21 مرة نقول يا تري بتعملي الأكله ازاي ؟ مبدعات مصر القمرات لشهر صفر 1432

Bird amore;14310615:
ما شاء الله يا بنات اية الحاجات الحلوة دى تسلم الايادى

دا غدايا النهاردة

كرات الكفتة بصوص الكريمة والمشروم

ما شاء الله جميله اوى تسلم ايدك يا شاهى
كنت هسالك عن الطريقه بس لاقيتك بعد كده كتباها ميرسى لكى كتيرررررر

أم ياسين العسل;14312838:
السلام عليكم

ازيكم يا بنات

الحمدلله ياسين بخير الحمدلله

بقى احسن كتير

ميرسى لكل اللى سئلوا عليه وربنا مايورريكوا اللى انا شوفته دا ابدا يارب

يلا سلام يا حبايبى

الحمد لله والشكر لله
ربنا يطمنك عليه دايما يااااااااااااااااااااااارب

~OM-ADAM~;14320258:
نور أنا كنت داخلة اطمن علي بنات اسكندرية خصوصا أنتي علشان اكيد في الشغل.. خدي بالك من نفسك و كلكم يا بنات ربنا يرحم بلدنا برحمته.. ما شاء الله اكلكم كله جميل.. مفيش عجينة بالباودر علشان جوزي مصمم مش يجيب خميرة علشان مش اجرب حاجات جديدة في أي حلويات أو معجنات رخامه كده.. بنات أدعوا لآدم ربنا يطمني عليه أحسن خايفه جدا ان شاء الله رايحين بالليل للدكتورة ربنا يستر

ان شاء الله خير
وابقى طمنينا عليه ضرورى
ربنا يطمنك ان شاء الله وخير باذن الله تعال

sosiii-cat;14320997:
وانتي كمان وحشاني يا ميرا :)
ايوة طبعا ممكن تعملي نص المقدار هايعمللك 2 كبار







ربنا يكرمك يا ام عمر انتي اللي كلك زوق والله :)
لا انا اقصد ربع كوباية ماتقلقيش علي 4 ونص دقيق مش كتير وهو دة اللي بينفشها وبيخليها هشة والله انا عملت بيها من كام يوم بيتزا لناس كانوا جايين مابقوش مصدقين نفسهم ان دي معمولة في البيت وانا نفسي اتخضيت هههههههه لقيت البيتزا نفشت في الفرن زي ماتكون كيك ماشاء الله بس من جوة هوا




:thumbs_up:

ما شاء الله تسلم ايدك يا سوسى
و هبقى اجربها ان شاء الله

بيرق أمل;14324687:
بناااااااااااات ازيكم عاملين ايه

فرااااااااااااااشة حمد الله على السلامة ياجميل
ومعلش كل الرجالة كده بيزعقو لما بيتخنقو حتى لو هما اللي غلطانين قلة حيلة بقى هههههههههه :D

بنااااااااااات انا عايزة اسالكم سؤال
هو انا بني ادمة كئيبة؟؟؟
انا دمي محروق قوي وعيطت في الشارع وانا ماشية من الشغل معايا واحد كل ما يشوف وشي يقولي نفسي اعرف انتي كئيبة ليه
لحد ما قالي كده وانا مروحة
روحت قولتله ليه انت عايزني ابقى هايفة زيك وبوقي مفتوح من الودن للودن على اللي يستاهل واللي ميستاهلش
قالي انا بقولك رايي يعني
قولتله مش سيرة هي بقالك اسبوع بتكرر في رايك واصلا رايك ميهمنيش ومفيش كلام بينا تاني

بس انا عايزة اعرف انا بجد كئيبة؟؟؟
مش عارفة ليه الكلمة حازة في نفسي حتى دلوقتي وانا باكتب المشاركة لقيت نفسي عيطت لوحدي

ايه ياعسل انتى مالك بس
وكئيبه ايه بس والكلام ده لا متقوليش كده
وبعدين هو يعرفك اصلا
قولى له تعال انت بس عروس وشوف العسل كله

روقى كده ياحبيبتى اوكيه
وانتى مش كئيبه هو اللى كئيب

Boody we zady;14319652:
تسلمي يا فراشه أنا مرة عملته بالعجينة مش بالكرواسون و طلع حلو قوي

العجينة بتاعتي بعمل بيها كل حاجة حتي البيتزا هيا نص ك دقيق عليه م كبيره خميرة و م ك سكر و م ص ملح و 3 م ك زيت و بعجن بلبن بحط لبن بودره و أعجن بميه دافيه و بس

