التجمع الرابع لحوامل شهر فبراير 2011

جمال الزهره;14075736:
موجه : بما انج تتابعين في التفاتح بسألج !
عطوني موعد ألتراساوند وقالوا لي في الجناح , وموعدي الساعه 9 ونص
فماادري اروح من الصبح أحوش ليي رقم لو عادي أروح في موعدي
لأن اللي سمعته انهم مو مثل قبل , يعني ياخذون عدد معين بس

لأني بحملي بهدوي لما حولوني الفاتح وصرت اتابع هناك كان الألترا ساوند كان هناك عنهم في الفاتح
والحين مترقين ويسوونه في الجناح

أفيدينـــي !!

موجة غرام;14075782:
اممم والله مادري اني رحت قبل وقتي بنص ساعه .. ودخلوني ،،اساسا ماكان فيه زحمه كلش..

فماادري هل هو طبيعي بدون زحمه لو على حظي .. ماكانت الا وحده قدامي هنديه كان موعدي 12
خلصت 12 :D.. وكانت الي تسوي حدهااااا طيبه عجيييييبه وقالت ليي انه ولد بعد ههه :) قلت لها اتعد لي اصابعه وتشوف خشمه وبوزه وكل شيء طبيعي .. مسكينه راوتني اصابعه بعد ..

اتوقع مايكون فيه زحمه بس روحي قبل بشوووي عشان تخلصين اسرع واحتياط يعني ..
اتمنى اكون افدتش ..

جمال الزهره;14075749:
هدوي ذابحني من الضحك :lol:
مشغله له صوته وهو صغير ويصييج :'( في تلفونـــي
وهو يقول بس دادا بس بس << يسكت روحــه :D

جمال الزهره;14075805:
اهاا , اكيد خيوو بروح على الأقل قبل نص ساعه , بس حماتي كأنها قالت ليي انه تروح من الصبح لأنهم ما ياخذون إلا عدد محدود , فلما أبيتروح تعبتي بلوشي
واروح ارتز وبعدين ما يصير ليي مجال , مع إني يعني بروح بموعد مو جذي

تسلمين حبيبتـــي

الفرقد 23;14071536:
ميقات \\ ههههههههههههههههههههههه
حرام عليش جان سالتيني اول ,,
بيفتحونة شهر واحد ,,
ولا ادري شنو فيه اصلا ,, كلش مو جاي على بالي هالمجمع ,, خبري فيه لولو هايبر ماركت واكيد فيه محلات بعد !!

فتون11;14071609:
عليك بالعافيه كفايه عدد المفارش ما بتحتاجين زياده ..
فصلي قبعه قطن بدون سيور يطلع حلو مع الطقم

yara911;14071749:
هلا شخبارش واخبار البيبي
الله يسمع منش وتخلص والله يسلمك انشاء الله

أم مــــــلاك;14071864:
صبحكم الله بالخير
ميقات, هههههههههههههه ذبحتيني من الضحك، عجل رايحة تفتتحين المجمع خخ

الفرقد 23;14072136:



بقول لكم ويش صار ويايي !!
رحت اول قاست لي الضغط والوزن وجيكت الابوال بعد وقالت لي روحي شوفي نسبة الدم
الحمد الله رب العالمين \\ رحت جيكته وطلع واجد زين :D ارتفع عن قبل ,,!!

بعدين يوم دشيت على االقابله مدري الدكتورة ما ادري من هاذي بصراحه :lol:

قالت لي نتيجة السكر الحمد الله زينة \\ قالت لي موعد ولادتش 27\2 :lol: كل موعد وحده تقول لي 28 \\ و وحده تقول لي 27 ههههههه
المهم ,, قالت لي بعد المفروض في الـ4 اسابيع الا راحت تزيدين كيلوين :-# واني زدت 4 كيلو :worn_out: !!
اول مرة في التاريخ ما ادري شلون صارت جدي خخخخخ !!
قالت لي لا تاكلين نشويات ولا تشربين بيبسي الان بيزيد وزنش وبضطر اني احولش :hysterical:
اني قلت لاااا ,, ما ابي اتحول \\ ما باكل شي ولا بشرب بيبسي :lol: خفت على روحي
وسمعتني دقات قلب البيبي وشافت بطني \\ قالت لي نزل الراس تحت الحمد الله :D ,,
سمعتني اكح كح :sick: وعطتني حبوب للكحة قالت هاذا مناسب للحامل بعد ,, ودوى مذيب للبلغم الان واجد ماذني وان شاء الله يخف ,, وسوو ليي بخار بعد !!

