تجمع حوامل وامهات قطر لشهر صفر لعام 1432ه؛ يناير 2011م

دلوعة زوجي 2007;14276044:
مساااااء الخير

بنات حبيت ابشركم بولادتي جبت ولد والحمد لله على النعمه ..

الف مبروك حبتبي ماجاج ويتربي بعزكم والحمدلله ع سلامتج

مـرحبـــااااا .,,

شخـبـاآآآركم ..

دلووعه زوجج

مبـروك ماجبتي يترربى بعززكم .. وحمدالله على سلامتج

هلا هيوبة

شخبارج واخبار البطل

دلوعه

مبروك البيبي بوي ويتربى في عزكم إن شا الله

روح

حبيبي ما عليه شر ان شاء الله..


دلوعة

الف مبروك الولد..
يتربى في عزكم ان شاء الله..



اليوم مرة ولد خالتي ربت ما شاء الله ويابت بنت..
من 4 ايام وهي تطلق :( مسكينه..

النوري :
سبحان الله خيرة للبنت ..
شوفي انا تناقشت مع بنت خالتي اليوم بخصوص الروض و جذي و نبهتني قالت لي الحين في عمره تبين له روضة او حضانة ما يكون فيها الالتزام بالحضور
لأنه أكيد ما راح تودينه كل يوم , ثاني شي الإدارات الأجنبية أفضل لأنهم يهتمون في المبنى و الاهتمام و المسؤولية عندهم أعلى من الحضانات العربية
و مدحت لي فن فيرست بناء على جولة لها يوم تدور حق ولدها



انكساري :
عمري 27 و عندي ولد واحد



روح :
حبيبي اسم الله عليه
زين حطي على الدمل شاش و لزقيه عشان لو حاشه شي ما يعوره وايد .. عورني قلبي ..
و اذا تبين رايي اخذي له موعد عند محمد الدباغ في حمد ممتاز بيسوي له تحاليل شاملة و بيتابعه




فجور :
حياتي البنات اللي كبروا .. الله يخليها لج :)
حطي واحد ثاني



دلوعة زوجج :
مبروك ما جاج و الحمدلله على سلامتج

دوحانية;14273757:
لولوة :
اذا تبين مستقلة عندج قطر مستواها واايد ممتاز روضتهم على ما اظن عقب دوار المرور القديم او قريب من بن عمران ..
و المدرسة في خليفة الجنوبية

انا مابي مستقلة .. محد شجعني ..

واذا اضطريت ادخلها .. لازم انطر مب السنة الجاية .. اللي بعدها

لانها مواليد شهر 3 ولازم تكمل الاربع سنوات .. فبتدخل 4 سنوات ونص ..

وانا الصراحه ابي ادخلها قبل

::

روح قطر

اسم الله عليه

حطي له مرهم اسود عشان تنبط ويفتك

::

دلوعة زوجي 2007;14276044:
مساااااء الخير

بنات حبيت ابشركم بولادتي جبت ولد والحمد لله على النعمه ..

الحمدلله على السلامه ويتربى بعزج ان شاء الله

د ح دح فن فيرست ماشاااء الكل يمدحهااا

مع الخيارات العديدة والمدارس الواحد صار يحتار

انا ان شاااء الله اخذ فكرة عن المدارس اللي في الهلال والمطار
ماابي ابهدل البنت مع شوارعنا الجميلة واللي كلش مب زحمة :p

مبرووووك عليكم المطر ومبروك دلوعه زوجي ويتربى بعزكم ياااااااااااارب شخباركم

دح دح تسلميييين فديتج ً،،، بسوي لهاااا ان شالله ًٓ,,,, و بالنسبة للحضانة يلا ندخل نحول و توتة مع بعض ّ،، جيجلز عجبني نظامهم تقدرين تودينه ايام محددة في الاسبوع و انتي تودين الاكل من عندج و قالت لي ان نحاول قد ما نقدر نخليه يكمل وجبته و ممكن يقدمون لج نصيحة غذاااءية و اذا مريض ممنوع تودينه عشان ما يعادي اليهال. بنات ,أنا وااايد عاجبتني فكرة الحضانة و خاااطري ادخل بنتي. بس أمي خلتني اتردد أنا احس احسن من قعدتها مع الخداامةً شرااايكم

