تجمع حوامل وامهات قطر لشهر صفر لعام 1432ه؛ يناير 2011م

هتان لالا بس خلاص عطيه لين متى حرام وعليه....
عطيه اول شي مثلا العيش بروحه واذا معاه روب عااااادي اليهال يحبون الاكل مع الروب...
سويله تفاحه قصصيها وحفي معاها شوييي كلش كثر الفنجان ماي وخليها شوي على النار بعدين طحنيها هاي قولي العصريه وايد زينه خلج يومين على كل صنف لين تشوفين انه حسس من شي وقفيه....

اهم شي لا تعطينه مشمش وخوخ وكيوي وفراوله وبيض ومانجا لنهم حاريين على الياهل واهو توه ماكل قبل شي..الجزر في يهال يحسسون منه انتي لي جربتي الجزر مع العيش يعني شوفيه اذا حسس منه وقفي الجزر....الكوسا بعد

هتاان

لا مستحيييييييل اهاوشه ادري ولا اعايره يكسر خاطري :(

وانا اطلعه الحوش نلعب رياضه كوره سيكل وجذي

فتيات

فخاطري اطرح موضوع للمناقشه

شفته في مسلسل شر النفوس

لو اكتشفتي ان زوجج مركب اجهزة تصنت او كيمرات مراقبه فبيتج او قسمج ..

شنو بتكون ردة فعلج ؟

او شنو ردة الفعل الصحيحه اللي ممكن تسوينها !!

هل تسكتين وجنج ماتدرين ولالا شنو @@


آنطر اراكم @@ !!

بدور :
فتحي موقع المجلس الأعلى للصحة , اذا طلعت لج الصفحة بالإنجليزي شوفي e- services
اضغطي على medical commission
اختاري medical result
بتطلع لج خيارات : أول خيار اختاري Qatar ID number و دخلي الرقم في الخانة اللي تحت و آخر شي اختاري التاريخ اللي راحت فيه للفحص

بطوط :
عن أخوج .. الحل يقطع الفاست فود و المقالي و يخليهم مرة في الأسبوع بس و في البيت سووا له اكل صحي و نوعوا له لأن اللي في هالعمر
ملولين و مب دايما يعجبهم أكل البيت ..
و خليه يتحرك اخذوا له wii و خل يلعب فيها أحسن شي ان معاها الواحد يتحرك و يناااقز ..
بس الموضوع بكبره يبي له صبر و طوولة بااال ..

أما موضوع الأجهزة , بصراحة الريال اللي بيسوي جذي مب كفو عشان الوحدة تقعد عنده .. و يبي له علاج نفسي لأنه أكيد مريض و شكاك وماعنده ثقة في شي ..
و المرة اللي بتشوف هالأجهزة و تدري بها و بتسكت !! مادري شاقول عنها ..

بطه

اجهزه تصنت :I:
مستتتحيل يكون طبيعي ..
وانا مع دوحانيه في كلامها ،،


هتان

أنا بعد على الاسبوع الجاي
ابي ابتدي اطعم رشود اكل ،، بس مب عارفه شنو
وعلى طاري البرتقال أنا بعد ابي اعرف
متى نقدر نعطيه عصير مخفف ،،

بنات لا تعطون عيالكم عصير برتقال الدكاترة يقولون البرتقال لين عقب سنة ؛ ممكن تعطينه عصير التفاح بداله ودايماً أبدوا بنوع واحد لمدة ثلاثة أيام إلى أسبوع إذا ما تحسس دخلي له نوع زيادة ؛ أنا بديت ببسكوت الفارليز مع ماي حار أو حليب ؛ وعقب جربت ميلوبا الأرز ؛ وبعدين سيريلاك الأرز ؛ وعقب سيريلاك القمح ؛ وعقب سويت لها عيش مع كوسه ؛ وبعدين زدت عليهم يعني عيش مع كوسه مع جزر ؛ وبعدين عيش مع كوسه مع جزر وبطاطا ؛ وممكن تريدين القرع بعد مفيد ؛ وفي الثامن أو التاسع تزيدين دجاج شي بسيط مع العيش والكوسه والجزر والبطاطا ؛ والسيريلاك ممكن تجربين أنواع ثانية.

مشكورين كل البنات الي باركوا لي بملجة أخوي والفال لكل من تعزون.

فارفلا قطر
بتوصل خدامتي الجديدة اليوم وودي افتشها بس شلون افتشها جدامها يعني؟ أنا أبيها تعرف أن أغراضها ممكن تتفتش في أي وقت ، عطيني طريقتكم عشان لين وصلت افتشها.

