التجمع الرابع لحوامل شهر فبراير 2011

حبيبة لولو;14095996:
مية مررررحبا ميقاات العمر وربي يسلمك

اي كملت اغرااضي ولله الحمد ... باقي اروح ادور مشفى
وان شااء الله السبت براجع

تحيااااااااااتي حوااامل ياربي
كل مااشووف اغراض البيبي اموووت من الشوووق لتوووته
يااارب بلغني شووفتهااا وجميع الحواامل ويسر لنا يارب الولاده
كما يسرت لنا الحمل.... امــــــــــــيــــــــــــــــــن

هنوف المملكه;14105530:

ههههههههههههههههههههههههههه
هههههههههههههههههههههههههههههههههههه
بصراحة
مت عليها من الضحك
اللي يجوفني يقول الحمدلله والشكر شفيها هذي تضحك مع روحها :)
الله يعين ريلها على رومانسيتها خخخخخخخخخخ

هههههه
لا بلييييز تعالي العصر = المغرب بتوقيتج >>> خخخخخخخخخخخ

هنوف المملكه;14105726:

هذا تقرير ليوم الخميس

استأذنت من الدوام الساعة 11 لسببين

1- اليوم المفتوح لولدي فدييييت قلبه
2- شرده عشان ارتب اموري حق روحة السعودية

على ما وصلت الروضة وخلصت منها صارت 12:30 ... رحت البيت وولدي معند ما يبي يروح وياي الشقة يبغي يتم عند عمتي عشان يلعب ويا عيال حمياني
وما رضى يطلع الشقة الا بشرط وااااحد
ان الجيش كله يروح وياه :(

بعد عدة محاولات حاولت اني اقلص العدد لشخصين فقط ولله الحمد :)
المهم رتبت اموري وجهزت اغراضه وزوجي بعد استأذن عالوحدة وانطلقنا لبيت امي ( المحرق) عشان احط ولدي عندها
عاد ما تتخيلون زحمة النفق ... السيد واصل الى آآآآآخر الدنيا وتمينا تقريبا ساعة بالطريج لين وصلنا

المهم ... حطيت ولدي عند امي وانطلقنا ... وانصدمنا من زحمة الجسر
نسيت انها اجازة وان العالم كلها شارده :)
اللي رايحين العمرة ... واللي رايحين السعودية وقطر والكويت والامارات
وتأخرنا واااايد

ما دشينا السعودية الا مع اذان المغرب :(

اول ما رحنا ... دايركت رحنا محل اسمه
سيناء
ريلي قال ان عندهم اطقم مفارش >>> نفس اللي تبيعهم مالت مركز البحرين التجاري
بصراحة الخيارات كانت وااااايدة ... واحترت شنو اختار ؟؟؟
بس في الاخير رسيت على طقم وما كان متوفر منه الا اللي معروض ومعلق فوق
قلنا لهم مو مشكله بنآخذه...
خذيناه ... وبصراحة كان عندهم شغلات واااااايد حلوة
بس ما قدرت آخذ ... لاني أوردي مخلصة تجهيزاتي ... وحرام اتشرى عالفاضي :(
عن خاطري خذيت له 3 دلاغات وصدرية للاكل ويوّدت روحي بالغصب عن باقي الشغلات :)
بعدين رحنا قسم المفارش عندهم وخذيت لي مفرش ومخده لبيت ابوي ويمكن استخدمهم حق المستشفى

طلعنا من عندهم ورحنا
الهرم
كنت شاريه بجامة من عندهم بس طلعت صغيرة بدلتها وخذيت كم شغله عالسريع لولدي فديته ومشينا بسرعة

مرينا على محل اسمه
العبيدي
كنت شارية من عنده بعد جلابية رضاعة بس كانت عوده ... خذيت مقاس اصغر شوي بس شكله بعد عود
لاني كنت ماخذه لارج ... وكنت ابغي سمول
بس طلع ماعندهم الا ميديم .. على كلامه يقول هذا اصغر قياس
يالله شنسوي .. خذيتها وانطلقنا عقبها على

السعر المنافس
كان خاطري في مفرش البشت الملكي
حصلته بس ما لقيت اللون اللي ابغيه .. اصلا من زمان وانا كل ما اجيهمم او زوجي يمر عليهم ما عندهم الا هاللون
اللي هو اللون البيج مع زيج ذهبي
بس قلت ما يخصني .... بآخذ يعني بآخذه عشان ما آتحسف عليه .. وبحاول أغير فيه
كان خاطري في لون رمادي وزيج فضي :(
بس باحاول وآجوف اذا الخياط قدر يعدل فيه كان بها ... ما قدر امري لله
وبعد بآفصل معاه ثوب صغيييير وقحفيه على شكل غتره .. وقلت بالبسه اياهم في المستشفى
ولين زاروني الاوادم ... يعني حق تقديم البيبي >> عجبني الشكل

بعدها رحنا
الحياة بلازا ...
عيزت وأنه ادور محلات اطقم الضيافة بس مالقيت
حصلت جم محل مجابل رامز واللي هم ( السيف - رحاب - جازلي )
بس ما حصلت عندهم الشي اللي ابغيه :(

بعدين الله يسلمكم رحنا على
سوق الدمام
كنت ابغي دببه Me to U
بس للاسف ما وصلنا الا هم مسكرين :( :( :(