ازيكم يا حلوييين عاملين ايه

احنا عندنا ولله الحمد سيوووووووووووووووول وبرق ورعد ربنا يسترها علينا ياااارب

بت يا نوووور سيبك منه بلا نيله هوا الواحد ناقص الاشكال دى كمان

ام بودى تحفه ماشاء الله عليكى ياقمر

سوسى ربنا يكرمك يا قمر وككويس بقا انى سالت كنت هعمل بمعلقه والله ربنا يديكى الصحه ويفرحك بنورين يااارب

بكره ان شاء الله سمك مشوى ورز وسلطه خضرا وطحينه

رورو فيييين حد كلمها يطمنا عليها

بنات الحمدلله رحت للدكتورة قالت العلاج كمان ١٥ يوم و نشوف بقي.. اللي يغيظ بقي ان البتاعه اللي في رقبته هربت و احنا هناك لدرجة أنا مش عرفت احدد مكانها وكده الدكتورة فهمت انها بتصغر وكان عنده في ايديه و رجليه حبوب صغيرة قالتلي جلده حساس طيب ماهو كل لبسه قطن ده من ايه بقي مش عارفه وكتبتله دهان للحبوب دي و علاج للبرد و هروح ثاني كمان خمس أيام.. الغدا النهارده قلقاس احمر و يمكن أعرف أعمل بالليل محشي كرنب.. السؤال بقي لو المحشي مستوي يستني قد ايه في الفريزر؟ نور سيبك م الكلام ده والله مش صح خالص هو لازم تضحكي و تهذري مع الشباب علشان يقولوا عليكي مش كئيبه ربنا يهديهم.. طيب تصدقي ببص علي صور جروب بنات عروس عرفتك من صورتك وببص علي صورة فرحي هناك لقيت تعليقك علي الصور ذي العسل مع اننا مش كنا نعرف بعض سبحان الله

ازيكووو يا بنات ايه اخباركوو ايه الحجات الجامده دى المكرونة شكلها تحفة يا شاهى و البرجر يا ام بودى رهيييب و هو ده غداكى كنتى ضربتيلك تلت اربع سندوتشات مش اليوم الفرى لازم نعوكها هههههههههههه عقبال جوزى كده ما يجبلى لحمة مفرومة كده من الراجل البعيد هى دى اقصى طموحاتى هههههههههههه
انا بقى جوزى جابلى كمية مخلل كبيرة مخلل فلفل طريقة حفظه ازاى بقى عشان مش يبوظ احطه فى ميه وملح و خل وللا اسيبه كده ؟؟
الف سلامة على ادم يابوسى ربنا يطمنك عليه و ياسين خير ماله تعبان ليه وجنى بنت روروو انا مش عارفة ايه اللى بيحصل فى العيال الحمد لله انا جودى كل يوم يحصلها مصيبة شكل و الحمد لله ربنا سترها من كام يوم كانت بجد .... استغفر الله العظيم الحمد لله ربنا يسترها على العيال و يحفظهم و هم لا حول ليهم ولا قوة كده حاجة تقطع القلب

فراشة الإيمان;14259390:
ماشاء الله تسلم ايدك استاذه بجدددددددددددددددد الله اكبر




اقوللك بالسريع كده

هاتجيبى ظرفين الكريم كراميل البودره ومعاهم كيس كريم شانتيه ( دريم ويب )

هاتضربيهم مع بعض بالمضرب بشويه مايه بس خليها اخف من قوام الكريم شانتيه

وهاتى كوبايه لبن دوبى فيها معلقه نسكافيه ومعلقه سكر

والقالب ادهنيه بطبقه من الكريمه اللى ضربناها وتجيبى البسكويت اى بسكويت ساده وتبليه بالنسكافيه وترصى فوق طبقه الكريمه

لحد ماتغطى طبقه الكريمه بالبسكويت وبعد كده طبقه الكريمه وبعدين طبقه البسكويت
ثم الكريمه ثم البسكويت ثم الكريمه وشيليها فى الفريزر لما تجمد طلعيها وصبى عليها الصوص اللى كان مع الكريم كراميل بشكل حلزونى كده


وياتاكليه كده او ترشى كاكاو او شيكولاته مبشوره او صوص شيكولاته


بس هو سهل خد منى نص ساعه بالظبط وكان جاهز للاكل:thumbs_up:


وطعمه حلو موووووووووووووووووت:thumbs_up::thumbs_up::thumbs_u p:




جمييييييييييييييييييييييله قووووووى تسلم ايدك عايزين صوره للهجووووووووووووم:D



اقوللك بالسريع كده

هاتجيبى ظرفين الكريم كراميل البودره ومعاهم كيس كريم شانتيه ( دريم ويب )

