شات منتظرات الحمل وأمهات المستقبل بأذن الله (احلى بنات فى مصر )لشهر ربيع الاول

بت يا دينا اسألي عثمان على الفيروس ده, امال هو بياخد على قلبه اد كده ليه, انتي اعملي سيرش وروحي قوليله اللي انتي تعرفيه عشان يعرف انك فاهمة هههههههههههه

د\امونة;14585871:
بت يا دينا اسألي عثمان على الفيروس ده, امال هو بياخد على قلبه اد كده ليه, انتي اعملي سيرش وروحي قوليله اللي انتي تعرفيه عشان يعرف انك فاهمة هههههههههههه

ههههههههههههههههههههههه ماشى ياناصحة

الفيرس ده ياستى مش فهماه
اصله نوعين igg ودى معنهاه انه كان فى اصابة قديمة
وigm وده معناه ان فى اصابة حديثة

انا عندى بوزيتيف فى igg فقط الحمد لله والتانى نيجيتف

فقريت برضو ان لو بوزيتيف فى ال igg يبقى عادى مفيش مشكلة
والله اعلم

انا هروح لعثمان يوم الاتنين ان شاء الله
هو مشكلته انه بيسيبك تتكلمى عادى جدااااااااااا براحتك بس مابيردش عليكى ههههههههههههه

ويارب يطمنى

دينا لو عندك بس اصابة قديمة مفيش حديثة متقلقييش و غريبة ان عثمان مش بيرغي معاكي ده انا كان بيرغي و يهزر كمان يمكن عشان قعدت حوالي سنة و نص اتابع معاه

دينا.. يارب تطمني عند الدكتور عن الفيروس ده و ان شاء الله خير.. انا دورت عليه بس ملقيتش حاجة بتقول انه بيعمل اجهاض و الله اعلم..

بخصوص الفسحة حتخلوا الموضوع يزقزق في دماغي... :) انا عايزة حاجة غير شرم و الغردقة... و برده يكون سعرها حنين .. و ايه احسن فترة ؟؟انا حكون في مصر ان شاءالله من نص 4 لأول شهر 6 ..:)

