استفسارات وتساؤلات الامهات الجزء الثامن فيدى واستفيدى

quiet girl;14229820:
ايمى ام معاذ ربنا يقومك بالسلامة ياااااااااااااارب
بصى اللى انا واثقه منه ان الموضوع اللفه اللى بتبقى حوالين الصره ده غلللللللللللللط انا 2 دكاتره قالولى كدا
والكتاب اللى انا اخدتة من المستشفى اللى ولدت فيها جودى كان كاتب انه ممنووووووووع
متجبهوش خالص يا ايمى وعموما علشان تتاكدى لما تولدى ان شاء الله بالسلامة اكيد هتوديه لدكتور يطمن عليه ابقى اساليه ان شاء الله

ربنا يكرمك يا حبيبتي يارب

طب هو ليه بديل ؟
يعني السره هتفضل مكشوفه كده ولا ايه اللي المفروض يتحط بعد الكحول كفايه قطنه وخلاص يعني

لا يا ايمى انا مكنتش بغطيها خالص اصلا المفروض تتهوى علشان تقع لكن هو الكحول وخلاص وكنت جايبه بابامبرز بيبى جوى حديثى الولاده علشان عامل مكان للسره
وعلى فكره ادخلى اسالى هنا احسن اللى هترد عليكى دكتوره
http://forums.3roos.com/showthread.php?t=588237

ربنا يخليكي يا قمر يارب على ردك
ويبارك لك في جوجو يارب وتشوفيها عروسه

quiet girl;14229754:
مورو فى اطفال بيبقى عندهم حساسيه من القمح فنبتدى بالارز
ايمى انا والله كنت عملت توقيع امبارح وكتبت فيه اسمى سابقااااااا بس مظهرش امبارح مش عارفه لييييه
قوليلى بقى عرفتى ازاى انى انا دعاء ههههههههههههه

:lol::lol: بالصدفة البتحة خمنت بس كنت شبه متأكدة من موضوع الملابس عشان قلتي جودي وسيتي ماكس

*Om Mo3az*;14229855:
ربنا يكرمك يا حبيبتي يارب

طب هو ليه بديل ؟
يعني السره هتفضل مكشوفه كده ولا ايه اللي المفروض يتحط بعد الكحول كفايه قطنه وخلاص يعني

اه لازم تبقي متهوية، تحطي كحول مع كل غيار وتنضفي كويس السرة والمشبك وتكملي بردو بعد ما تقع لغاية ما اي لون فيها يروح خالص وتبقي تمام

[QUOTE=CuTie KaTkOoTa;14224302الاكل فعلا متغصبيش عليها بأي حاجة وجربي انواع تانية ، وكل شوية كده لما يعدي كام يوم مثلا او اسبوع جربي تاني نفس النوع اللي كانت رفضاه عشان حواسهم بتتغير بسرعة في الفترة دي، وجودي بردو مكنتش بتحب خالص وكمان مكنتش فاهمة المعلقة وبتصوت وتعيط وتقرفني بس الحمدلله لوحدها لما كبرت شوية شوية اتحسنت لغاية ما بقت عادي دلوقتي وفاهمة.
وهاتي ماري الاحمر عشان ده مفهوش زبدة ودهون كتيرة زي التاني والقمح فيه اكتر[/QUOTE]

انا كنت بعملها كوسه وجزر وبطاطس ومارضيتش تاخدهم غير مرة واحده بس ايه بقى الانواع التانيه؟؟ اللي ممكن اعملها
انا مامتي لسه قايلالي اعملها برتقال بالجزر مهلبيه كانت بتعملهالنا واحنا صغيرين هحاول اجرب بقى واشوف وربنا يسهل يارب ترضى تاخده
وبسكوت ماري الاحمر فعلا حسيته اخف من الازرق وحتى السكر فيه اقل مرسي ياكتكوته على ردك:) وربنا يخليلك جودي

طيب يا جميله ملكيش اخوات بنات

بسكوتة حبيبي;14238315:

بنات يا قمامير أنا مش عارفة ده مكان السؤال بتاعي ولا لأ

أنا حامل في الثامن ومعايا بنتين ربنا يبارك فيهم ويهديهم وبعد الولادة هرجع على بيتي مش هروح عند ماما ( ماما عاملة عملية غضروف ربنا يشفيها ويعافيها) ونفسي حد يقولي أستعد ازاي للفترة اللي بعد الولادة وخصوصاً ان بنتي الكبيرة في كي جي 1 وهتكون بتروح المدرسة
مش عارفة أعمل أكل ايه وأشيله ولا أعمل ايه بالضبط وإزاي أضبط أمور البيت كلها أنا مرعووووووووووووبة يا بنات

على فكرة لو ده مش مكان السؤال ممكن صاحبة الموضوع تحذفه بس قولولي أحط السؤال فين؟

بصى طبعا ده مش مكان السؤال بس انا مش عارفه تحطيه فين بس عموما ممكن تتبلى فراخ وتشيليها فى الفريزر وخضار تنضفيه وتشليه فى الفريزر بحيث يبقى على التسوية على طول
بردوا ممكن تجيبى طماطم وتعملى صلصه وتشيليها فى الفريزر كدا يعنى وبخصوص الشقه هاتى حد ينضفهالك تنضيفة حلوه قبل الولاده على طول وان شاء الله ربنا يقومك بالسلامة يااااااااااارب وتبقى كويسة بعد الولاده وتعملى كل حاجه ان شاء الله والله انتى لو كنتى جارتى والله كنت مسبتكيش بس ان شاء الله ربنا معاكى

بسبوسةميدو;14237368:
انا كنت بعملها كوسه وجزر وبطاطس ومارضيتش تاخدهم غير مرة واحده بس ايه بقى الانواع التانيه؟؟ اللي ممكن اعملها
انا مامتي لسه قايلالي اعملها برتقال بالجزر مهلبيه كانت بتعملهالنا واحنا صغيرين هحاول اجرب بقى واشوف وربنا يسهل يارب ترضى تاخده
وبسكوت ماري الاحمر فعلا حسيته اخف من الازرق وحتى السكر فيه اقل مرسي ياكتكوته على ردك:) وربنا يخليلك جودي

اه المهلبية دي حلوة اوي، بس انا جربت عملتها ببرتقال بلدي وحلتها بالعسل ومتقبلتهاش فلسه هجربها بالسكري ان شاء الله، وممكن مهلبية اي نوع فاكهة بردو مش برتقال وجزر بس.
وجربي بطاطا مشوية بيحبوها اوي، والفاكهة المسلوقة، والقرع وطبعا الزبادي والموز ، وبعد شهر كمان هتضيفلها حاجات تانية كتير جبنة وفراخ وسمك وصفار ومكرونة وفول ولسان عصفور وكبدة فراخ بس مش مستحبة يعني، كل دول في الكام شهر الجايين مش دلوقتي لسه

الوصفه الاولى: مهلبية الشوفان
المقادير:
كوب ماء -ملعقتان كبيره من حليب الطفل- ثلاث ملاعق كبيره من الشوفان
الطريقه :
ينقع الشوفان في الماء لمده ساعه ونصف,ثم تخلط جميع المحتويات في اناء وتوضع على النار مع التحريك المستمر
حتى يتماسك الخليط ,ثم يرفع من على النار ويتم هرسه ويترك حتى يبرد ثم يقدم للطفل.ز