ترى اكتب من الايفون

دلوعه

الحمدلله على سلامتج
ومبروك ماجابتي يتربى في عزكم

انا من فتره وانا افكر ادخل خلود حضانه
لان ان شاء الله بتوظف .. فبخليه بالحضانه احسن مع اليهال
وشرايكم احسن حضانه قريبه من الخريطيات ..؟

مساء الجو الحلو

فجر الحياة :
ياختي على حسب بنتج ،، هل تحسينها ممكن تتاقلم مع جو الحظانة ، ولا اريح لها البيت ،،
انا شخصيا افضل :
الام الصبح في البيت مع عيالها وهم صغار، ماتوفر..
خدامة وايد زينة في البيت مع العيال ،، ماتوفر
الحضانة الخيار الأخير اذا اللي عندج مب لين هناك ،،

أنا من راي الوالدة اذا بنتج مرتاحة في البيت خليها صراحة توها نتوفه ،،

فجر
الأمهات كلهم جذي وأمي وحدة منهم ؛ ما يقدرون أن زمنا غير زمنهم ؛ هم قبل يودون عيالهم لأمهاتهم والشوارع فاضيه والدوامات قصيرة ؛ الحين كل شي صار العكس وغير هاي أغلب أمهاتنا يشتغلون ، حطي ولدج في حضانه أنا أيد الموضوع ؛ على الأقل يتعلم شي مفيد بدال القعدة مع الخدامة والمحاتاه.

دحدوح
أحس صح كلام الي تقرب لج ، لين صار عمره ٣ سنين دخليه مدرسه ؛ ودي أدخل بنتي من السنة بس ريلي مب راضي. 

ღ ليلة حب ღ;14275708:
انكساري شموخ
أنا ولدت عندهم وارتحت على تعاملهم ؛ وما أحب أسلوب مستشفى حمد. وبعدين الولادة على التأمين بس أدفع فرق السويت.
.

دامج مجربة ومرتاحة لهم توكلي على الله وربي يسهل عليج
بس ماقلتي لي شلونج مع بنتج والحمال ,,تعب عليج ولا تشوفين سنها مناسب للحمل؟؟

دلوعة زوجي 2007;14276044:
مساااااء الخير

بنات حبيت ابشركم بولادتي جبت ولد والحمد لله على النعمه ..

الف الف مبروووك ويتربى بعزكمF:

دوحانية;14277350:
انكساري :
عمري 27 و عندي ولد واحد

فديته يتربى في عزكم يارب يلا شدي حيلج وجيبي له اخو ولااخت :D

روووووح قطر;14274811:
انكساري شموخ
حياج الله بينا :)
عمرج مثل عمري وعندي بيبي واحد
الله يخليه ويحفظه لي
بالنسبة للمدارس صج عوار راس من قلب ..
بنات خلني اتشكى
الله يسلمكم طالع حق ولدي من ورا اخر ظهره
نفخة كبيرة تحت الجلد مادريت وشهي ويصرخ لي لمسها شي ولا انسدح عليها
وديته السد امس الا يقولون لي رضه وهو صج طايح قبلها وعقب الا يقول الدكتور ها لا شكلها دمل
بغيت اقوله انت دكتور ولا زراع مو عارف رضه من دمل الا يقولي تحويل طواري حمد عشان يسوون الاشعه
وعقب ابلفيت انه بسويها عندهم يوم شاف الاشعه الا يقولي رضه ماتخافي ماعليه شر
قلبي نغزني دريت انه مايدري شسالفه وديناه اليوم لمهند الا يقولي اي رضه شدخل واضحه دمل
بس اذا ظهر لها راس لازم تودونه حمد يفتحونها له ايه عليه معور قلبي كل ماغسلته ولا سدحته لتبديل الحفاظ صرخ
بس ماتوقعت دكاترة السد مايدرون وين الله حاطهم .. استغفر الله
اي كتب له مهند مضاد وكريم واليوم مخلص مضاد اذنه ماترقع ولدي يخلص من شي يظهر له شي وانا نفسيتي
صايرة كلش داااااون من قلب :(

رووح قطر:
مايشوف شر ولدج ،، والله يعينج هالفترة ،،
الله يخلي الدكتور مهند ، فاهم والله ، والحمدلله انج من نفسج شكيتي في كلامهم ،،
ماعليه شر ان شالله يوم انج عرفتي علاجه ، هذا اهم شي ،،

قطريةً: عندج حضانة لتل انجلز في الريفيرا و حضانة جيجلز قريب من مركز الغرافة الصحي