هاتضربيهم مع بعض بالمضرب بشويه مايه بس خليها اخف من قوام الكريم شانتيه

وهاتى كوبايه لبن دوبى فيها معلقه نسكافيه ومعلقه سكر

والقالب ادهنيه بطبقه من الكريمه اللى ضربناها وتجيبى البسكويت اى بسكويت ساده وتبليه بالنسكافيه وترصى فوق طبقه الكريمه

لحد ماتغطى طبقه الكريمه بالبسكويت وبعد كده طبقه الكريمه وبعدين طبقه البسكويت
ثم الكريمه ثم البسكويت ثم الكريمه وشيليها فى الفريزر لما تجمد طلعيها وصبى عليها الصوص اللى كان مع الكريم كراميل بشكل حلزونى كده


وياتاكليه كده او ترشى كاكاو او شيكولاته مبشوره او صوص شيكولاته


بس هو سهل خد منى نص ساعه بالظبط وكان جاهز للاكل:thumbs_up:


وطعمه حلو موووووووووووووووووت:thumbs_up::thumbs_up::thumbs_u p:

تسلم ايدك ياقمر طريقه سهله اوى ان شاء الله اجربها

بيرق أمل;14259649:
رورووووووووووووووو
بالنسبة للشاورما يا جميل
الاول تحضير الفراخ
بقطعها حتت صغيره اوووووي
التدبيل علبه زبادي معلقه زعتر معلقه ملح خل لمون فلفل توابل شاورمه واخلطتها مع الشوارمه وانقعهم لمده ليله اذا امكن لو مستعجله يبقا 4ساعات علي الاقل
سر النكهه في التبيل فتره كبيره
بعد كده تتطلعي الفراخ تشوحيها مع نقطه زيده في الطاسه ومعاها فلفل رومي مقطع شرائح واسبها لحد ماتستوي مع التقليب المستمر مش بزود مايه لانها بتنزل ميتها

على فكرة دي طريقة سارة افندي ربنا يسعدها
كانت قالتهالي في اول جزء خااااااااالص لما ابتدينا التجمع الجميل ده ووصفتها حلوة ;)


ام بودي انا كنت زيك على فكرة
لحد لما الطفاسة نقحت عليا وكنت سقعانة ويوم الاجازة ومفيش اي حاجة حلوة في البيت غير المكرونة وجربتها بصراحة خطيييييييييييييرة
جربيها على ضمانتي ;)

طيب انتي صاحية ولا نايمة الاول ههههه
عشان لو صاحية تتبليها دلوقتي والصبح تسويها
بصي طيب هقولك حاجة كده الصبح ان شاء الله ابشري بصلة وطماطماية مبشورة وفلفل متخرط وكام فص توم متخرط صغير، وملح وفلفل اسمر وشطة وزعتر وزبادي ومعلقة كبيرة خل وعصير لمونة، برضه انتي لو اللحمة كتير خلي معلقتين خل مهو انتي قدري الكمية
واخلطي كل ده مع بعضه واعملي فتحتات في الموزة كده وتبلي الموزة بيها لو تقدري تسيبيها حوالي ساعتين على الاقل وهاتي ورق فويل حطي اللحمة وشرائط بطاطس على جزر وبصل وحطي اللحمة عليهم وشوية زيت على حتة زبدة ولفي ده كله ودخليه الفرن حااامي
هياخد منك سوا ساعة على الاقل وممكن اكتر ساعة ونص او ساعتين
واضح ان الطريقة مختصرة هههههههههههههههه

او بصي هاتي بصل قطعيه شرائح وهاتي حلة حطي فيها سمنة على زيت وشوحي البصل الشرائح بملح وفلفل اسمر وزعتر وفص حبهان ولما يدبل قوي حطي اللحمة وشوحي فيها لحد ما لونها كللللللللها يتغير وانزلي بطمامتين مبشورين اوعي تضربي في الخلاط لالا خليهم مبشورين، ولما تتسبك الطماطم صبي عليها المية زي كانك بتسلقيها بس تخليها تستوي وتشرب المية كلها فاهماني ويتبقى عندك صوص هيبقى جميل قووووي ان شاء الله وتضبطي الملح في الاخر قبل ما تطفي عليها بعشر دقائق كده
اظن دي اسرع وطعمها هيطلع خطيييييييير كمان