أمونة.. النقابة عندنا نيلة خالص ما استفادتش منها بحاجة و اسعارها اغلى من برة هههههههههههه
احنا شهر العسل رحنا شرم و كنا حاجزين في شركة سياحية و كانت رحلة جمييييييييييييييييييييييييييلة خصوصا الرحلة البحرية زي ما انت قلتي و غطسنا عند الشعب المرجانية في راس محمد و اتفرجنا على الاسماك و سبحان الله شكلهم جميل اوي.. قضينا ال 4 ساعات في المية هههههههه و السفاري كمان كان تحححححححفة و استمتعنا بيه اوي.. احنا كلنا في خليج نعمة برده و كنا نازلين في شارم كليف...و كان الفندق جميل جدا احلى من اللي رحناه في الغردقة و البوفيه بتاعهم كان واااااو... بس بصراحة مش فاكرة الرحلة اتكلفت كام .. و كل حاجة كانت حلوة لحد و احنا راجعين ... يا لهويييييييييييييييييييي....الباص جه أخدنا من الفندق الساعة 2 تمام... من ساعة ما طلع من شارم و هو ماشي على سرعة 20 كيلو ... !!!!!!! نقوله يا سيدي المشوار لاسكندرية لسة طويل شد حيلك.. يقولك لااا دي مطلعاية بس :D فضل ماشي ع السرعة دي و أتاري الباص خربان أصلا و الشركة طلعته برده و رفضوا يصرفوا عليه و يصلحوه(شركة النقل مش السياحية) و عايزة أقولك كان بيمشي 10 كيلو و يقف و ينزل يلعب في المحرك بتاعه شوية و يشغله يمشي 10 كيلو كمان و يقف ... و احنا في الصحرا بقى :) و نقوله طب نرجع شرم و تجيبولنا واحد جديد.. يقولك أبدا ده كويس و حيمشي... لحد ما ابتدى السواق يتخنق و بقى يتصل بالشركة عشان تبعتلنا اتوبيس جديد سليم .. و يقوللوه حااااااضر ربع ساعة و يكون عندك... عايزة أقولك مفيش حاجة وصلتنا لحد الساعة 1 باليل...:hysterical::hysterical::hysterical: والله يا بنتي فضلنا نمشي شوية و الرجالة تنزل تلعب في المحرك شوية كان فاضل يزقوه زق والله... لا و ايه مفيش شبابيك مفتحة طبعا... و مفيش تكييييييييييييييييييييييف... و احنا في عز شهر 8 :thumbs_down: كنا مفيصين خالص والله.. و بعدين لقينا استراحة كدا ع الطريق رحنا ركنا فيها و كل ده اتصالات طبعا بينا و بين الشركةة و هزقناهم و اتخانقنا و بتاع .. و يقولولك حاضر ربع ساعة و الباص يوصل.. الربع ساعة بتاعتهم بسنة... حسبي الله و نعم الوكيل.. و يقولولهم معانا اطفال و معانا ستات مش حمل البهدلة دي .. مفيش فايدة.. و قال ايه السواق عايز يسيبنا و يروح (أصلها كانت ليلة أول يوم رمضان و سيادته عايز يروح يتسحر :D و احنا ولاد ستين في سبعين مش مهم)...و الرجالة مسكوه و اتخانقو و منعوه انه يمشي قبل ما يجيلنا باص محترم ياخدنا.. و لحد الساعة 2 باليل مفيش حاجة و كدا بقالنا 12 ساعة قاعدين في الشارع...بعدين بالصدفة كدا جت عربية شرطة بتلف في المكان .. فاتنين ستات و جوزهم تقريبا عندهم حد واسطة فراحوا للشرطي و قالوله اللي حصل.. المهم عربية الشرطة سمعت مننا و مشيت .. و غابت ساعة الا ربع تقريبا و بعدين رجعت بكل برود بتسأل ها محدش جالكم... ؟؟؟ المرة دي بقى مسكوا فيهم و راحوا القسم و عملوا محضر في السواق و في الشركة و واحدة ست من اللي راحوا مش مصرية طلعت البطاقة بتاعتها و قالتهلم معرفش انا تبع مش عارف مين كدا.. فطبعا ضربولها تعظيم سلام :) و المهم لقيناهم راجعين و هم راكبين أتوبيس جديد ....:celebrate::celebrate::celebrate: طبعا منظرنا و احنا قاعدين في الشارع على الرصيف و احنا عرسان جداد كان تحفة خااالص :) و كان معانا 3ازواج عرسان كمان طالعينه شهر عسل ..زوج منهم من السودان :rolleyes: و الناس كلها صعبان عليها بقى اننا عرسان جداد و يحصل فينا كدا :)
المهم ركبنا الباص و احنا مبسوطين و قلنا بس اخيرا حنروح طبعا احنا كل ده ما كناش لسة حتى قطعنا ربع الطريق لاسكندرية ...
المفاجأة بقى ... ان الباص الجديد ده.. مشي بينا حوالي 30 كيلو ووقف:sleep::hysterical::hysterical::hysterical::hysterical::hysterical::hysterical::hysterical::|:|:|:|
والله عروسة من اللي كانوا معانا أغمى عليها .. و قعدنا نفوق فيها.. كانت الساعة حوالي 4 الفجر.. و اول يوم رمضان بقى ...
قمنا نازلين من الباص.. و اتقسمنا و فضلنا نشاور للميكروباصات عشان تقفلنا :( و اخيرا لقينا واحد اتحشرت فيه انا و جوزي و كنت جنب الشباك و من كتر الكتمة فتحت الشباك.. و حطيت راسي و نمت... وصلنا القاهرة فالميكروباص نزلنا و قالنا شوفوا حاجة اركبوها لاسكندرية بقى كنا بقينا الصبح و الشمس طالعة و معرفش الساعة كام.. و الاقيلك كل اللي نازل من المشروع يبصلي و يقولي يا عيني دا ايه شهر العسل ده . شكلك مابقيتيش عروسة خااالص :| قلت لجوزي هو في ايه..قالي وشك كله هباب اسود من شكمان العربية و انت فاتحة الشباك دخان اسود كله جه على وشك.. :024::024::024:
المهم ركبنا مشروع تاني و رحنا اسكندرية و الناس الي معانا غلسين اوي.. من اول الرحلة.. احنا سكة بيتنا واحدة و سهلة و كل المشاريع بتعدي عليها و السواق كان رايحها كدا كدا.. فالناس اللي معانا الأنانيين أقنعوه يوصلهم لحد باب بيتهم في شوارع داخلية و انا و جوزي كنا اخر ناس نازلين بقى .. فجه عندنا و عايز يلف و يرجع ... و احنا بقى ننزل ناخدها مشي من بيت الناس دول منهم لله لحد عندنا او ناخد تاكسي... و احنا كنا خلااااص على اخرنا و تعبانين و صايمين و مش حمل نقف نستنى تاكسي.. و نحاول نقنع فيه يا عم بيتنا سهل و انت كنت حتعدي عليه كدا كدا و على الشراع الرئيسي و من هناك في شارع يطلعك على سكة السفر علطول... و هو بقى فين و فييييييييين لما اقتنع.. و انا كنت خلاص عايزة اولع في الناس دول لانهم من اول الرحلة و هم ليهم مواقف تفقع...
و أخيرا وصلنا البيت الحمد لله .. :015::015::015::015::015::015::015::015::015::015:
زهقتكم مش كدا هههههههههههههههههههههههه