وبــس \\

هنوف المملكه;14072474:

خل آقول لكم تقرير زيارتي للمركز أمس

كان موعدي 12:45 م
بس الكاتبة قالت لي تعالي الصبح لان القابلة تطلع من وقت
رحت الصبح على الـ 8 تقريبا وخذو الفحص المعتاد ضغط ووزن و و و
دشيت عالقابلة .. سدحتني عالسرير وخذت قياس البطن وسمعتني النبض وقالت كل شي تمام الحمد لله
الراس نازل والقياس اوكي ودمي زين 11.6

قالت موعدي الياي بعد اسبوعين وطلبت منها تحويل عالعسكري عشان اكمل مراجعاتي هناك
لأني ناوية اولد هناك بإذن الله

بعدين رحت العسكري ... صج زحمة خذو مني دم وعطوني موعد بعد اسبوعين تاريخ 11-1-2011
قالت احتمال نعطيج ابره حماية لان دمي سالب وريلي موجب وانه لازم اشتريها من برع

بعدين خذيت لي ريوق ورحت الدوام على 11:30 :) مادري ليش مداومة بعد :)

هذا باختصار ..

بس من دشي العسكري نسيت الدنيا كلها واول ما جا على بالي لحظات طلقي وولادتي بولدي
صج صج صج حسيت بخوف شديد وان ما بقى شي على الجد
اي تجهيزات واي توزيعات واي خرابيط اللي قاعده افكر فيها
جفت الاسعاف عند الباب ... وحالة ولادة مطلعينها منه
وناس في غرفة الانتظار مالت الولادة كل شوي يطالعون الساعة

ومريت بعد على غرفة الرعب >>> غرفة المخاض والولادة :(

صج حسيت انه ما بقى شي علينا
ومن امس بدا عندي الخوف الصجي
وعرفت ان احنا قاعدين نحاول نلهي روحنا بالتجهيز والتوزيعات واللذي منه عشان ما نفكر في الولادة

ما حبيت انكد عليكم بقرقتي الزايدة|)

بس حبيت انقل لكم احساسي من ارض الواقع :)

تحياتي

بايااااااااااااات :)

هنوف المملكه;14072756:

[COLOR=red]باااااااااااك[/COLOR]

صار الفلم جاهز :082:
[COLOR=darkolivegreen]ويبت لكم بعد النفيش والعصير
بس اللي تبي نفيش على عسل تقول لي ...
لانه مابقى الاشوي :079: :)

يالله قعدو على كراسيكم عشان اشغل الفلم :05:....
بسم الله...

آآآآآآآآ خ بس آآآآآآآآخ يا فتون[/COLOR]
ذكرتيني بما مضى
[COLOR=darkolivegreen]اهئ اهئ اهئ[/COLOR]
[COLOR=red]:'(
طبعا انه ولادتي كانت في العسكري .. بحكم ان زوجي في الداخلية ..اولا
وان العسكري اجرب لبيتنا .. ثانيا

[/COLOR]

كلما اتذكر يجيني خوف خصوصا انه خلاص ما بقى شي عالولادة
فأحاول قد ما اقدر اني انسى موضوع الولادة واخلي كل شي لوقته

انا الله يسلمكم تميت آخر اسبوعين طلق خفيف يروح ويجي فكنت احلم بشي اسمه نوم مريح :050:.. دايم اتفزز من النوم بسبة الالم .. غير عن التخطيط في مركز جدحفص واللي كان يوميا لمدة اسبوع قبل الولادة
أما اخر يومين فكان الطلق منتظم بس كنت مصبرة روحي وكنت دايما احس ان في شي بيطيح بس الدكتورة قالت لين جفتي دم او طلع الماي تعالي

وفي اليوم الموعود الفجر نزل علي دم .. وعينكم ما تشوف الا النور طايرة من الفرح لان شوفة ولدي قربت :027: وفي نفس الوقت ميتة من الخوف من الم الولادة انتظرت للساعة 5.30 ورحت المستشفى وفحصتني الممرضة قالت تو الناس مافي ولادة اليوم .. بكرة تعالي