تسلم ايدك ياجميل الطريقتين احلى من بعض وهجرب الاولى الاول ان شاء الله

Boody we zady;14318254:
عملت معجنات بالسبانخ يااااااااااه بموت فبها بجد بس ماما الله يرحمها كانت بتعملها روعه بس مش عارفه ليه فتحت مني مع اني قافلاها كويس

النهارده الفري بتاعي حأعمل ساندويتشات هامبرجر

حد يقولي طريقه التخليل السريع للخيار

قوليلى الطريقه وياريت افكار للسبانخ نفسى نستفيد بيها غير الطبيخ F:

ازيكوا يا طباخات مصر الماهرات
انا امبارح عملت البطاطس البورية بطريقة ام بودى
طلعت تحففففففة اووووى
وزود على الوش موتزاريلا طلعت وهم بجد


بس للاسف نسيت اصورها من جوا بجد كانت جميل وماسكة نفسها
عملتها نفس فكرة البشاميل بطاطس من تحت وبعدين مفروم وزود علية جزر وبعدين بطاطس وبقسماط على الوش ولما اسوت حطيت الموتزراريلا

تسلم ايدك يااشرى
حتتغدوا ايه انهارده انا محتاره؟؟؟؟؟؟؟؟؟؟؟

بيرق أمل;14324687:
بناااااااااااات ازيكم عاملين ايه

فرااااااااااااااشة حمد الله على السلامة ياجميل
ومعلش كل الرجالة كده بيزعقو لما بيتخنقو حتى لو هما اللي غلطانين قلة حيلة بقى هههههههههه :D

بنااااااااااات انا عايزة اسالكم سؤال
هو انا بني ادمة كئيبة؟؟؟
انا دمي محروق قوي وعيطت في الشارع وانا ماشية من الشغل معايا واحد كل ما يشوف وشي يقولي نفسي اعرف انتي كئيبة ليه
لحد ما قالي كده وانا مروحة
روحت قولتله ليه انت عايزني ابقى هايفة زيك وبوقي مفتوح من الودن للودن على اللي يستاهل واللي ميستاهلش
قالي انا بقولك رايي يعني
قولتله مش سيرة هي بقالك اسبوع بتكرر في رايك واصلا رايك ميهمنيش ومفيش كلام بينا تاني

بس انا عايزة اعرف انا بجد كئيبة؟؟؟
مش عارفة ليه الكلمة حازة في نفسي حتى دلوقتي وانا باكتب المشاركة لقيت نفسي عيطت لوحدي

يا حبيبتي ولا تحطي في دماغك .... ربنا يجعلنا من الكئيبين المحترمين و فكك من اي حد يضايقك

بيرق أمل;14324803:
ههههههههههههههههههههههههه فكرتيني بايه وانا في ايه اصلا
هابقى البس العدسة المكبرة واشوف بقى بتمعن :lol:

بنات بالله عليكم اللي تعرف شغلانة كويسة في اسكندرية تقولي عليها
ومرتبها يكون كويس

بصي في شغلانة في الشركة اللي تحتنا في الشغل و عايزين ناس كتيييييييير جدا
بس هما عايزين ناس الانجلش بتاعهم برفكت من هنا للسنة الجاية عشان دة كول سنتر لناس امريكان
و في حاجة تانية، الشغل والتدريب شيفتات يعني ممكن تشتغلي لحد 12 بالليل او للصبح بس لو خلصتي بالليل بيكون في باص يوصل الناس لبيوتهم

لو مناسبة ليكي او لحد تعرفيه قوليلي ابعتلك عنوان الشركة

amatalrahman237;14328731:
يا حبيبتي ولا تحطي في دماغك .... ربنا يجعلنا من الكئيبين المحترمين و فكك من اي حد يضايقك




بصي في شغلانة في الشركة اللي تحتنا في الشغل و عايزين ناس كتيييييييير جدا
بس هما عايزين ناس الانجلش بتاعهم برفكت من هنا للسنة الجاية عشان دة كول سنتر لناس امريكان
و في حاجة تانية، الشغل والتدريب شيفتات يعني ممكن تشتغلي لحد 12 بالليل او للصبح بس لو خلصتي بالليل بيكون في باص يوصل الناس لبيوتهم

لو مناسبة ليكي او لحد تعرفيه قوليلي ابعتلك عنوان الشركة

ايه العنوان يا امه الرحمن ومراتبتهم كويسه ويكونوا خريجين ايه ؟
معلش اصل انا من ساعه ما قعدت من الشغل علشان الولاده وانا بدور على شغل تانى

