تجمع حوامل وامهات قطر لشهر صفر لعام 1432ه؛ يناير 2011م

مساء الخير

موزان
طلع اليوم عرسهم وانا احسبه الجمعة الجاية كنت باروح مع أمي بس ما حصلنا حد يودينا لان ابوي وإخواني معزومين على عرس الرياييل

دلوعة
الحمدلله على السلامة ومبروك ما جبتي ويتربى في عزكم

الماميييز اللي يبون يدخلون عيالهم حضانة وجهتي نظري انا ان الام اذا كانت متفرغة وقاعدة ف البيت ليش تدخل الياهل الحضانة
يعني كفاية عليهم الكي جي ون وكي جي تو ليش البري كي جي احس الياهل يتملل من المدرسة خلاص يكمل الياهل ثلاث ونص او اربع بعدين يدخل
لكن اذا الام تشتغل او تدرس ف احسن لها تدخله بدال قادته مع الخدامة مع ان انا أمي كلش ما رضت ادخل بو عوف وقالت خليه عندي ولا تدخلينه مكان توه صغير مع ان كان له ثلاث ونص وكنت بادخله كورس واحد وعقب روضة مستقلة بس امي ما رضت:(
وجوجو الحين انا قاعدة ف البيت ف ليش ادخلها قبل مع ان خواتي اللي عيالهم اكبر من جوجو بثلاث وست شهور مدخلين بناتهم بس انا مب مقتنعه <<< تفكير عيايز&#58375;
 

ام الغاليين

انتي ناوية ادخلين بنتج جوجو اذا الله راد اي مدرسة واختها الكبيرةة شرايج في مدرستهاا

كاامي الشعار للتشجيع عجيب يعطييج العافية

النوري
انا أمون مدخلتها ف المرخية بس صراحة المدرسة كإدارة ممتازة بس المدرسات لج عليهم مب كلهم بس بعد يعني مب لين هناك مستواهم وان شاء الله ناوية أحاول لها السنة الجاية على مدرسة ثانية بس للحين محتارة وطبعا المدرسة اللي بتكون فيها أمون بادخل أختها معاها

يعني المدارس المستقلة ماتنفع للتعليم

شرايج ام الغاليين

النوري
والله مب كلها
يعني عمر ممتازة بس قلت لج عيب المرخية في بعض مدرساتها وتعرفين انا وايد سمعت عن قطر بس ان شاء الله يقبلون بنتي لو قدمت عندهم البيان كلش ما حبيتها من تجارب اللي حوالي سواء تعليم او اخلاقيات البنات فيها

وش التشهي اللي باخر الليل خاطري بزلابياااا:confused:

النوري
عادي حبيبتي ؛ تخيلي أنا أحلم بأكل وجني صج آكله بس من حملت ؛ حلمانة مرة إني آكل منجا ومن كم يوم حلمانه في خبيص.

أم الغاليين
صج مجمع قطر يمدحونه وايد إذا تقدرين ودي بنتج هناك.

النوري
انتي تبين زلابيا انا ابي اي شي مالح حتى لو عيش باكله الحين
شفتي التشهي شلون؟
على اصوله&#58372;

ليلة
الله كريم
ان شاءالله اقدر وان شاءالله يقبلونها كفاية انهم المراحل الثلاث بعد عقب تعالي دوري لها مدرسة إعدادية تكمل فيها جي مرة وحدة


تصبحون على خير

دحانيه

شخبارج يالبطـه . ؟
وان شاء الله افكر ادخل خلودي ,,


ام حمني ..
اكاديميه قطر بآي عمر يدخلوون ..؟

كامي :
فديتج مشكورة ع النصيحة .. :)
هذاني كل ليلة افتح موقع دوحة مامز و اقرا في هالروض ..
باقرا عنهم و باشوووف بعد الريفيرا مب بعيدة ..
و شيربورن في دحيل اظن .. و هي تااابعة للمجلس الاعلى

أما الشعار بيرفكت عجببببني ..





أم حمني :
عن الحياة , عن تجارب ناس قراب وايد يمدحون في المستوى و اهتمام المدرسة اما عن المبنى القديم صح ما تحسينه مبنى مدرسة
لكن المبنى الحالي ماعندي فكرة عنه ..
شيكت الحين على موقع اكاديمية قطر مش مفتوح للكل ! من أي عمر ياخذون ؟ و لهم شروط معينة في التسجيل ؟
في عروس قطر اظن تجمع حق مدرسة الانجلش مودرن سكول .. عيال خالتي فيها ومستواها زين..





فجور :
ماااااشااءالله تسلم يد الوالدة
وياسلام على ام الربيان يم يمي




ام الغالين :
وجهة نظرج صحيحة , و محد يبي حق روحه الغثى و تعال ود هالنتفة و جيبه من الروضة او الحضانة خخخخ
بس عني أنا أحس ولدي محتاج إنه يحتك باليهال أكثر ..
و عن مدرسة قطر , زينة وايد بس لو هالمديرة ما تعصلق سوالف التسجيل كان هم بخير !! و صح هو مجمع و 3 مدارس و روضة لكن عندج الروضة و الابتدائية قراب من بعض نسبيا أما الاعدادية و الثانوية في الخيسة !! لين وقتها الله ييسر لبنااتج كل خير ..




ام خلودي :
بطة @@ لأ لأ لأ ده كاااان زماااان هههههههه الحين رشيقة :o :thumbs_up:
انا تماااام الحمدلله ..

كاااامي: هاااي لزوووم التشوييييقً...

دح دح ,,,, عاااد أمي تخصص ام الربيااان,,,,

صبااح المزاج المعتفس :(


هليب مي ماااميز

كملت حبوب تنزيل الدورة 3 مرات في اليوم لمدة اسبوع وع كلام الدكتورة المفروض ثامن يوم تنزل والدورة مانزلت والمزاج معتفس حددددددددده وعندي موعد الثلاثا واذا ماجاتني هاليومين ماراح تركبه لي وموااعيد المسائية واايد بعييد مافيني شدة انطر ابي احط في بالي دكتورة خاصة افي حاله ما ركبته في الولاادة وين تنصحووني ؟؟؟ والدورة شاسوي لها عشاان تنزل :(

فراشه
لان مزاجج معتفس عشان جذي ما تنزل روقي غلاتي

فجر الحياة :
ماشالله تسلم يد الوالدة ،
روعة شغلها ، الله يحفظها لكم يارب ..

كامي

صارلي قريب الشهر يمكن :( يوم راايقة ويوم كلش

افكر في شي بس خااااااااااايفة

افكر احلل عشان ارتاح لان هاي الشي الي موترني :(

مساء الفل

فجور
تسلم يدها الوالدة مع أني مب إصلاح كلش مع السي فود

كامي
وحشتيييييني

فرفوشة
بي كول واذا تحسين التحليل بيريحج حللي ع الاقل تتعدل النفسية وتنزل الدورة
واذا حللتي وكانت امورج تمام اشربي دارسين وزنجبيل وحبة حمرا هاي كلها اشياء تنزل الدورة والله يعينك حبيبتي