رديت البيت وجيتهم اليوم الثاني 4.30 الصبح ما قدرت اتحمل الالم فحصتني قالت 2 سم تو الناس .. روحي امشي في الممر
حاولت امشي بس ماقدرت كلش ومحد كان وياي يساعدني من أهلي لانهم راقدين وما حبيت اقعدهم من صباح الله خير.. وزوجي برع في غرفة الانتظار ماخلوه يدش :(..
[COLOR=darkolivegreen]كلمت السستر قلت لها ما اقدر امشي .. عطتني الابرة اللي خبركم مالت تنظيف البطن .. ورحت الحمام الله يعزكم ولبسوني اللبس مالهم مال الولادة والجو بااااااااااارد... وقالو لي انبطحي وحالولي تريحين شوي :050:...
ولاني دايخة من قلة النوم حاولت انام بس مافي فايدة بسبة الالم القوووووووي .. قلت لها عطيني مخدر بنج أي شي ابغي اريح شوي بس بعد ما في فايدة..
عطوني المخدر اللي يتنفسونه في الكمام زاد الطين بله
صرت نفس المسطولة والالم احسه دبل 10 مرات لاني ما اقدر اتحكم في نفسي والحركة تصير بطييييييئة
وتميت على هالحال للساعة 12 الا ..
والسسترات كل شوي يفحصون آآآآآآآآآخ ياقلبي ...

[/COLOR]

عاد من زود التخدر اللي كنت فيه الا اسمع صوت طفل يصيح مدخلينه غرفتي الظاهر يفحصونه.. جان افز عليهم مرة وحده ومتشققه من الوناسة .. واقول لهم .. هااااااااااااااه .. :03: ولدت ؟؟؟!؟ شنو يبت ؟؟؟!؟
واهم واعليه عليهم كسرت خاطرهم يقولون ( وييييييه المسكينة عبالها ولدت :041:؟؟؟)
جان ارد انبطح من الفشيلة :o وفي الاخير بطو لي جيس الماي عشان اتوسع اسرع[COLOR=darkolivegreen] ..[/COLOR]
[COLOR=red]وبدت المعاناة الصجية..
ودعيت حق كل اللي اعرفهم .. واللي ما اعرفهم :)
وشقوني طبعا بدون بنج
وزاد الالم دبلااااااات :badly:
وكل شوي يقولون سوي بوووووووووووش
وانا احاول بس ما اعرف
بوووووووش
بوووووووووووووووش
يالله بسرعه ترى بيختنق
اكو الراس مبين
اقوى
دفعي
بوووووووووووووووووووش
لين شرف احلى الكتاكيت بالسلامة الساعة 12
بعد عناء ومشقة .. وتعذبت في الخياط واللي كان له فلم ثاني
واللي كان بدون بنج بعد ... وبعد شهرين اكتشفو انه الخياط غلط .. وردو سوو لي كوي بدون بنج أيضا (( شكله غالي البنج .. مادري ليش ما سوولي ؟)) وحالة وعفسة والم وعذاب .. بس الحمدلله كله أجر[/COLOR]

الله يسهل على كل الحوامل ويقومهم بالسلامة يارب :)
واللي ماعندها الله يعطيها انشالله وتذوق الم الولادة وحلاوة الامومة

والسموحة منكم يالغاليات عالاطالة
[COLOR=darkolivegreen]بس قلت لازم اكتب جزء من المعاناة[/COLOR]
[COLOR=red]والله يستر من الجاي

[/COLOR]

انشالله عجبكم الفلم:D
سلامي للجميع

نص دكتورة;14073615:
ثواب الحمل والطلق والرضاع

1- إن سلامة حاضنة إبراهيم ابن النبي (ص) قالت : يا رسول الله إنك تبشر الرجال بخير ولا تبشر النساء .

فقال : (( أما ترضى أحداكن أنها إذا حملت من زوجها وهو عنها راضٍ كان لها أجر الصائم القائم في سبيل الله ، فإذا أصابها الطلق لم يعلم أهل السماء والأرض ما أخفي لها من قرة أعين ، فإذا وضعت لم يجرع ولدها من لبنها جرعة ، ولم يمص مصة إلا كتب لها بذلك حسنة)) .

2- قال رسول الله (ص) : (( ما من امرأة رفعت من بيت زوجها شيئاً من موضع تريد به صلاحاً إلا نظر الله إليها ، ومن نظر الله إليه لم يعذبه .
فقالت أم سلمة رضي الله عنها : زدني في النساء المساكين من الثواب بأبي أنت وأمي .
فقال : يا أم سلمة إن المرأة إذا حملت كان لها من الاجر كمن جاهد بنفسه وماله في سبيل الله عزوجل ، فإذا وضعت قيل لها : قد غفر لك ذنبك فاستأنفي العمل ، فإذا رضعت فلها لكل رضعة تحرير رقبة من ولد إسماعيل )) .