بيرق امل
وسيادك زعلانة لية ها
كل دة رد رديتية علية وتزعلى يا بت دة انتى افحمتية
ممكن يكون بيقول كدة عشان يجر شكلك وتلاقية والله بيقول عليكى بينك وبين نفسة محترمة ومهذبة اصل الرجالة دول كدة

وانتى زى الفل ولا كئيبة ولا حاجة
بس مكنتش اعرف انك حساسة اوى كدة

الاقى فين مرقة دجاج سايبة كدة غير ماجى الى بتبق مكعب ؟؟ كنور بتعمل ؟؟

بصى يا نور الرجاله معتقدين انهم بيروحوا الشغل يغيروا جو يعنى رايحين فسحه
يعنى دى تديله سندويتش ودى تهزر معاه ودى تقول نكته بيكونوا فاكرين نفسهم هارون الرشيدى وبيضايق قوى لما يلاقى واحده مش مدياله اهتمام على اساس انه اخف دم فى الشارع ولازم الناس كلها تتمنى تقعد معاه
علشان كده لما يقولك بعد كده انتى ليه كئيبه قوليله ده رايك حيقولك اه قوليله احتفظ بيه لنفسك محدش سالك عليه



المهم
الغداء ايه النهارده؟
انا عمله سبانخ وارز بالكبد والقوانص مش عارفه بفكر احمر بطاطس بس مكسله اقشر

amatalrahman237;14328731:
يا حبيبتي ولا تحطي في دماغك .... ربنا يجعلنا من الكئيبين المحترمين و فكك من اي حد يضايقك




بصي في شغلانة في الشركة اللي تحتنا في الشغل و عايزين ناس كتيييييييير جدا
بس هما عايزين ناس الانجلش بتاعهم برفكت من هنا للسنة الجاية عشان دة كول سنتر لناس امريكان
و في حاجة تانية، الشغل والتدريب شيفتات يعني ممكن تشتغلي لحد 12 بالليل او للصبح بس لو خلصتي بالليل بيكون في باص يوصل الناس لبيوتهم

لو مناسبة ليكي او لحد تعرفيه قوليلي ابعتلك عنوان الشركة

أميكو تك ولا ايه؟

عندى قلقاس ورز وشوربه

دودي كانت ازيك انا فكرة ان يوسف ابنك قد يوسف ابني انتي حلاقتيله قبل كده عند الحلاق معلش اصل الموضوع ده مارقني جدا الغداء النهاردة مكروتة وفراخ انيه

miramiro;14324948:

ايه ياعسل انتى مالك بس
وكئيبه ايه بس والكلام ده لا متقوليش كده
وبعدين هو يعرفك اصلا
قولى له تعال انت بس عروس وشوف العسل كله

روقى كده ياحبيبتى اوكيه
وانتى مش كئيبه هو اللى كئيب

اه اجيبه هنا على عروس يشوف هبلي هههههههههه
هو مش فارق معايا اصلا بس لقيت الكلمة اتكررت كتير قولت للدرجة دي الناس مش طايقيني
بس اعتذرلي انهرده ها ها هااااا ;)

ام عمر افندى;14325714:
ازيكم يا حلوييين عاملين ايه

احنا عندنا ولله الحمد سيوووووووووووووووول وبرق ورعد ربنا يسترها علينا ياااارب

بت يا نوووور سيبك منه بلا نيله هوا الواحد ناقص الاشكال دى كمان

وحشاااااااااااااااااني يا بوسي
ربنا يزيد من الخير يارب ادعي كتير كتير الدعوة وقت المطر جميلة ومستجابة
وادعي عشان تدعيلي هههههههه :D

~OM-ADAM~;14327179:
بنات الحمدلله رحت للدكتورة قالت العلاج كمان ١٥ يوم و نشوف بقي.. اللي يغيظ بقي ان البتاعه اللي في رقبته هربت و احنا هناك لدرجة أنا مش عرفت احدد مكانها وكده الدكتورة فهمت انها بتصغر وكان عنده في ايديه و رجليه حبوب صغيرة قالتلي جلده حساس طيب ماهو كل لبسه قطن ده من ايه بقي مش عارفه وكتبتله دهان للحبوب دي و علاج للبرد و هروح ثاني كمان خمس أيام.. الغدا النهارده قلقاس احمر و يمكن أعرف أعمل بالليل محشي كرنب.. السؤال بقي لو المحشي مستوي يستني قد ايه في الفريزر؟ نور سيبك م الكلام ده والله مش صح خالص هو لازم تضحكي و تهذري مع الشباب علشان يقولوا عليكي مش كئيبه ربنا يهديهم.. طيب تصدقي ببص علي صور جروب بنات عروس عرفتك من صورتك وببص علي صورة فرحي هناك لقيت تعليقك علي الصور ذي العسل مع اننا مش كنا نعرف بعض سبحان الله