حكاية بويضاتي انا برده مش فاهماها والله بس هو ايه اللي ممكن يحصل يا دينا ؟؟؟
ربنا يكرم و الحقن دي تجيب نتيجة انا قبل كدا في الصيف اللي فات لما نزلت مصر اخدت كلوميد 5 ايام و بعدها حقن فوستيمون 6 ايام و عملت سونار الدكتور قاليفي بويضات كويسة جدا و حجمها مناسب بس احنا حنكبرها كمان حبة عشان تبقى أضمن.. و أحسن.. و اداني حقن يومين كمان فبقوا 5 ايام كلوميد و 8 ايام حقن.. فقالي كدا الوبيضة تمام اوي و كان حجمها كبير ماشاءالله و حلوة و اداني حقنة تفجير و مثبت .. و بخ بعد كدا ما حصلش حمل خالص ... يمكن عشان الغدة ما كنتش مضبطاها ساعتها.. فأنا بالعكس حاسة ان دلوقتي لما اخد 5 ايام كلوميد و حقنتين و اعمل سونار متوقعة ان البويضة ماتكونش كبرت اوي... أنا عايزة أعرف الفوستيمون اقوى وللا جونال اف ؟؟؟
أمونة.. انا الادوية و الحقن بستلمها من صيديلة المستشفى و انا خارجة من عند الدكتورة .. يعني هي صرفتلي 7 حقن و كلوميد يكفي 3 حبات في اليوم.. و بريميولوت نور عشان ينزل البريود... انا محتارة اخد البريميولوت نور احسن وللا اخد الدوفاستون احسن عشان الدورة تنزل؟؟

مانيا انتي سكرة فكرتيني بمغامراتي في السفر انا في الهاني مون سافرنا اسبوع شرم من القاهرة لشرم طيران و اتبسطنا جدا قعدنا اسبوع في شرم و رحنا من شرم للغردقة طيران و قعدنا اسبوع في الغردقة و كان حلو قوي برضه المهم و احنا راجعين من الغردقة للقاهرة المفروض بقى عرسان جداد و ماما و بابا كانو مستنينا في المطار ( هروح افطر و اكملكم )

أجمل ايام العمر;14586584:
دينا لو عندك بس اصابة قديمة مفيش حديثة متقلقييش و غريبة ان عثمان مش بيرغي معاكي ده انا كان بيرغي و يهزر كمان يمكن عشان قعدت حوالي سنة و نص اتابع معاه