سلام عليكم؟

شخباركم؟


تتذكروني ؟؟؟ خخخخخخخخ




شخباركم؟








اليجنت سؤال


دلوعة في الدوحه ولي لندن؟
اذا لندن ماعليج أمر طرشيلي رقمها في لندن أطرش لها ع الواتس اب بس ماترد مايوصل لها لان رقم قطر










اللي عندهم ايفون ماميز انتوا مسوين قروب حق عروس؟؟؟
اذا اي طرشوا لي عشان أشترك أنا بعد سواء ع البي مسنجر او بينج شات او واتس اب

هتان / بدور :
بخصوص الأكل , شلون تبدون مع عيالكم .. الأفضل من نهاية السادس تبدون معاهم بالوجبات ..
ابدوها أول وجبة وحدة في اليوم و تكون بدل رضعة
يعني لو قلنا انج في اليوم تعطين ولدج حليب 6 او 7مرات في اليوم , يعني تكنسلين رضعة و تبدلينها بوجبة و هكذا .. لين ما يصير ياخذ 3 وجبات في اليوم
و يقل الحليب ..

اللي ولدها عنده قابلية للحساسية لا تعطيه بسكوت و سيريلاك .. و البرتقال و السمك عقب السنة
انا عجبني جدول كامي .. ممكن تتبعون نفس الطريقة ..

ليلة حب

انا اول شي اسويه
اخليها تحط اغراضها في شنطة السيارة
الهاند باق وشنطة الملابس

واذا وصلنا
اطلع لها ملابس جديدة
جلابية وشلحة طويلة
واغراضها اللي في السيارة
اخلي حد يشيلها او هي تشيلها قدامي وتوديها في الغرفة اللي تحت او المجلس
وافتشها بدون ملابس بس الاندر وير
ترى هم مايستحون
لاتستحين منهم او خلي معاج اختج او امج اذا خايفة
وانبش ملابسها اللي فصختها
واذا تجرأت نبشت اللي لابسته عالسريع
لان هم يلبسون اندر وير فيه جرار ومخبا
وتلبس جلابية وتروح
وانا استلم اغراضها نتفة نتفة
لو لقيت مكياج او ملابس داخلية مثل قمصان نوم او شي مال متزوجات
صادرته وقول لها لين جيتي بتروحين بلادج رديتهم
وادور اطراف الشنط واي مكان ممكن ينفتح وينخش فيه شي مثل كمر البناطيل او الدبل في الاكمام او الكلر
ادري كاني مفتشة حدود
بس انلدغت مرة
ومابي انلدغ مرة ثانية

مرة وحدة حلوة من الماميز سألتني عن سكر مغلف للمناسبات والتقديم

ترى المتوفر منه عندي
في سكر اسمر وفي ابيض

واسعاره حلوة

وممكن اذا قدرت اجيبه لين البيت
عشان تشوفونه

فرفلا
شرايج تجين تفتشين خدامتي ؛ الصراحه ما اتجرأ أسوي جذي ؛ وأمي مسافرة وما في إلا أختي ؛ بشوف إذا تقدر تجيني.

فارفلا

احترم رايج بس انا ضده تماما ،،
هي انسانه مهما كان ولها خصوصيتها ليش افتش حتي ملابسها الداخليه
وصراحه انا ضد التفتتتتيش كليا بس حتي لو الوحده بتفتش المفروض يكون قبل
ما ترد الخدامه لبلادها وبعد اذا كنتي شاكه بتصرفاتها ،، لكن اذا فتشتيها من البدايه
بتحس انكم شاااكين فيها ومافي ثقه وبتحطها بقلبها والله اعلم شتسوي خاااصه اذا كانت حق يهال ،،

انا اتكلم من تجربه خدامات بيت هلي وحده عندنا من ١٩ سنه والثانيه ١٢ وللحين والحمدلله عمرنا ما شفنا منهم شي ..




ليله حب

اول ما تجي عطيها فكره عن نظام البيت واللي مطلوب منها
وقولي لها اذا عندج اشياء ممنوعه يعني الجوال - من ناحيه اللبس
والله يعطيج خيرها ويكفيج شرها

كح كح كح <--- من زمان عنكم

وحشتوووني اوووي اووي

بس مايطوفني شي اتابعكم من الفون

اخبااركم شوو عاملين ...:)

ماميز من شاف لبس فاطمه عبدالرحيم بمهرجان دبي توني اشووفه ماساءه @@

ماميز وصلت الخدامة وسألتها إذا عندها جوال ولا لا ، وقالت لي لا ؛ قلت لها لا تكذبين علي ؛ وقالت لي عندي وعطتني اياه ؛ وما فتشتها بس شفت أغراضها الي حطتها في الكبت ؛ وعطيتها ينيفورم وحجاب وقلت لها لبسي هاي ؛ وعطيتها قوانين البيت وشنو شغلها وبس.

ليلة حب

خلاااص سويتي اللي عليح .. والله يعطيج خيرها ويكفيج شرهاا..