ربنا يزيد في الشفا يااااااااااارب اللهم آمين وكل حاجة تبقى كويسة
العيال وهما صغيرين بيحصلهم حاجات غريبة ويوجعو قلبنا عليهم
والمحشي مدام يستوي بيتهيالي يستنى عادي براحته بس مش عارفة التلج ياكله ولا ايه ويتهرى
بس هتسيبيه يفك بقى وسخنية عادي
فين الصورة فيييييييين انا مش عارفاكي طيب :D انتي اسمك ايه على الفيس
ومتاكده انها صورتي الا تكوني ملغبطة ههههههههه عشان انا ماسحة صورتي من زمان قوي في الجروب

niceheart;14327777:
تسلم ايدك ياجميل الطريقتين احلى من بعض وهجرب الاولى الاول ان شاء الله

الله يسلمك يا قمر ان شاء الله هتعجبك جداااا

amatalrahman237;14328731:
يا حبيبتي ولا تحطي في دماغك .... ربنا يجعلنا من الكئيبين المحترمين و فكك من اي حد يضايقك




بصي في شغلانة في الشركة اللي تحتنا في الشغل و عايزين ناس كتيييييييير جدا
بس هما عايزين ناس الانجلش بتاعهم برفكت من هنا للسنة الجاية عشان دة كول سنتر لناس امريكان
و في حاجة تانية، الشغل والتدريب شيفتات يعني ممكن تشتغلي لحد 12 بالليل او للصبح بس لو خلصتي بالليل بيكون في باص يوصل الناس لبيوتهم

لو مناسبة ليكي او لحد تعرفيه قوليلي ابعتلك عنوان الشركة

تسلمي يا قلبي متحرمش من كلامك الجميل ولا الخدمة الحلوة دي
وانا في الانجليش ضايعة خالص للاسف :(

مدام/اشرى;14328857:
بيرق امل
وسيادك زعلانة لية ها
كل دة رد رديتية علية وتزعلى يا بت دة انتى افحمتية
ممكن يكون بيقول كدة عشان يجر شكلك وتلاقية والله بيقول عليكى بينك وبين نفسة محترمة ومهذبة اصل الرجالة دول كدة

وانتى زى الفل ولا كئيبة ولا حاجة
بس مكنتش اعرف انك حساسة اوى كدة

الاقى فين مرقة دجاج سايبة كدة غير ماجى الى بتبق مكعب ؟؟ كنور بتعمل ؟؟

منا اللي زعلني ان كده قولت محدش طايقني في المكتب بقى وكلهم كاتمين في نفسهم وده اللي بقى خلاص جاب اخره وقالها
واللي تعبني اكتر اني رديت عليه كده مش متعودة ارد على الناس بقلة الزوق دي

وانا حساسة بطريقة صعبة بس الحمد لله مش باظهر ده لحد عشان مبعرفش اعاتب
بس انهرده بقى ايييييييييه وقفته عند حده
دخلت قالبة الوش عليه سلمت بشكل عام على الكل ومبصيتلهوش ومضيت
هو اخد باله في ساعتها بيقولي محمود نزل المظاهرة (على اخويا) مرديتش عليه :D
بعدين قولتله كنت بتقول حاجة حضرتك اصلي مشغولة، استغرب من كلمة حضرتك ههههههههههه سكت وفضل رايح جاي محتاس قدامي بعدين لقيت رسالة على الفيس جروب الشغل منه
قائمة اعتذارات بقى هههههههههههههههههه وفاهم نفسه هو غلطان في ايه بالضبط
وكان قاعد في المكتب في وشي، بصيتله كده قولتله لينا كلام تاني،، تقل تقل يعني :worn_out:
بس ومسكته بقى اديتهومله بهدوء قالي انا بهزر والله ومقصدش وبتاع، قولتله انا لو عايزة اكبر الموضوع كنت اشتكيت لاخويا (مهو اخويا شغال معايا وبيكبرله قوي وانا اصلا شاكيه له في البيت ههههههههههههههههه)
بس الحمد لله عدت على خير

om body&renad;14328908:
بصى يا نور الرجاله معتقدين انهم بيروحوا الشغل يغيروا جو يعنى رايحين فسحه
يعنى دى تديله سندويتش ودى تهزر معاه ودى تقول نكته بيكونوا فاكرين نفسهم هارون الرشيدى وبيضايق قوى لما يلاقى واحده مش مدياله اهتمام على اساس انه اخف دم فى الشارع ولازم الناس كلها تتمنى تقعد معاه
علشان كده لما يقولك بعد كده انتى ليه كئيبه قوليله ده رايك حيقولك اه قوليله احتفظ بيه لنفسك محدش سالك عليه