الوصفه الثانيه: مهلبية النشا
المقادير:
كوب ماء - ملعقتين الى ثلاث ملاعق كبيره من الحليب- ثلاث ملاعق كبيره من النشا
الطريقه :
تخلط جميع المحتويات بماء بارد ثم توضع على النار حتى يتماسك الخليط مع التحريك المستمر ثم يرفع من على لنار ويترك ليبرد ثم يقدم للطفل.
الوصفه الثالثه :وجبة خضار
المقادير:
حبه كوسه- حبه بطاطس - ملعقه كبيره من الارز- من كوبين الى اربعه اكواب ماء
الطريقه:
اغسلي الكوسة والبطاطس جيدا ثم قطعيها قطعا متوسطه بعد تقشيرهما وضعيهما في الاناء وضعي عليها الماء والارز المنقوع سابقا , اتركي الخليط حتى ينضج على نار هادئه ,ثم ارفعيه من على النار واهرسيه بواسطة الملعقه مع قليل من الملح وماء الطبخ وقدميه الى الطفل ..( يمكن اضافة اللحم او الدجاج الى هذه الوجبه بعد الشهر السادس او الخامس)


مهلبية بالبرتقال و الجزر للاطفال (من سن6 شهور وا?ثر)

المقادير:
2 برتقاله
3ملاعق صغيرة نشا
نصف كوب ماء بارد
2 جزره

الطريقة:
يبشر الجزر صغير جدا ثم يسلق في كمية قليلة من الماء
يذاب النشا في نصف كوب الماء و يضاف للبرتقال و الجزر ويقلب على النار اللينة حتي يغلظ القوام قليلا
يصب في اطباق و يترك ليبرد
يقدم للطفل في عمر ستة شهور و اكتر


طبق مفيد للاطفال من سن 4 شهور
المقادير:1/2 كوب بليله(غله مقشره) -
ماء -
حليب -
مفيد للصغار من سن 4 شهور فيما فوق ومغذى جدا لانه قمح .
الطريقة:تسلق الغله جيدا جدا
بعد ان تستوى جدا نضربها بالخلاط ونصفيها
كميه الحليب تكون صغيره جدا بالنسبه لكميه الغله مع مراعاه عمر الطفل
فالطفل 4 شهور حوالى 10 ملاعق
غله+3ملاعق حليب
وكل ما يكبر نزيد الكميه
مفيده ومغذيه وتشبع ومجربه
وطبعا مع اضافه قليل جدا من العسل


**وجبة الخضار المشكلة

قطعي حبة كوسا واحدة

وجزرة واحدة أيضا قطع متوسطة الحجم

ضعيهم في قدر واسلقيهم بماء

ثم ضيفي لها القليل من المعكرونة

ونص صدر دجاج

وبعد أن ينضج الطعام جيدا

صفيه من الماء واهرسيه بواسطة الشوكة

حتى لا يكون مهروس كثيرا مثل المرحلة السابقة

وبنفس الوقت لا يحتوي على قطع كبيرة قد يختنق طفلك بها

لذلك سيكون كما قلت سايقا كشكل الجبن الأبيض الطري

ويمكنك في هذه الوجبة أن تستبدلي الدجاج بالسمك

وممكن أن تكتفي بالدجاج مع الخضار دون المعكرونة

أو بالمعكرونة دون الدجاج



وأيضا من الممكن أن تطعميه السمك المفروم ولكن احرصي على نزع العظم جيدا

لذلك من المستحسن عند تحضير هذه الوجبة أن تعتمدي السمك الذي لايحتوي

على عظام وأشواك صغيرة حتى تسهل عليك عملية إنتزاعه من السمك


وأيضا اللبن الزبادي الصافي امزجيه ببعض الفواكه المهروسة فتضيف عليه نكهة محببة لطفلك



وطبعا الفواكة المهروسة كالموز والتفاح والأجاص وهذان الأخيران طبعا بعد سلقهما أو حتى من دون طهو

يمكنك أن تبشريه وتقدميه


نصائح وتوجيهات عامة :

1)_لتتركي طفلك أختي الأم أن يقرر الكمية التي يريدها بنفسه فلا ترغميه على الطفام إذا شعرت بشبعه

ففي شهره السادس ضعي أربع ملاعق من الطعام في صحنها وإذا تناوله كله زيدي عليه

قد تلاحظين في أيام أن شهيته مفتوحة وفي أيام أخرى لا شهية له

لابأس في ذلك مادام وزنه يسير طبيعيا أما إن شعرت بنقص وزنه فلتراجعي الطبيب قد يصف لك

