تجمع حوامل وامهات قطر لشهر صفر لعام 1432ه؛ يناير 2011م

فجر الحياه
طرشي لي الاستبيان.

:)

السلام عليكم



بالنسبه لكلير بلو ماسحينه ما شاء الله من الصيدليات خخخخ
مرتين كنت ابي اخذه وما حصلته...

ღ ليلة حب ღ;14273348:
انكساري
هلا حبيبتي ؛ أنا بخير وعندي بنت وياهل ياي في الطريج ما يندرى بنت ولا ولد.
انتي شخبارج وشخبار عيالج؟

وي تصدقين توني اشوف توقيعج ههههه
ربي يقومج بالسلامة
انا بخير والياهل بخير
عند مين اتابعين ؟؟

ليلة :
عاااد خلود اللي ماتلقين فيها شي !
رحت أكثر من صيدلية و لا لقيته .. حتى العادي ساعات ما احصله



انكساري :
بخير الحمدلله ..
ماسدحتي البطاقة الشخصية ..


فجر :
مشكورة باشوفه الحين ..

دوحانية;14273421:
انكساري :
بخير الحمدلله ..
ماسدحتي البطاقة الشخصية ..

هلا حبيبتي
اممم شنو تبون تعرفون هههههههه
اسمي انكساري شموخ<حلفي عاد
عمري 24
هوايتي تصفح عرووووس والدردشة على الماسن واحب اتعرف على البناات لان ماعندي صديقات :(
عندي 3 اطفال الله يخليهم لي
اي سؤال انا حاضرة
يلا دور بطاقتج الشخصية :lol:

السلام علييكم

شخبااركم

صدقتي ليلة حب الكلام عن المدارس حديث ذو شجون

يعني اشوف اهلنا من كل صوب مدخلين خاص ومستقل وناس تمدح بشي وتذم بشي

وكلي مالي واحتار يعني انا نفس قي فكرة لولو انا مخلية بنتي مؤقت

لين مايبدا الستجيل لين السنة الجاية ابي ادخل روضة ومنها في نفس المدرسة

كامي ماشاااء الله خالتي تمدح بنتها يوم كانت في دار الارقم نظام ومواصلة مع ولي الامر مناقشة مستوى الطالب وتشجيع الطالبة ورقع مستواها وكان يعجبني اكثر تركيزهم على تحفيظ القران

بس صديقتي ذمت المدرسة وانة بنتها يوم كانت في مدرستها السابقة من الاوائل صارت تنزل ووايد والتقديرات صارت انزل عن وايد

في النهاااية مانقدر نحكم من كلام الناس
انتي روجي يوم دراسي وشوفي شلون النطام عندهم لان تقول مدرسة وحدة تدرس كل المواد فااكيد شرحها راح يكون ناقص في مادة ووافي في مادة ثاينة

والمها هم بعد نفس الشي ناس يمدحونها وناس يقولون من انقلوا للمبني الجديد صاروا ماديين




انا نفس فكرتج لولو بي ادخل امونة روضة وتكون تواصل

محتارة بين دار الارقم وبين نور المعارف
والاكاديمية االامريكية بس خلط في ابوها مب معارض الموضوع

وناس يقولون دخليها روضة موزة بنت محمد قريبة من بيتنا ووايد بس يذمون المستوى احترت الصراحة

وانا قدامي فترة اقرر عشان اروح اسجل ع ااساااس اللست ويتنق

بس انا وايد حابة نور المعارف بس عيبهااا في السد

انكساري شموخ;14273532:
هلا حبيبتي
اممم شنو تبون تعرفون هههههههه
اسمي انكساري شموخ<حلفي عاد
عمري 24
هوايتي تصفح عرووووس والدردشة على الماسن واحب اتعرف على البناات لان ماعندي صديقات :(
عندي 3 اطفال الله يخليهم لي
اي سؤال انا حاضرة
يلا دور بطاقتج الشخصية :lol:

حياااج الله بين خواتج F:

النـوري;14273578:
حياااج الله بين خواتج F:

الله يحييج :o

ويمدحوون بعد مدارس الحماد ماصار لها وايد وبعد الشويفات بس مااعرف اذا بنين ولا بنات ولا مختلط

ويمدحون بعد المدرسة الهندية الاسلامية ومستوى الدراسة فيهاااا

petitspasqatar

انكساري شموخ
حياج الله بينا ؛ وخلج متابعه معانا ؛ أنا أتابع عند سامية النملة وأوقات أروح الشفاء الطبي عشان الإجازات ؛ وناوية أتابع في الأهلي عشان أربي عندهم ؛ بس أنطر النساه تخف وباخذ موعد عند روزفي.

النوري

انا بعد مثلج .. مهم ان المدرسة تكون قريبة من البيت .. وانا عكسج محد شجعني ادخل بنتي مدرسة مستقله

بس اختي دوووم تقول لي فكري في الطريق وانسي اي شي ثاني لانهم في النهايه كلهم نفس الشي

انكساري :
الله يخلي لج عيالج و يبارك فيهم ..
امممم شتبين تعرفين ..