3- قال الإمام الصادق (ع) : النفساء تبعث من قبرها بغير حساب ، لأنها في غم نفاسها .

4- قال الإمام الصادق (ع) : المرأة إذا ماتت في نفاسها لم ينشر لها ديوان يوم القيامة .

5- ذكر رسول الله (ص) الجهاد فقالت امرأة لرسول الله (ص) : يارسول الله فما للنساء من هذا شيء ؟
فقال : ((بلى ، للمرأة ما بين حملها إلى وضعها إلى فطامها من الأجر كالمرابط في سبيل الله ، فإن هلكت كان لها مثل منزلة الشهيد )) .

كتاب ثواب الأعمال وعقابها

فوائد الصلاة للمرأة الحامل

سألت إمرأة حامل طبيبها:
أي أنواع من التمارين تنصحني خلال فترة الحمل؟
فأجاب عليها : عليك بالصلاة
فإندهشت وقالت: كيف؟
فأجابها والبسمة ترسم على شفتيه:
1_ عندما تركعين فأنت تقومين بتمرين ميل الجذع للأمام.
2_ وعندما تسجدين فأنت تقومين بأشهر تمرين للحامل وهو وضع الصدر – الركبة.
3_ وأثناء قيامك ونزولك فأنت تقومين بتمرين القرفصاء والقيام.
4_ وأخيرآ عند جلوسك للتشهد فإنك تقومين بتمرين الجلوس والاسترخاء.

فإزدادت المرأة حيرة فسألت مرة أخرى:
وما هي فوائد هذه التمارين؟
فأجاب:
1_تكسب مرونة لمعظم أعضاء وعضلات الجسم، وتسهل حركة العمود الفقري مع الحوض مفصليًا للمحافظة على ثبات الجسم واعتدال قوامه.
2_تنشيط الدورة الدموية في القلب والدماغ والشرايين والأوردة مما يساعد :
أ_ في توصيل الغذاء إلى الجنين بانتظام عبر الدم
ب_ويساعد أيضًا في نمو الجنين نموًا طبيعيًا.
ت_عدم التعرض لدوالي القدمين.
3_المحافظة على مرونة مفاصل الحوض وتقوية عضلات جدار البطن مما يساعد :
أ_يساعد المعدة على تقلصها وأداء عملها على أكمل وجه.
ب_التغلب على عسر الهضم
4_رفع المعنويات وإكساب الثقة بالنفس، والسيطرة على الجسم، والقدرة على التركيز.

الخلاصة:

الصلاة هي خير رياضة للبدن وخير تعويض عن الحركة المفقودة يمكن أن تمارسها المرأة الحامل

سقاني من قربه الالم;14073754:
باركولي خلص مهاد ولدي

اول ما يرسلون لي صورته براويكم

هنوف المملكه;14073911:

اييييييييييييه يا فتووووون

نرجع لمحور حديثا

ألا وهو فلم الخياط :'(

الله يسلمج ويسلم السامعين والقارئيين :)

بعد ما شقوني وولدت من غير بنج ... جا وقت الجد

واللي اهوا خياطة الجرح

عيشو معاي الدور بليز

وآنه في قمة الالم دخلت علي وحده منقبه :-o >>> شالسالفة

رفعت النقاب >>> لاحظو معاي رفعت النقاب ما فصحته :|

شدعوه عاد .. ماكو ريايل في الغرفة >> جان تحسب ولدي ريّال يمكن بعد ؟؟؟

المهم >>> خير شالسالفة .. الا تقول بآخيط الجرح ^o)

قلت لها اوكي بس عطيني بنج >>> تقول انها عطتني بس انه مادري صاجه والا جاذبة لانه ماينعرف من شدة الم الجرح :badly:

ما اجوف الا شكت الخيط الحمر في الابرة >> شكلها نص دائري

وبسم الله .. وتغرز الابرة واصرخ من الالم >>> يا بنت الحلال آنه احس بالابرة >>> وين البنج ؟؟؟
(( ياستي ما انا عطيتك ياها !!! بس بدها شوية وئت)) هذي كلامها :)

