تجمع حوامل وامهات قطر لشهر صفر لعام 1432ه؛ يناير 2011م

صباحكم كادي حبيباتي

قطرية ماتهاب .. أنا من أمس بديت أخلط له بين ابتاميل كومفورت وابتاميل 1 ولمدة 3 أيام مثل ماقال لي الدكتور وعقبها بحول على ابتاميل 1 وان شفت انه مايشرب ومايحب الحليب بغير الحليب كله بنوع ثاني والله كريم ..

تريقت توست مع جبنة وعصير برتقال

لولوة قطرية ،،
توني منتبههة ،،، قصدي نوفالاك !!!!!!!!! @@

بطة ،،
فهالسن ألإضل تودينة حق أخصائية تغذية ،، مركز الدفنة عندهم أخصائية ،، و حتى لو المركز اللي تابعين له ما عندهم ،، ممكن يحولونكم ،،

بدوور ،،
يختي يبي له تفكير و حسبة ،، !! بس من ناحية التنوع صح كلااامج ،،

فرووش ،،
متى بتروحين العمرة ؟؟؟

بطة .. في هالعمر صعبة على الطفل انه يتبع دايت معين وبعدين هو في مرحلة نمو مب زين له رجيم في هالعمر .. أبعدوا عنه الوجبات السريعة والحلويات والشيبس وخل يشترك في نادي يلعب كرة قدم ولا أي نوع من الرياضة والسباحة أحسن شي عشان تخفيف الوزن .. بس دايت ما أنصحج في هالعمر نهائيا..

بدر البدور .. حتى أنا فكرت في رجيم النقاط حسيته حلو بس بشوف لأن كاميليا قالت لي ان لي 19 نقطة في اليوم على حسب حسبتي للوزن والعمر والنشاط ..
وبالنسبة لميلوبا الأرز أنا شريته حق ولدي من دخل الخامس على نصيحة اخصائية التغذية يوم رحت التطعيم بس ماأدري يا بدورة أحس سبب له مغص والأيام اللي كنت أعطيه ميلوبا الأرز يقعد يصيح ويون طول الوقت يعور القلب ومن وقفت عنه الميلوبا أحسه ارتاح .. يوم سألت دكتور مهند قال لي يمكن مايناسبه ميلوبا الأرز وقالي صبري عليه لا صار له 6 شهور عطيه سيريلاك القمح وبجرب بعد سيريلاك الأرز مب الميلوبا أو بطحن له العيش في البيت وبخلطه مع حليبه وبحاول أعطيه ..

كاميليا .. بسألج فديتج جدول التغذية اللي حطيتيه من فترة هو نفسه اللي حاطته أمس ولا يختلف ؟ لأني خزنت الجدول القديم بس كمبيوتري اخترب وكل شي طار وما أتذكر ..
وسؤال ثاني ألحين الأسبوع الأول مثلا أبتدي أعطي البيبي سيريال رايس والاسبوع الثاني بالاضافة للسيريال نص موزة والأسبوع الثالث أضيف عليهم كوسا صغيرة يعني تزيد عدد الوجبات ولا اشلون مافهمت :o

بدوور ،،

بيطرشون لكم النتيجة ع طوول ع الجواال ،،،

فجورة .. قصدج فارليز أحط له مع الحليب في المرضاعة ؟ وبالنسبة للأكل بكرة ولدي بيدخل ال6 شهور يعني أبتدي أطعمه الأكل ولا خلص 6 شهور أبتدي أدخل له الوجبات صح ؟ وأبي أسال عن عصير البرتقال متى أقدر أعطيه العصير مخفف بالماي ؟ أخبر قبل على بنتي كانوا الدكاترة يقولون لنا من عمر 3 شهور بس ألحين لا غيروا جدول التغذية للطفل وايد أشياء تغيرت ؟

بطة .. أي فديتج طبيعي بيرفض وفي هالعمر صعبة تتحكمين في أكله وتمشينه على دايت صدقيني لو جربتي معاه يمكن جدامج بيلتزم بس من وراج بيآكل كل اللي في خاطره .. حاولي ماتدخلين الوجبات السريعة في أكله أهم شي وأنتي بروحج خلي الأكل في البيت صحي قللي من الدهون قد ماتقدرين في الوجبات وخليه يشترك في السباحة وشوفي اشلون بيتغير وزنه ..

بطة فديتج بعد بقولج شي .. تحملي تهاوشينه عشان وزنه أو تعايرينه بوزنه مهما صار ترى يأثر في نفسيته وبتصير عنده ردة فعل عكسية وبيآكل زيادة ..

أم شيوخ .. يعني أبتدي أعطيه من بداية السادس ولا بس أذوقه الأكل ؟ لأني احترت ناس يقولون بداية السادس وناس يقولون نهاية ال6 شهور على بداية السابع ؟

هتاان ،،
انا كنت أذوبة لها في شوية ماي ،،، أو شوي من حليبهااا ،، و اعطيها بالملعقة ،، عشان تتعود ع الملعقة ،،، و الأكل خلاااص ،، ابدي نفس ما قلت لج ،، جربي له التفاح ،، و الكمثرى ، و الموز ،، و الكوسا و الجزر ،، و البطاطا الحلوة ،، انا هااي كلله جربته لبنتي ،، و الموز و البطاطا الحلوة ما ناسبوهااا ،، بس الباقي مشا معاها الحمدلله ،، و عقب ما تجربين ابدي سوي له وجبات أول شهر كل نوع بروحة ،، و ممكن تخلطينة مع البسكوت ،،

و عقب في سبع شهور ،، بدي خلطي له نوعيين ،،و نفس الشي ممكن مع بسكوت،،

و في 8 و 9شهور ،،
دخلي الشوفان و الدجاج و الروب و الجبن و التوست ،، ،، و بعد في طريقة عصيدة المشمش بالشوفان ،، واايد مفييدة و مغذية ، اذا تبينهاا بعطيج اياهااا،