النوري :
والله الله يعين ع المدارس و غثاااها
و بخصوص الشويفات اكثر من حد يقول انها تبشيرية



لولوة :
اذا تبين مستقلة عندج قطر مستواها واايد ممتاز روضتهم على ما اظن عقب دوار المرور القديم او قريب من بن عمران ..
و المدرسة في خليفة الجنوبية

ايوة الحين قريت انها تابعة لكنيسة في سوريااا


يااختج انا وايد احاتي هالموضووع


مايصير اقعدهم عندي في البيت وافتح لهم مدرسة خاصة فيهم عندي اريح لقلبي:D


المدارس اندمر المستقلة اندمر حالها

ماصار ههم التركيز على الدراسة ومستقبل الطالب

صارت المدرسة تدوام شايله همها قبل لا تشيل هم تعلييم الطالب


المشكلة انا اللي ذابحة عمري ع الموضوع ومكبرة الموضوع واللي حولي يقولون لي انتي مكبرة السالفة يادخلينها مستقلة ولا خاص وانتهت السالفة انا ماابي حياة البنات تعتمد على مدرسين خصوصين ولا غيرة

هو التعليم يبدا من التاسسيس




انا ماابي ابهدل البنت ادخلها واطلعهااا والمشكلة التسجيل في هالمدارس صاير ضرب بنعل عليهم ياتحصلين ولا ماتحصلين

ابي تكمل مرة وحدة

سبحان الله صارت المدارسة االاجنبية والخاصة احسن من الحكومية الله يرحم ايااام مدراساتنا صج تحسين تجي تدوام تحلل المعلومات لين مانفهم ونحفظ

rising star

rskqatar دوت كوم

[QUOTE=

لولوة :
اذا تبين مستقلة عندج قطر مستواها واايد ممتاز روضتهم على ما اظن عقب دوار المرور القديم او قريب من بن عمران ..
و المدرسة في خليفة الجنوبية[/QUOTE]



ماشاااء الله وايد مستواها حلو بنت اختي في الروضة

اختي كانت رافضة ادخل بنتهااا مستقلة وكانت تبي المهاا ونست موضوع التسجييل

وراحت تبي تسجل بنتها بعدين قالوا لها اكتفاااء

وتمت ام ريلها تقولها دخلي بنتج المدرسة اللي جنب البيت احسن لج واختي راحت تسجل بنتها في مدرسة قطر ع اساااس ان بتنقلها السنة الجاية بس ماشاااء الله اختي استانست ع مستواها ومدرساتها الطيبات تقول الحمدلله ان بنتها في مدرسة قطر قربية جنب البيت ومستواها حلو ماشاااء الله

دوحانية;14273757:
انكساري :
الله يخلي لج عيالج و يبارك فيهم ..
امممم شتبين تعرفين ..

امييين
كم بيبي عندج ؟؟:D
وكم عمرج :o

&#4326; ليلة حب &#4326;;14273722:
انكساري شموخ
حياج الله بينا ؛ وخلج متابعه معانا ؛ أنا أتابع عند سامية النملة وأوقات أروح الشفاء الطبي عشان الإجازات ؛ وناوية أتابع في الأهلي عشان أربي عندهم ؛ بس أنطر النساه تخف وباخذ موعد عند روزفي.

انا متابعة بس ساعات ادش ومحد يرد علي ازهق واطلع :(
على العموم ليش تبين تربين في الاهلي ؟؟
احس حمد احسن الاهلي بس يبون فلوس:lol:

فجورة

ميرسييي
راح اسويه الحين

انكساري شموخ
حياج الله بينا :)
عمرج مثل عمري وعندي بيبي واحد
الله يخليه ويحفظه لي
بالنسبة للمدارس صج عوار راس من قلب ..
بنات خلني اتشكى
الله يسلمكم طالع حق ولدي من ورا اخر ظهره
نفخة كبيرة تحت الجلد مادريت وشهي ويصرخ لي لمسها شي ولا انسدح عليها
وديته السد امس الا يقولون لي رضه وهو صج طايح قبلها وعقب الا يقول الدكتور ها لا شكلها دمل
بغيت اقوله انت دكتور ولا زراع مو عارف رضه من دمل الا يقولي تحويل طواري حمد عشان يسوون الاشعه
وعقب ابلفيت انه بسويها عندهم يوم شاف الاشعه الا يقولي رضه ماتخافي ماعليه شر
قلبي نغزني دريت انه مايدري شسالفه وديناه اليوم لمهند الا يقولي اي رضه شدخل واضحه دمل
بس اذا ظهر لها راس لازم تودونه حمد يفتحونها له ايه عليه معور قلبي كل ماغسلته ولا سدحته لتبديل الحفاظ صرخ
بس ماتوقعت دكاترة السد مايدرون وين الله حاطهم .. استغفر الله
اي كتب له مهند مضاد وكريم واليوم مخلص مضاد اذنه ماترقع ولدي يخلص من شي يظهر له شي وانا نفسيتي
صايرة كلش داااااون من قلب :(