انا عندى الاصابة القديمة الحمد لله
هو بصراحة مش عايزة اظلمه اصل انا ماروحتش غير مرة واحدة
هو طبعا سالنى اسئلة كتييير قبل الكشف وبعد كده كشف بالسونار وكله وبعدين بقى انا قعدت اساله على حاجات فمردش عليا :o وقعد يحدد لى التحاليل اللى هعملها ويكتب حاجات كتير كده وبعد ماخلص قالى مش هقدر اقولك حاجة غير بعد التحاليل دى بس كده
يمكن بكرة يرغى:D

[QUOTE=manyaa;14586589]دينا.. يارب تطمني عند الدكتور عن الفيروس ده و ان شاء الله خير.. انا دورت عليه بس ملقيتش حاجة بتقول انه بيعمل اجهاض و الله اعلم..

بخصوص الفسحة حتخلوا الموضوع يزقزق في دماغي... :) انا عايزة حاجة غير شرم و الغردقة... و برده يكون سعرها حنين .. و ايه احسن فترة ؟؟انا حكون في مصر ان شاءالله من نص 4 لأول شهر 6 ..:)

[/QUOTE
ان شاء الله الدكتور يطمنى بكرة
وبالنسبة للفسح هسالك جوزو واقولك
ده شرم مهوية دلوقتى
تلاقى مفيش غير حسنى ;)


انتى ضحكتينى اوى والله على مغامراتك فى السفر ههههههههههههههههههه ومتخيلة وجوزك بيقولك وشك مهبب من الشكمان ههههههههههههههههه عسل ياعينى

ولا العروسة اللى اغم عليها


هو اكيد الموضوع ساعتها مكانش يضحك خالص

مانيا بالنسبة بقى للمنشطات دى فانا مش عارفة افيدك
انتى هتاخدى الجرعة وتتابعى وتشوفى ايه الاخبار والله فى تحسن والبويضات بقى حجمها كويس خير وبركة ولو لاقدر الله لسه اكيد هيزدو التنشيط

وانا ياستى قريت ان ممكن يحصل فرط تنشيط وده حصل لى قبل كده وكنت هموت وعملى مغص فظيع جدااااااااااااااا ودكتور تيت كده كان هيفتح لى بطنى

وكل الدكاترة بصراحة بيحذرو من اخد المنشطات من غير متابعة

كملى ياهدهد

هدى يعنى لو اصابة قديمة يبقىمش سبب للاجهاضات ولا هاخد لها علاج ولا ايه؟؟؟؟؟؟؟؟؟؟؟؟؟

صباح الخيييييييييييييييير

صباح الخير يا بنات

صباح الخير يا اونى

اخبارك اية يا حبيبتى

محدش هنا ولا اية ؟؟؟؟؟؟؟؟

@ green apple @;14587064:
صباح الخير يا اونى

اخبارك اية يا حبيبتى

الحمد لله يا قمر
انتى عاملة ايه ؟ وبنوتك اخبارها ايه ؟ مبروك معرفة نوع البيبى

اختارتى اسماء ولا لسه للبنوتة

onny;14587178:
الحمد لله يا قمر
انتى عاملة ايه ؟ وبنوتك اخبارها ايه ؟ مبروك معرفة نوع البيبى