فاتحا للشهية

2)_ قد يميل طفلك فترة معينة على صنف واحد يطلبه بكثرة

هذا أمر طبيعي وغالبا لن يستمر هذا الميل لأكثر من أسبوعين

ولكن لا تتوقفي عن تقديم أصناف أخرى ولكن إن استمر الوضع لعدة أسابيع وظل الطفل مستمر على صنف

واحد لا تترددي باستشارة الطبيب


تمر مهروس
المقادير :
حبة تمر
فنجان قهوه ماء

طريقة الإعداد :
ننزع قشر التمر ونضعه في ماء ساخن ونقوم بهرسه ونقدم للطفل منه ملعقتين إلى ثلاث ملاعق في الشهور الأولى ...


موز بالجزر ( غداء أطفال )
المقادير :
حبة جزر
حبة موز
نصف ملعقة شاي عسل
فنجال قهوة عصير تفاح
2ملعقه كبيرة ماء

الطريقة :
نقوم بسلق الجزرة على النار إلى ان تصبح سهلة العجن ، ونهرسها مع الموس ونضع ملعقة العسل على الخليط ولكي تكون اسهل هضما نضع ملعقتين ماء دافئ ويحبذ وضع فنجان عصير تفاح


هريسة التفاح مع الاجاص


المقادير :
حبة تفاح
حبة اجاص

الطريقة :
تقطع كل حبة فاكهة إلى اربعة اقسام وتنزع بذورها ثم تقشر وتوضع في طنجرة صغيرة مع 3 ملاعق طعام من الماء أي 45 مل
ثم تغطى الطنجرة ويترك محتواها يغلى برفق لمدة 10 دقائق او حتى تصبح الفاكهة طرية .
تهرس هذه الفاكهة في خلاطة الطعام ثم تصفى عبر منخل للتخلص من كل الكتل الباقية
تحفظ هذه الهريسة في حرارة الغرفه وتقدم لوحدها أو ممزوجة مع القليل من أرز الأطفال المعد مسبقاً .


والآن تعالي معا شهر بشهر وخطوة خطوة لفطام نموذجي صحي ويمكن تقسيمه بالشهور لسهولة التطبيق من نهايه الشهر الرابع




أولا: الشهور من أواخر الرابع إلى الخامس:


يمكن إدخال الأغذية التالية بالإضافة للرضاعة الطبيعية: الزبادي منزوع الدسم، البسكويت، المهلبية، ويتم ذلك باستبدال رضعتين: الأولى بأكلة مهلبية، والثانية بأكلة زبادي مع بسكويتة خفيفة.

ثانيا: الشهر السادس:


يمكن إدخال الفواكه المهروسة، الخضار المهروس، العسل الأبيض، الأرز، بالإضافة إلى المهلبية، الزبادي، البسكويت.
ويراعى تقشير الفواكه والخضروات بعناية، وتنقيتها من البذور، وتفرم أو تهرس، وعادة يطهى الخضار أو يسلق على البخار، أو في الماء؛ فتؤخذ واحدة بطاطس + واحدة جزر + واحدة كوسة + نصف ملعقة أرز + لتر ماء، وتغلى لمدة 45 دقيقة على الأقل، على نار هادئة، ثم تصفى وتهرس جيداً، ويضاف القليل من الكمون .

مع ملاحظة أن الطفل يكتفي بخمس وجبات اعتبارا من هذا الشهر، فتستبدل ثلاث رضعات: الأولى بوجبة مهلبية، والثانية بوجبة شُربة خضار، والثالثة بوجبة زبادي مع ملعقة عسل أبيض وبسكويت مع تفاح مبشور أو مهروس أو مفروم.