المهم وتغرز وتغرز ويطيح النقاب على ويها وترفعه :-#
كان خاطري آكفخها وآذبحها من التسطر >> يطيح وترفعه ويطيح وترفعه :confused:>> شمشكلتج اختي ؟؟؟؟ فصخيه وفكينا

بس طبعا هالكلام في خاطري .. ما قلته لها .. قلت يمكن تحس بروحها ... بس للاسف :rolleyes:

تمت على هالحال لين خلصت .. وانه ما غير آآآآآآآآآآخ وآآآآآآآآآآآآآآآآآآخ

آخر شي مرت وحدة مسؤووله عليها يازعم تجوف الخياط ... الا شتقول لها الاخت

NOOO ... NOT LIKE THIS..
DO IT AGAIN

نعممممممممممم ... شنوووووووووووووووو
أقييييييييييييييين :mad:

آآآآآآآآآآخ يا قلبي .. وعمى بعيوووونج ... فوق هالعذاب ذيه كله خياطج طلع غلطططططططططط

وترد تقصقص الخياط وتعيييييييييييييده

سوري >>> نسيت آقول لكم
ممنوع القراءة لاصحاب القلوب الضعيفة :)

المهم ردت تخيط من يد ويديد وطبعا شنو ... ايييييييوه .. بدون بنج :-o

وبعد ما خلصت بدت مرحلة المعاناة مع الخياط
بحكم اني عليمية ... ومادري شي عن الخياط ومتى مفروض يطيح ومتى لازم يلتئم الجرح

طبعا صار لي فلم ثالث

واللي اهو ... غلطة عمر
خطاء في الخياطة وعدم التئام الجرح

طبعا هالجزء
بينعرض في وقت لاحق
والسبب هو الرأفه بحال اصحاب القلوب الضعيفه منكم

هذا الجزء الثاني باختصار
وسامحوني اذا كان في مواقف مرعبه شوي

بس نزلت الفلم بناء على طلب الاخت فتون :)

تحياتي

سقاني من قربه الالم;14073978:
بنزله اوكي بس رجاء اللي اصغر من 18 لا يقراه

18+

واللي يخاف من الولاده لا يقراه

خخخخ

بسم الله نبدا

اول ما بديت اتذكر مع اني مانسيت كل شي صار لي جاتني قشعريره خخخ

انا كان موعد ولادتي 24/5/2009

كنت متوقعه اني من ادخل التاسع بولد مادري ليش

اول يوم لي في التاسع جبت الحفافه وحفيت وجهزت اغراضي كنت بس منتظره الطلق

كل يوم ف الليل يجيني وجع استانس اقوم الصبح مافيني شي وكل ماتصل حق امي اسأل عنها ولا شي تقولي ها فيج وجع بتولدين اقولها لا

لي ماعديت موعد ولادتي (هاي اللي متوقعه بتولد في اول التاسع )

نفس اليوم اللي متوقع لي اني اولد كان عندي موعد قالت لي الدكتوره لج لي الاحد الجاي اذا ماولدتي بنسوي لج طلق صناعي عاد انا مت من الخوف لان اللي سمعته انه عذاب
تميت افكر وخايفه واصيح ماعرف شسوي كل شي جربته لامشي نفع ولاتمر نفع ولا شي نفع

عقبها بيوم كنت معزومه في بيت عمتي ف عمتي سوت لي سلطه شوي عليها كلمه سبايسي كنت اكل وعيني ادمع كل ماخلصت صحن حطت لي زياده تقولي اكلي يمكن تولدين
رجعت البيت نمت

قمت الفجر حسيت ان في شي ينزل مني الله يعزكم

دخلت الحمام على بالي ان فيني شسمه .....

طلعت رحت اكمل رقادي الا احس في شي ينزل

رحت الحمام مره ثانيه الا الماي ينزل علي بس كان اول شي خفيف
ماعرفت شسوي قلت حق ريلي قوم بولد ينزل علي ماي

قالي الساعه كم قلت له 3 قالي ماتقدرين تنطرين لي 5 عشان اوديج المستشفى اروح الدوام

