التجمع الرابع لحوامل شهر فبراير 2011

إلا شخبار الألم وياش ألحين فرقودة؟؟؟ حاولي انش ما تظلين جالسة فترة طويلة

يا الله كروشات تصبحون على خير

ههههههههههههه ايي ذكرتيني في زوجي \\ من اقعد اهدر عليه ,, يقول لي صدق الي قال النسوان ثرثارين خخخخخ

من يوم مرختني مرت عمي حسيت براحة ونمت واني مرتاحه حتى الم ضهري راح \\ بس من قعدت لصلاة الصبح واني اسجد واركع
حسيت بالم رجع مره ثانيه وللحين الالم ,, ما اقدر اتحرك واجد يالمني الحوض عددددددل ,,

وانتي من اهله

تصبحون علـى خــير \\\

ان شاء الله باجر نشوفكم في التجمع الجديد !!

هلا بنات شخباركم
اللي دخلوا التاسع ويش الاخبار ,, مافي بوادر ولادة للحين !!
والله ابي اولد اليوم قبل باجر ,, بس بعد ابي اكمل التاسع
لأن امي بتسافر العراق زيارة الاربعين وبترجع قبل موعدي بجم يوم

ان شاء الله يجهزون الفراشات بسرعه ,, والتوزيعات باقي عليي التغليف
اممممممم
وبعد في بالي اشتري فراش للمستشفى وبعدين لسريري في بيت ابوي

الارق اللي صايدني مو طبيعي
ما انام عدل وكل شوي اقعد من النوم
يا لروحة الحمام , او عشان انقلب الصوب الثاني
تعب تعب مو طبيعي
والحين بموت من النومه بس مو قادرة انام ,, وقاعده اطالع د. فوزية الدريع

صباح الخير

قريت الواجب كللله

شفت تجهيزات طوق عليج بالف عافيه

فرقد نفس الالم اللي يجيج فيني مشكلتي لازم اشل واحط في عبود مايقدر ينزل ولا يركب الدرج بروحه ف ماوصل فوق الا انا هالكانه

حتى الوضوء ماقدر ارفع ريلي من على الارض عشان اغسلها

ولا اقدر اركع ف قمت اصلي وانا قاعده

احس بألم في فخذي من اقوم

لحد الحين اداوم لان ماعندي اجازة بشوف بالموعد الجاي اذا الدكتور بيرأف بحالي وبيعطيني اجازة

لما كنت حامل بعبود الدكتوره اللي دخلت عليها كل اسبوع تعطيني اجازة كان موعدي الاحد فتعطيني من الاحد الى الخميس

وبعدها الاحد اللي عقب موعد ونفس الشي تعطيني اجازة اما الحين مادري بيكون موعدي الخميس ف ماعرف شلون الحين

والله تعبت مابي استقيل الحين لان اوردي باخذ اجازة 40 يوم مال الوضع وبعدها عندي تقريبا 5 ايام من اجازتي

عفب ماخلصها بستقيل ماحس خلاص اني اقدر على الشغل

وموضوع الخدامه وايد معور راسي ماعتقد انها بتجي قبل لا اولد مابقى شي

والشيخ ريلي للحين ماسوى شي طلع الفيزا وخلاص كل ماقوله يقول بكره وبكره

على اساس انه اليوم بيروح ونسى الاوراق فوق الا يقولي عيزان اركب فوق واجيبهم

حسيت اني بسطره بس سكت وبلعتها مافيني شده هواش من الصبح

وبس

الله كريم

ضحكة كذوووووووووبة;14169299:
الله يسامحكم عقاب هاي مو ردود ههههههههههههههههههههههههههههه والله بس كم ساعة ماشاء الله علييكم هالكثر

واشوف صايرين كسالى خخخخخخخخخخخخخخخخخخخخخخ غشالة ونشافة .......................


هنوف هلا وغلا اختي وربي يسهل عليج انتي بعد

دكتورة ............ ماعليج شر ............. وخخخخخخخخخخخخخخخخخخخ ضححكتيني على سالفة الثياب والغسالة هههههههههههههههههههه انا شريت حق البيبي غسالة صغيرة ونسيت ماصورتها ويا الاغراض مرة ثانية ان شاء الله وغشلت فيها الحمدلله ماختربوا

طوق شكرا حبيبتي ويسهل عليج انا شاء الله .............خخخخخخخخخخخخخخخخخخخخخ انا قلت في التجمع الثاني محد انتبه .................. والحين بعد الصور والاغراض بعد ماتعرفون واستفسارات خخخخخخخخخخخخخخخخخخخخخخخخخخخ بس انتي صح جوابك ههههههههههه

