استفسارات وتساؤلات الامهات الجزء الثامن فيدى واستفيدى

CuTie KaTkOoTa;14246375:
معرفش مكان العتبة ده لو تعرفي ابقي قوليلي، بس عامة في ست بتاعة حاجات مستعملة بيبقي عندها حاجات حلوة وبيجلها كل شوية جديد، وانتي بتروحي وتتفرجي وتختاري اللي يعجبك، او المحلات بقي العادية

رجائي رضا ربــــي;14246596:
شكرا يا كتكوتة على ردك متحرمش منك يا قمر... طيب توكي بتقول هتبدأ بزبادي لايت الكل بيخوفنى من الزبادى بدري مشكلتى بقى انى خايفه اديله اى حاجة معتمدة على سيريلاك رز وبسكوت قوليلي اعمل ايه وادخله اي معلش هتعبك معايا وممكن عصاير دلوقتي؟

كتكووتة لو تعرفي عنوان الست دى قوليلي ياريت بليييز

انا بشوف فالتوحيد والنور بس الاشكال محدوده اوى والالوان كمان

ف ياريت لو مكان الست دى او لو حد يعرف اماكن كده اسعارها حلوة

رجائي مالو الزبادى انا بنت خالتى مش هبالغ لو قلتلك انها دخلت الزبادى من بعد الاربعين بصرف النظر عن انو صح ولا غلط بس معتقدش انو غلط

رجائي رضا ربــــي;14246596:
شكرا يا كتكوتة على ردك متحرمش منك يا قمر... طيب توكي بتقول هتبدأ بزبادي لايت الكل بيخوفنى من الزبادى بدري مشكلتى بقى انى خايفه اديله اى حاجة معتمدة على سيريلاك رز وبسكوت قوليلي اعمل ايه وادخله اي معلش هتعبك معايا وممكن عصاير دلوقتي؟

لا اديله عادي بس لايت لمدة شهرين مثلا كده وبعدين اللي بالفواكه وبعدين السادة العادي الكامل الدسم، يعني كل شوية تزودي الكمية والنوع عشان معدته.
زالعصاير اه دي ممكن اوي لأنها بتتاخد قبل الاكل نفسه، تفاح وكمثري وعنب وبرتقال وطماطم بس مخففين بنسبة 5 إلي 1

M!ss Tuky;14246860:

كتكووتة لو تعرفي عنوان الست دى قوليلي ياريت بليييز

انا بشوف فالتوحيد والنور بس الاشكال محدوده اوى والالوان كمان

ف ياريت لو مكان الست دى او لو حد يعرف اماكن كده اسعارها حلوة

هبعتلك رقمها عالخاص، وهي في الهرم قريبة من كايرو مول اوي

ازيكو يا بنات
اللى بتسأل على الزبادى بلااااااش يا جماعه نصيحة والله هيما تعب منى بصدره بسببها من اول ما ابتديت اديهاله اول الرابع اديتهالو اسبوعين بس ووقفتها خالص دلوقتى مع انو بدأ فى السادس خلاص بس مش هديهالو الا على 9 شهور ان شاء الله الزبادى لبن جاموسى او بقرى اللى هو المفروض مش بياخدوه الا بعد السنة فحرام ندخله من 4 شهور انا سمعت كلام اخت جوزى قالتلى اكليه حرام هوا بيرضع صناعى والكلام ده بس بجد صدره بايظظظظ دلوقتى ودايخة بيه عند الدكاترة ادعوله ربنا يشفيه

ازيكوا يااحلى بنانيت
عندى سؤالين واحد عارفة ان مكانة هنا والتانى مش متاكدة اوى ان هو دى مكانة بس هسأل بقى وخلاص اوك
انا دلوقتى بدى لمالك سيريلاك رز وسيريلاك قمح عايزة اعرف السريلاك اللى هو بالخضار واللى بالفاكهة من امتى ان شاء اللة عشان هو بيزهق بطريقى مش معقولة من الاكل يعنى الاكل ممكن ياكل فية اسبوع وبعد كدة لازمن ولابد اغيرة الاسبوع اللى بعدة ماينفعش يفضل ياكل حاجة بصورة دايمة لدرجة انى احترت اكلة اية
وهل السريلاك الخضار والفاكهة اكلهولة بعد مااكلة خضار وفاكهة طبيعين ولا معاها ولا بعدها ولا مبتفرقش اصلا مع العلم انى يادوبك امبارح كنت بديلة بطاطس ولسة كانت اول مرة هو هيتم ال7 شهور بعد بكرة ان شاء اللة
السؤال التانى انا محرجة بصراحة بس هقول لانى مش عارفة اقولة لمين بصراحة انتوا عارفين انى كنت برضع مالك طبيعى لمدة شهرين ونص وبعد كدة اللبن قل ومابقاش يشبعة فرضع صناعى وكمان شوية نسى البريست بتاعى خالص الحمد للة المهم البريست بتاعى بقى متهدل مابقاش زى الاول شكلة بصراحة مش حلو كنت عايزة اسال هل فية حاجة بترجع الموضوع زى الاول او حتى النص اى تمارين اى دوا كدة يعنى وهل دكتور النسا بتاعى ممكن يفيدنى فى الموضوع دة ولا دة مش من اختصاصة انا قولت اسالكوا الاول لانى محرجة اروح للدكتور عشان الموضوع دة بصراحة

