التجمع الرابع لحوامل شهر فبراير 2011

انا بصراحه ريلي ماتغير الا بعد ماولدت

قبل كان كل مع ربعه يعني ماكان يحس بالمسؤوليه

حتى وانا حامل اقول شكله بيخليني انا والبيبي وبيطلع ولابيمسكه

عقب ماولدت وايد وايد تغير

قبل كان كل تفكيره ربعه اما الحين لا يبي اكثر وقت يقعد فيه معانا

وتشوفينه يلعب مع عبود ويطلع معاه حتى يسبحه

بس اقوله ان عبود متملل حتى لو كان مواعد ربعه يقولي يه ولدي اهم ياخذه ويوديه الملاهي يلعبه

الحمدلله صار يعتمد عليه

وبعدين احنا هالفتره اي شي يزعلنا صايرين حساسين زياده عن اللزوم

انا صار لي 3 ايام ماكلم ريلي عشان شي سخيف

وامس رجعت اكلمه عادي يعني مزاج يوم ابي اكلمه ويوم مابي اكلمه عااادي

حتى هو بدى يتعود يقولي متى بتولدين مللتينا انا بسكت عنج بس عشانج حامل خخخخ

دكتوره على البيبي وعليح بالف عافيه

الحمدلله على السلامه هنوف

بنتظار الصور

ترى انا في الدوام اقرى الواجب شوي وارد شوي

واشتغل شوي واسولف مع البنات شوي

خخخخ

ملل شسوي

نسيت اقولكم

فديته عبود مريض مصخن وكحه وحالته حاله

وايد يمرض هالولد من دخل الشتى وانا اعاني معاه

ماعنده مناعه شكلي عشان مارضعته طبيعي بسرعه ينعدي

رقدته في الليل جنبي ماكان فيه حراره بالاول

الا الفجر اشوفه يسولف اقوله ماما نام يالله

ماكنت ادري انه يهذي بسبه الحراره

الا قام وقالي ماما بااء

انا معلمته اذا يبي يرجع يسوي جي انا على بالي يلعب معاي قلت له اوكي ماما الا يرجع علي وعلى السرير وصارت عندي حاله طواري قمت وسبحت وبدلته وبدلت كفر السرير هاي الفجر ولما جيكت حرارته الا 39

ماكان يبين عليه انه مريض لانه كان يلعب

والمشكله ولدي مب من النوع اللي يبي يقعد داخل كل يبي يلعب كوره في الحوش

وديته المستشفى ضربوه ابره وقالي الدكتور عنده التهاب في الحنجره ولازم ابره عور قلبي تم يصيح اول ماشاف المستشفى خاف عارف وش بيسون له

وامس طبعا طول اليوم حنه وزنه من المرض لما شفته صحى شوي وديته مع ابوه الملاهي يلعب شوي

ابي اطلع اخلص اغراضي لان زوجي الحين بيصير دوامه من 6 الصبح لي 6 المغرب لان عندنا مؤتمر

يعني بستحي على ويهي ومابقوله بروح مكان لان بيرجع تعبان وغير انه عنده امتحانات بنفس الوقت الله ينجحه

خذت الجلابيات باركو لي وتقريبا خلاص خلصت

رحت السنما الجمعه فلم اللمبي صج عجيب بس خساره ماكملته كنت احاتي عبود خليته عند امي وخفت يجننها ف قلت حق ريلي خلاص بنطلع لان تأخر الوفت

ومنقهره حدي سنتربوينت عندنا مسوي تنزيلات حلوة

عقب ماخلصت سوو تنزيلات

باقي لي التوزيعات يمكن بعد ماسوي مالي خلق

رحت شفت الجاهزه وايد غاليه على وشو و في الاخير تحف وهالشي صار قديم ابي افكار جديده

وبس مب عارفه شسوي الحين

سقاني..
ما يشوف شر عبوودي .. الله يشافيه
الجهال كله جدي من يجي الشتاء

الشر مايجيج

فتون11;14110552:
من وين اخدتين بجامات .. اني اشتريت كم بجامه بس مو مفتوحين ..