فتون ................ هلا وغلا حبيبتي وتسلمين عالدعوة الحلوة والجدول الاحلى مجهود تشكرين عليه والبيبي صبي ان اشء الله ...................... بالنسبة للعملية انا عيالي الاثنين اللي قبل عملية قيصرية حوضي صغير وراسهم مانزل في الحوض .............. هالمرة الاخ نازل راسه ووزنه بعد صغير لحد الحين مقارنة باخوانه وهي يقايلة لي خلاص عملية مادري ليش الله كريم ويسهل انا شاء الله ومافي شي بعيد عند رب العالمين ............. بالنسبة للجلابيات انا مسوية وحدة مع الطقم وشارية وحدة ثانية اللي عرضتها مع تجهيزاتي ............ بس ابي زيادة لان اريح حق الاستقبال
بالنسبة للدخولي الشهر التاسع على حساب السونار دخلت من زمان هههههههههههههه


تسلمين ويسلم كل اللي في هالتجمع .................. وربي يحفظكم

العفو عيوني ما سويت شي..
صادقه خيو ما فيه شي بعيد عن رب العالمين ..والا فيه صلاح ليك الله بيكتبه
الله يقومك بالسلامه وتشوفين الصغير بصحه وعافيه ..
والحمد لله يا رب سواء طبيعي او عمليه ..الله عطانا نعمه الاولاد ..
فيه ناس غيرنا محرومين .. الحمد لله

الله يرزق كل محروم يا رب..

ومدام على ذمه السونار دخليتن التاسع .. سوف نقدمك

أم مــــــلاك;14169589:
ويلي ويلاه، تعبت و أني أقرأ الواجب<< هالمرة ما غشيت قريته كله
شوفوا عاد التجمع الخامس أني حجزته و بفتتحه بكرة إن الله أراد، على شرط يكون بس حق سوالف التجهيزات و الخبرات ، يعني باختصار نبغيه يصير تجمع مميز جداً

يووووه يعني اني مطروده ما هقيتها منش خخخ( عارفه روحي ازيد وحده اهدر ..خخخخ)
لا بد من السوالف الجانبيه ..خخخ هي الا تحلي السالفه
اصلا خلينا نطلع الطاقه كلها الحين بعدين اذا ولدنا ما بنلقى احد نهدر على راسه خخخ
طول الوقت مشغولين ..

موجة غرام;14169702:
بس الم يروح ويجي الحين خف شووي بقوم ارتااح تصبحون على خييير

سلامات عيوني وما تشوفين شر طمنينا عليك

سقاني من قربه الالم;14171878:
صباح الخير

قريت الواجب كللله

شفت تجهيزات طوق عليج بالف عافيه

فرقد نفس الالم اللي يجيج فيني مشكلتي لازم اشل واحط في عبود مايقدر ينزل ولا يركب الدرج بروحه ف ماوصل فوق الا انا هالكانه

حتى الوضوء ماقدر ارفع ريلي من على الارض عشان اغسلها

ولا اقدر اركع ف قمت اصلي وانا قاعده

احس بألم في فخذي من اقوم

لحد الحين اداوم لان ماعندي اجازة بشوف بالموعد الجاي اذا الدكتور بيرأف بحالي وبيعطيني اجازة

لما كنت حامل بعبود الدكتوره اللي دخلت عليها كل اسبوع تعطيني اجازة كان موعدي الاحد فتعطيني من الاحد الى الخميس

وبعدها الاحد اللي عقب موعد ونفس الشي تعطيني اجازة اما الحين مادري بيكون موعدي الخميس ف ماعرف شلون الحين

والله تعبت مابي استقيل الحين لان اوردي باخذ اجازة 40 يوم مال الوضع وبعدها عندي تقريبا 5 ايام من اجازتي

عفب ماخلصها بستقيل ماحس خلاص اني اقدر على الشغل

وموضوع الخدامه وايد معور راسي ماعتقد انها بتجي قبل لا اولد مابقى شي

والشيخ ريلي للحين ماسوى شي طلع الفيزا وخلاص كل ماقوله يقول بكره وبكره

على اساس انه اليوم بيروح ونسى الاوراق فوق الا يقولي عيزان اركب فوق واجيبهم

حسيت اني بسطره بس سكت وبلعتها مافيني شده هواش من الصبح

وبس

الله كريم

الله يعينك خيو ... الحمل والتربيه كله تعب بتعب..
اني بعد الخدامه بتتاخر عليه وشكلي بتغربل ..

صباح الخيرات و الليرات
حياكم التجمع الجديد
http://forums.3roos.com/showthread.php?p=14171932#post14171932

عطوني رايكم بشغل ايدي لاهنتوا

تجهيزات استقبال مولود بثيم النحلة

http://forums.3roos.com/showthread.php?p=14172071