3- Hilton Hurghada Long Beach Resort (225.00 LE) all inclusive

· Alexandria:
1- Hilton Green Plaza Alexandria (289.00 LE) bed and breakfast

· Sharm Elshiekh:
1- Hilton Sharm Dreams Resort (190.00 LE) bed and breakfast
2- Hilton Sharm Waterfalls (190.00 LE) bed and breakfast
3- Hilton Sharm Fayrouz Resort (225.00 LE) bed and breakfast
4- Hilton Sharks Bay (250.00 LE) all inclusive

· Taba , Dahab & Nuweiba:
1- Hilton Taba (200.00 LE) half board
2- Hilton Dahab (200.00 LE) half board
3- Hilton Nuweiba Coral Resort (200.00 LE) all inclusive

All above rates are per person in double room and valid till 15-03-2011

Jazz hotels are valid till 20-04-2011


Orascom Hotels El Gouna:
(Fanadir –Mosaique –Dawar El Omda - Sultan Bay –Arena Inn –Captains Inn- Ali Pasha –Turtles Inn )
(260.00 LE single & 350.00 LE double) 3 &4*

· Above rates are per room per night inclusive all service charges and applicable taxes for standard room
· Based on bed and breakfast
· Rates are valid till 31-03-2011

Other hotels in Sharm:

1. Hyatt Regency Hotel (600.00 LE) 5*

· Above rates are per double room per night inclusive all service charges and applicable taxes for standard room
· Based on bed and breakfast
· Rates are valid till 31-03-2011

Kindly find the below special offer favor Savoy Sharm Elshiekh hotel for Egyptians only:

2. Savoy Sharm Elshiekh Hotel (Single 258.00 LE – Double 370.00 LE) 5*


- Above rates are per room per night inclusive all service charges and applicable taxes for standard room
- Based on bed and breakfast
- Rates are valid till 03-03-2011


3. Sheraton Dreamland Hotel & Conference Center


1- Special promotional rates effective today 08/02/2011 till 31/03/2011 valid for Egyptians & Foreign Residents detailed as follow:

- Single standard room: L.E 330.00
- Double standard room: L.E 370.00

Including the following added values:
- FREE INTERNET ACCESS for 2 hours at Link@sheraton (02nd floor).
- FREE usage of the fitness center services (Gym, Sauna & Steam Room), excluding the massage.
- FREE accommodation for children up to 12 years, sharing parent’s room along with 50% discount on meals (with a maximum of 02 Childs).
- FREE parking.
- 50% discount on DREAM PARK TICKETS.
- 25% discount on all massages treatments.
- 15% discount on all food consumption.
- Early check in at 12:00 hrs (noon time).

- General conditions:
- Rates are per room per night based on Bed & Breakfast, all inclusive service charges & taxes.
- Rates are subject to hotel availability.
- Rates are applicable on New Reservations ONLY.

3. Marriott Cairo hotel (147.00 USD single & 163.00 USD double) 5* (Cairo)

· Above rates are per room per night inclusive all service charges and applicable taxes for standard room
· Based on bed and breakfast
· Rates are valid till 28-02-2011 (might be extended)

Note:

All rates are subject to availability at the booking time.
Thanks & Best Regards,
Web site: www.amexfranchise.com

“The world is changing, change with us”
Ask about our Foreign Exchange Service Independently owned and operated under license from American Express

ده الايميل اللي وصل لجوزي يا بنات , قلت ايه الغباء بتاعي ده, ليه ما احطوش هنا واخلص ههههههه

manyaa;14591569:
معلش يا ريري هم اليومين اللي قبل الدورة و أول ما تيجي بنبقى كدا.. انا بيحصلي كدا و من تاني يوم ابتدي اهدى زي أمونة و ابتدي استعد للهوم وورك الجديد :) انت استعيني بالله كدا و يارب ماتجيلكيش و تكوني حامل يا رب.. و حتى لو جت تأكدي انه كله خير من ربنا سبحانه و تعالى ... و كل شيء في أوانه حلو..

انا عارفة كل حاجة بيد ربنا بس ساعات الواحد بيبقي عنده امل يلا الحمدلله

ميرسي يا أمونة.. صحيح ماتحطيه عادي و خلصي نفسك :)

مانيا

95 كيلو كتير اوي , لازم تساعدي الادوية اللي بتاخديها يا جميل , كده جسمك بيجاهد عشان الادوية تجيب نتيجة

هدى ومانيا

انا لو مكانكم كان جالي اكتئاب من حوادث السفر دي , بحب لما اسافر كل حاجة تمشي مظبوط :)

المهم بعد ساعتين طلع الطيار بس ربااانا طلع فجأة امريكاني و طول الرحلة شقلباظات و الهبوط بقى رزعنا المهم بقي بعد ما نزلنا من الطيارة راجل كبير في السن و شكله محترم قوي لقيته جي ناحيتي و بيقوللي اموت و اعرف بتضحكي من امبارح على ايه ؟ بس بيقولها بنرفزة

امونة غدا الاثنين اليوم الفررري بتاعي انا خسيت 2 كيلو الاسبوع ده

هي الأسعار أقل بس مش أوي .... هي دهب دي يا بنات حلوة؟؟؟
الجونة و نويبع حاساهم مش حلوين...
و الغردقة برده مش حلوة..
بصراحة شرم أحلى حاجة ...