بغيت بجامات ينفتحون من قدام اسهل للرضاعه

خيو اني بعد ترى خلصت البجامات بعد معاناه .. اخدت وحده من ومن سيكرت ب 18 دينار مفتوحه من قدام فيها ازره يعني وطبعا قطعتين الازره بس من فوق .. لونها اسود .. فيها احمر خفيف اشكال ورد صغاار مادري تناسب سوده لو لاا
واخدت وحده من لاسنزا ب 16 دينار ,, قطعتين بس امتن من القبليه .. وازرتها كامل مثل القميص صايره .. لونها رصاااصي

وثنتينهم بدون مااقيس لاني ماعرف اقيس بدبتي

وقلت باخد لي وحده لو ثنتين من بوتيك فرحة ام يقولون فيه حليوين للمستشفى !! بشوف

انتو تاخذون بجامات حق المستشفى ؟؟

تسلمين خيو سقااني .. وانتي بخير ان شااء الله

وسلامات مايشوف شر عبوودي

الشر مايجيج :)

سقاني من قربه الالم;14112055:
انتو تاخذون بجامات حق المستشفى ؟؟

لازم بجامات للمستشفى بس اني اخدت مريحين وبشوف لي ثنتين غير يمكن يصلحون اكثر

ليش ماتاخذين جلابيات احسها احلى لما الناس يزورونج ؟؟

جلابيات ههه .. هني الازمه ماحبهم بس بروح اشوف يقولون فرحة ام فيه عنده حليوين .. يمكن اخد وخلاص .. رغم اني ماحب الا الشيء الي يريحني

انا لما سويت عندها المفرش سويت معاه جلابيه طلعت وايد حلوة

بس الله يستر من القياس بيبين عقب الولاده اذا اوكي ولا لا

ههههههه اني ماقست البجامات اخدت سايزي القبلي .. ماعرف بالكرشه اقيس شيء

اوف ابي اروح اصلي ومافي احد يغطي مكاني شكلي بطلع وبخليهم يولون من مساعه طالعين حشى مب بريك هاي

مرحباا \\
سقاني \\ ما يشوف شر عبود ,, الله يشفيه !!
وعن البجامات \\ اني بعد ابي اروح اشوف لي بجامات حليوين هذلين الي اخذتهم للبيت بس !!
باجر ان شاء الله بروح الستي الصبح ان شاء الله احصل شي يدش المزاج ادعو ليي خخخ !!

التعب زايد ,, ما اقدر اقعد على الارض كلش ,, لازم على كرسي !!
الله يستر !!

موجة غرام;14112029:
خيو اني بعد ترى خلصت البجامات بعد معاناه .. اخدت وحده من ومن سيكرت ب 18 دينار مفتوحه من قدام فيها ازره يعني وطبعا قطعتين الازره بس من فوق .. لونها اسود .. فيها احمر خفيف اشكال ورد صغاار مادري تناسب سوده لو لاا
واخدت وحده من لاسنزا ب 16 دينار ,, قطعتين بس امتن من القبليه .. وازرتها كامل مثل القميص صايره .. لونها رصاااصي

وثنتينهم بدون مااقيس لاني ماعرف اقيس بدبتي

وقلت باخد لي وحده لو ثنتين من بوتيك فرحة ام يقولون فيه حليوين للمستشفى !! بشوف

بغيت على الاقل سبع وحدات.. بفلس خخخ
باخد لي وحده من هناك كشوخه
والباقي بغيتهم حق البيت مو حق استقبال ..

اني بعد بروح فرحه ام باخد بس وحده حق استقبال لانه ما احب البسهم

بحط الاغراض الا شريتهمــ بعد شوي