بصى الخضار والفاكهه بعد 6 شهور ان شاء الله
ويفضل الصبح تاكليه الى بالقمح او الرز بس
وعلى وقت الغدا او العشا تديله الخضار او الفاكهه
حتى سيريلاك هيرو مكتوب عليه
سيرلاك صباح الخير
للحبوب بس
والفاكهه والخضار بتاع تصبح على خير
والفاكهه برده ممكن الصبح عادى
ولو هتديله باليل خليها قمح بس او رز بس عشان يبقا خفيف

توكي بس عاوزه ااقولك حااجه ابدائي بسيريلاك رز وقمح لان الفواكهه تقيل الدكتور قاللي ابدايه من الشهر السادس ومن ساعه مابداته ابني عنده امساك جامد
ولما وقفته يومين رجع يعمل كيكي كويس واما رجعت اديه تاني امساك تاني
انا بس حبيت ااقولك وكمان الصيدلي وانا بشتريه قاللي الفواكهه مش قبل 6 شهور لكن رز وقمح من 4
انا بس حبيت ااقولك خلاصه تجربتي عشان تاايا متتعبش

CuTie KaTkOoTa;14240701:
اه المهلبية دي حلوة اوي، بس انا جربت عملتها ببرتقال بلدي وحلتها بالعسل ومتقبلتهاش فلسه هجربها بالسكري ان شاء الله، وممكن مهلبية اي نوع فاكهة بردو مش برتقال وجزر بس.
وجربي بطاطا مشوية بيحبوها اوي، والفاكهة المسلوقة، والقرع وطبعا الزبادي والموز ، وبعد شهر كمان هتضيفلها حاجات تانية كتير جبنة وفراخ وسمك وصفار ومكرونة وفول ولسان عصفور وكبدة فراخ بس مش مستحبة يعني، كل دول في الكام شهر الجايين مش دلوقتي لسه

ربنا يخليكي يارب ياكتكوته ويفرحك بجودي يارب الصراحه وفيتي الاجابه حقها واستفدت كتيير اوي من الوصفات اللي حطتيها وتستاهلي التقييم:thumbs_up:
وانا باكل الجوافه ساعات بديها حبه كده بالمعلقه من القلب بس مش اللي فيه بذز طبعا:) كده غلط ولا لازم تتسلق ؟؟ بيتهيالي هتبقى غريبه اوي جوافه مسلوقه هي اصلا طريه من جوة ولا ايه؟

CuTie KaTkOoTa;14247316:

هبعتلك رقمها عالخاص، وهي في الهرم قريبة من كايرو مول اوي

معلش هتطفل عليكم:D هي الست دي يعني محل ولا احنا بنروحلها شقتها ولا ايه؟؟ وهي بتبيع قصدك ماركات يعني مستعمله ولا حاجات عاديه؟ وهل الفرق في السعر كويس وكده وشكرا:)

طيب يا توكى هتبدأى معاها ايه اخر الكلام اصل ماما رافضة تاكلها بتقوللى من السادس وهى 4 ايام وتبدا الرابع

بصوا ياامهات انا شايفه ان كل طفل بيختلف عن التانى
لان كل وحده فينا تدخل تقول انا هاكل ابنى او بنتى من الرابع لا من السادس لا من لشهر كذا فكلنا طبعا مش هنجتمع على حاجة وحده انا مثلا اخت جوزى اكلت بنتها من نص التالت زباى وسيريلاك اختى مثلا اكلت ابنها من السادس واحنا شايفين انها اتاخرت وغيره وغيره فمش كلنا هنتفق على شهر معين بس انا لو هقول راى كل وحده تجرب تدى ابنها من الرابع مش هنتقل عليه بس تدريب ليه ونعودهم على الاكل فى السادس ونزود بدل ماكنا بندى معالق فى الرابع ندى نص طبق فى السادس واخر السابع نكمل الطبق وهكذا وزى ماقلنا ندى الصنف لمدة 4 او 5 ايام لو ليقتى ابنك تعب منه وقفيه وجربى حاجة تانية اخف وهكذا لان مش كل طفل معدته زى التانية فى اللى هيتعب وفى اللى هيتقبل وهيحب ومش هيجراله اى حاجة لو اكل