المهم
الغداء ايه النهارده؟
انا عمله سبانخ وارز بالكبد والقوانص مش عارفه بفكر احمر بطاطس بس مكسله اقشر

بصي انا الشغل ده اول مرة اشوف فيه الاصناف اللي كنت بسمعها من الناس
اللي يوقعو بين بعض ويمسكو الزلل على بعض ويشوفو مين شغالة ومين قاعدة
هما كلللللهم مقهورين مني عشان شغلي على النت فمفكرين اني في راحة وهما اللي طالعين عينهم
وهو فعلا من النوع ده انتي لفتي نظري اللي حابب يبقى عنتر زمانه ومحدش مديله وش ههههههههههههه

انا شايفة البطاطس ملهاش لازمة خليكي في المخلل

البرج اليسر;14328964:
دودي كانت ازيك انا فكرة ان يوسف ابنك قد يوسف ابني انتي حلاقتيله قبل كده عند الحلاق معلش اصل الموضوع ده مارقني جدا الغداء النهاردة مكروتة وفراخ انيه

بصي هو ممكن يعيط منك هيخاف
انا اخويا اول مرة حلقناله طلع بينا الشارع
فضل قاعد على الرصيف والحلاق مقرفص على ركبه بيحلقله ههههههههههههههههههه

بت يا بيرق
الا اسمك اية صحيح ها
انتىاوفر ولا اية اخوكى اية وبتاع ميييييييين
لا لا مش عايزين حساسية يا بنتى دة انتى حساسة بجد بقااا الكلمة عادية والله مش اووى وانتى خدى حقك ورديتى فكك منة والله وممكن هو قاصدها عشان يفتح معاكى حوااار او علاقة :lol:
ولعلمك كل العلاقات بتبتدى بخناقة ها خلى بالك هههههههههههههه
بهزر طبعا بس بجد فكك منة خالص دة عاادى اوووى
انا اى حد يقولى كلمة تضايقنى ارد عليها بابتسامة ورد يفحمة ومش بحسة بضيقى خااالص
كنت بكلم حد عندى فى الشركة بسالة على فلوس فاتورة اتاخر على دفعهاا والفاتورة كانت عاليا اووى فدمة اتحرق
سيادة بقا بيقولى اية : انا بعتلك الفلوس خلاص كدة مفيش اى حد عندكوا فى الشركة عايزنى ادفعلة ؟
قولتة : يا فندم والله الناس عندنا هنا منضبطة وكل واحد بيدفع فى معادة :worn_out:
والراجل دة لواء على فكرة
مردش عليا بولا كلمة وبعدين اشتكانى اساسا ازاى اقولة كدة فررررررررررحت جداااا انى حرقتلة دمة بكل ذوق وادب نيا ها هااااا

حد جرب شوربة كريمة الدجاج بتاعت كنور ؟؟؟؟؟؟ يا ترى حلوة ؟؟ والكيس دة بيكفى كام مرة ؟؟

نور عرفتك من صورة حرف الاتش دي يا بنتي هههههه وتحت صورة فرحي رديت عليكي باسمك القديم كلمة حب.. بس صورتك ع الجروب لسه مش كانت صورتك وخطيبك واخوكي صح؟ عايزه أعمل محشي و بما ان جوزي هيتنازل ويتعب و يقعد بآدم قلت بالمرة أعمل كمان واحدة احتياطي في الفريزر.. اسمي بسمة هبعتلك رسالة هناك

مدام/اشرى;14329502:
بت يا بيرق
الا اسمك اية صحيح ها
انتىاوفر ولا اية اخوكى اية وبتاع ميييييييين
لا لا مش عايزين حساسية يا بنتى دة انتى حساسة بجد بقااا الكلمة عادية والله مش اووى وانتى خدى حقك ورديتى فكك منة والله وممكن هو قاصدها عشان يفتح معاكى حوااار او علاقة :lol:
ولعلمك كل العلاقات بتبتدى بخناقة ها خلى بالك هههههههههههههه
بهزر طبعا بس بجد فكك منة خالص دة عاادى اوووى
انا اى حد يقولى كلمة تضايقنى ارد عليها بابتسامة ورد يفحمة ومش بحسة بضيقى خااالص
كنت بكلم حد عندى فى الشركة بسالة على فلوس فاتورة اتاخر على دفعهاا والفاتورة كانت عاليا اووى فدمة اتحرق
سيادة بقا بيقولى اية : انا بعتلك الفلوس خلاص كدة مفيش اى حد عندكوا فى الشركة عايزنى ادفعلة ؟
قولتة : يا فندم والله الناس عندنا هنا منضبطة وكل واحد بيدفع فى معادة :worn_out:
والراجل دة لواء على فكرة
مردش عليا بولا كلمة وبعدين اشتكانى اساسا ازاى اقولة كدة فررررررررررحت جداااا انى حرقتلة دمة بكل ذوق وادب نيا ها هااااا