شدينا الرحال على
طابا ..
وكانت آخر محطاتنا
نفس القصة بعد
كنت ماخذه من عندهم جلابيات رضاعة وطلعو كبار
وحده حصلت بدالها سمول بس لون غير :(
والثانية ما لقيت مثلها ... بس اضطريت آخذ ديزاين غير توه منزلينه بس كان في منه سمول :)
خلصنا منه عالسريع .. ولا رحنا لا يمين ولا يسار

طلعنا من عندهم وانطلقنا سيييييييده عالبحرين نور العين :)

ما وصلت بيت امي الا عالساعة 12:30
ولدي كان توه راقد .. وقعدت اسولف مع اختي لين 2:30 :) مع انه في الرده كنت كل شوي انعس في السيارة :)

وبالنسبة للجلابيات ليلحين ماجربتهم اذا اوكي او لا لان ما نزلتهم معاي
خليت زوجي يوديهم وياه البيت :)

هذا باختصار اللي اذكره من تقريري للروحة
وانشالله لين رديت البيت بآصور الاغراض وباحطهم لكم :)

سلاموووووو

جمال الزهره;14106788:
هلا كروشــات , شخباركم

فتون : هدوي صبي :o مو بنيــه << اسمه هادي
وعن التجهيزات الحمد له رحت وصيت فراشات ولفات , وان شاء الله هاليومين بروح اشتري ثياب وباقي الأغراض , بس خلاص ما باقي إلا اسبوع وتقريباً وادخل التاسع

دختوره : حلوين الأغراض اللي شريتينهم تتهنون فيهم يارب
والجواتي عادي تلبسين بيبي من 3-6 يعني لزوم الكشخه :cool:

ميقات العمر;14109992:
دكتوره عليه بالعافيه البيبي وانتي المشتريات ولا تتعبين نفسش في الشغل ريحي اشوي

غرومه لا تتضايقين ترى اتعبين البيبي وضحكتني الي نطت وهههههههههه تخيلت شكلها وقمت اضحك بصوت مسموع

هنوف عليش بالعافيه والبيبي المشتريات
واني بعد اخذت اغراض وايد بس خيابه اصور وانزل

واخر شي اليوم اخذت من سنتر بونت سلة البيبي مع الستاند وكم شغله من الملابس والمراضع

والبيجامات تقريبا خلصتهم بس بعد اذا حصلت حلوين باخذ

فتون11;14092857:
تقرير روحتي للموعد الالتراساوند ..


رحت لـ شريفه سيدعلي كانت حبابه وما قصرت معي
راوتني كلشي وعطتني تقرير .. والحمد لله كلش شي زين عندي

اول خبر .. قدمت موعدي وصار تاريخ 17 -2 كان من قبل كان 24-2

استانست على هذا الخبر

ثاني خبر هو جنس الجنين ..

نزلوا






1







2







3















4






مصختها ... ;)

قالت لي انه صبي:'( يعني زادت شله الاجرام عندي واحد ..
عصبت على زوجي قلت ليه كله منك ولا تقول بعد جيبي غيره ... انتاجك كله اولاد ..

مسكين سكت ويش اسوي بعد ..قال لي ويش بتسمينه .. كنت معصبه قلت انت سميه مو مهم خخخخخخ ولما رجعت البيت حسيت بطلق..خخخخخخ من الصدمه للحين مصدومه
..احتاج لساعه لتنقيه الفكر ودحر الاماني ..هذي حاله في كل مره .. انصدم ساعه بعدين اروق

اولادي راحو معي العياده ويشوفون من بعيد .. ولدي علوي ( خمس سنوات عمره)
يسأل عن النونو ..سمعنا اني وابوه نتكلم عنه انه صبي ..قال ماما بتجيب صبي قلت ليه لا بجيب اربعه 2 بنات و2 صبيان ..خخخخخخخ انصدم شلون بتشلينهم بتتعبين ماما
بشيل وياك..قمنا نضحك قلت ليه لا مام بجيب اثنين ..اخفف الصدمه عليه ..اقول ليه بجيب بنيه وصبي .. عشان اذا سالوه ما يدورن ويش في بطني ..


ولدي الثاني( 3 سنوات)..ما رضى يطلع من العياده.. يقول وين النونو يحسبني بولد ..هههههههههههه يقول طلعيه ما بروح البيت الا مع النونو .ز ما طلع الا لما قلت ليه اني باجر بجيبه..خخخخ يحسب اني بطلعه من شاشه التلفزيون
هههههههههههههههههه


قعدت افكر في الكلام والنغرات بعدين :'( جتني الصيحه .. لانه خاطرهم ببنيه

الحمد لله نعمه من عند ربي بنيه والله صبي

سقاني من قربه الالم;14111248:
حاسه فيج حبيبتي

انا من حلمت بعبود وكان خاطري في بنت

لما قالو ولد زعلت شوي بعدين تقبلت الموضوع

وجى عبود وصرت اموت فيه

الحمله الثانيه قلت لا هاي غير اكيد بنت

واتريت ملابس بنات

وانصدمت صدمت حياتي لما قالت ولد

ذاك اليوم صج صدعت حسيت ان ضغطي ارتفع وكنت متضايقه شوي وبصيح

لكن عقب تقبلت الوضع

مابي الحين الا انه يجي بالسلامه

بنشوف عقب كم سنه جان بنجيب بنت ولا لا خخخخ

المشكله ان عيلتنا انتاجها كله اولاد صج متشفقين على البنات