قلت له بشوف امي

اتصلت حق امي المسكينه قعدتها من رقادها قلت له جي وجي قالت لي نطري شوي دامه خفيف

نطرت لي الساعه 5 لبس زوجي نزلني عند امي وراح دوامه

رحت المستشفى 5 دخلوني شافو انه فاتح 1 سانتي ودخلوني غرفه ماكان فيني الم كلش

بدى معاي الالم الساعه 7 كان شوي

زوجي المسكين ماقدر يداوم جاني المستشفى حزتها كنت اسولف عادي ماحس بشي بس من عقب الساعه 10 بدى الالم يزيد ويزيد وكنت اصيح من قوه الالم الساعه 1 وصلت 4 صانتي كان المفروض ينزلوني غرفه الولاده بس ماكان في سرير فاضي وانا اصيح واخلي خالتي تهمزني احس اني ارتاح لما تهمز ظهري وكل ماتدخل النيرس تعصب تقولي مب زين واكنت امي تدعي تقول ان شاء الله ما تجي الساعه 4 الا انتي والده

اقولها ادعي عدل شنو الساعه 4 قولي الحين تمو يضحكون وانا اصيح

نزلوني 4 الولاده حطوني عند نيرس الله لا يراويكم اقولها تعبانه نادي لي دكتور تسفهني جات تحط المغذي 3 مرات ادخله غلط عورتني حسبي الله عليها عقب نادت وحده ثانيه من اول مره حطته قلت لها ماقدر اتحمل الالم نادي دكتورعطتني الاكسجين اول ماعطتني تميت ارجع ماحسيته فاد معاي وهي مب راضيه تنادي احد من الالم صرخت دكتوووور

الا 3 دكاتره جايني قالو لي تبين ابره الظهر عاندت ماخذتها لاني كنت خايفه منها

المهم كشف علي الدكتور قالي الساعه 6 انتي بتولدين

وراحو خلو معاي النيرس الشريره

الساعه 6 انا خلاص وصلت عشره بس من التعب ماكنت اقدر ادفع البيبي وهي كل شوي تقولي بوش وبوش

واتا احس ان مافيني حيل كلش

اقولها ماقدر تروح وتخليني بعدين دخلت امي علي عشان تعلمني وانا اقول حق امي ماقدر تعبت احس اني بموت

تميت ادعي على الدكاتره اقولهم الله يلعنكم عذبتوني <<< من التعب ماعرف شقول

بعدين جات دكتوره اول ماشافتني تقولي انتي للحين ماولدتي انتي المفروض ما يخلونج للحين الساعه 6 لازم تكونين والده والحين الساعه 8

قلت لها طلعوه ماقدر قالت لي بنشفطه بوقتها امي كانت برع طلعت لما جات الدكتوره

وهي تقولي من برع لاتخلينهم يشفطونه بيصير راسه طويل قلت له خل يشفطونه ماقدر تعبت

في نفس الوقت كانت وحده اسمها نفس اسمي الثنائي والده وجابت ولد

ف اختي واخت زوجي وخالتي كانو في غرفه الانتظار اول ما سمعو الاسم تمو يتصلون يبشرون الناس

ف اتصلت عمتي في امي تبارك لها وامي برع واقفه جنب باب الغرفه مال العمليات يعني لا اسمعت صوت بيبي ولا انا قلت لها اني خلاص ولدت

الا تقولي امي ها ولدتي اقولها الا طلع في لبس في الموضوع

المهم جابت الدكتوره شي مدور هاي اللي يشفطون فيه البيبي ماحسيت الا بالموس ولا مادري وش يسمونه شقتني وحطت الجهاز على راس البيبي وسحبته طلع وحطته على صدري اول ماشفته قلت له يالشيطان وكانت الدكتوره مطوعه تقولي لا مب زين تقولين جي اقولها انا ماقصد بس اقصد انه تعبني عقب جات اطلع المشيمه وماكانت راضيه تطلع الا تقولي الدكتوره انتي كل شي فيج لازق خخخ دخلت يدها وسحبتها عقب قلت لها وين ولدي ابي اشوفه مالحقت اشوفه حطته على صدري ثانيه يمكن عقب اطلعو فيه قالت لازم نوديه اول شي العنايه عشان مشفوط لازم يتأكدون انه بخير وعقب بيجيبونه

خيطوني يمكن ساعه وهم يخيطون فيني كان الجرح وايد وتعذبت لي ما برى بصراحه لا قعده نفس الناس ولا رقاد نفس الناس حتى ولدي مارضعته بسبه الجرح ماكنت اقدر اقعد

وجانا احلى واغلى واشطن عبدالله في العالم خخخخ

وتوته توته خلصت الحتوته