وختاما إليك بعض النصائح الغذائية العامة لتساعدك في فطام طفلك:



1- لا تعطي الطفل أكثر من صنف جديد في المرة الواحدة، بل تقدم واحدة بواحدة فقط. فتبدئي بما يستسيغه الطفل، دون ظهور أعراض جانبية، ثم ينقل إلى الثاني، وهكذا.
2- يستمر نظام الأربع أكلات، حتى الفطام الكامل عند عمر سنة ونصف إلى سنتين.
3- الحلوى والشيكولاتة لا تعطى إلا بعد الوجبات مباشرة، حتى لا تفسد الشهية.
4- تجنبي إعطاء الطفل المشروبات والمأكولات المثلجة؛ لما تسببه من اضطرابات معدية ومعوية بالإضافة لاحتوائها على الكافيين الذي يسبب الأرق.
5- تجنبي إعطاء الطفل الأغذية المحفوظة، للسبب ذاته، بالإضافة لاحتوائها على المواد الحافظة المضرة بنمو أجهزة الطفل مثل الكبد والكلى.
6- تجنبي إعطاء الطفل لحوم الحيوانات الصدفية مثل الجمبري وأبو جلمبو (الكبوريا) وأم الخلول، لما تسببه من الإسهال والقيء والحساسية الجلدية.
7- أفضل الفواكه المناسبة للطفل هي الكمثرى، والموز والبرتقال والتفاح؛ وذلك لأنها سهلة الهضم. ويراعى عدم إعطائها بين مواعيد الوجبات حتى لا تضعف الشهية.
8- يجب التنويع في أصناف الأكل من يوم لآخر؛ منعا للسأم وضعف الشهية.
9- تجنبي تغذية الطفل دون إرادته حتى لا يكره الطعام؛ فربما يكون به مانع مرضي مثل التهاب اللثة، أو في مرحلة التسنين، أو التهاب الحلق.
10- حتى نهاية العام الأول؛ تجنبي إعطاء الطفل: حليب البقر، التوابل والبهارات، والمكسرات، وزلال البيض.
11-حتى عمر ستة شهور، تجنبي إعطاء الطفل: الأغذية السابقة؛ وهي التوابل والبهارات، والمكسرات، وزلال البيض، بالإضافة إلى العسل، والأطعمة الدسمة الدهنية.


تقييمات بقي كتير :lol::lol:

صوت العيون ʚϊɞ ام سندس ʚϊɞ;14238479:
طيب يا جميله ملكيش اخوات بنات

quiet girl;14240299:
بصى طبعا ده مش مكان السؤال بس انا مش عارفه تحطيه فين بس عموما ممكن تتبلى فراخ وتشيليها فى الفريزر وخضار تنضفيه وتشليه فى الفريزر بحيث يبقى على التسوية على طول
بردوا ممكن تجيبى طماطم وتعملى صلصه وتشيليها فى الفريزر كدا يعنى وبخصوص الشقه هاتى حد ينضفهالك تنضيفة حلوه قبل الولاده على طول وان شاء الله ربنا يقومك بالسلامة يااااااااااارب وتبقى كويسة بعد الولاده وتعملى كل حاجه ان شاء الله والله انتى لو كنتى جارتى والله كنت مسبتكيش بس ان شاء الله ربنا معاكى

ماميهات هينار 5 ايام وتبقى اول الرابع عايزة ااكلها ابدأ بايه؟؟؟؟؟؟؟؟؟

أم هينار الاكل والشرب لما تخلص الرابع يا حبيبتي مش لما تبدأ.. أنتي مستعجله زيي هموت واخلص الرابع علشان ابدأ الاكل مع آدم وووووو

بصى يا بسكوتة انا كنت زيك ولدت الوون و انا فى التاسع كنت بعمل طبيخ للاخر يعنى جاهز و فى اكياس و على الفريزر اوكى و اعملى شوربة لسان عصفور لانك هتحتاجيها كتير و فى الفريزر بردو هو الاكل بيكون طعمه مش حلو اوى بس رضا احسن من مفيش و الفراخ بردو ممكن تسلقيها و تشيليها فى الفريزر و تبقى تتطلع على الفرن تدهنيها كاتشب و صويا صوص و تدخل الفرن تتحمر اهم حاجة الشوربة و الفراخ وربنا معاكى يا حبيبتى و يقومك بالسلامة و يهديلك بناتك