اختارتى اسماء ولا لسه للبنوتة

الحمد لله يا قلبى

لا لسة مش اخترت قولت لما اقرب شوية

اعمل ابحاثى

لكن اللى تعرف اسم حلو تقولهولى

:D

هههههههههههه هدى.. مستنية الحكاية يا سكر.. انا في الأصل بستمتع بالسفر البري جداااااااااا... بحب البر و البحر اكتر من الطيران... ممكن الطيران لو ساعات طويلة استمتع... مش عارفة... بس انا جربت سفر البر و البحر و بحبهم اوي...
دينا.. على رأيك كفاية ان حسني في شرم.. انا مش عايزة شرم خلاص.. و الغردقة مش حلوة.. بصي عايزة اعرف دهب دي ايه نظامها لاني معرفش.. و لو في رحلات لمارينا او الساحل الشمالي برده يا ريت.. بفكر المرة دي تبقى حاجة قريبة مننا شوية :)
الصيف اللي فات رحنا الغردقة و بعدها مطروح.. بس حاساها كانت كئيبة شويتين.. فعايزة المرة دي الساحل الشمالي مثلا وللا حاجة .. ان شاءالله ..
عايزة أقولك احنا قعدنا طول رحلة العودة بنهزر انا و جوزي و نضحك و بنحاول نقنع نفسنا اننا مستمتعين عشان ما ننكدش على روحنا في شهر العسل... و كمان انا عارفة ان جوزي عصبي أصلا فكنت بحاول طول الرحلة اشغله و اهزر معاه عشان الوقت يعدي و ينسى اللي احنا فيه ههههههههههههههههههه لغاية ما الناس اللي بقولك عليهم غلسين دول... و احنا في الاستراحة كانت الست واقفة جنبي و بتكلم صاحبتها بطريقة كدا مش لطيفة خالص و عمالة تلقح كلام علية انا و جوزي و العرسان اللي معانا عشان يعني ساكتين و بنضحك في المواقف دي و كدا.. و احنا مش في ايدنا نعمل حاجة اصلا... و كان في رجالة كبيرة معانا هي اللي عمالة تتفق مع السواق و تكلم ناس تبعهم و كدا و احنا ماعرفناش نكلم غير صاحب الشركة و جوزي شد معاه في الكلام و اتخانق مع السواق.. نعمل ايه تاني نقطع نفسنا... نرفزتني اوي بكلامها و فضلت مش طايقاها لحد ما وصلنا اسكندرية هي و الناس اللي معاها هههههههههههه
و انا اصلا متعودة في المواقف اللي زي دي احاول ابقى باردة و استمتع باللحظة و خلاص :) و كتير كنت ببقى مسافرة انا و اخويا و تحصل معانا مواقف شبيهة و نعد نضيع الوقت في الضحك و الهزار لان لو غير كدا حنتعصب جامد ....

اخباركم ايه يا بنات.. انتوا جايين دلوقتي و انا ماشية :)
سلام

مانيا وشوشو واللؤلؤة الحائرة

ربنا معاكم يا قمرات فى التنشيط وان شاء الله يكون الشهر ده خير وربنا يرزقنا جميعا الذرية الصالحة

ريرى
كل عيد جواز وانتى طيبة يا قمر


شوشيت
اخبارك ايه يا قمر ؟ وزوجك عامل ايه دلوقتى؟

دوعة
ربنا معاكى فى المنظار وربتا يطمنا عليكى

دينا
ان شاء الله الدكتور يطمنك ويكون مفيش مشكلة من الفيروس يارب

هدى
ازيك عاملة ايه وبيلا اخبارها ايه؟

محبة وفجر وكل البنات اخباركم ايه ؟

ايه دا يا مانيا ده انا دوخت من مجرد كلامك عن الاتوبيس , هههههههههههههههه

انا رحت شرم طيران ورجعت برده طيران , لكن لما رحت الغردقة رحت باص وكان متعب جدا لان المسافة طويلة اوي والباصات كلها بتمشي بطيء, وانا ضهري بيوجعني اصلا, عشان كده قررت انا وجوزي ان اي رحلة بعد كده تبقى طيران



دينا


لو عثمان مردش عليكي المرة الجاية حطي صوابعك في عينيه ههههههههههه, دي قلة ادب والله لما الدكتور من كتر احساسه بالعظمة يطنش المريض اللي دافع دم قلبه

هيا البت ميرا ناوية تدخل نت امتى.؟ الدكتورة كانت قالتلها لو رحتي القاهرة متجيش تاني الا بعد شهر؟ معقول هتقعد شهر بعيد عننا :(

ربنا يطمنا عليها ليها وحشة بنت الايه دي :) بجد عاملة روح بريئة للشات بدل الاجرام اللي احنا فيه ههههههههههههههههههههههه