حد جرب شوربة كريمة الدجاج بتاعت كنور ؟؟؟؟؟؟ يا ترى حلوة ؟؟ والكيس دة بيكفى كام مرة ؟؟

علاقة ايه ونيلة ايه ده مش مكمل تعليمه وخاطب ومعلق نص بنات الدنيا وعيل فاقد من الاخر ودماغه مخروشة هههههههههههههههه على راي المدير بيقوله انت دماغك مطرطشة
بسمع هنا مصطلحات زي الفل هههههههههههههههه :lol: وحلوة حلوة حرق الدم بالزوق دي
اصل بصي احنا مش بنكونو متعمدين هما اللي بيخلونا نعملو فيهم كده :p
الشوربة بصراحة انا سمعت انها حلوة بس انا نفسي اجربها

~OM-ADAM~;14329523:
نور عرفتك من صورة حرف الاتش دي يا بنتي هههههه وتحت صورة فرحي رديت عليكي باسمك القديم كلمة حب.. بس صورتك ع الجروب لسه مش كانت صورتك وخطيبك واخوكي صح؟ عايزه أعمل محشي و بما ان جوزي هيتنازل ويتعب و يقعد بآدم قلت بالمرة أعمل كمان واحدة احتياطي في الفريزر.. اسمي بسمة هبعتلك رسالة هناك

ارووووووووبة ههههههههههههههههههههههه
اه صح هي صورتي دي ده انا فكرت نفسي شيلتها
اصل ايام الصدمة اللي كنت فيها كان عندي زهايمر بجد وفكرت نفسي شيلتها
كويس انك قولتيلي اروح اشيلها
بس ايه رايك فيا وانا صغنونة وسفيفة هههههههههههههه
انتي صورتك انهي طيييييييييييب انا عايزة اعرفك
اللي لابسة فستان ابيض مش كده :lol:

om body&renad;14328831:
ايه العنوان يا امه الرحمن ومراتبتهم كويسه ويكونوا خريجين ايه ؟
معلش اصل انا من ساعه ما قعدت من الشغل علشان الولاده وانا بدور على شغل تانى

اه المرتبات يا حبيبتي حلوة اوي ماشاء الله، بس انتي هتقدري تشتغلي بالليل والبيبي موجود؟؟؟
عالعموم هي في محطة مصر في مبنى مركز تكنولوجيا المعلومات الدور التامن و اسم الشركة ساذرلاند
و عادي ممكن تكوني خريجة اي حاجة او حتى لسة بتدرسي بس عندك لغة كويسة

DodyCat;14328910:
أميكو تك ولا ايه؟
[/SIZE]

لا ساذرلاند sutherland

بيرق أمل;14329435:
ا



تسلمي يا قلبي متحرمش من كلامك الجميل ولا الخدمة الحلوة دي
وانا في الانجليش ضايعة خالص للاسف :(


بصي انا الشغل ده اول مرة اشوف فيه الاصناف اللي كنت بسمعها من الناس
اللي يوقعو بين بعض ويمسكو الزلل على بعض ويشوفو مين شغالة ومين قاعدة
هما كلللللهم مقهورين مني عشان شغلي على النت فمفكرين اني في راحة وهما اللي طالعين عينهم
وهو فعلا من النوع ده انتي لفتي نظري اللي حابب يبقى عنتر زمانه ومحدش مديله وش ههههههههههههه

انا شايفة البطاطس ملهاش لازمة خليكي في المخلل

يا بنتي والله الواحد بيشوف كائنات عجيبة في الشغل، نصيحة ما تصاحبيش حد اووي ولا تدي الامان للاخر لاي حد خالص

بالنسبة للشغل قدر الله و ماشاء فعل بس حاولي تاخدي كورسات لان ماشاء الله في وظاايف كتير جداااااااااااا بس كلهم بيحتاجوا انجلش عالاقل و لغة تانية دة غير باقي المهارات يعني و المرتبات بتكون حلوة جدا ماشاء الله