بنات هوا تطعيم الشهرين بيكون يومها بالظبط
كمان هوا الوحدات الصحيه فيها ايام مخصوصة للتطعيم و لا اي يوم

ازيكم يا حبايبي ... عيسى تعبان أوى من امبارح وعنده كحة شديدة وبلغم مبيعرفش ينام يا قلبي
ادعوله ربنا يشفيه

سؤال : انا شفت كتير بياكلو البيبهات قرع مع الخضار المشكل هوا مفيد ؟ طيب ولو جبته اعمله ازى؟

om_hienar;14243880:
ماميهات هينار 5 ايام وتبقى اول الرابع عايزة ااكلها ابدأ بايه؟؟؟؟؟؟؟؟؟

لسه مش دلوقتي لما تخلصه ان شاء الله او تكون بدأت قرب نص الخامس كمان

كيوت لولا;14244289:
بنات هوا تطعيم الشهرين بيكون يومها بالظبط
كمان هوا الوحدات الصحيه فيها ايام مخصوصة للتطعيم و لا اي يوم

اه مش بيكون كل يوم عندهم، دايما تتصلي قبل ما تروحي عشان تعرفي فيه النهاردة ولا لأ، ومش شرط نفس اليوم ممكن قدامك لغاية اسبوع مثلا او كام يوم بعدها يعني

رجائي رضا ربــــي;14244510:
ازيكم يا حبايبي ... عيسى تعبان أوى من امبارح وعنده كحة شديدة وبلغم مبيعرفش ينام يا قلبي
ادعوله ربنا يشفيه

سؤال : انا شفت كتير بياكلو البيبهات قرع مع الخضار المشكل هوا مفيد ؟ طيب ولو جبته اعمله ازى؟

الف سلامة عليه، اه انا بردو قريت انه مفيد اوي، ممكن تسلقيه عادي او تشويه زي البطاطا واظن ام سيمو كانت حطت طريقة بردو من النت للقرع بس مش فكراها دلوقتي

بصي يا هينار انا فعلا كنت مستنيه الرابع عشان ااكل تايا وفعلا مش بأكلها دلوأتى

بس حماتى تفضل تزننننننن عليا ف حتة بطاطا صغيره

ف معلقه زبادى واحده

ف بديهالها انما مش بتعامل معاها كأكل

بطعمها نص معلقه صغيره بالعافيه

وان شاء الله ف الرابع هبدألها فالزبادى اللايت والسيريلاك والفواكه بإذن الله

سؤؤؤؤؤؤؤؤؤالى يابنات انتو بتجيبو البوسات بتاع البيبي منين

بيقولو في مكان ف العتبه مخصص لعربيات الاطفال

لو عارفين فين قولولي وقلولي بتجيبهم منين ؟

M!ss Tuky;14245760:

سؤؤؤؤؤؤؤؤؤالى يابنات انتو بتجيبو البوسات بتاع البيبي منين

بيقولو في مكان ف العتبه مخصص لعربيات الاطفال

لو عارفين فين قولولي وقلولي بتجيبهم منين ؟

معرفش مكان العتبة ده لو تعرفي ابقي قوليلي، بس عامة في ست بتاعة حاجات مستعملة بيبقي عندها حاجات حلوة وبيجلها كل شوية جديد، وانتي بتروحي وتتفرجي وتختاري اللي يعجبك، او المحلات بقي العادية

شكرا يا كتكوتة على ردك متحرمش منك يا قمر... طيب توكي بتقول هتبدأ بزبادي لايت الكل بيخوفنى من الزبادى بدري مشكلتى بقى انى خايفه اديله اى حاجة معتمدة على سيريلاك رز وبسكوت قوليلي اعمل ايه وادخله اي معلش هتعبك معايا وممكن عصاير دلوقتي؟