انتوا فى الرابع مش اكل اكل يعنى
كله تدوقوهم بس
عشان يتعودوا ان فى اختلاف مش نيجى من السادس ندى اكل
لا هندوق من الرابع وياكلوا شويه افضل من السادس ان شاء الله

ميرسي يا رازمنيا يا حبيبتى تسلمى ياررررررررررررب
كتكوتة ميري يا كميلة و ان شاء الله تكون جوجو بخيرررررررر

اعمل رز بلبن باللبن بتاع محمد ولا اللبن العادى؟

اجيب الشامبو بتاع الكيدز امتة؟

miss_law2010;14247368:
ازيكو يا بنات
اللى بتسأل على الزبادى بلااااااش يا جماعه نصيحة والله هيما تعب منى بصدره بسببها من اول ما ابتديت اديهاله اول الرابع اديتهالو اسبوعين بس ووقفتها خالص دلوقتى مع انو بدأ فى السادس خلاص بس مش هديهالو الا على 9 شهور ان شاء الله الزبادى لبن جاموسى او بقرى اللى هو المفروض مش بياخدوه الا بعد السنة فحرام ندخله من 4 شهور انا سمعت كلام اخت جوزى قالتلى اكليه حرام هوا بيرضع صناعى والكلام ده بس بجد صدره بايظظظظ دلوقتى ودايخة بيه عند الدكاترة ادعوله ربنا يشفيه

هو ممكن يكون عنده حساسية من الالبان زي مومو ابن توتا كده، بس المهم ميكونش بدري عن اربع شهور عشان فعلا كده غلط اوي، وبتختلف من طفل للتاني بس ربنا يشفيه يارب ويخليهولك.

بسبوسةميدو;14250928:
ربنا يخليكي يارب ياكتكوته ويفرحك بجودي يارب الصراحه وفيتي الاجابه حقها واستفدت كتيير اوي من الوصفات اللي حطتيها وتستاهلي التقييم:thumbs_up:
وانا باكل الجوافه ساعات بديها حبه كده بالمعلقه من القلب بس مش اللي فيه بذز طبعا:) كده غلط ولا لازم تتسلق ؟؟ بيتهيالي هتبقى غريبه اوي جوافه مسلوقه هي اصلا طريه من جوة ولا ايه؟

تسلمي يارب، لأ الجوافة اه زي ما بتعملي كده بتكحتي بالمعلقة مش تقطعي قطع لأ عشان تبقي سهلة له لو هي جامدة شوية ولما يكبر حبة وحسيته انه ابتدي يعرف يمضغ كده او مش بيبلع عالطول يبقي تخلي القطع سواء في الخضار او الفاكهة مش مهروسة اوي وناعمة زي ما هو بيبي لأ كبريها سنة او قطعيه بالمعلقة او الشوطة كده يعني هرس خفيف، وفعلا البذر غلط خالص صح كده، هي الفواكه الجامدة بس زي التفاح والكمثري اللي يتسلقوا لكن الباقي عادي، والعنب بيتعصر في البق عالطول كده

بسبوسةميدو;14250960:
معلش هتطفل عليكم:D هي الست دي يعني محل ولا احنا بنروحلها شقتها ولا ايه؟؟ وهي بتبيع قصدك ماركات يعني مستعمله ولا حاجات عاديه؟ وهل الفرق في السعر كويس وكده وشكرا:)

لأ دي عاملة شقة حاطة فيها كل الحاجات بتاعة الاطفال فيه استعمال باين وفيه مش باين خالص كانه الجديد وبتعمل اوب داي بردولما تجيلها تشكيلة جديدة وكده، عندها معظم حاجات الاطفال وكلها ماركات حلوة، يعني انا جبت الكار سيت من هناك ايفن فلو ب 350 باين وهو طبعا سعره لو جديد اعلي من كده بمراحل وشكله حلوونضيف ومش باين خالص، وبنات كتير اوي مننا هنا من دفعتي جابوه من عندها كار سيت بردو :lol::lol: يعني ممكن الفرق يكون النص مثلا.