ميرا فين

ايه الراجل الغلس ده يا هدى , هو ماله بتضحكي ليه؟ كان المفروض اخدتيه قلمين هههههههههههه

وبرافو عليكي يا هدى تستاهلي تسقيفة كبيرة على ارادتك القوية

انا رحت الجونة يا مانيا وكنت نازلة في فندق الموفنبيك, الفندق تحفة بس الجونة وحشة اوي ومفيهاش فسح خالص

الغردقة ارخص من الجونة وشرم

بس شرم تحفة بجد, انا وجوزي بنفكر نغير ونستغل الاوفرز دي ونروح العين السخنة

د\امونة;14591709:
مانيا

95 كيلو كتير اوي , لازم تساعدي الادوية اللي بتاخديها يا جميل , كده جسمك بيجاهد عشان الادوية تجيب نتيجة

هدى ومانيا

انا لو مكانكم كان جالي اكتئاب من حوادث السفر دي , بحب لما اسافر كل حاجة تمشي مظبوط :)

اديني ابتديت دايت اهو و ربنا يسهل يا امونة.. بتخنق والله لان المشوار طويل في الدايت... و بتخن بسرعة اوي ....و الجلوكوفاج اللي باخده 3 مرات في اليوم قالبلي معدتي على الاخر..
السفر اتعودت بقى.. لدرجة ان لو سنة عدت من غير ما اسافر فيها احس انه فيه حاجة ناقصاني.. و انا بحب السفر جدا و أمنية حياتي اني ألف العالم... و كان نفسي اتجوز واحد بيحب السفر عشان يسفرني على طول... و الحمد لله جوزي بيحب السفر...من أول ما خطبني جاله سفر للسعودية علطول :D

أجمل ايام العمر;14591741:
المهم بعد ساعتين طلع الطيار بس ربااانا طلع فجأة امريكاني و طول الرحلة شقلباظات و الهبوط بقى رزعنا المهم بقي بعد ما نزلنا من الطيارة راجل كبير في السن و شكله محترم قوي لقيته جي ناحيتي و بيقوللي اموت و اعرف بتضحكي من امبارح على ايه ؟ بس بيقولها بنرفزة

ههههههههههههه بصراحة عنده حق.. الناس يا عيني متنرفزة و انت بتضحكي اكيد استفزتيهم...

أجمل ايام العمر;14591749:
امونة غدا الاثنين اليوم الفررري بتاعي انا خسيت 2 كيلو الاسبوع ده

مبروووووووك..براااافو... حتشجعوني كدا...
انت ايه نظام الأكل اللي ماشية عليه يا هدى؟؟

د\امونة;14591785:
ايه الراجل الغلس ده يا هدى , هو ماله بتضحكي ليه؟ كان المفروض اخدتيه قلمين هههههههههههه

وبرافو عليكي يا هدى تستاهلي تسقيفة كبيرة على ارادتك القوية

انا رحت الجونة يا مانيا وكنت نازلة في فندق الموفنبيك, الفندق تحفة بس الجونة وحشة اوي ومفيهاش فسح خالص

الغردقة ارخص من الجونة وشرم

بس شرم تحفة بجد, انا وجوزي بنفكر نغير ونستغل الاوفرز دي ونروح العين السخنة

بصي انا رحت الغردقة و شرم.. رحلة شرم كانت أرخص و فندق 4 نجوم و أحلى كتييييييييييييييير... و أنضف... رحلة الغردقة كانت:thumbs_down: و أغلى و الفندق كان مليان نمل كبير مع انه المفروض فندق 4 نجوم.....و الرحلات فيه كانت برده :thumbs_down:
العين السخنة كنت بعدي عليها و انا مسافرة ما شفتش فيها غير البحر و ماشفتش أنشطة.. و سألنا برده في شركة سياحة قالولنا مافيهاش سفاري و مفيهاش أنشطة بحرية.. هي بتنزلي البحر و بس و فنادقها حلوة.. فلو من باب التغيير ممكن.. لكن انا ما حبذتهاش.. و معرفش برده المعلومات دي صح وللا لأ.. اتأكدي من حد راحها...
شرم فعلا فيها حاجات كتير ممكن تتعمل ....و حستها منظمة اكتر...