m@hy;14255758:
ميرسي يا رازمنيا يا حبيبتى تسلمى ياررررررررررررب
كتكوتة ميري يا كميلة و ان شاء الله تكون جوجو بخيرررررررر

اعمل رز بلبن باللبن بتاع محمد ولا اللبن العادى؟

لأ باللبن بتاعة لغاية ما يعدي السنة ان شاء الله واهي هانت الحمدلله

m@hy;14255769:
اجيب الشامبو بتاع الكيدز امتة؟

اظن كده من سنتين تقريبا مش واثقة اوي بيعتبروا الكديز من سن كام بس غالبا يعني ويمكن اكتر مش عارفة

انا نصيحتي انك ماتطعمي بنتك الا بعد ماتخف الصخونه لانها مع التطعيم ممكن تتعب زياده

يا بنات ليه مش بتجربوا سيريلاك ميلوبا مخصص للاطفال من اربع شهور في رز و خضار مشكل و فواكه مشكلة و على فكرة القمح من 6 شهور لانه بيعنل لا قدر الله حساسية على الصدر و الزبادي زي ما ميس لو قالت ربنا يكرمها غلط يا جماعة قبل كده لانه معمول فعلا بلبن بقري او جاموسي خلينا في الفواكه المعمولة في البيت و السيريلاك المخصص لاربع شهور و عصاير بردو من انواع تنفع لاربع شهور

انا نفسي الاقي منتجات ميلوبا ف مصر

لو حد بيجيبها يقولى متوافره ولا لا وبتجيبوها ولا لا

sweetylolla85;14249868:
توكي بس عاوزه ااقولك حااجه ابدائي بسيريلاك رز وقمح لان الفواكهه تقيل الدكتور قاللي ابدايه من الشهر السادس ومن ساعه مابداته ابني عنده امساك جامد
ولما وقفته يومين رجع يعمل كيكي كويس واما رجعت اديه تاني امساك تاني
انا بس حبيت ااقولك وكمان الصيدلي وانا بشتريه قاللي الفواكهه مش قبل 6 شهور لكن رز وقمح من 4
انا بس حبيت ااقولك خلاصه تجربتي عشان تاايا متتعبش

ميرسي يا لولو متحرمش منك ابدا انا فعلا ان شاء الله هبدألها العصاير بالنسبه للفواكه والسيريلاك رز فقط

om_hienar;14253630:
طيب يا توكى هتبدأى معاها ايه اخر الكلام اصل ماما رافضة تاكلها بتقوللى من السادس وهى 4 ايام وتبدا الرابع

انا بطعمها حجات بسيطة اوى مره ف اليوم حاجه صغيره بس مش بمعنى انى اكلها

sally2007;14253772:
بصوا ياامهات انا شايفه ان كل طفل بيختلف عن التانى
لان كل وحده فينا تدخل تقول انا هاكل ابنى او بنتى من الرابع لا من السادس لا من لشهر كذا فكلنا طبعا مش هنجتمع على حاجة وحده انا مثلا اخت جوزى اكلت بنتها من نص التالت زباى وسيريلاك اختى مثلا اكلت ابنها من السادس واحنا شايفين انها اتاخرت وغيره وغيره فمش كلنا هنتفق على شهر معين بس انا لو هقول راى كل وحده تجرب تدى ابنها من الرابع مش هنتقل عليه بس تدريب ليه ونعودهم على الاكل فى السادس ونزود بدل ماكنا بندى معالق فى الرابع ندى نص طبق فى السادس واخر السابع نكمل الطبق وهكذا وزى ماقلنا ندى الصنف لمدة 4 او 5 ايام لو ليقتى ابنك تعب منه وقفيه وجربى حاجة تانية اخف وهكذا لان مش كل طفل معدته زى التانية فى اللى هيتعب وفى اللى هيتقبل وهيحب ومش هيجراله اى حاجة لو اكل

عندك حق ياسالى هو انا بطعم حجات بسيطة ومش كل يوم يعني ادتها مره واحده بطاطا وبسسس

كتكووتة انا كلمت الست الى بتقولى عليها وهروحلها ان شاء الله

ام رتـــاج;14256083:
انا نصيحتي انك ماتطعمي بنتك الا بعد ماتخف الصخونه لانها مع التطعيم ممكن تتعب زياده

:thumbs_up:

فى الصحه نفسهم لو لقوا النونو تعبان مش بيرضوا يطعموه الا لما يخف ان شاء الله